|
كيميا حيوية /علوم البيئة !!!! رجاء الافادة
السلام عليكم و رحمة الله و بركاته انا طالبة بعلوم الاسكندرية رايحة 3 ان شاء الله تخصصى الرئيسى كيميا حيوية كنت عيزة اعرف ضرورى جدا ايه مجالات عمل قسم علو البيئة؟؟؟ و هل لو انا ميجور بيو و اخدت مينور بيئة ايه المجالات المتحة ليا و انا معايا التخصصين دول؟؟؟ جزاكم الله خيرا |
هو كيميا حيويه بتاخد من علمي رياضه؟
|
لأ
كيمياء حيوية من الأقسام المتاحة لعلمى علوم فقط |
طيب ايه هي الاقسام المتاخه لعلمي رياضه
|
اقتباس:
وبالنسبه للبيئه القسم ده ملغي من غالبيه كليات العلوم وبيبقي شغله في تحاليل البيه والتربه والميه والهوا وارجحلك ان المينور يكون ميكرو او كمياء او حيوان |
اقتباس:
والاقسام المتاحه لعلمي رياضه هي الجيولوجيا والجيوفزيا والحاسب والبترول والجيوكميا والرياضه و الاحصاء والكمياء في بعض الجامعات |
اقتباس:
طيب انا المشكلة دلوقتى ان الماينور المتاح ليا حاليا اقسام معينة فقط (طبعا ده بسبب المعدل التراكمى للاسف السنادى قل شويتين) فميكرو للاسف كان نفسى فيها بس مش جيالى اصلا و كيميا مش جيالى برده بس احسن انا اللى مش عيزاها حتى لو كانت متاحة الاقسام المتاحة ليا هى بيئة حيوان حشرات نبات بحار طبعا نبات و بحار و حشرات ملغيين من تفكيرى اصلا حضرتك بتقولى حيوان احسنلى طيب معلش احسن فإيه؟؟؟ ايه مجالات شغله؟؟ خصوصا لما يكون زى ما قلت لحضرتك انا ميجور بيو مينور حيوان |
اقتباس:
انا كنت مستريحة لبيئة بس حسة انى قفلت منه يعنى انا قسمى اصلا تحاليل و كدة كدة فىيه تحاليل مية ده ابسط حاجة انا حبة مجال التحاليل اللى هى تحاليل الدم و كدة انما احلل هوا و تربة مش حسة انى حبة اوى الموضوع معلش حتقل على حضرتك قسم الحليوان كمينور لو ينفع حضرتك تقولى شغله و كدة يعنى انا كدة معايا التخصصين بيو و حيوان مثلا..صح؟ هل فيه ترابط بين القسمين يعنى حيوان حيساعدنى مع بيو و لا اصلا ملهمش علاقة ببعض معلش حتبك معيا بس كنت عيزة لو ينفع بالتفاصيل و ايه المعامل اللى اقدر اشتغل فيهم بالتخصصين دول..نسيبنا من بيو انا عرفاه الحمد لله خلينا فحيوان و هل بتفرق لو حيوان بس او لو كيميا حيوية حيوان (من ناحية الشغل)؟ و شكرا عالافادة جزاك الله خير |
اقتباس:
هيساعدك في التحاليل الطبيه عن اي قسم من الاقسام للي انتي طرحتيها قسم علم الحيوان بتدرسي فيه المملكه الحيوانيه وليس حيوانات فبتدرسي الانسان والدم والمناعه والطفيليات وعلم الخليه وعلم الفسيولوجي وعلم الانسجه و علم الاجنه بالاضافه لفقاريات ولا فقاريات فكل مواد قسم علم الحيوان هتساعد في فهم التحاليل الطبيه باستثناء مادتي الفقاريات والالفقاريات ولكن قسم حيوان نفسه شغله بيعتمد ع مراكز البحوث اكتر فلما تخدي كميا حيوي معاه هيشيلو بعض وهتربطي بينهم لانهم قريببين من بعض .................................... الفرق بين حيوان بس وبيو وحيوان حيوان بس ده مش كميائي وبالتالي ميقدرش يبقي اخصائي تحاليل طبيه ولا يقدر يفتح تحاليل اما بيو وحيوان ده كميائي وبالتالي يبقي اخصائي تحاليل ويفتح معمل تحاليل |
وبالنسبه لعلم التحاليل الطبيه ينقسم
لكمياء حيوي وميكرو و طفيليات وهيماتولوجي والكمياء حيوي بتمثل من 70 ل 80 في الميه والميكرو حوالي 10 في الميه واحنا من حقنا نفتح معمل تحاليل كمياحيوي وميكرو شرط انك تكون كميائي يعني لازم تكون في شهادتك كيمياء لكن لو عايز تشتغل في معمل بتشتغل كله يعني الفروع الاربعه عادي مفهاش مشاكل عشان كده قلتلك قسم علم الحيوان هيفيدك شويه في التحاليل لانه بيدرس طفيليات وهيماتولوجي من ضمن مواده |
جزاك الله كل خير
هو معلش ايه الهيماتولوجى ده ترجمته ايه علم ايه؟؟؟ انا الل مقلقنى من حيوان كتر الرسومات اللى فيه و فيه مادة الفقاريات اعرف انها صعبة جدا انما انا اصلا بحب البيولوجى جدا و بحب جدا ادرس الكائنات الحية و الوراثة و كدة يعنى انا عرفة ان كل قسم فيه مواد صعبة فيه بس اهم حاجة هل الصعوبة دى حقدر اتغلب عليها و اللا لأ يعنى بيو مثلا صعب جداااااا بس انا حباه اوى و كنت درست من قسم البيئة مادة اسمها اساسيات علوم البيئة و اتعذبت فيها مفهمتش عايزين ايه برده و دى اساسيات فما بالك التخصص جزاك الله كل خير ربنا يكرمك يارب عالافادة و معلش تعبت حضرتك |
هو قسم الفزياء الحيويه بيقبل علمي رياضه؟
|
اقتباس:
قسم الفيزياء الحيوى تبع قسم الفيزياء و قسم الفيزياء متاح لشعبة علوم طبيعية فقط و شعبة علوم طبيعية متحة لعلمى رياضة يعنى فيزيا حيوى متاحة لعلمى رياضة حضرتك جامعة اسكندرية؟؟؟لو آه فان شاء الله فيزيا حيوى لعلمى رياضة |
شكرا على مرورك وردك
|
طيب لو سمحتوا
ماهي مجالات عمل قسم الفيزياء الحيوي؟ |
اقتباس:
يعني بتدرسي كرات الدم الحمرا والبيضاء والصفائح الدمويه والامراض الناتجه عن زيادتهم او نقصهم زي الانميا وفيه بعض كليات العلوم فيها ماجستير هيماتولوجي والرسومات ع فكره هتاخدي عليها بالتدريج وكمان الاهم ان قسم الحيوان هتدرسي فيه مواد هتساعدك كتير في التحاليل زي ما قلت |
اقتباس:
يعني زي مثلا بيشوف تاثير الاشعه علي جسم الانسان واثارها وازاي هي بتتسبب حدوث السرطان الاشعه دي اكيد هتتفاعل مع مركبات جوه الجسم وده اسمه كميا حيوي انما الفزيا الحيوي مش بتركز علي المركبات للي جوه الجسم لكنها بتركز علي الاشعه للي داخله مثلا واثارها وكده الفزيا الحيوي بردو لها حجات كتير زي مثلا العلماء للي كانو في بحث الدكتور مصطفي السيد في علاج الاورام بيجزيئات الدهب عند التعرض لاشعه وضوء جزيئات الدهب وحدوث السرطان ده كمياءحيوي انما تعرض الاشعه ده فزياء حيوي وللي كانو شغاليين في البحث ده في المركز القومي للبحوث هم كميائيين حيوين وفزيائيين حيوين وبالتالي شغل الفزياء حيوي بيبقي في مراكز البحوث اكتر |
اقتباس:
هو ده اللى نفسى فيه طيب و بتوع بيئة مش بياخدوا الكلام ده؟ يعنى مش حيدوهالى فبيئة لأنى ميجور بيو و اللا بيئة ملوش علاقة اصلا بالتحاليل دى معلش هو سؤال ذكى حبتين بس اصل سمعت ان ممكن القسم المينور لما اخده بيبصوا عالميجور بتاعى و بيحاولوا انهم يخدمونى بالماينور ده عمتا انا فعلا مش عرفة اقرر بس كل اللى عرفاه ان انا من ساعة ما عرفت انى بيئة و انا عمالة بحاول اقنع نفسى انى مبسوطة بس انا من جوايا مش حسة ان ده اللى انا عيزاه و لا ده الشغل اللى عيزة اشتغله طيب بالنسبة لمينور حيوان هل لنا برده شغل فمراكز الأبحاث و اللا معامل تحاليل فقط؟؟؟ يعنى اقدر ابقى فمعمل و فمركز ابحاث و لا مش متاح ليا؟؟ ربنا ييسر الخير لنا جميعا و شكرا لحضرتك جدا ربنا يجعله فميزان حسناتك يارب |
يعني الفيزيا الحيوي ممكن يشتغلو اخصائي اشعه طبيه؟
|
اقتباس:
لكن ليها علاقه بالتحاليل البيئيه يعني تحاليل المبه والهوا والتربه وشغلها بيبقي في وزاره البيئه والبيئه كويسه بردو علي فكره بس لو انتي اتجاهك تحاليل طبيه بيقي بتلعبي في تلات اقسام الكميا الحيوي والميكروبيولوجي والحيوان |
اقتباس:
ممكن تسال الفزيائيين الحيويين الطبيين في الموضوع ده لان القسم ده مش موجود في جامعات كتير واغلبهم بيبقو شغاليين علي الاشعه وعلاقتها بالسرطان فيه اشعه بتضر طبعا وفيه اشعه بتعالج فاغلب الابحاث في القسم ده في الحته دي |
منتدي كلية علوم طنطا
http://www.tantascience.net/forums/ |
جزاك الله كل خير عالمعلومات القيمة دى
بارك الله فيك و ربنا ييسر يارب و يزيل عنى الحيرة و يقدر لنا جميعا الخير |
| جميع الأوقات بتوقيت GMT +2. الساعة الآن 06:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.