المرتب لا يكفى
 

مش كنت تتكلم قبل رمضان مايخلص.......وبعدين بلاش اوطه يا عم هات صلصةطماطم اهى تمشى برضه.....لكن بقى فى موضوع اللحمة دا بقى لا له بديل ولا حل من الافضل انك تنسى الاسم دا.......


اوع تزعل بحاول بس اخفف المك ربنا معاك ويجعل البركة فى رزقك حتى لو قليل......قول يا رب.........ولازم الاستغفار فهو فرج لكل كرب......

ياعم ياسر مش تزعل ولو العيد الكبير جه ومفيش لحمة انا اجيبلك ربع كيلو وانا بلديات وزي بعض يعني فيومي

يا شباب تماسكوا واصبروا واحتسبوا
هكذا الدنيا دار البلاء والابتلاء فهي جنة الكافر وسجن المؤمن
الصبر الصبر الصبر ،نبيكم (ص) كان يربط بطنه الشريفة من شدة الجوع
فهل أنتم أفضل منه (ص) وهل في زمننا الآن من يربط بطنه من شدة الجوع
اعتقد لا .
ومن يتق الله يجعل له مخرجا ويرزقه من حيث لا يحتسب ،فعليكم أن تثقوا بما وعدكم به ربكم في حال تقواكم إياه ولا تحسبوها بمقاييس الدنيا البغيضة .

الله يكون في عونك 105 بس

ده انا باخد 385 ومش مكفين اجيب طقم علي بعضه

بالنسبة للطماطم انا ارشحلك تجيب صلصة احسن

طب 'استنى عليه لما يدعك الفانوس.........:slap1qk6:

كلام تمام الصبر
ان شاء الله الاييام القادمة ستحمل لنا فرحة كبيرة

لالا يا مستر ياسر كده كتير نص كيلو مرة واحدة

أستاذ محمد طعيمة
هى للدرجة دى مشاركتى كانت تقيلة على قلبك من حوالى 11 مشاركة
انا مش عارف انت خايف من ايه
دى قصيدة شعر عامى عرضت فى برنامج العاشرة مساء على قناة دريم اللى صاحبها رجل أعمال (أحمد بهجت ) يعنى تبع الحكومة

بغض النظر عن الأسلوب الحواري
أحب أن أقول لا يوجد ماهو ثقيل ولا يوجد ما هو خفيف أنا لا مع ولا ضد
ولا علاقة لنا بأحد
فقط ننفذ ما أوكل إلينا ،وما ارتضيناه .
ممنوع وضع روابط لا علاقة لها بمنتدانا وما يخصه
الموضوع من أصله عليه تحفظ ولكن من منطلق الإخوة التي بيننا وشعورنا بزملينا ومعانتنا مثله
تركناه يعبر ونعبر معه .

سبنا التثبيت ودخلنا فى الفاكهه

ناس فى حال وناس فى حااااااال

حاسس اننا تايهين

يارب صبرنا
وصلى اللهم على سيدنا محمد رسول الله صلى الله عليه وسلم

انت دلوقتي يا استاذ ياسر بتقول كيلو الطماطم ب 8 جنيه لا هيا عندنا احسن طماطم ب5 جنيه وكمان الموضوع مش مشكلة طماطم بس كل الاسعار في السما يعني عندك
كيلو اللحمة 55 جنيه وفي بعض الاماكن 60
كيلو الدقيق بقي ب4 بعد ماكان ب2 يعني زاد الضعف
كيلو اللبن ب 5 جنيه وكيلو الزبدة البلدي ب 33 جنيه
كيلو الفراخ بقي 18 جنيه
كيلو الارز بقي ب 3 جنيه
البيضة الواحدة بقت ب70 قرش
اقول ايه ولا ايه ولا ايه كل الاسعار زادت اوي والحاجات اللي انا ذكرت اسعارها دي اساسيات في كل بيت
المشكلة دلوقتي مش في موضوع الزيادة وبس الموضوع ان اغلب الشباب بيبعدوا عن التفكير في الزواج في الوقت الحالي وده بيزود نسبة العنوسه لانه بيفكر لما يتجوز هيصرف منين وبيفكر مش في المصاريف دي بس لا في مصايف تانية زي فاتورة الكهربا وفاتورة الميه وفاتورة التليفون والغاز والضرائب العقارية الجديدة ومصاريف العيال ومصاريف الدواء ياااااااااااااااه هم كبير الله يكون في عونا وعون كل شاب وكل فتاة
تعرف ان مجلس الوزراء اقر ان اقل مرتب يجب ان يكون لموظف الحكومة هو 1200 جنيه عشان يقدر يعيش ومع هذا لايوجد تحرك
انا اسف اني طولت عليكم وحسبي الله ونعم الوكيل

قبل ما نتخرج كلنت احلامنا كبيرة كالجبال وبعد التخرج اصبحت احلامنا صغيرة كحبات الرمال

ربنا يرحمنا وحسبي الله ونعم الوكيل في المسئولين عن كل هذا