|
قصتي في عالم الجن
بسم الله الرحمن الرحيم
هذه قصتي مع عالم الجن , حدثت هذه القصة وأنا علي أعتاب الثانوية العامة أي منذ 6سنوات تقريبا فلنبدأ .... كنت في أجازة الصف الثالث الإعدادي أي كما ذكرت علي أعتاب الثانوية العامة وأنا أسكن في قرية من قرى الريف المصري التي كانت وقتها حديثة العهد بالكهرباء ليست الكهرباء أي أن القرية كانت تعيش على أضواء لمبات الكيروسين ولكن أقصد كهرباء الشوارع المعلقة على أعمدة تحمل مصابيح ولم يكن ذلك الشارع الذي يطل عليه الباب الخلفي لمنزلي قد وصلت إليه تلك الأعمدة وقتها لذا فقد كان غارقا في ظلمة حالكة إلا في مسافات متقطعة نادرة حيث يخرج احد الأهالي مصباحا أمام بيته كان في ذلك الشارع بيتا قالوا عنه أنه مسكون فهو دائما مغلق أغلقه أصحابه ثم هاجروا كان بيتا من الطراز القديم المبني بالطوب اللبن وشباك وحيد لا يتجاوز عرضه العشرين سنتيمترا وطوله الأربعين تم وضع الأخشاب على جدرانه ثم غطي بالحطب ... لا داعي لوصف البيت أكثر من هذا . وكعادتي حين ينتهي الموسم الدراسي ويبدأ الصيف يبدأ داء النوم الملازم لي طوال أيام الدراسة يفارقني فأسهر حتى أذان الفجر فأذهب للصلاة ثم أعود فأنام . كنت أمضي سهرتي أمام التليفزيون أو في قراءة أحد أعداد سلسلة رجل المستحيل أو ملف المستقبل للكاتب الدكتور نبيل فاروق ثم كانت تلك الليلة ........ كنت جالسا أمام التلفاز أتابع بعض الأفلام المحفوظة أو المعروف نهايتها مسبقا في ملل حين باغتتني تلك الكهرباء بانقطاعها في الساعة الثالثة إلا قليلا ولم أجد ما أفعله سوي أن أُشعل لمبات الكيروسين في المنزل ثم أدخل لأحاول أن أنام فلن أجد ما أفعله ... ولما عجزت عن النوم طرأت في رأسي فكرة أن أذهب إلي المسجد فمن المؤكد أني سأجد أمام المسجد هناك وقد أشعل مساعده أضواء المسجد بكهرباء المولد الاحتياطي فأجلس إلا جواره فأقرأ بعض آيات القرآن حتى يحين الفجر فأصلي ثم أعود للنوم وبالفعل وضعتها موضع التنفيذ ... كان الشارع مظلما تماما بعد انقطاع التيار الكهربي وفي تلك الليلة من أواخر الشهر العربي إذ لم يكن هناك قمرا فكان الظلام حالكا ولكني كشخص اعتاد الظلام فلم أكن خائفا ولم أكن أعلم ما ينتظرني في ذلك البيت المهجور حين اقتربت منه وأصبحت على بعد عشرة أمتار كما أتذكر رأيت عينان خضراوان تلمعان في ذلك الظلام الدامس وتطل من شباك هذا البيت الموصوف مسبقا ... ما كان هذا ليخفيني فأنا من ذلك الطراز الذي إذا أمن بشئ فمن العسير أن تقنعه بما يخالف ذلك وكنت قد أمنت بأن الإنسان قادر علي تسخير كل شئ أمامه حتى الجن فقد كان يحكي لي جدي عن مغامراته مع هذا العالم الذي صوره لي بالمثير فطالما ما كان يؤكد لي أنه علي علاقة بإحداهن " ربنا يجعل كلامنا خفيف عليهم " كما كانت تردد والدتي دائما وكانت هي من تقود حماره إلي الحقل وتساعده إذ كان جدي لا يحلو له الذهاب إلى حقله إلا ليلا لذا فقد قلت في نفسي أنها قطة سوداء تطل من الشباك والتعمت عيناها الخضراوان في ذلك الظلام الدامس ولم ألاحظ في هذا الظلام أن الشباك كان مغلقا أساسا وأن تلك العينان لم تكونا لقطة أبدا ولكني واصلت السير في طريقي ولم يدب الخوف في قلبي بعد ولكن كنت كلما اقتربت ألاحظ أن تلك العينان تنظران إلي نظرة لم تكن لتحملها عينا قطة أبدا وبدأ الخوف يلتهمني شيئا فشيئا ومحاولة منى لإبعاد الخوف تجاهلت نظراتها ونظرت إلي السماء المليئة بالنجوم وكأني أود أن أحصيها إلا أنني حين وصلت أمام هذا البيت وبالتحديد في مقابل الشباك قررت أن أنظر لأؤكد لنفسي أن العينان تحملنهما قطة وهنا فقط لاحظت أن الشباك مغلق وأن .... قبل أن أتم تفكيري أو قبل أن أستوعب معني هذا أنفتح الشباك واصطدم بالجدران ليصنع دويا اعتقدت أنه سيوقظ أهل القرية كلها ولكنه لم يفعل وبرزت يد حمراء نعم فقط يدا حمراء لها لون الدم القاتم لا يظهر خلفها أي جسد أو أي ذراع وامتدت نحوي .............. هنا فقط انطلقت صرخة من فمي أو من أعمق أعماقي ليرتج لها الشارع كله ولكن يبدو أن تأثيرها وصداها لم يكن إلا علي فقط أو أن أهل الشارع قد ماتوا أو أنهم اعتادوا سماع مثل هذه الصرخات حتى إنها لم تعد تثيرهم وتحولت أقدامي إلا مجرد آلة للعدو دون أي مشاعر سوي الخوف والفزع ولم أكن أجرؤ لأنظر خلفي فقد كنت أتوقع أن تلك اليد تطاردني ولكن..... اصطدمت قدمي بشئ ما على الأرض فسقطت على وجهي وهنا فقط وبدافع الخوف الذي كان يملؤني استدرت لأواجه هذا الشئ الذي يطاردني ثم كانت المفاجأة فلم يكن هناك خلفي أي شئ ولكن لم أقتنع أو يهدأ قلبي ويكف عن الضربات السريعة التي تخيلت معها أنه سيقفز من صدري ولم تكف أقدامي عن التخبط وسريعا نهضت غير أبه بإصاباتي بل ولم أشعر بها أيضا لأستكمل عدوي من جديد ولم أتوقف إلا حين وصلت إلى المسجد وهنا فقط تغلبت الآلام على الخوف لأشعر بآلامي وقد لاحظ هذا الشيخ - إمام المسجد – بعدما رأي الدماء تسيل من جبهتي وقدمي واصفرار وجهي فأخذني وغسل لي جراحي ثم ربطها لا أذكر كيف وأشار إلى أن أتوضأ فتوضأت وأخذني فأجلسني وسألني ماذا حدث فلم أقل له سوي أني أتيت من ذلك الشارع فاكتفي وكـأنه فهم كل ما حدث فأراح رأسي على رجليه ثم ربت على كتفي بيده بعدها لم أشعر بشئ إلا به يوقظني للصلاة وقد رفع الأذان ...... أطلت عليكم وأنا أعرف أن البعض سيقابل هذا الموضوع بعدم التصديق لهذا وضعته في قالب أدبي حتي لا تخرجوا منه بلا شئ وعلى العموم هو ده اللي حصل |
انا عن نفسى والله مصدقة الحكاية دى
بس اكيد البيت ده كان فيه شخص مقتول بس انا لو حصلى موضوع زى ده ممكن والله يغم عليا ربنا يستر.............................. |
الحمد لله لم يغمي علي
ولا أعتقد انه كان في حد مقتول والا كنت عرفت |
ايه يا عم القصص المرعبة دى
الساعة 3 الفجر الان كنت انشرها بعد العصر احسن ;) |
:blink:
|
:huh: بس ليا سؤال <_<
:o هو انت ازاي شفت الايد في الظلام وانا ماقصدش اني اكذبك :o |
الف شكر يا msamido على نشرك للقصة المرعبة وربنا يكون فى عونك دى مرعبة جدا :(
وارجو ان لو عندك اى قصة تانية تحكيها :) وشكرااااااااااا جزيلااااااااااا مرة تانية :rolleyes: سلام :( :unsure: :huh: :o |
شكرا يا جماعه على ردودكم وتعليقاتكم
والاول بورسعيدي رعب ايه اللى انت بتتكلم عنه انت مجرد بتقرأ اللي حصل امال لو شفت ؟؟؟ وممثل مدرسة السعيدية اقولك يا سيدي بالظبط زي العيون الخضر اللون اللامع في وسط كل الظلام ده أكيد هيبقى واضح وبعدين ده اللى شوفته والله ساعتها مفكرتش ازاي الايد بانت في الضلمة أما بالنسبة لعلمي علوم انا الحمد لله انى عشت بعد الموقف ده قصص تانية ايه بقه شكرا ليكوا يا جماعه |
سبحـــان الله العظيم ...!!
قصة غريبة بجد !!! :unsure: :unsure: |
بس فعلا حصلت
ومنها كتير بس مش معايا أنا طبعا أنا تكفيني واحده شكرا ليكي يا أميرة |
ممكن أسئلك سؤال وطبعا" مش بكذبك أبدا"
أزاى البيوت فيها كهرباء والشوارع لا من المعلوم أن البيوت والمنازل بشد لها كهرباء من الأعمده التى فى الشارع خصوصا" فى الريف |
يا ابني انت متعقدش من اللون الحمر حاطت وردة حمرة ليه :o
|
بص يا ممثل المدرسة السعيديه
بالنسبة للون الاحمر فأنا مش بحبه زى ما علقت فى موضوع سابق بس بيشفعله في حياتي الوردة الحمراء وانه لون فانلة النادي الاهلي اما بالنسبة للكهرباء اقولك يا سيدي الكهرباء ايامها كانت في البلد على شكل كابلات سوده سميكة أعتقد 3 مرات من احد الاسلاك المعلقة على الاعمده هذه الايام وكانت هذه الكابلات معلقة على جدران المنازل وأدي ذلك لنشوب أكثر من حريق في القرية مما أضطرهم إلا تغير ذلك ألى الاسلاك المحمولة فوق الاعمدة والتي تبتعد عن المنازل بأمتار قليله........ وصلت ؟؟؟؟؟ شكرااااااااااااا |
شكرا يا msamido على الرعب ده
|
العفو يا سيدي بس أنا اللى حصلي الرعب
|
:D الحمد لله على كل شيئ وعسى ان تكرهوا شيئا وهو خير لكم يمكن كان هيحصل اكتر بس ربنا خفف عليك
وبصراحة ممكن يكون علشان انت كنت بعيد اصل الحقيقة واحد بيسهر لحد الفجر امام التلفاز وينام طوااااااااااااااااااااااال النهار تبقى حياته ((((مشقلبة )))) ولازم يكون فيها حجات زى كدة اما اللى معا ربنا ربنا هيحفظة من اى شيئ واخيرا سيدنا عمر بن الخطاب لما كان الشيطان بيشوفة كان بيلف من الشارع التانى والعفاريت دى حلها بسيط خالص هوووووووووووووووو قراءة ايه الكرسى قبل النوم وقل هو الله احد والمعوذتين والمحافظة على الصلاة ............................. واهمس فى اذنيك اى بينى وبنيك ان حصلى حاجات زى كدة زمان بس الحمد لله بسبب الاستعانه بالله وتقوى الله بقيت حديد وادوس على اى حاجة او اى عفريت بقرآة ايه قرآن والسلام عليكم :ph34r: |
شكرا" على القصه
بس لو كنت كلمته وقلت لنا قال لك اه كان يبقى حاجه محصلتش |
شكرا على الردود
بالنسبة للاخ هاني سالم كلامك جميل جدااااااا شكرا ليك بس انا عايز اقول اني مكنتش بعيد عن ربنا بالشكل اللي انته متصوره ده وكمان انا حالييا مش بخاف من العفاريت ولا حاجه الخوف اللي بتكلم عنه هو خوفي وقتها لكن لو حصل حاجه زي كده تاني معتقدش اني هخاف اواجه موقف زي ده تاني ممكن ساعتها فعلا اخاف لكن عادي "قل لن يصيبنا الا ما كتب الله لنا " اما بالنسبة للاستاذ جمعه جزاك الله خيراااااا اضحكتني كثيرا بتعليقك وعايز اقول لحضرتك هي فعلا حاجه محصلتش اني اكلمه واعرف هيقولي ايه فا انت ليه عايز حاجه محصلتش ومش هتحصل هههههههههه شكرااااااااا |
شكرا يا مودى
وأنا مصدقك طبعا وانا والدى بيحكيلى وهو صغير كان فى قريه عندهم فى البلد فيها ترعه كل يوم على الساعه 2 باليل تطلع جاموسه وتمشى فى الميه وده بالنسبه ليهم هناك شئ عادى وعارفين انها جن وأعرف واحد هناك لسه ميت قريب بيتعامل مع الجن عادى جدا وبيخليهم يعملوا حاجات غريبه عندهم حاجه بدل البوتوجاز اسمها وابور بيخلى الجن ده يشيلها ويمشيها على الحيطه وحاجات غريبه جدا |
حكاياتك انت كمان يا فيثاغورس مرعبة جدا :ph34r: :D
بالمناسبة بتحبوا افلام الرعب ولا................ولا بتخافوا منها :lol: :P ؟ |
أنا مش بتفرج أوى على أفلام ولو اتفرجت بتفرج على عربى وفى السينيما
يعنى تقريبا رحت معظم الأفلام العربى السنه دى بس علشان أخرج لكن مش هاوى أفلام مفيش فى العربى رعب خالص |
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
كويس لسه ماجليش الزهايمر :lol: :D ;)
|
يااااااااااااااااه
التعويذه ده أنا شفته واحد قالى رعب ولازم تتفرج عليه وبتاع بس ولا طلع رعب ولا أى حاجه ربما يكون كوميدى |
اقتباس:
يبقى انت مابتخافش خالص بقى :D ولا يمكن مايكونش مرعب فعلا اصلى ساعتها كنت صغننة :lol: |
فعلا مكنش مرعب خالص
|
اقتباس:
|
اقتباس:
بجد فيلم غريب انا كنت بضحك عليه برده ,, بس فى الآخر كنت متضايقة منه مش عارفة ليه <_< يللا مش مهم اصله فيلم عربى يعنى مش اى اى .. |
علي الرغم نم انكم خرجتم من الموضوع الاساسي لكن مش مشكله
افلام رعب عربي ايه يا جماعه هي السينما المصرية فيها اي رعب ولا اكشن افلام الرعب الاميركي خطيرة شكرااااااا |
يعنى msamedo هو اللى كان بيعمل فيروسات يلا اهو كله فتى . :rolleyes:
|
ولو اني مش فاهم انت تقصد ايه
الا اني فعلا عملت فيروسات يعني حاجات عبيطه علي ادي ؟؟ |
اقتباس:
|
لا والله مفيش اي مشكله يا علمي علوم متقلقيش مش بزعل من حد في منتدانا الجميل ده خالص
احنا اخوات مش كده ولااااااااا ايه؟؟؟ |
اقتباس:
وميرسى اوى على ردك الرقيق :rolleyes: |
العفو علي ايه دي مش مجامله والله
|
شكرااااا وميرسى اووووى :rolleyes:
|
ولا يهمك بس اسلوب عرض القصه يا تري عجبك
|
لازم يعجب أى حد
معلش طلعنا عن الموضوع بس كنا راجعين تانى |
ولا يهمك يا هشام
لكن انت فين يا راجل الثانوية خدتك قوي كده |
اقتباس:
دا انت مشروع كاتب ماحصلش :) ومن غير مجاملة خالص والله B) وبالفعل زى مافيثاغورس قال اقتباس:
|
انا حبيت انشط الموضوع بس لسة ما قرتهوش
ان شاء الله سوف يتم تقييمه فى امان الله |
ما شاء الله يا دكتور سعيد بجد الموضوعات دى تستحق التنشيط
جزاك الله خيرا كثيرا |
اقتباس:
ايه لزمه تنشيط المواضيع دون الاستفاده منها بالقراية غير زياده المشاركات :D المهم الموضوع اجمل ما فيه اسلوب محمد الجميل كالعاده اسلوب بسيط ومشوق ف عرض الموضوع انا احتمال مش مصدق الموضوع الرعب الليلي دا الانسان بيتصور حاجات ياما اوي بليل وخصوصا لو الكهربا قطعا :D بس وجود الجن مذكور ف القرآن يعني موجود بس قدرتها ع ايذاء الانسان شئ مشكوك فيه كل انسان ليه قدره ومصيره الخاص بيه المعلوم عند الله سبحانه وتعالي ودمتم سالمين :) |
ايه الرعب ده يا اخواننا ... ربنا يكون فعونك ... يعني انت لسه ساكن هناك ... يا ماميييييييييييييي .... هههههههههه
انا مش بخاف خالص من الحاجات دي .. انا بس باترعب ... بس القصة جميلة جداااااااااااااااااااااااااااااااااااااااااااااااا اااااا |
أعوذ بك ربي من همزات الشياطين واعوذ بك ان يحضرون
إن كيد الشيطان كان ضعيفاً إنه يراكم هو وقبيله من حيث لا ترونهم واجلب عليهم بخيلك ورجلك وشاركهم في الأموال والأولاد وعدهم وما يعدهم الشيطان إلا غرورا إنه لكم عدو مبين إنما يأمركم بالسوء والفحشاء وأن تقولوا على الله ما لا تعلمون أخي العزيز عالم الجن والشياطين عالم أخبرنا عنه الله عز وجل في كتابه العزيز وعلمنا أن الشياطين لهم القدرة على التمثل في صور عدة كما ورد في أحاديث رسول الله صلى الله عليه وسلم .. اعلم أخي والعلم لله أن الشيطان عنده القدرة وهو الضعيف ان يهيئ لنا ويجعلنا نتوهم كما يفعل السحرة .. ولكن لا سيطرة له على قلب المؤمن المخلص .. وهذه نصيحة لكل الأخوة الأفاضل أن يعتصموا بحبل الله جميعاً وأن يتحصنوا بأذكار الصباح والمساء واليوم والليلة ودخول الخلاء وغير ذلك من الأذكار التي ثبتت عن الرسول صلى الله عليه وسلم جعلنا الله وإياكم من الذاكرين الله كثيرا ً والذاكرات أولئك أعد الله لهم مغفرة وأجراً عظيماً |
| جميع الأوقات بتوقيت GMT +2. الساعة الآن 02:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.