|
إعترافــــــــات معلم مســـاعد (1)
مقدمة أي شخص يجد تشابه بينه و بين بطل حلقاتنا ما يزعلش مننا احنا مالناش ذنب انما الذنب ذنب الظروف اللي بنعيشها داخل احدي العمارات و في احدي الشقق التي تقع في الطابق الثالث علي باب الشقة لافتة كتب عليها و بخط أنيق " الدكتور / ............... " دكتوراه في الطب النفسي من جامعة *****انكا وفي داخل احدي الغرف استلقيت علي (الشيزلونج) و أمامي جلس الدكتور يعالج مسجل صغير ( ديكودر ) ، و من مكان ما تنبعث موسيقي هادئة الدكتور( مبتسما) : ها يا بطل ..... جاهز ؟ المريض ( يأخذ نفس عميق ) : أيوة جاهز يا دكتور ، تحب أحكيلك من البداية ؟ الدكتور : أحب أعرف الأول ...انت بتشتغل ايه ؟ المريض : أنا معلم مساعد لغة ألمانية ، و بشتغل في مدرسة ابتدائي الدكتور : انت بتشتكي من ايه ؟ المريض : حاسس اني مخنوق ، و متضايق علي طول ، و .. و .... الدكتور : قول كل حاجة من غير كسوف و لاتردد علشان أقدر أعالجك المريض : و ما بعرفش أضحك الدكتور : ازاي ؟ في حد ما بيعرفش يضحك ؟ المريض : أنا ... و الدليل علي كدا .. ان الأسبوع اللي فات دخلت الفيلم بتاع أحمد حلمي الأخير مع جماعة أصحابي الدكتور : عال قوي ، دا فيلم يموت من الضحك ، أنا شوفته المريض : فعلا .. الناس كانت زايطة من حوليه ، و انا أبص للشاشة و ما فيش أي ابتسامة حتي . و فجاة ... غلبني البكاء ، و قعدت أعيط ... أعيط ... أعيــــــــــط الدكتور : ليـــــــــــــــــه ؟ !!! المريض : مش عارف ، بس كان منظري فعلا ..... الدكتور : مفهوم ، طيب انت ما رحتش السينما ليه مع خطيبتك ، هوا انت مش خاطب ؟ المريض : كنت الدكتور : كنت ؟ و ايه اللي حصل ؟ المريض و هو ينظر لسقف الحجرة : بإختصار كدا ، بعد 6 سنين ، خطيبتي زهقت ، و رمت الدبلة ف وشي . الدكتور : و انت عملت ايه ؟ المريض : صرخت فيها ، و قلتلها ان ما عندهاش مبدأ، و هي ردت عليا و قالتلي " امشي يا ... يا ..... " اهئ اهئ اهئ اهئ اهئ اهئ اهئ اهئ اهئ اهئ اهئ اهئ الدكتور : هدئ نفسك شوية ، تحب أجيبلك حاجة تشربها المريض ( من بين دموعه ) : لأ لأ ... متشكر ... أنا بقيت كويس الدكتور : هاا .. قالت لك ايه ؟ المريض : قالت لي يا ... يا ... يا متعاقد الدكتور : اخص عليها ، لأ ملهاش حق ، كويس انك انفصلت عنها ، دا واضح ان لسانها زفر أوي الي اللقاء في الحلقة القادمة |
جميل يا مستر
وفى انتظار بقية الحلقات |
جميل والله اسلوبك وممتع واضح اننا من كتر الكبت اللى جوانا بقينا مؤلفين مبدعين
|
يا بنى ما تستعجلش ان شاء الله طول ما هما مدينها الطرشة كده يبقى هنشرف عنده عاجلا او اجلا
انت قلتلى عنوانه فين؟ |
جميلة جدا بس ياريت تكمل الحلقات
|
الحلقه دى جميله ........كمل بقيت الجلسه واحنا معاك
|
اللهم فرج هم المهمومين من المسلمين آمين
|
طيب ما تشتغل في التأليف أفضل فعلا حلقة مشوقة جدا والله وتنفع تشتغل في السنيما
|
شر البلية ما يضحك
|
فعلا جميله جدا واسلوب حضرتك رائع ومعبر تسلم الايادى وفى انتظار الباقى
|
هههههههههههههههههههههههه
|
ايه الحلاوه دي
فى انتظار الباقى ........... |
هههههههههههه
|
ما ابدعك ...... ما اروعك . ايه الجمال ده كله
|
هى وصلت للدرجه دى
اخرتها دكتور نفسانى بس احب اطمنك ان حالتك متقدمه جدا فى ناس عدت المرحله دى بكتير ودلوقتى فى.................................... واخيرا بجد رائع تسلم ايديك اه نسيت اقولك يا يا متعاقد |
انا سعيد جدا للروح الجميلة دى وجزاك الله خيرا لانك اخرجتنا من الجو اللى احنا فيه
|
فعلا انت تصف حال الكثير منا تسلم ايدك
|
ان شاء الله على ما نتثبت هتكون بقيت روائى مشهور و مش هترضى تستلم الوظيفه
|
للدرجاتى الحاله وصلت لكده
لا حول ولا قوة الا بالله فى انتظار الحلقه المقبله |
اقتباس:
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
|
هههههههههههههههههههههههههههههههههههههههههههههههه
|
والله خايف لتكون أنت لكن جميل جدا ومتقلقش مشكلتك ومشكلتى أنشاء الله تتحل قريب
|
مع التعاقد تخيل اي حاجة ممكن تحصل لنا بحقيقي
|
مدرسة الانجلش
:022yb4: ياهل تري يانور يابعيد انت بصحيح ولا انت سراب التعيين........................................... .................................................. .................................................. ......................... سراب طبعا |
ههههههههه
تجنن بس اصبر وخليك متفائل.... وابتسم تبتسم لك الحياه احنا احسن من غيرنا كتير وربنا يوفق الجميع وصلى اللهم على سيدنا محمد رسول الله صلى الله عليه وسلم |
بجد حاجة جميلة اوى
|
يقول الشافعي رحمة الله علية
يريد المرء أن يعطى منـاه .................ويأبـى الله إلا مــا أرادا قول المرء فائدتي ومالـي ............وتقوى الله أفضل ما استفادا ولرب نازلةٍ يضيق لها الفتى .......ذرعاً وعند الله منها المخرج ضاقت فلما استحكمت حلقاتها .......فرجت وكنت أظنها لا تفرج |
اديب كبير هي دي ولادك يا مصر
|
كان الأول بيقولوا يا موظف دلوقتي يا متعاقد
|
شاعر كاتب حساس واصل لقلوب المتعاقدين
بجد كلامك ما له وصف .................... شكرًا |
احنا المتعاقدين
ربنا ينجينا من الهم دا |
مع المعلم المساعد زورونا تجدون مايسركم .. بصراحة عجبنى موقف خطيبته ههههههههه اصلى مش معقول مامت العريس تسأل العروسة انتى متعينة ولا بالعقد وتقولها ياعينى وتسيبها وتمشى .. كدا خالصين
لا بجد اسلوب رائع ومشوق برافو عليك |
| جميع الأوقات بتوقيت GMT +2. الساعة الآن 06:32 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.