سؤال للمناقشة
 

ده جزء في منهج ثالثة إهدادي بس إحترت في فهمه و شرحه أرجوا من الزملاء التوضيح :

1- إذا كانــــــت الســـرعة المتـــوسطة للجسم تســــــــــاوي السرعة المنتظمة ( ع = ع ) توصف الحركة بأنها حركة مـنــتــظـمـة

2- إذا كانــــــت الســـرعة المتـــوسطة للجسم لا تســــــاوي السرعة المنتظمة ( ع لاتساوي ع ) توصف الحركة بأنها حركة غير منتظمة

السرعة المتوسطة تنتج من قسمة الازاحة الكلية علي الزمن الكلي وبذلك فاذا تساوت السرعة المتوسطة مع سرعة الجسم تكون سرعته منتظمة ونمثلها بخط مستقيم طردي
اما اذا تغيرت سرعة الجسم بين انخفاض وارتفاع فستكون سرعته المتوسطة غير مساوية لقيمة سرعة الجسم وتكون سرعته غير منتظمة
وبالله التوفيق

لما يتحرك الجسم 3 ساعات بسرعة منتطمةكل ساعة بسرعة 10كم فى الساعة
يكون السرعة المتوسطة = (10 +10+10)\3 =10 كم فى الساعة وهى تساوى السرعة المتوسطة
لما يتحرك الجسم 3 ساعات بسرعة غير منتطمة
ساعة بسرعة 10كم فى الساعة
ساعة بسرعة 15م فى الساعة
ساعة بسرعة 5كم فى الساعة
يكون السرعة المتوسطة = (10 +15+5)\3 =10 كم فى الساعة هى لاتساوى السرعة الغير منتطمة



اخوك تامر صلاح

تعرف السرعة المتوسطة بانها سرعة منتظمة لو ساربها الجسم لقطع نفس المسافة فى نفس الزمن

شكراً أستاذ محمد الحطاب و أستاذ تامر صلاح على الإهتمام و الرد بس واضح إن حضراتكم مش فاهمين بالظبط أنا أقصد إيه
هيا رقم (1) أنا فاهمها كويس
أما بالنسبة لرقم (2) فبيقول إنه لو كانت السرعة المتوسطة لا تساوي السرعة المنتظمة تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟

ازيك ياعم هشام .................مشكور علي الجهد الرائع

جزاكم ربى كل الخير على المساهمات العلمية حضرات الأساتذة الكرام

بالنسبة لرقم (2) فبيقول إنه لو كانت السرعة المتوسطة لا تساوي السرعة اللحظية تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟

لو الجسم يقطع ازاحات متساوية فى ازمنة متساوية تكون متوسط سرعة الجسم ( الازاحة الكلية ÷ الزمن الكلى )
وتكون السرعى التى يتحرك بها الجسم سرعة منتظمة وتوصف حركة الجسم بانها حركة منتظمة

اما لو الجسم يقطع ازاحات غير متساوية فى ازمنة متساوية تكون السرعة غير منتظمة والسرعة المتوسطة لاتساوى السرعة الغير منتظمة ويتحرك الجسم هنا حركة غير منتظمة

اريد الاستفسار تعرف السرعة المتوسطة هى السرعة النتظمة التى لوتحرك بها الجسم لقطع مسافات متساوية فى ازمنة متساوية فمثلا كما ذكر الاستاذ هيثم ان الجسم لو تحرك مسافة بسرعة 15 ومسافة بسرعة 10 واخرى بسرعة 5 لو تم حساب السرعة المتوسطة اصبحت 30 ÷3 =10 م\ث
فلو تحرك الجسم هذة المسافات بنفس السرعة الموتوسطة لاصبحت السرعة منتظمة
اريد التوضيح

لأن السرعة المتوسطة هى سرعة منتظمة

يا اخ سيد اى ان الجسم يقطع مثلا 10 متر فى زمن قدرة 2 ثانية و20متر فى زمن قدرة 3 ثانية و30متر فى زمن قدرة 4ثانية هنة بنقول ان السرعة منتظمة وبنطلق عليها مسمى السرعة المتوسطة وبعدين من الاخر السرعة المتوسطة لها قانونين (1) الزاحة الكلية ÷ الزمن الكلى

(2) حاصل جمع السرعات ÷ عددهم اسال اللة ان كنت قد وفيت

علشان كلامك يا استاذ سنوات الانتظار انتا افهم الرسم البيانى كويس من كتاب فيزياء اولى ثانوى وبعدين ابقى قوللى رايك

ممتاز يا استاذ احمد هو دى الكلام التمام والشرح المناسب

فعلا الكتاب غير دقيق فى اللفظ
المفروض تكون سرعة لحظية
او من الممكن عرض الدرس باسلوب ابسط بعيدا عن لو ...لو ...

ممتاز يا استاذ احمد هو دى الكلام التمام والشرح المناسب

لو عندك اسلوب ابسط من لو................ ولو....................
اتفضل وكلنا اذان صاغية

بارك الله فيكم

بارك الله فيك يا أ / سمسم استار
رأيك فعلاً أقنعني
و خالص الشكر لأساتذة الأفاضل الذين ردوا على موضوعي و شاركوا في النقاش
و للأسف أنا عارف إن الموضوع يجب أن نتعرض فيه للسرعة اللحظية و بكده مكنتش هفتح الموضوع ده من الأول
بس للأسف كتاب المدرسة التعبان اللي بيقارن السرعة المتوسطة بالسرعة المنتظمة ((قمة الغباء))

ياريت حد من المدرسين الافاضل تخصص فزياء يجمع مسائل السرعه والعجله كلها من الاسئله التى فى اول الكتاب وفى الاختبارات الاخيره ويحلها مساعدة للاخرين ( خاص بمنهج ثالثه اعدادى الجديد )

في البندول البسيط ياسمسم السرعة غير منتظمة تزيد في مراحل الهبوط وتقل في مراحل صعود جسم البندول لأعلى * على جاني الحركة السرعة = صفر وفي المنتصف السرعة أكبر مايمكن

يا أستاذ هيثم يمكن التعامل مع الموضوع بمقارنة السرعة المتوسظة بسرعة الجسم وليس بالسرعة المنتظمه كالتالي :
إذا كانت السرعة المتوسط = السرعة التي يتحرك بها الجسم معناها أن الحركة منتظمة
وإذا كانت السرعة المتوسط لاتساوي السرعة التي يتحرك بها الجسم معناها أن الحركة غير منتظمة فيها تكون السرعة المتوسطة مساوية لسرعة منتظمة أُخرى لوتحرك بها الجسم لقطع نفس المسافة التي قُطعت بالسرعات المتغيرة خلال نفس الزمن

السلام عليكم ايها الاخوة الاعزاء معروف ان السرعة المتوسطة = مجموع السرعة الابتدائية والنهائية مقسوما على 2 (مجموع السرعات على عددهم)فانه يعطى احتمالين ان السرعه المتوسطه =السرعه الابتدائية= السرعه النهائيه(فى حالة السرعه المنتظمه)اما اذا كانت السرعة المتوسطة لاتساوى اى منهما (فى حالة السرعة الغير منتظمه)
اما بالنسبة للسرعة المتوسطة يقال عنها منتظمه لانها دائما تقطع مسافات متساوية فى ازمنه متساوية
مثلا جسم بدا بسرعه 10 وانتهى ب10 السرعه منتظمه ليه لان السرعة المتوسطه =10
جسم بدا بسرعه 5 ثم انتهى بسرعه 15 المتوسطه تكون كام 10 اذن السرعه المتوسطه فى الحالة الثانية
هى نفسها السرعة المنتظمه فى الاولى فدائما السرعه المتوسطه هى سرعة منتظمه بغض النظر نوع السرعه ايه

أستاذى العزيز من الواضح انه يوجد خطأ فى الفقرة رقم 2 .. قد تكون خطأ طباعة فى الكتاب لأن مثل هذه المعلوم لا توجد فى كتاب المدرسة وأعتقد انها فى كتاب خارجى
الفقرة رقم 1 موجوده فى كتاب الوزارة اما 2 فلا توجد والفقرة تكون صحيحة لو كتبت كالتالى:
اذا كانت السرعة المتوسطه (وهى نوع منتظم) لم تساوى السرعة (فقط من غير كلمة المنتظمة) فإن الحركة تكون غير منتظمة وبالتالى تكون الجملة مفهومة وصحيحة .... وشكراً لكم

السرعه المنتظمه والغير منتظمه
 

يااستاذى الفاضل الجمله رقم2 اساسا خطأ غير مقصود من واضع الكتاب وتصحيحهاهو
اذا كانت السرعه المتوسطه للجسم لاتساوى سرعته اللحظيه (وهى سرعة الجسم المتحرك عند لحظه معينه ) كان الجسم يتحرك بسرعه غير منتظمه
اما السرعه المنتظه متساويه فى جميع اللحظات فهى تساوى السرعه المتوسطه

















9