|
موضوع خاص بمستنفذى الرغبات من الشهادات المعادلة
السلام عليكم
أنا من طلاب الشهادات المعادلة السنه دي اللي هيه المفروض السنه الفراغ على العموم انا شهادة معادلة من الامارات علمي و لما قدمت طلعت نتيجة ترشيحي ان رغباتي استنفذت يعني انا استنفذت رغباتي فرحت يوم الثلاثاء يوم 14 من شهر سبتمبر 2010 لمكتب التنسيق الرئيسي في المدينه الجامعة بالجيزة و خدت ورقة طويلة كتبت فيها 5 رغبات و قدمتها للمكتب و قالولي ان نتيجة الاستنفاذ هتظهر على يوم الأحد اللي هوه بكره 19 من شهر سبتمبر 2010 فكنت عايز اتأكد من المعاد ده لو حد استنفذ رغباته و قالوله نفس المعاد ياريت يقولي و كمان في حاجة كمان : أعرف نتيجة الاستنفاذ منين ؟؟؟ هما قالولي برضو من بوابة الحكومة المصرية اللي على النت مع ان الموقع بالنسبة للشهادات المعادلة مافهوش تغيير خالص كاتبين في الموقع : الآن نتيجة الشهادات المعادلة و الجملة دي مكتوبة من أول ما النتيجة ظهرت لحد دلوقتي مافيش تغيير في الموقع يعني فلو حد زي حالاتي كده استنفذت رغباته و قالوله ان النتيجة يوم الأحد و هتعرفها من النت ياريت يبلغني و يطمني و لو انا غلط حد يصححلي المعلومة و يقولي الموعد الصح و منين أجيب النتيجة و في النهاية أحب أقول كلمة : حسبي الله و نعم الوكيل في تنسيق الشهادات المعادلة السنه دي و ياريت الافادة و شكرا ...... |
أرجوكم حد يرد عليا لو يعرف
|
ما دام قالولك النتيجة على موقع الوزارة يبقى تابع الموقع
حتى لو لم يحدث تغيير قد يتم إضافة نتيجة إستنفاذ الرغبات مع النتيجة الحالية فى جزئية ملحقة تابع الموقع وربنا معاك |
ما هيه المشكلة انهم قالولي كده و للاسف في بلدنا كل واحد بيفتي علی مزاجه
طب في واحد في التنسيق قالي انها مش هتظهر علی النت و كمان عشر ايام كده ابقی اروح اسال عليها في مكتب التنسيق في القاهرة يعني اتبعت مشوار للقاهرة مخصوص اعرف نتيجة الإستنفاذ و ممكن في الاخر يقولي النتيجة لسه مظهرتش أكون اتبعت مشوار القاهرة علی الفاضي و لسه لحد دلوقتي مش عارف موعد النتيجة و فين تظهر ؟ و اللي يغيظ أكتر ان مكتب التنسيق مالهمش رقم اكلمهم فيه |
امتى نتيجة التحويل للشهادات المعادلة ؟
السلام عليكم ورحمة الله وبركاته كيف حالكم جميعا يارب تكونوا في أتم الصحة والعافية معلش كان عندي سؤال : محدش يعرف نتيجة التحويل لتقليل الاغتراب للشهادات المعادلة هتظهر امتى ؟ يارب لو عندكوا خليفة على الموضوع تبلغونا وشكراً جدًا .. |
كل جديد عن التحويل للشهادات المعادلة هنا
السلام عليكم ورحمة الله وبركاته يارب تكونوا بخير للأسف الناس كلها راحت وبدأت جامعات واشتغلت واحنا ليسا قاعدين مستنيين نتيجة التحويل ربنا يستر وتعدى على خير لان الواحد زهق فعلا وبالذات لما يكون في كلية عملية ربنا يستر بقا وميضعش علينا حاجات كتير انا عملت التوبيك ده عشان نجمع فيه كل جديد سمعناه عن التحويل لحد ما نعرف امتى بقا النتيجة هتظهر وكان الله في عوننا |
|
اه انا بصيت للتاريخ اللى فوق ع الشمال :d
تم مسح الخبر وشكرا على النتبيه :) |
يا جماعة و اللهي اللي بيحصل ده ظلم و افترا انا مش عارف التنسيق بيعملوا معانا كده ليه و مستحقرينا اوي كده ليه
انا استنفزت رغباتي حد يعرف نتيجة الاستنفاذ امتى ؟؟؟ و أعرف النتيجة منين ؟؟؟؟؟ أرجوكم حد يرد عليا انا القلق جاب آخره معايا و لو رحت القاهرة لمكتب التنسيق هرتكب جريمة هناك |
انا فعلا غبي لما خدت الثانوية العامة من بره مصر (( شهادة معادلة ))
السلام عليكم
أنا و اللهي مش عارف أقول ايه بالضبط انا بجد شايل في قلبي كلام كتير و شايل و جايب غاز من مكتب التنسيق بتاع القاهرة ده التنسيق طلع زبالة و كلنا لبسنا قلنا ماشي و ربنا يسهل إنما ييجي واحد زي حالاتي تستنفذ رغباته و اكتب 5 رغبات في ورقة الاستنفاذ و في الآخر معرفش نتيجة الاستنفاذ امتى كده يبقى فعلا زادت واحد في المكتب يقولي النتيجة هتظهر على النت على يوم الاحد اللي هوه 19 سبتمبر و ده فات طبعا و مظهرش حاجة وواحد غيره قالي ان نتيجة الاستنفاذ كمان عشر أيام من يوم السبت اللي فات 18 سبتمبر طب لما تظهر مثلا كمان عشر ايام فعلا من يوم السبت اللي فات يعني تظهر على يوم 28 سبتمبر و انا في الاستنفاذ كاتب 5 رغبات مش عايز منهم غير واحده بس لو مجتليش هروح اقدم في جامعة خاصة و على ما ييجي يوم 28 يكون تقديم الجامعة الخاصة اللي في دماغي فات و مينفعش اقدم جامعة خاصة و بكده اكون مدخلتش جامعة خالص و أقضيها ضياع السنه دي و اللي يضحك كمان ان فيه ناس محولة و نتيجة التحويلات مظهرتش و ميعرفوش امتى هتظهر و اللي يضحك اكتر و اكتر ان مكتب التنسيق ليهم رقم واحد بس و تتصل بيه مليون مرة عمره مايرد دايما مشغول يعني انا مثلا من المنصورة لازم اتبعت مشوار للقاهرة لمكتب التنسيق عشان اعرف بس موعد نتيجة الاستنفاذ ياريت أي حد عنده معلومة بخصوص الشهادات المعادلة التحويل او الاستنفاذ يقول و ميبخلش علينا الطلاب قلقانيين برضو و نعمل تجمع في موضوع واحد كلنا نفيد بعض فيه و ياريت لو مثلا حد في المنتدى له معارف في مكتب التنسيق يسألنا ولا حاجة (( مش الناس لبعضيها برضو ولا ايه )) و في الآخر أحب أقول ربنا يستر علينا |
مستنفدي الرغبات .. من شهادات المعادلة
اللي جالهم استنفاد رغبات وكتبو رغباتهم مرة تانية نتايجهم طلعت ولا لا او قالولهم هاتطلع امتى وبردو مش ساكتين عن حقنا وبردو هانرفع قضايا خليكو معانا عشان على طول هانتحرك http://www.facebook.com/pages/dd-ntyjt-tnsyq-shhadat-almadlt-2010/152737704745763?ref=ts#!/pages/dd-ntyjt-tnsyq-shhadat-almadlt-2010/152737704745763?ref=ts |
اقتباس:
لو عرفت حاجة عن نتيجة مستنفدي الرغبات ابقى قول قبل ما ارتكب نفس الجريمة |
انا جالي استنفاذ زيك بالضبط و لسه مظهرش حاجة و كل واحد بيخترع معاد من نفسه بس آخر معاد سمعته ان النتيجه علی آخر الاسبوع ده و علی النت ان شاء الله
|
طيب دلوقتي بفتح
بيطلعي استمارة الترشيح وفيها رقم جلوسي عادي جدا بس مش فيها ولا اسمي ولا اسم كلية اشق هدومي يمااااااااااا |
غريبة و اللهي يا هنا
طب ده كده ممكن النتيجة تظهر على النت الله و أعلم انا بفتح موقع التنسيق بوابة الحكومة المصرية دلوقتي و مش عايز يفتح معايا واضح انه مهنج أوي هما شكلهم بيحطوا النتيجة دلوقتي ولا ايه ؟؟؟ |
مش عارفة
انا تعبت من العالم التيييييييييييييييييييييت دول انت نسبتك كام كاتب كلية ايه |
انا جاي من الامارات و نسبتي بعد ماعادلوها 92%
ماشاء الله و الحمد لله ملحقتش ولا كلية جامده اوي بمعنى الكلمة طب و هندسة و صيدلة مافيش ولا واحده جتلي غير بس طب بيطري قنا و دي اللي كتبتها أول حاجة |
و انتي يا هنا جبتي كام و كنتي فين و كتبتي ايه ؟؟
|
وزعلان
!!!!! غطوووني وصوتووووووووووو غطوني وصوتو انا 94 كنت ف السعودية ليا طب بيطري وليا معهد عالي تكنولوجيا وليا هندسة أسوان ودي اللي كتبتها واول ما تيجي ان شاء الله مش هاستنى التحويل هاروح اتشعطط هناك على طول البتاع ده فتح معاك ولا لسة |
لسه الموقع مفتحش
بس انتي كده حلو و اللهي انا معنديش هندسة خالص طب منا على فكرة اللي جتلي طب بيطري قنا و هيه اللي كتبتها و قنا جنب اسيوط نتقابل في سوهاج بقى ان شاء الله |
عارفه يا هنا
بالنسبة لتنسيق الشهادات المعادلة السنه اللي فاتت 92% من الإمارات يبقى خلاص ضمنت كلية جامده جدا أنا كان نفسي أدخل صيدلة و مجتليش السنه دي بس كانت بتيجي بتنسيق السنوات اللي فاتت ده انا كاتب في آخر رغبتين علوم المنصورة و تجارة انجليزي المنصورة و مافيش واحده فيهم جتلي يعني 92% متجيبش علوم المنصورة علوم !! ولا حتى تجارة !! |
أنا اللي خايف منه ان طب بيطري ماتجيش كمان تكون خربت على الآخر
بس انا مجموعي مغطي كلية الطب الببيطري دي بس خايف مثلا يقولولي ده العدد كمل بتاع طب بيطري اي حاجة متعلقة بالعدد |
ان شاء الله
ربنا ييسر وتيجي يا امجد ادعي بس وان شاء الله ربنا مش هايضيعك انا عاوزة ارفع قضية بجد خلاص هاشوف الموضوع ده النهرده حتى لو ماخدتش حاجة اكون ما قعدتش ساكتة واكون حاولت انت معانا ع الجروب ولا ايه ع الفيس ولا ايه؟؟ |
وقتي انا معاكم في الجروب و مشترك فيه
بس على فكرة مالوش لزمة الحوارات دي كلها و مش هتجيب حاجة في الآخر |
منا بقولك اهو
حتى لو ما جابتش حاجة ادينا بنعمل اللي علينا بنأخد بالاسباب ونتوكل يمكن يمكن يممممممممكن حاجة تتغير ليه لا |
البتاع ده مش راضي يفتح معايا خاااااااااااالص
مافتحش عندك؟؟؟ |
هوه فتح معايا بس مش مكتوب اسمي و اسم الكلية و لغوا الجملة بتاعت استنفذ الطالب رغباته
مش كاتبين غير رقم الجلوس و الشهادة معادلة يا مسهل يا رب |
انا فتح معايا دلوقتي ولقيت استنفد بردو
مصيبة لو كنت استنفدت تاني |
و انا كمان فتحت معايا و رجع اسمي تاني و رجعت جملة اني استنفذت
لو ظهر اي جديد قوليلي يا هنا و انا كمان هقولك احنا الاتنين في مركب واحده فعلا تبقى مصيبة لو استنفذت تاني بس مظنش ده حصل أنا أظن انهم بيجهزوا الموقع ممكن النتيجة هتظهر قريب |
ربنا ييسر
لا ما اعتقدش ابدا استنفدنا تاني لان ليا واحده صاحبتي بردو بفتح نتيجتها بلاقيها نفس الحالة |
بس انا بحثت في جوجل لقيت واحد كاتب موضوع ان ننيجة الاستنفاذ ظهرت النهارده !!
|
مش عارفة
دي بجد مصيبة وكده لاز مشوار للمكتب اللي ربنا يولع فيه ده ازاي انا استنفاد انا الهندسة دي اقل مني بدرجة كاملة مستحيل حسبنا الله ونعم الوكيل |
مممممممممممممممم
لحظة الخبر بيقول ظهرت ف مكتب التنسيق وما تستنوش النتيجة ع النت يعني الاستنفاد اللي جه تاني ده بتاع المرة القديمة تمام يبقى نروح يوم السبت مكتب التنسيق ان شاء الله وبردو حسبي الله ونعم الوكيل |
الخبر ده منين
|
طب الخبر ده جبتوه منين ؟؟؟
و مالكم متاكدين اوي كده ؟؟؟ و انا سائل قبل كده و قالولي انها هتظهر على النت طب بكره الجمعة فاتحين مكتب التنسيق ؟؟؟؟ ولا لازم السبت ؟؟؟ |
بس بردو ما عرفناش الخبر ده منين
|
أمال شفتك اتفاعلتي من الخبر اوي كده ليه يا هنا و عيشتينا الدور اوي
على العموم انا كلمت واحد في التنسيق و قالي ان يوم السبت اروح مكتب التنسيق و ان النتيجة مش هتظهر على النت |
ماشي منا اتصدمت اول ما شفت الخبر
وبفتح لقيت استنفاد اتخضيت اتخضيت ايه ده اخواتي اتلمو حواليا مش مصدقين الخبر بعدييييييييييييييين لما قريت الخبر بالراحة كده فهمت بقى على رأي الحكمة الاغريقية الشهيرة بالراحة شوية عشان العجلة وحشة ^_^ |
يلا مش مشكلة
هشوفك يعني يوم السبت ان شاء الله في مكتب التنسيق ؟ :d انا عايز اعرف الخبر ده جه منين و اساسه مين ؟؟ على فكرة موقع التنسيق دلوقتي مبيفتحش معايا ممكن يحطوا النتيجة على النت ؟؟؟ ما هما بقى يتفقوا على حاجة عشان بلاش مزاولة كده |
مش بيفتح معايا بردو
|
محدش قرأ أي خبر في الجرايد عن الخبر ده
خبر مستنفذي رغبات الشهادات المعادلة أو التحويل ؟؟؟؟؟؟؟ انا جبت الجمهورية و المصري اليوم و مش كاتبين حاجة عن الشهادات المعادلة خالص كالعادة |
يا جمااعه انا اللي عرفته ان النتيجه ظهرت ولكن في مكتب التنسيق وان مندوبين الجامعات اخدت الورق خلاص
|
طمنا يا فايروس دخلت ايه ؟
يارب تكون حاجة بتحبها ربنا يوفقكم جميعاً |
اقتباس:
يا استاذه ام شاهندة .......انا طالع الاول وزي ما حضرت عرفتي انه سعادة الوزير قفلنا الطب والهندسه والصيدله وطب الاسنان......فانا لاقيت ليا حاسبات ومعلومات ......كتبتها ..رحت لاقيت ورقي في علووووووووووم...اللي واخدة اقل من مجموعي باكتر من 25 في الميه ......فانا مش رايح الكليه دي وهستني حكم القضيه بتاعنا .....ان شاء الله هناخد حقنا من الوزير......ربنا ع الظالم |
كان الله فى عونك
فعلاً الظلم وحش ربنا معاك بالتوفيق |
ياااااااااااااا جماعة معلش ضروووووري حد رد عليا
انا كتبت في التنسيق الرغبات و ظهرت النتيجة ورحت اكادمية اخبار اليوم بعدين ورحت مكتب التنسيق و حولت لمعهد في دمياط و قالو بعد 10 تيام النتيجة هتظهر دلوقتي عد 15 يوم وانا مش عارف اعمل ايه وفات اسبوعين على الدراسة فلو حد عنده معلومة يريت يقولي وشكراااااااااااااااااااااااااااااااااااااااااااااا ااااااااااااااااااااااااااااا |
اقتباس:
إشأل فى مكتب التنسيق يا أهلاوى لأن النتيجة محتمل لا تظهر على النت ولا تقلق من بدء الدراسة فحركة التنقلات تؤخر بداية العام الدراسى الفعلى للصف الأول بالتوفيق |
|
| جميع الأوقات بتوقيت GMT +2. الساعة الآن 01:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.