صدق أو لا تصدق ((( أرجو الرد )))
 

اتصلت بالأكاديمية فرع الإسماعيلية علشان اسألهم علي امتحان الاكاديمية ( اللي ما دخلش الامتحان )

امتى هنمتحن ؟؟؟

جاءت هذه الاجابة ( صدق أو لا تصدق ) :

قالولي الوزير لغى الاكاديمية والامتحانات ( معدش فيه حاجة اسمها الاكاديمية )

هو ده كان ردهم

فعلا كان فى موضوع قيد الدراسة ع مكتب الوزير بخصوص الغاء الامتحانات و ان يحل محلها ملف انجاز للمعلم يقدمه كل خمس سنين للاكاديمية عشان يترقى و ياخد امتيازاته المالية والاجتماعية حسب تصنيفات جدول الكادر
الملف هيكون عبارة عن انجازات المعلم خلال ال 5 سنين و يضع داخل الملف كل الدورات التدريبية الى حصل عليها خلال المدة المحددة للترقى ( 5 سنين) و مدى استفادته منها و طرقه ف تحسين اداء الطلاب ف مدرسته واذا كان الملف المقدم يستاهل الترقية هياخد الدرجة تبع الكادر و المزايا المالية اما اذا لم يحالفه الحظ فانه سيحصل ع كافة حقوقه من علاوات و زيادات سنويه انما هيتحرم من الكادر
بس الله اعلم اذا كان الوزير صدق ع الكلام ده واعتمده و لا لأ

ولا حد فاهم حاجه

انا بيتهيالى انة بيرح دماغة بتاع الاكاديمية دة لان منين لغى الاختبار ومنين زود التخصصات

فعلا صدق اولا تصدق

يا جماعة هو ده الكلام اللي سمعته الاكاديمية

بس المشكلة آيه وضع الناس اللي امتحنت والناس اللي مش امتحنت

والله حاجة تلخبط

ايوة انا سمعت انه لغى الاكاديمية وهيعمل بدالها كوبرى علوى
والله الناس دى قاعدة على كراسى وبتحركنا زى الطيارات الورق
شوية وهيقولك لغى المعلم المساعد وحط بدالة عصايا

هههههههههههههههههههه

سترك يارب

عارف هنتثبت امتة؟
لما تبطل تهريج جايز يحسوا انك قد المسئولية يبقوا يثبتوك علشان موضوع مهم زى دة بدل ما تهزر دور على الحقيقة وقول
طول ما انتوا بتهرجوا طول ما هى يتقال شوية عيال وبيهرجوا

محدش فاهم حاجه خالص

اى كلام فاضى معقول

والله أنا عارف إن في ناس مش مصدقه هذا الكلام

بس هو ده اللي سمعته من الاكاديمية

السلام عليكم
مع تحفظى ع كلام سيلفانو حضرتك شايفة اكتر من كدة تهريج وكل اللى انتى شايفاة مش تهريج :006et4:

اول مره اضحك من يوم ما اشتركت في المنتدى ويرجع الفضل في ذلك الى كلام الاخ سيلفانو ( رحمه الله )

واضح اننا بنعيش فى حاله من التخبط وعملين زى فئران التجارب

ههههههههههههههههههههههههههههههههه

أكد مصدر مسؤول بوزارة التربية والتعليم أن اللائحة التنفيذية لقانون كادر المعلمين تنص على عدم ترقية المدرس، إلا بعد تقييمه عن طريق الأكاديمية المهنية للمعلمين، وفقا لمعايير الأداء، وخطة التنمية المهنية، على أن يحصل المدرس على العلاوات السنوية دون تفرقة بينه وبين باقى العاملين فى الدولة، معلناً أنه لم يتم اعتماد منظومة ترقى المدرسين حتى الآن، سواء الحاصلين على الكادر الخاص أو الذين لم يدخلوا امتحانات الكادر.

وأضاف المصدر فى تصريحات لـ«المصرى اليوم» أن اللائحة التنفيذية لقانون كادر المعلم، شددت على ضرورة تقديم ملف إنجاز للمدرس يوضح فيه ترقياته المهنية خلال الأعوام الخمسة المحددة للترقية وفقا للقانون، مشيراً إلى أن المدرس يتقدم بمعايير الأداء الخاصة به والتى يتابعها الموجه الخاص بالمادة، مع خطة تنمية مهنية، ويحق للأكاديمية اختباره لمعرفة مدى جدية وصحة خطته.

وأوضح المصدر أن المدرس «لن يترقى تلقائياً، ولكن ستحدد الأكاديمية ذلك، مع حصوله على علاواته السنوية والزيادات المالية التى تحددها الدولة كل عام للعاملين بها»، مشيرا إلى أن الشؤون المالية فى ديوان الوزارة هى المسؤولة عن هذه الزيادات، وإرسال منشور بها للمديريات

يعني آيه الكلام ده

http://www.thanwya.com/vb/images/icons/icon1.gif

وأوضح المصدر

والله إحنا نستاهل
مفيش رجاله
لازم وقفه لازم إضراب لازم إحتجاج
وأنا أول واحد فيها
ياريت ننسق معا
وميكنش عشوائي زي المره إللي فاتت

انا انهاردة سمعت الكلام دة من مديريتنا

والله باقول لكم ايه العملية مش ناقصة تشويش اكتر من كدة

والله الكلام دى مش من عندي

دى من مسئول الاكاديمية وانا شايف في اخ بيقول انه سمع نفس الكلام من مديريته

اصلا امتحانات الكادر دى كلام فارغ وسخافه مالهاش لزمه بصراحه

واهانه لينا كلنا

كفايه انها بتتنقل من ايد لايد ومش بتقيس اى حاجه اصلا

لك حق يا استاذ سيلفانو تهرج وتهرج من الاوضاع اللى احنا فيها اصل المتعاقدين بلا قيمه بعد كل التعب ده ووجع القلب الامتحان يتلغى ؟ والله احنا عملين زى فئاران التجارب فوقوا بقىىىىىىىى

على فكرة هو لو هيلغى امتحانات الكادر هيلغيها بس عشان يوفر الفلوس الكتير اللى كانت بتتكلفها
المهم احنا اللى يهمنا اننا ننتقل من معلم مساعد الى معلم وبصراحة انا عودت نفسى مصدقش حاجة الا لما تحصل علشان متعبش نفسى

المهم نثبت بامتحان أو من غير امتحان

ياجماعة انا مش فاهمة حاجة

حد يفهمني

يعني امتحان الكادر اللي امتحناه ده في الفاضي ؟؟

ولا حد عارف حاجة خالص الكل بيخبط فى الكلام وخلاص ومفيش مصدر موثوق فيه أبدا

ياريت والله يلغوها عشان حتى اللى لا قدر الله مش بينجح فيها ميكونش موضع سخرية من زملاؤه وحكاية ملف الانجاز دى انا شايفة انها فكرة كويسة لانها هتخلق روح المنافسة والتحدى بين المدرسين وبكدة هنقدر ان شاء الله نطور العملية التعليمية