|
مصاريف المدارس التجريبية
انا بنتى فى احد المدارس التجريبى عربى فى الصف الثانى الابتدائى دفعت 260 جنيه بكتب المستوى الرفيع وفوجئت بان مدرسة اخرى وفى نفس الادارة كانت المصاريف 219 بكتب المستوى الرفيع يا ترى الوزير عارف كدة وهل يحق لى التقدم بشكوى ومحدش يقول كلهم 40 جنيه فرق مايستهلوش :stickjo4: |
احرص على الحق والمطالبة به فهذه المبالغ الصغيرة كم كشفت من جرم كبير فى الماليات يا اخى العزيز
|
كم مصاريف 2 اعدادي تجريبي و6 ابتدائي تجريبي
|
كيف هذا وأنا دفعت 400 جنيه لبنتي في أولى ابتدائي |
kg2
275 جنيه تجريبى لغات حكومى |
اقتباس:
400 جنيه ازاى هى تجريبى مميز ولا ايه مش المفروض تكون المصاريف واحدة ولا ايه ولا السرقة كده عينى عينك والوزير فين ولا اهم حاجة عنده مصاريف المدارس الخاصة بس |
مصاريف التجريبى
فية اكثر من 400 دا فيه 700 وفى قرية صغيرة ومدرسة بلا امكانيات والكل عارف
|
مصاريف التجريبى
وبلا اى مستندات كمان
|
اقتباس:
فيه ناس بتاخد الف والف ونص كمان |
1120 جنية أول ابتدائي لغات
مدرسة الزعيم حسني مبارك التجريبية المتميزة المتكاملة للغات http://www.gaeb.org/WEB/GAEBPortal/c.../newchina1.gif |
اتمنى من سيادتكم الرد على هذا السؤال لانى افكر ادخل ابنى المدرسة التجريبى لغات وهو اولا:ما الفائدة التى ستعود علية ف المستقبل ان شاء اللة لما ياخذ ثانوية عامة لغات؟ وهل امدارس التجريبى جيدة فعلا ولا كلام خاصة وان الدروس الخصوصية هتكون كمان سوبر باختصار ما الذى يجعلنى ارهق ابنى فى وادفع بةفى المدارس التجريبى وشكراا ارجو الاجابة لمن لدية الخبرة
|
اقتباس:
الفائدة هو مستوى اللغة عنده بيكون مرتفع طبعاً عن الحكومى لكن هى لها حل تانى أنه ياخد كورسات فى الصيف بس لما يكبر شوية مصاريف التجريبى لغات أكتر طبعاً ويا سلام لو مميز بتتجاوز الألف جنيه طبعاً الدروس اسعار نار حدث ولا حرج أنا عن نفسى قدمت لبنتى فى المدرسة القريبة من منزلى ولحظى تحولت فى نفس العام لمميز وتم قبولها رغم صغر سنها لأن ناس كتير رفضت تقدم فى المميز وانتهت مرحلة رياض الأطفال ثم دخلت الابتدائى ولم أجد ما يجعل الألف وشوية تهون فى سبيل الدراسة بل أن صعوبة الاستيعاب على الطفل إلى جانب محاولة الحفاظ على مستوى متقدم جعلنى أضغط عليها بالمذاكرة والحفظ والتدريب لأجد أن طفولة ابنتى تنتهى أمامى وقررت نقلها للمدرسة الملاصقة لها وهى حكومى عادى وبالفعل لا فرق مصاريفها هذا العام 45 جنيه وأنا استمريت معها فى المستوى الرفيع خلال الصيف وأحمد الله على ذلك ننتهى من المذاكرة والواجبات ونجد وقتاً للعب وفى الثانوية العامة إن شاء الله لن يفلوا 90% لغات عن نفس المجموع حكومى فهما متساويان فى المجموع وعن التمكن فى اللغة يمكننى الحاقها بمعهد أمريكى أو بريطانى يمنح كورسات فى اللغة لما تكبر شوية أنا حكيت ما حدث معى بكل صدق وربنا يوفق الجميع |
بخصوص مصاريف المدارس التجربية للغات
يتم تحديد قيمة المصروفات لكل صف دراس وفقا للاتى 1 - نشرة المصروفات التى تصدر كقرار لوزير التربية والتعليم كل عام لجميع المدارس الحكومة وقد صدرت هذا العام بالقرار رقم 189 لسنة 2010 فى بتاريخ 1/8/2010 2 - الأستعانة بالقرار الوزارى رقم 252 لسنة 2005 الصادر بتاريخ 6/9/2005 ( المادة 16 الخاصة بالخدمات الأضافية ) 3 - ثمن الكتب الأجنبية فقط طبقا للاسعار المقررة هذا العام مضافا اليها 10 % ( من القرار رقم 252 ) وعلى حسب معلوماتى لم يتم إلى الآن صدور نشرة المصروفات للمدارس التجريبية للغات بسبب عدم تحديد اسعار الكتب الأجنبية وأرجو من جميع الزملاء الذين شاركو فى هذا الموضوع المتابعة باستمرار وأضافة الجديد فى حالة الحصول على معلومات جديدة مع العلم ان بعض مديرى المدارس يحصلون مبالغ أكثر من المقررة وطبعا يتعمدون عدم اعطاء ايصال ( القسيمة 123 تربية وتعليم) الدالة على السداد بقصد حتى لا نعرف قيمة الزيادة التى يحصلونها كما اتمنى من الجميع من يحصل على النشرة الخاصة بالمصروفات أن يقوم برفعها لكى يستفيد منها الجميع كما يجب أن نتفق جمعيا على مرسلة الأستاذ الدكتور وزير التربية والتعليم ونطلب منه رفع القرار الخاص بمصاريف المدارس التجريبية للغات على موقع الوزارة حيث قد تم وضع القرار رقم 189 لسنة 2010 على موقع الوزارة ويمكن أن يحصل عليه أى شخص |
اقتباس:
لان المبلغ 275 قيمة مصروفات kg2 مبلغ أقل بكثير مما يحصل بمدارس أخرى ونود الأهتمام بالموضوع حتى نصل إلى الحقيقة |
من أين جاءوا بمصروفات المدارسة التجريبية فلم تظهر الا مصروفات رياض الاطفال فقط ونشرة المصروفات الخاصة بالمراحل الابتدائية والاعدادية والثانوية لم تصل المدارس او الادارات او المديريات الى الان
|
اقتباس:
|
شكرا جزيلا الى الاستازة ام شاهندة ع الرد على استفسارى جزاكى اللة خيراااااا
|
اقتباس:
الادارة تعلم والكل عارف يعنى مصيبة من كل النواحى |
يا اخوننا احنا هنا فى الاسكندرية مدرسة بنتى مصطفى النجار التجريبية لغات المميزة بتحصل مننا فوف 1100 ج كل سنة من الروضة و لغاية ما البنت بقت فى 5 ابتدائى حد يفيدنا ؟؟؟؟؟؟؟؟؟؟؟؟؟؟؟؟؟؟
|
[COLOR="Blue"][/COLORانا فى رايى الشخصى ان الطفل يدخل مدارس عادية حكومية واذا كان على اللغة ممكن ياخد كورسات انجليزى فى الصيف تحسن من اللغة عنده وبعد كده هيدخل ثانوى ومجموعه هيحدد كليته وزيه زى اللى اتعلم فى حكومة ما هينوبنا الا الدروس المولعة نار فى المدارس اللغات والاساس على المتابعة فى البيت حتى لو كان العيل فى مدرسة تحت بير السلم وفى متابعة فى البيت كويسة هيدخل كلية صح ولو مفيش متابعة فى البيت والعيل فى مدرسةب 20 الف جنيه يبقى حلو لو دخل معهد فنى
|
هى الحكومة من الاخر لقيتلها سبوبة المدارس التجريبية تهليب يعنى ومستوى التعليم واااااااحد فى كل المدارس اللى خلقها ربنا
بتتوقف على ضمير اللى بيشرح وطبعا حتة الضمير دى نادرة الحدوث والله ياجماعة ملهاش اى لزمة المدرسة التجريبية حرام فلوس فى الارض مين فينا بيعتمد على شرح المدرسة؟؟ مفيش يبقى اى مدرسة تاخدى منها شهادة والاساس على الدروس والبيت |
ياجماعة فى نسبة من المصروفات بتأخذ كحوافظ تتقسم ع المدرسين
ده على حد علمى والله أعلم |
فعلا السرقة مازالت فى كل مكان
|
مدارس عادية أية الى بتخلى الطفل لام متخلف أومنحرف ولية مدخلوش مدرسة نظيفة بعدين مانتى خايفة تذكرالها جايبها لية اصلا وبعدين علاقة العب بالمدرسة الام الشطرة هى التى تقدر تنظم وقت أولادة وتوجهم
|
السلام عليكم ورحمه الله وبركاته هل انصبه معلم الابتدائى تخصص math فى مدارس اللغات التجريبيه اصبحت كانصبه معلم اعدادى فى المدارس العاديه يعنى معلم الماس ابتدائى فى اللغات التجريبيه نصابه21 حصه بدل 24 حصه الرجاء سرعه الرد افادكم الله |
| جميع الأوقات بتوقيت GMT +2. الساعة الآن 11:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.