"التعليم" تقرر وقف التعاقد مع معلمى "الحصة
 

وقف التعاقد مع معلمى الحصة
كتب حاتم سالم

أصدرت وزارة التربية والتعليم تعليمات مشددة لجميع المديريات التعليمية فى المحافظات بالاعتماد فقط على المعلمين "المساعدين" و"الدائمين" فى سد العجز فى هيئات التدريس بالمدارس، مع وقف الاستعانة بمعلمى "الحصة" لهذا الغرض.

جاء فى الخطاب الذى أرسلته وزارة التعليم لمدراء المديريات "بالإشارة إلى كتاب وزارة التنمية المحلية رقم 1911 فى شأن الموافقة على الاستعانة بمعلمين من حملة المؤهلات التربوية لسد العجز فى هيئات التدريس بعض الوقت (الحصة سابقا) يُرجى التأكيد على أن يتم سد العجز فى حصص التدريس بواسطة المعلمين المساعدين أو عن طريق المعلمين الدائمين بالمدارس والإدارات بالمراحل المختلفة".

واعتبر خطاب "التعليم"، الذى يحمل الرقم 3672، هذه التعليمات "هامة جدا" و"عاجلة" و"تحت الرعاية الشخصية لمدراء المديريات"، كما طلبت من وكلاء المديريات ومديرى عموم التوجيه الفنى بها التنسيق مع مسئولى مراحل التعليم المختلفة بالإدارات لتنفيذها.

وقال مصدر مسئول بـ "التربية والتعليم" إن هذا الخطاب الصادر عن الوزارة يستهدف إعادة استغلال الموارد البشرية داخل المدارس، بحيث لا يتم التعاقد مع معلمين جدد بالحصة طالما أن "المُثبَّتين" و"المساعدين" يمكنهم أن يؤدوا هذه المهمة.

وأضاف المصدر أن تعليمات الوزارة ستؤدى إلى زيادة عدد حصص المعلمين الدائمين والمساعدين فى الأسبوع الواحد ولكن دون إخلال بوظائفهم، حسب قوله، مضيفاً أن هذا القرار سيوقف أى تعاقدات "عشوائية" كانت تتم داخل المؤسسات التعليمية خلال الأعوام الماضية.

يُذكر أن تعاقدات "الحصة" كان يتم تجديدها سنوياً مع بدء العام الدراسى لسد العجز فى هيئات التدري
http://www.youm7.com/News.asp?NewsID...97&IssueID=134

غريبه الخبر ده دلوقتي
لان عندنا في الشرقيه عرفنا ان وصلت عقود مميزه لينا وعددها 2000 عقد لكل مدرسي الحاسب الي شغالين بالحصه وده كلام اكيد مش مجرد خبر وفعلا الموجه قالنا ان العقود وصلت وبتنفذ حاليا
ربنا يستر ليرجعوا في كلامهم
مش لحقت افرح

الكلام بتاع ميس انوار مش صحيح لان كلامها جاى متاخر بعد المظاهرات اللى حصلت تم فتح المكافاة الشاملة والحصة مرة اخرى لحين ظهور العقد اللميز

http://www.youm7.com/News.asp?NewsID=285892 الأخت الفاضلة هذا هو رابط الخبر وهو لسه نازل حالا
وهو فعلا زي ما حضرتك قلته غريب جدا لأن العجز الصارخ في المدارس لا يمكن سده الا عن طريق معلمي الحصة وبالتأكيد هيكون فيه كلام تاني
ممكن يكون هيتعاقدو مع كل الناس اللي بالحصة
أشكر لكي تعليقك على الخبر

انا اخوكم أنور ضحاوى مدرس بالازهر وليس انوار
والخبر صحيح والوزير اتكلم عنه قبل كده
والكلام ده بدا يتطبق فى الازهر عن طريق حكه تنقلات وانتدابات كبيره بالقاهره
وذللك لتطبيق النصاب القانونى لعدد الحصص لكل مدرس . أـنا عن نفسى بقالى اربع سنين باخد تسع حصص ودلوقتى انا واخد 18 حصه

فعلا يا ghoneem84 كلا مك مضبوط الامضاءات على الفاكس بتارخ 16 و 18 تسعه
انا كنت هتجنن وبقول يعني بعد ما فرحنا نحبط تاني
زعلى من الخبر خلاني مش اخد بالي من التاريخ على الفكس
ربنا يسامح محرري اليوم السابع
حطموا اعصابنا

الحمد لله انه قديم

"التعليم" تقرر وقف التعاقد مع معلمى "الحصة
 

سد العجز بـ "الدائمين" و"المساعدين"..

"التعليم" تقرر وقف التعاقد مع معلمى "الحصة"

الأحد، 3 أكتوبر 2010 - 13:58

http://www.thanwya.com/vb/images/New...1029145746.jpg وقف التعاقد مع معلمى الحصة
كتب حاتم سالم
http://www.youm7.com/images/graphics/lg-addthis-en.gif http://www.thanwya.com/images/graphics/igoogle.gif
أصدرت وزارة التربية والتعليم تعليمات مشددة لجميع المديريات التعليمية فى المحافظات بالاعتماد فقط على المعلمين "المساعدين" و"الدائمين" فى سد العجز فى هيئات التدريس بالمدارس، مع وقف الاستعانة بمعلمى "الحصة" لهذا الغرض.

جاء فى الخطاب الذى أرسلته وزارة التعليم لمدراء المديريات "بالإشارة إلى كتاب وزارة التنمية المحلية رقم 1911 فى شأن الموافقة على الاستعانة بمعلمين من حملة المؤهلات التربوية لسد العجز فى هيئات التدريس بعض الوقت (الحصة سابقا) يُرجى التأكيد على أن يتم سد العجز فى حصص التدريس بواسطة المعلمين المساعدين أو عن طريق المعلمين الدائمين بالمدارس والإدارات بالمراحل المختلفة".

واعتبر خطاب "التعليم"، الذى يحمل الرقم 3672، هذه التعليمات "هامة جدا" و"عاجلة" و"تحت الرعاية الشخصية لمدراء المديريات"، كما طلبت من وكلاء المديريات ومديرى عموم التوجيه الفنى بها التنسيق مع مسئولى مراحل التعليم المختلفة بالإدارات لتنفيذها.

وقال مصدر مسئول بـ "التربية والتعليم" إن هذا الخطاب الصادر عن الوزارة يستهدف إعادة استغلال الموارد البشرية داخل المدارس، بحيث لا يتم التعاقد مع معلمين جدد بالحصة طالما أن "المُثبَّتين" و"المساعدين" يمكنهم أن يؤدوا هذه المهمة.

وأضاف المصدر أن تعليمات الوزارة ستؤدى إلى زيادة عدد حصص المعلمين الدائمين والمساعدين فى الأسبوع الواحد ولكن دون إخلال بوظائفهم، حسب قوله، مضيفاً أن هذا القرار سيوقف أى تعاقدات "عشوائية" كانت تتم داخل المؤسسات التعليمية خلال الأعوام الماضية.

يُذكر أن تعاقدات "الhttp://www.thanwya.com/images/issueh...adr3102010.jpg

حصة" كان يتم تجديدها سنوياً مع بدء العام الدراسى لسد العجز فى هيئات التدريس.

حسبى الله و نعم الوكيل
و احنا نروح فين بس

إلى جاره الوادي
اسلوبك فيه اهانه لينا (المتعاقدات يعني)ولو حتى مش مقصوده
انا خريجه اداب ومتجوزه وعندي اطفال يعني مش بدور على عريس ولا حاجه
وكمان بشيل حصص في المدرسه وبشارك في الكنترول واعمال الامتحانات زي اي مدرس متخصص ويمكن عشان احنا مش بنقدر نعترض عشان احنا على كف عفريت زي ما انتي عارفه وعشان هما في المدرسه عارفين كده بيجوا علينا اكثر

يمكن كلامك صح في انه مش تخصصنا والاولى بيه خريجي التربيه لكن ده مش ذنبنا انهم وظفونا احنا كنا بندور على شغل ولقينا ده يبقى مش ذنبنا احنا ولا غلطتنا ديه غلطه المسئولين الي شغلونا
ومش تيجوا انتوا دلوقتي وعاوزين تحملونا غلطهم

ولا ايه

ربنا معاكم يا معلمى الحصة وان شاء الله هتفضلو فى مكانكم وهتاخدو عقود زينا

سبحان الله على الانسان ياجماعة
استهدوا بالله بقى واستنوا اشوية يمكن ربنا يحلها من عندوا ووزير التعليم يموت قريب
قولوا امين
او يتحال على المعاش قريب وميخدش مكافئتة
قولوا امين
او يعمل حادثة وتنكر ارجلة الاثنين وايدية كمان
قولوا امين

احنا بندعى على الظالم بس مش بنقصد اى انسان تانى
وربنا يخلصنا من شر كل المسؤلين السيئين فى البلد

اقتباس:

بالنسبة للقرار اللى فى جريدة اليوم السابع الخاص بمنع اى مدرسين الحصة انها تستغل تانى كانت هناك ردود على موقع الصحيفة وعجبتنى شوية منها

اقتباس:

برافو وزير التعليم خلى التنابله تتحرك وتشتغل، مش حصه ولا أثنين والباقى رغى وقراءه جرائد أو تزويغ

اقتباس:

أولا :اسناد بعض المواد لمعلمين غير مؤهلين لتدريسها وليسوا أصحاب خبرة بها بحجة سد العجز

اختى الفاضلة
اولا انا كمان متعاقدة والحمد لله تربوية وتخصص وتقدير جيد جدا كمان ومش مرتبطة هههههههه
ثانيا انا بتكلم على شريحة معينة من الناس اللى بياخدوهم بالحصة وخصوصا فيه بنات منهم للاسف كدة لان المقابل المادى فعلا زهيد جدا ( انا شخصيا قابلتهم واشتغلت معاهم ) وعلى فكرة رغم ان فيه نماذج فيهم كويسة جدا بس نسبة كبيرة لاتصلح للاسف انها تدرس لانهم فعلا مش تخصص ولاتربويين وفى الاغلب كمان مؤهلات متوسطة مع احترامى للجميع بس مينفعش ان التدريس يصبح مهنة من لامهنة له وكمان شايفة ان العمل فى الحصة ده بالاسلوب المتبع حاليا اهدار للادمية لان لافلوس كويسة ولااوضاع مهنية عدلة الحمد لله التعاقد ارحم كتير مش تعالى والله بس دى حقيقة
وانا فى اخر كلامى بقول ياريت لو انهم فعلا عايزين يسدو العجز يجيبو ناس خريجى التربية ويشغلوهم
بعقود محلية تحت الاختبار سنة مثلا ويختبروهم ويبقى عليهم متابعة وبعد كدة يتعاقدو زينا ويارب كلنا نتثبت
يعنى مجبتش فى كلامى سيرة المتعاقدات ومتمسكة بكلامى ان الحصة سبوبة للادارة التعليمية وموجهى الاقسام ومديرى التعليم فى الادارة عشان ان المكافاة مرتبطة بالنصاب
يبقى الزعل مرفوع ومتاخديش الكلام بشكل شخصى

الى الاستاذة / جارة الوادى


طبيعى اننا نقول ان كلية التربية هى الكلية الام للى عايز يكون مدرس ومربى جيد ..
بس ليه مش بنذكر كلية الاداب
صدقينى مش كل خريجين التربية ينفعوا يكونوا مدرسين ..

عايز اقول :
ان فيه واحد ينفع يكون مدرس وواحد مينفعش .. ومش شرط يكون خريج تربية علشان نقول عليه مدرس .. ممكن يكون خريج اداب ويكون مدرس كويس اوى ..

المدرس اولا واخيرا اسلوب .. بيعرف يوصل ازاى المعلومة للطالب .. بيعرف يحبب الطالب فى المادة ..
واعتقد ان دا ملكة شخصية مش مرتبطة بالكلية اللى متخرج منها ..

والله اعرف مدرسين كتير خريجين تربية مش بيعرفوا حتى يتعاملو مع زمايلهم المدرسين .. ازاى بئة هيتعاملو مع الطلبة ..

زى ما احنا شايفين اى حد بيشتغل دلوقتى فى التدريس .. ودا اللى عامل الدربكة دى كلها .. دا بجانب الوساطة فى التعيين
والقوانين الغبية المعقدة اللى الوزارة حطاها ..


التعيين فى التربية والتعليم دلوقتى مرتبط بالواسطة مش كلية التربية

وحسبى الله ونعم الوكيل

كلامك صحيح ياللى بتقول ان خريج التربية افضل
وكل المواد اللىانتم درستوها فى التربية عبارة عن علم نفس واجتماع واهتمام بصحة الطفل
وما اعتقدش انكم درستم مناهج علمية تعليمية كاملة
اغلب خريجى تربية عربى مبيعرفوش يعربو جملة ( شرب احمد اللبن ) لية ؟؟
لان كل اللى كانواا يدرسوة عبارة عن نفسية الطفل والتلميذ والطالب
ودىمش سخرية عليكم طبعا
دى شخرية القدر من الانسان

على فكرة المعلم مش مطلوب منه الكم ولكن الكيف وده التعريف الحديث للتدريس لان المنهج مليان اصلا بكميات معلومات المعلم بقى وظيفته انه يوصل للطالب المعلومات دى باستراتيجية تدريسية ناجحة او خلينا نقول عدة استراتيجيات تلائم التنوع فى طريقة الفهم البشرى
على فكرة انا اعرف اعرب الجملة دى وغيرها الحمد لله ومن اقوى الناس فى تخصصى لابعد ماتتخيل لانى بحمد الله حافظة للقرءان الكريم وحضرتك طبعا تعلم العلاقة بين اللغة العربية والقرءان وليا زملاء كثيرين تربويين فى تخصصات مختلفة ماشاء الله عليهم مبدعين سواء كما او كيفا

على فكرة ياجماعة كتير منكم متحفز ومعندوش استعداد يناقش او يسمع ودى مشكلة خصوصا ان وظيفتنا اصلا انك تسمع وتناقش عشان تعمل حالة من التواصل الناجح بينك وبين الطالب
انا مش ضد ان اى حد يدرس بس لو دققنا كدة شوية هتلاقى ان التدريس بقى مهنة من لامهنة له وده غير المهن التانية زى الطب والهندسة اللى التدريس مش اقل منهم ابدا ان مكانش اهم واكثر تاثيرا وهتلاقى ان خريج كلية التربية معندوش فرصة انه يشتغل حاجة تانى غير التدريس كوظيفة يعنى اما الكليات الاكاديمية الاخرى زى التجارة والحقوق والاداب فدى ماشاء الله لها فرص كتير جدا جدا
وعلى فكرة كمان الموضوع ده اسهم بشكل كبير فى النظرة المجتمعية الدونية للمعلم خصوصا معلم الابتدائى خصوصا من ساعة ماالوزير حسين كامل بهاء الدين جعل المؤهلات المتوسطة مدرسين ابتدائى والتسويات كمان من العمال والاداريين مش نظرة تعالى بس سؤال يعنى خطر ببالى اشمعنا التدريس اللى بيحصل معاه كد ة ؟؟؟ بس الناس مش مقتنعة لغاية دلوقتى ان معلم الابتدائى بقى مؤهل عالى ويمكن كمان دراسات عليا غير ان وظيفته حيوية جدا

فى بورسعيد تم التجديد لعقود المكافاة الشاملة واستبعدوا اللى مش مع تربوى ويا ريت كانوا عملوا كده من زمان وعلى فكرة اللى استبعدوهم كانوا شغالين السنة اللى فاتت

عندنا فى البحيرة بيحاولو يعملو كدة فعلا بس الاعداد للتربويين قليلة جدا فبيحاولو انهم يجيبو تخصصات عموما ربنا يوفق الجميع وميبقاش حصة بس لاء باذن الله يتحول لتعاقد والناس التى لم يحالفها الحظ او مفيش نصيب انها تكمل تلاقى شغل احسن بمرتبات افضل

احنا اتفقنا فعلا ان خريج التربية مفترض فيه يكون مدرس

طيب كلية الاداب اللى بتدرس نفس مواد التربية مصيرها ايه .. ولا اللى بيتخرجوا منها يشتغلوا ايه يعنى ..

المفروض الكلام يكون عن كلية التربية ومن بعدها الاداب ..

لان خريج كلية الاداب هيشتغل ايه هو كمان غير مدرس .. ماهو درس نفس اللى درسه خريج التربية الا بعض المواد النفسيه ..

دلوقتى بنشوف خريج التجارة مدرس وخريج الحقوق مدرس وخريج الخدمة الاجتماعية مدرس مش اخصائى .. على حساب من لهم الاولوية من خريجين التربية والاداب ..

ياجماعه انا خريج منذ8 سنوات ومتزوج وعندى ولد وبنت ومعلم بالاجر واتوقف الاجر اروح فين
حد يدلنى

ربنا يوفقك يا رب
وحسبى الله ونعم الوكيل

لو عملوهافينا بعد الشغل لتالت سنة هانعمل اضراب عن الطعام كلنا لان دة خراب بيوت وعندنا عيال عاوزين نربيهم واستحملنا الزل عشان كدة ربنا يسامحك ياسيادة الوزير احمد زكى بدر اللى انت بتعملة ضد المواطنة وضد كلام سيادة الرئيس مبارك

طالما سيادة الوزير هايخلى الشغل ئاصر على كلية التربية يئفلو كلية الادابلل لان كدة ملهاش لازمة وعلى فكرى خريجى الاداب اقوى من التربية بمئات المرات

طيب يا جماعة؛ أنا خريج آداب بتقدير جيد و حصلت على دبلوم عام فى التربية بتقدير ممتاز؛ وأنا علم نفس ؛ إيه خطوات التعاقد ؛ وجهونى بالله عليكم لو فى حد من كفر الشيخ يدلنى ؛أنا كل ما أروح الإدارة محدش بيفيدنى؛ و يقولوا مش عاوزين بالرغم من إن فى عجز فى مدرسين علم النفس ؛ الله المستعان

كان قبل الكادر اخدوا كل اللى على راس العمل وذهبوا به تخصصه عند الكادر ( وشهدت فساد ورشاوى بالجمله )
ثم تبقى اصحاب الدبلومات والشريعة والمؤهلات التى لا تناسب ماده معينه وكان اغلبهم فى التطوير
ما زاد المشكله انه فى عام 2009 ارسلت الوزارة عقود وكانت المواد محتاجه والناس على راس العمل ولكن السيد اللواء محافظ كفر الشيخ لم يقم بتوزيع العقود على راس العمل كما فعل فى السابق ولكن قام بعمل مسابقة واختار اعلى الدرجات وكان اغلبهم من 2009 لسه لا راحو جيش ولا كانوا يحلموا يشتغلوا رزقهم ولكنه تجاهل من هو على راس العمل بالفعل وهو من ارسلت له الوزارة فحسب التصريحات من الوزارة ان 2009 لم يكن لهم حق فى العقود التى ارسلت فى 2009 لانهم بالفعل لم يكونوا على راس العمل لكن كانوا طلبه !!!
المهم ادى هذا الى تكدس ادارات كفر الشيخ تحديدا بالمؤهلات
وبناءا عليه الفرصة لدخول جديد فى منتهى الصعوبة حاليا
وستكون المعايير هى وجود عجز ثم الاختيار حسب الاعلى مؤهلا ثم درجات ............ الخ وحسب العجز
وفق الله الجميع

الاخ البرشوى ارجو الاتصال بى للاهمية اخوك عوف من سوهاج او ارسال رقمك فى رسالة 0119292363

الاخ البرشومى عوف 0119292363

يا سيدى الفاضل ما فعله اللوادء زى منتا قولت كان المفروض يتم من أول ما بدأوا فى حكايه العقود وانما التسيب والوسطيه ادخلت ناس كتير الى التعليم لا يفقهوا شيئا ولم يمدوا صله للتعليم وأصبحوا معلمين ومن هنا زادت نسبه المعلمين وزادت المشاكل وحصل الكثير من الناس على حقوق ليس من حقوقهم والتى من خلالها حرمت ناس كتير من حقوقهم والمفروض من الاساس ما يقوم على الكليه ثم التقدير وتسير العمليه فى التمييز كآتى ( كليه تربيه وألأعلى تقديرا له الأولويه ثم كليه آداب والأعلى تقديرا بجانب التربوى وهكذا حتى يكون الحق لمن يستحقه ) ولكن لا حول ولا قوه الا بالله على بلد لا تعتمد على الأفضليه وأداء الحقوق لمن يستحقوها

اللهم فرج هم المهمومين ونفس كرب المكروبين

يارب ارزقنا العقد

الكل سوف يتعاقد

دا عند امو يا أدهم
مش قصدى اى اهانه يا سيدى الفاضل
لانى مثل كل المغلوبين هنا على امرهم انا بالحصة برضوا
:excl:

حد مضى العقد فى بنها وخاصة المكتبات