|
الصعايدة حلو ازمة الزواج والعنوسة والبطالة في وقت واحد ...بشرة ساره
الصعايدة حلو ازمة الزواج والعنوسة والبطالة في وقت واحد ...بشرة ساره
============ هذه المرة .. اثبت الصعايدة أنهم أكثر تحضراً وتقدماً من سكان المدن ، فغلاء الذهب دفع قرية بصعيد مصر لإلغاء الشبكة في محاولة للقضاء على العنوسة التي تفشت في قريتهم . أهالي قرية "كوم الضبع" بمركز نقادة بمحافظة قنا أعلنوا مقاطعتهم التامة لشراء المشغولات الذهبية بعد الزيادة غير المسبوقة في سعر جرام الذهب ، وقد دعم الأهالي مقاطعتهم بإذاعة القرار في المساجد بأنهم ألغوا شبكة العروس نهائيا وذلك بعد توقف الزواج.. والآن السؤال لك .. هل يمكن أن تتغاضى كل الأسر المصرية عن الشبكة مع غلاء الذهب ، وهل يصبح الذهب الصيني – مثلاً - بديلا في ظل غلاء الذهب الاصلي؟ وهل يؤدي تمسك الاهالي بالمظاهر الى انتشار ظاهرة تأجير الشبكة ؟ وبالنسبة لك أنت شخصياً .. لو كنت شاباً هل يمكن خطوة كهذه أن تشجعك علي الزواج أم التكاليف أكبر بكثير من مجرد الشبكة .. وإذا كنت فتاة هل لديك استعداد للتنازل عن شبكتك .. أم ممكن اللجوء لحل وسط مثلما يفعل بعض الأهالي بأن يكتبوا قيمتها في " القايمة " مثلاً ؟! شاركونا بتعليقاتكم وأرائكم علي ظاهرة إلغاء الشبكة .. ------ عمار يا صعيد والله ...:022yb4: منقول |
ماشي بلاش شبكة بلاش شقة كمان ولا ايه؟
الصعايدة حلوا المشكلة دي الزاي |
هى دى الخطوة الصح بجد والمفروض البنات الصح يكون مهرهم تقوى الله
|
اقتباس:
علشان صعايدة ؟؟ |
اقتباس:
منوره التوبيك |
اقتباس:
تسلمى للمرور نورتى التوبيك |
اقتباس:
الصعايده احسن ناس وبحترمهم جداااااا ومعظم الدكاتره اللى عندى فى الكليه من الصعيد وما شاء الله عليهم وعلشان خاطر محدش يفهمها غلط انا همسحها:) شكرا يامحمد على المرور |
يابنتي الشبكة دي هدية من العريس للعروسة
يعني حسب هو مقدرته ايه بس هو فين عرسان اصلا الايام دي عشان الناس تدور ع الشبكة هههههههههههه |
اقتباس:
الشكر لله ... يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم .." بس علشان محدش يتريق على أهل القرية دى ولا حاجة ... وكمان هى خطوة فعلا صح .. وكمان حكاية ان الشبكة تبقى بالاسعار الغالية دى يبقى حرام والله وعلى ايه ... وربنا يهدى كمان وكمان ويوفق شباب وبنات المسلمين اللهم آمين ... و شكرا يا شيماء مرة تانية على التوبيك .. |
اقتباس:
نورتى التوبيك |
لأ ازاي ؟؟ دا احنا لازم نأمن مستقبل البنت كويس !!
مش يمكن ناويلها علي نية كده ولا كده ؟!! وبعدين الشبكة دي بتبقي تقييم منه لبنتي !! واللي مش هيقيم بنتي كويس , يتفضل من غير مطرود !! والغريب انك تسمع ان الشبكة هدية , طيب أنا حر في قيمة الهيدية ..... لأ مش حر " الهدية لا تقل عن ....... " !!!!! احنا بنتنا متربية كويس ومتعلمة ومعاها مؤهل عالي !!! ما هو أنا جاي أتقدم ليها عشان كده . خلاص يبقي تدفع وتجيب اللي نقولك عليه , ولا انت بخيل ؟!!!!!!!!!!!!!!!!!!!!!!!!!!!!! الصعايدة فقط يعملوها لأنهم بيفهموا وزي ما المثل بيقول " إذا أردت أن تطاع فأمر بما يستطاع " لكن القاهرة وبحري والدلتا ..... لالالالالالالالالالالالالالالالالالالالا خليكوا يا بنات لحد ما تتجوزوا علي نفسكم !!!!!!!! علي فكرة ... البنت دلوقتي المفروض تحلم بسواق أحلام جاي ياخدها في توك توك !!!!!!!! |
اقتباس:
والله دى خطوه كويسه جداااا وياريت كل الناس تعمل زيهم |
اقتباس:
اهم حاجه الرضا والقناع ومعظم الناس بتبيع الدهب بعد ما بتتجوز احنا عندنا فيه بنات بتكتب حقها فى القيمه وبتشترى خاتم ودبله وخلاص يعنى اهى بدايه شكرا لمرورك استاذ على |
اقتباس:
عندك حق والله والصعايده والله عندهم حق شبكه ايه؟!؟!;) كفايه اوى الدبله!!! والله انا اعرف ناس مبتكملش خطوبتهم عشان الشبكه!!! ولازم شبكتى تكون مش عارف زى بنت طنط مين؟!؟!:d هوه انا اقل منها؟!؟!؟:p ناس بتهتم بالمظاهر للأسف!!! والله ده استغلال!! هوه الشباب ناقص ياعينى!!!:d كفايه اللى هوه فيه!!!:d بس ده عمره ما هيحصل فى القاهره مثلا!! لأن معظم الناس بتحب المظاهر اوى وطلباتهم بتبقا غريبه والله:romarioxp6: ربنا يرحمنا شكر ياقمر على الموضوع تقبلى مرورى |
هو الدهب الصينى ورانا كمان كل حاجة صينى ههههه
والله كل بلد وتفكرها هما فكروا بالطريقة بس فى ناس مستحيل تعمل ده يعنى مفيش شبكة ومفيش شقة ومفيش مهر ومفيش ادوات منزليه ومفيش ومفيش يبقى خلاص مفيش جواز :p:p والله كل عائلة تختلف تفكيرها عن التانية ممكن فى ناس تقبل بالموضوع ده وناس ترفض والله الشبكة مش مهمة ممكن واحد يجيب شبكة وبعدين المشاكل والضرب يبدأ ومش يبكونوا مستحميلن بعض وتسمع صوتهم من اول الشارع :040vk0: وفى ناس تكون الشبكة دبلة وخاتم وبيعيشوا مع بعض فى سعادة :friendsxs3: |
اقتباس:
ههههههه كلامك جميل ياميراج بس بتهيألى هيحصل بعد فتره ان الشبكه هتتلغى تماما فى مصر كلها لان نسبه العنوسه زادت وكفايه على الشباب الشقه ده لو قدرو يشتروها :) الحاجه بقت غاليه جاامد تسلمى ياقمر على المرور نورتى التوبيك |
اقتباس:
صح أهم حاجة الرضا والقناعة , بس مين بيعمل بالكلام ده ؟؟ قلة قليلة جدا !! وإلا لما كانت العنوسة بهذا القدر المخيف !! أما بالنسبة لكتابة قيمة الشبكة في القايمة , هل هذا الأمر شرعي ؟؟ هل الشبكة فرض علي الرجل حتي تكتب عليه في القايمة والتي هي عبارة عن وصل أمانة !!! الشبكة هدية والهدية لا تكتب !!! وإلا أصبحت مهراً لها , وإذا كانت مهر , يبقي ليه نكتب العزال اللي يجيبه الرجل ؟!! الشبكة مهر مقدم والمؤخر مهر مؤجل . فيه مفاهيم كتير عندنا في أمور الزواج تحتاج لإعادة نظر !! المفروض نشجع الشباب علي الزواج ونيسره له , مش نخنقه بدعوي تأمين مستقبل البنت , وكل الناس بتجوز بناتها كده !!! |
اقتباس:
بس احنا بنتمنى كده ان الشبكه تتلغى تماما لان حرام اوى على الاهل لازم ييسرو امور الزواج علشان الشباب مايضرش يمشى فى الطريق الغلط شكرا لمرورك ياقمر:078111rg3: |
اقتباس:
بس الناس بيعملو كده علشان لو حدسأل يعنى;) وربنا ييسر الامور لجميع الناس شكرا لمرورك مره تانيه |
الميزة في الصعايدة انه بناتهم قنوعين
والراجل هناك راجل عن ثقة وموثوق فيه (في القرى خاصة) لكن اكيد الكلام ده مش حينفع في بحري :d |
اقتباس:
دى تبقا معجزه والله لو الشبكه اتلغت فى مصر كلها:d بس فعلا مع زياده نسبه العنوسه:bosyht9:وبعد ما شوفنا علا فى مسللسل عايزه اتجوز واد ايه هيه عانت وجربت كل الطرق:d المفروض كل الاسر المصريه تفكر فى كده:bosyht9: وربنا يكرم بنات المسلمين كلهم بالازواج الصالحين:) ورفقا يا بنات بشباب مصر:slap1qk6::slap1qk6: الشباب تعبان:d |
اقتباس:
معظم اهل بحرى بيتنزلو عادى جداااااا متقلوش كده هتوقفوا حال البنات:) شكرا لمرورك يابشمهندس |
فكرة والله ، بس قلة قليلة جدا جدا ال بترضى بكدة ، دي الشبكة ديه كل واحدة بتتباهى وانا جالي و ودالي ، وعن قريب والله ، واحد لسة خاطب وما شاء الله العروسة شرت على ال جابوا كمان !! حاجة عجيبة اوي ، ومش تعتقدوا انه جاب قليل ، ده جاب شبكة شبكة يعني ولو حاجة بسيطة كدة خاتم او الدبلة يبقى كويس بس تعرفي المشكلة ان كل الاهالي بتخاف على بناتها يعني تقولك نأمن مستقبلها ، ومش عارفة مين يأمن مستقبل المسكين ؟!:d |
اقتباس:
بصى يانقاء دايما الناس اللى بتفكر فى الفلوس من اولها مابتنفعش وبعدين فى حديث عن الرسول صلى اللله عليه وسلهم بيقول(اقلهن مهورا اكثرهن بركه) يعنى العبره مش بالشبكه العبره فى البركه والرضا وانهم يعيشو مرتاحين شكرا لمرورك ياجميل نورتى التوبيك |
موضوع مهم فعلا بس للاسف دى قرية واحد بتطبق الكلام ضمن مئات القرى وانا شايف ان الشبكة فى وقتنا الحالى بقت جزء لايتجزا من مهر العروسة ومبقتش هدية بقت فرض او واجب مطالب ان الرجل ينفذه لان للاسف نادرا لما تلاقى اهالى عندهم ثقه فى اخلاق عريس بنتهم وهى بتبقى وجهة نظرهم يحافظوا على مستقبل بنتهم ووجهة نظر تحترم انا بس كنت عايز اقول كلمة اخيرة يابخت اهالينا اتجوزوا زمان بسهولة ويسر عكس الفترة العصيبه اللى بيعشيها العالم فى وقتنا ده
|
طول عمر الصعايده رجاله وولاد اصول وفى المواقف الصعبه كمان تلاقيهم متكاتفين:d بالعربى كدا الصعايده اجدع ناس طبعا ما انا اصل جدودى صعايده وسع يا ولد العم :d |
الشبكة تعتبر هدية من العريس وكمان أهل العروسه أكيد يعرفوا ان بنتهم وكل شىء والشبكة رايحين للعريس المشكله مش فى الشبكة فى حاجات كتير اوى هى الأزمه والله الإختيار أصعب من أى شىء لأننا لما نختار الناس الصح مش هيبقى فى مشكله فى أى شىء |
خلاص نروح نتجوز من هناك
واحنا وحظنا بقا هههههههه والله أنا مش شايف للشبكة دى لزوم خالص وما أعتقدشى انه فيه راجل مش عايز يجيب للست بتاعته الدنيا وما فيها بس الرحمة حلوة أنا شفت كذا حالة كده كانت الشبكة دبله ومحبس بس نفسى أعرف يعنى ايه محبس هى العروسة من غيره هتنقط والله ما أعرف شكله ايه حتى اللى عايز أقوله طول ما الشبكة دى شرط مهم للجواز البنات هيتوقف حالها :022yb4: |
| جميع الأوقات بتوقيت GMT +2. الساعة الآن 11:02 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.