|
استفتاء لعمل ركن الخيمة الرمضانية
بسم الله الرحمن الرحيم احبائى فى منتدى الثانوية العامة السلام عليكم ورحمة الله وبركاتة تحية طيبة وبعد ايه رايكم لو نعمل موضوع خاص بشهر رمضان ونسمية الخيمة الرمضانية القسم ده هيكون خاص بالشهر الكريم اللى موافق على الفكرة يدخل يصوت للموضوع وقد جائتنى الفكرة من موضوع بنت العقيدة جزاها الله كل خير وكل عام وانتم بخير ورمضان كريم |
استفتاء
موضوع جميل مش محتاج استفتاء جزاكم الله كل خير
|
يسلمو
ايدك حسااام على الاستفتاء وتم التصويت |
موضوع اكثر من رائع يا حسام وفكرة ممتازة جدا بس بليز يعنى ممكن توضح اكتر موضوع الخيمة الرمضانية ده هنعمل فيه ايه بالضبط |
شكرا لمرورك على الاستفتاء يا نور وان شاء الله سوف يكون خاص بالشهر الكريم وهيكون فيه برنامج ختم القران الكريم وادعية والاحاديث النبوية وشرحها وتفسير القران الكريم وفتاوى ولقاءات الاعضاء وغيره ان شاء الله ارجو انى اكون وضحت الفكرة وشكرا |
موافق جدا شكرا على الفكرة |
اقتباس:
ما شاء الله برنامج اكثر من رائع جزاك الله خيرا اللهم بلغنا رمضان |
يلا يا عم مرشد
افتح القسم الاعضاء موافقة وان شاء الله الاستاذ اشرف موافق طبعا بالتوفيق |
شكرا يا جماعة علىالاهتمام بالموضوع وهمتكم معانا وشكرا |
طبعا موافق مش محتاجه كلام |
يا جماعه فيه أقسام هتندمج فى بعضها وبعدين دا شهر يستحق إننا نعمله منتدى مش قسم وبعدين فيه فوق حاجه اسمه استفتاء قول لاء وإخرج مش لازم يعنى تقول الكلمتين بتوعك دول يا خالد انت وبسام تم حذف الردود المخالفه |
الا اللي يقول رايه وميعجبكوش يتحذف
الموضوع تقريبا للاراء وانا قلت رايي الخرابه مش ناقصه عفاريت ;) لما الاقسام التانية تتعدل وتظبط وتنشط يبقي نفكر ف اقسام مش مهمة الا هي فين اقتراحات الاعضاء ف الاقسام اتفذت ولا الاقسام اللي ملهاش لزمه بس اللي بتتعمل سلام |
الله يخليك بلاش تعيش الدور
الشهر ده هنعملله منتدى نقول فيه ايه يعنى ؟؟؟ هو مش هيحتاج اكتر من قسم ان كان فيه ناس بتشارك وانا مش موافق على الفكرة كفاية قسم العام الهجرى ولا معرفش اسمه ايه |
اقتباس:
بردو تانى ياعم الله يهديك احنا مش عايزين اى موضوع يتعمل يتحول اى خناقه ليه يعنى ما ندخلش ونقول راينا ونطلع بدون اى تعليق وشكرا لردك الجميل والمحترم |
يا استاذى
ربنا يهديكم معايا رأينا كتبنا واتحذف ثم الاول نفذوا الاقتراحات بتاعتنا وبعدين اعملوا اللى يعجبكم انشالله تقلبوه مقلة لب وشكرا على اطرائك الجميل |
اهدو يا جماعه
القسم هيفتتح وان شاء الله كلنا هنا اخوات ايه يا خالد مالك اهدى يا معلم |
يتعمل من غير موافق ولا مش موافق داا شهر كريم
وبعدين محدش هيفضى لاى حاجه كل هيكون ف طريق ربنا بس اللى نفسى اعرفه ناس تلقيهم فى رمضان يصلوا ويصوموا وفى غير رمضان يتركوا الصلاة انا بس بصحى النفوس وشكرا على الموضوع ومش محتاج استفتاء |
الموضوع مش محتاج استفتاء دا ع اي اساس حضرتك
الموقع حاليا فيه اقسام مهمله جدا وفيه اقسام ملهاش لزمه ولازم قبل ما نعمل اقسام جديده نصلح القديم الاو واظن ان الاعضاء اقترحوا اقتراحات قبل كدا ومتنفذتش وبعدين فيه ركن ديني كامل وفيه اقسام مش نشطه لما يتظبط يبقي نحط اقسام تانية مش نزود ع الاقسام ع اساس منهار اصلا |
الفكرة تبقى حلوة اوووي بس اذا اتنفذت زي ما حسام بيقول كده
و اهو ع الاقل الواحد اما يخش المنتدى يلاقي حاجة يعملها |
على حسب ذاكرتى ما بتقول ..
متهيألى قسم (( عبقرينو )) :d .. هيبقى له نفس الغرض .. بس عبقرينو بس هيكتب فيه .. باختصار هو عامل خيمة لنفسه.. ===== فانته اقتراحكم ده اننا نعمل خيمة لعامة الاعضاء ... انا باقترح ان كل عضو يعملله خيمة .. عشان نعمل مخيّم كبير ... او مستوطنة !! وكل خيبة وانت بخير |
انا شايفه ان هو مش كتر اقسام ...يعهنى عندنا مثلا قسم كامل للشهر الهجرى مش بيتكتب فى مواضيع ..وعندنا القسم الاسلامى
..والقران الكريم وقسم اسمه محمد رسول الله وقسم تانى اسمه الصحابه الكرام..وقسم اسمه العام الهجرى..وفسم تانى اسمه صوتيات ومرئيات ..اظن ان الست اقسام دول كافين اوى مفيش داعى للكتره وخلاص |
هو لو اتعمل
هيبقى الميزة اللى فيه انه ممكن نحط عليه مكسرات وبلح وكده يعنى....... |
قسم مش ليه لزمه ...
حى على الفلاح موجود وممكن يقوم بالواجب كويس واساسا انت هتجيب وقت للنت منين ..انت يادوب بعد الفطار بتفصل شحن وعلى التراويح وهتنام وهكذا لحد 30 يوم لو مش 29 بس ما علينا ..........خلى المركب يمشى |
قول لا اله الا الله طيب
بلاش والنبى دى وانا مجيبتش سيرة الزبيب واقعد ساكت بقى:d |
ولا ولا يا فيها يا اخفيها
بس انا مبحبش الزبيب :( شوفلكم حل |
شكرا على الردود المحترمة جدا جدا يا محترمين |
| جميع الأوقات بتوقيت GMT +2. الساعة الآن 02:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.