منتدي الخريجين
 

كلام كتير قيل عن قرب الإعلان عن مسابقة التعيينات السنوية واللي كان مقرر لها النزول أو الإعلان عنها العام الماضي بس للأسف مش نزلت وتم التأجيل كالعادة بس الأيام دي في كلام بردك كتير أن في مسابقة هتنزل الأيام اللي جايه فياريت لوحد عنده اي ملعومة عن الموضوع يكتب عنها وعلى فكره انا عراف ان اغلب الناس اللي هتخش على الموضوع ده هتقول اني اول واحد اخالف الشرط اللي انا حطه بس للضرورة أحكام

ياجماعة شغلوا القسم الخاص بالأزهر شوية وردوا على بعض عبروا بعض
اكسفوا بقى وبصوا لبتوع التربية والتعليم

طيب ايه رأيكم نساعد بعض كتير وعلى فكره الكل هيستفيد ومعلش انتم عارفين ان المدرسين القدامي بالأزهر اغلبهم مش عارف يعني ايه حاسب آلى اصلاً بس الأمل فينا في الشباب ودي دعوة لكل الناس على الثانوية انهم يشاركوا في الحملة دي وياريت نعمل جروب خاص بينا على الفيس بوك لو اوك انا تمام اوي

ماشى يجماعة يلا نشتغل علطول بس
ومنضيعش وقت
انا معاك فى الحملة دى
وان شاء الله تكون حملة ناجحة
مستنى ردك

اوك انا معاك على طول وده الميل بتاعي على الياهو ahmed_jas***********
وعلى الهوت ميل a7med_jas*************
وعلى الاسكاي بي ahmed_jas1
من اجل التواصل وعلى فكره انا بس مشغول اليومين دول فرتب ميعاد بعد 9 مساءاً ونتكلم مع بعض اوك

انا سعيد جدا بتعاونك
ولكن حاولت اضافتكالى الايميل فلم يقبل
يبدوا ان الايميل ناقص
انا من البحيرة
وخريج من 2007
لغة عربية
ومعايا دبلومة تربوية
وممكن نساعد بعض كتير
على فرهالميل أهو بالكامل على الياهو ahmed_jas***********
a7med_jas*************

انا أسف جداً لأني مش عرفت اكلم حضرتك أمس لأنى كنت بكلم الأهل ومش كنت فاضي

انا عندي معلومات بس مش اكيدة ان موضوع ضم المعاهد دا اتلغى خلاص اما موضوع المسابقه هتنزل مباشرة بعد تثبيت المتعاقدين وهتم المسابقة الجديدة فى شهر 12 ان شاء الله وتعينهم في اول الترم الثاي

المعلومات دى منين من مصدر ايه

على فكرة أنا سألت موجه عندنا في المنصورة وهو بايت في المنطقة الأزهرية على طول قال أن المسابقة بعد الانتخابات بتاعت مجلس العشب على طول يعني على أو شهر 12 لأن الناس طبعا هيتخدموا من أعضاء مجلس الشعب التابعين للحزب

يا جماعة انا زي ما قولتلكم ان شاء الله التعيينات قريبة بس انا سامع ان التربية والتعليم هيدخلوا المسابقة دي معانا بس انا مش متاكد من المعلومة دي ويارب تكون غلط وياريت اللي يعرف حاجة يبلغ وشكرا

السلام على الكل مفيش حد عنده جديد بالنسبة للموضوع ده يعني مفيش موجه أو اي حد يدخل المنتدي ده يعرف حاجه والله مصر بخير

انا عندي اخبار جديدة واكيدة انشاء الله ومفرحة ان باذن الله مسابقة الازهر هتنزل باذنه يوم الخميس 13 يناير ودي دعاية عشان الحزب وبعد انتهاء مجلس الشعب مش بس مسابقة الازهر لا كمان دي مسابقة تربية وتعليم وفى الخطابة وفي وزارة البترول والكهرباء يعني العمليه هتدلع بس ادعولنا نتعين اصلي تعبت من كتر الانتظار واسالكم الدعاء لي

القاهرة - أ ش أ :
أنهى الأزهر إستعدادته للاعلان عن التعاقد مع نحو 27 ألف مدرس وإداري بمختلف التخصصات لتلبية احتياجات قطاع المعاهد الأزهرية.
من جهته قال وكيل الأزهر الدكتور محمد عبدالعزيز واصل، في تصريحات له الجمعه، إن الأزهر في إنتظار موافقة الجهاز المركزي للتنظيم والإدارة لتلبية احتياجاته من المدرسين بالمعاهد الثانوية والإعداية والإبتدائية الأزهرية من عدة محافظات والعديد من التخصصات الإدارية بما يساهم فى تحسين وتطوير العملية التعليمية بالأزهر.
وأضاف واصل أنه فور تلقي الأزهر الموافقة سيتم الإعلان مباشرة عن هذه الاحتياجات، متوقعا أن يتم ذلك في غضون شهر للاعلان عن المسابقة وشروطها تمهيدا للتعاقد مع هؤلاء المدرسين مباشرة.
وأشار واصل إلى أن الأزهر كان بحاجة لأعداد كبيرة تصل إلى 50 ألف مدرس وإداري تم تخفيضها لتيسير توفير الدرجات والمستلزمات المالية اللازمة للتعاقد مع هؤلاء المدرسين.http://www.masrawy.com/News/Egypt/Po...ers_azhar.aspx

31 ألف عقد عمل مميز بالمعاهد الأزهرية




http://www.aleqt.com/a/367540_94417.jpgأكد د. محمد عبدالعزيز واصل وكيل الأزهر أن الجهاز المركزي للتنظيم والإدارة وافق علي توفير 31 ألف درجة مالية وظيفية بنظام التعاقدات المميزة بالمعاهد الأزهرية بالقاهرة والاقاليم لسد العجز في مختلف التخصصات الإدارية والمالية والتعليمية.
قال في تصريحات خاصة ل "المساء" إنه يجري حاليا اعداد الضوابط اللازمة لتحقيق الشفافية والعدالة الكاملة في اختيار افضل العناصر لشغل هذه الوظائف من بين المتقدمين.. بحيث يتم الإعلان عنها خلال الايام القليلة المقبلة.
أضاف أن الأولوية ستكون للأعلي تقديراً والأعلي مؤهلاً والاقدم تخرجا.. مؤكدا أن فضيلة الإمام الأكبر د. أحمد الطيب شيخ الأزهر شدد في تعليماته علي اختيار أفضل المتقدمين بعيداً عن المجاملات والمحسوبية.

امتى بقى
دا احنا 16/1 ولسه لا حس ولا خبر
والطامة الكبرى لاهم ياخدوا تربية وتعليم ويسيبوا الازهريين
زى ما بيعملوا فى كل مسابقة
والادهى من كده ان التربية والتعليم مش بيرضوا ياخدوا الازهريين
ياريت المسئولين يعرفوا دا وينتبهوا
ويتعاقدوا مع خريجى الازهر
ويارب سهل الحال علشان الحال صعب قوى

يا جماعة امتة المسابقة

وخذ كمان 10 أيام و برده لا حس و لاتنفيذ النهاردة 26/1

انا من رايي ان المسابقه هتتاجل لما تخلص موضوع المظاهرات يعني لاجل غير مسمي قال من حظنا لما المسابقه تنزل يحصل مظاهرات صحيح اللي حظه مايل مايل