|
الحقيقه المره اللى محدش حاسس بيها
بسم الله الرحمن الرحيم السلام عليكم ورحمه الله وبركاته دلوقتى يا جماعه هنتكلم فى الحقيقه الحقيقه وبس الناس بتصوت من الأسعار الأسعار من إسبوع كلها قفزت لفوق والناس بتصوت وبتلطم ومحدش معبرها محدش حاسس بيها الظاهر إن حالنا مهوش صعبان على حد قبل دلوقتى بإسبوع نزل موضوع فى الجرنال بيقول فيه السيد رئيس الوزراء ربنا يعمر بيته أن الاسعار تنخفض ولكن للأسف الأسعار لا تنخفض بل على العكس تماما الأسعار فى الطالع يعنى على السماء عدل ويرحم الشعب واللى جابو الشعب الحاجه الوحيده يا جماعه اللى فعلا بتنخفض هى قيمه الإنسان الإنسان هو اللى عمال قيمته تنخفض لما مش هيبقى له قيمه خالص الناس داخله على رمضان والناس داخله على مدارس يعنى متجيش تكلم حد بعد اللى بيحصلنا ده إنت سرقت ليه أو إنت إرتشيت ليه أو على الأقل متجيش تكلم حد إنت عصبى ليه أو مكتئب ليه ولا حتى صدق الحكومه لأن اللى حصل إن المهندس رشيد محمد رشيد إجتمع مع التجار وقالهم وإتفق معاهم إن مفيش زياده فى الأسعار وده اللى إتنشر بس إبقى قابلنى عندم اللى مبيرحمش حد قابلنى فى المشمش المكرونه 2 3 الرز 2 3 الزيت 4 6 اللحمه 35 38 السكر3 4 البطاطس 2 2.5 الفراخ 6.6 9.30 الدقيق 1.25 2 الطماطم 1.5 2.5 البصل 2 2.5 التوم 6 الكوسه 4 البسله 4.5 البتنجان 4 الفصوليا 5 البميه 4 العيش 4 بجنيه شوال الدقيق 80 150 الخيار الكبير 5 الرز من 1.5 الى 3.5 زيت الزره من 10 الى 12 جنيه البيض البلدى 75 الفراخ البيضه 10 البلدى 13 لتر اللبن 4 جنيه يعنى وجبه الإفطار فى المنزل المتوسط الدخل حوالى من 7 إلى 10 يعنى عشان تفطر بس حوالى 300 جنيه فى الشهر السؤال المهم بقه الناس هتعيش إزاى ؟ على فكره لسه فيه كلام كتيييييييييييييييييييييييييييييييييييييييييييييير بس أنا مش عاوز أحرق دمكم هحرقه بس شويه شويه يلا خلى الناس تاكل بعضها بقه ولا كلو زفت ولا عنكم ما كلتم :mad::mad::mad::mad: |
بيبسي الصغيرة .,,, 1 جنية
و الصاروخ ,,, 1.25 و اللتر,, 2.5 نشرب مياه احسن طبعا :d شكرا على موضوعك يا سادات |
والعيش اللى بئا عامل زى الاسبرينه تاكل الرغيف وتاخد بعديه بق مايه علشان يتبلع والحاجة الساقعة الصاروخ بئا بجنية وربع :Dانا هقضيها كشرى |
ههههههههههههههههههههه
ايه يا محمد اللى انتا كاتبه دا انتا عامل لستة بالاسعار انتا ناوى تفتح محل بقالة ( طب مش عايز حد يقفلك فيه انا عاطل اهو ) مش ناقصة حرقة دم يابنى اسعار ايه بس سيبنا فى اللى احنا فيه يارب صبرنا عاللى بيجرالنا شكرا على لستة الاسعار ( الموضوع يعنى) |
هههههههههههههههههههههه على فكره والله مش هزار دا جد يا اسلام الكشرى 3 5 |
الكشري الطبق بقى بخمسة جنيه
عمار يا مصر بكره يلغوا الجنيه وتبقى العملة الوطنية 10 جنيه 10جنيه = 1.76دولار كده يعني :d |
يعنى ناكل ايه بقي لما الكشري بخمسة جنيه :(
حرام والله احنا لازم نعمل اعتصام :dماهو دة اللى ماشي ف البلد اليومين دول |
اعمله الحكومة هتقولكم اخبطوا رساكم فى الحيط اقولك بلاش ناكل احنا نعتبر السنة كلها رمضان :D ده حتى كتر الاكل بيخلينا نعمل ببيه كتير وبيجيب اسهال |
شوف يا محمد خدها قاعدة اى مسؤل فى الدولة يظهر ويقول ان الاسعار بقة حنينة وبقة فى متناول الجميع وان الحاجة الافلانية بقت بكذا ودى سعرها الاصلى اعرف ان تانى يوم الاسعار تولع دى بقة ظاهرة فى مصر زى اى حاجة انت بتعوزها وبتستعملها احنا لو اتكلمنا فى الموضوع ده مش هنخلص لان الشعب طفح بيه الكيل على الاخر وربنا يعدينا منها على خير وشكرا على الموضوع الجميل |
دا حتي كنز البيبسي باتنين جنيه
والبيتزا حجم صغير غلت هي كمان:( اعمل انا ايه بقي بقضيها شيتوس وكوفي |
تصدقو إنى كنت هنسى أقولك إيه هى الحاجه الوحيده اللى رخصت تخيلو ايه هى يلا تخيلو معايا 1 2 3 4 5 6 7 8 9 10 الحشيــــــــــــــــيش قرش الحشيش فى المناطق الرقيه من 120 رخص بقى 80 أو 90 وفى الماطق العاديه نزل من 80 الى 40 يلا خلى الشعب يشرب وينسى ونحل مشكله الأكل والشرب وناكل ونشرب حشيش وهديه رمضان ان شاء الله هتبقى قرش حشيش لكل مواطن عشان الشعب دماغه تعلا لفوق |
ههههههههههههههههههههه ايه ياعم ده طيب انت عرفت الحاجات دى منين طيب لالالالالالالا انت كدى يتخاف منك |
والنبي والنبي
هاتلي معاك قرش كابشتينو واتوصي شويه :rolleyes: |
ههههههههههههههه لا يتخاف ولا حاجه ياعم دا مصر بحالها عارفه الأسعار دى مصر بقت حشاشه |
الاسعار هي مشكله عالميه مش في مصر بس
الجنيه المصري رغم كل ارتفاع الاسعار مازال له قوه شرائيه عاليه في التقرير الصادرمن البنك الدولي ان متوسط الدخل في مصر 1250 جنيه سنويا و القوه الشرائيه لها 3700 جنيه و هذه قيمه كبيره جدا و لكن المشكله هي جشاعه التجار الكبار (ازمه الضمير الي عندنا) وكذلك مشكله انعدام الرقابه من جانب الغرفه التجاريه |
انا عندى مشكلة كبرى ... انا مش باكل الكشرى ؟؟!!!!!
والله مش بطيقه .. استغفر الله بس هو كده اكل ايه بأة ؟؟ يعنى ارجع من الكليه فى رمضان افطر كوبايه خشاف والحمد لله كده تمام... حقولكو حاجه يا جماعه .. الواحد فى رمضان مش بيبقى ليه نفس ياكل . .. كده نوفر:ـ) |
الله الله عليك يا سادات
اهو ده الكلام خلاص يا عم نقضيها حشيش بقي مدام ده اللى بيرخص ف البلد دى هو الحشيش و حش يعنى و لاوحش ده 100 100 ;):d;) |
انتا بتنزل السوق كتير ولا اه بهزر طبعااا يا فندم ده البيبسى المادة القذرة دى غليت !! مستنين اه ثانى المواطن الغربى بيعملوا مظهرات لما بيحصل كده وعندهوم جمعية بتحمى ده لكن عندنا جمعية بتاكل وتشرب وبتشترى الغالى زينا كمان لان لا باليد حيلا اذا لم يتم الوقوف بشدة فانتزروا المزيد من حكومتنا وشكرااا واسف على الاطالة |
يا حوستى:o منهم لله على كدا بقى انا هعمل رجيم:( حسبنا الله ونعم الوكيل |
أيوة الأسعار غليت فعلا ..... لكن ليه الناس في رمضان أستهلاكها بيزيد مش المفروض أنه بيقل لكن دية عادة المصريين أحنا ماننكرش أنه في عجز لكن برضو أحنا بنساهم فيه
|
هى فعلا الاسعار بقت نار نار
وده للاسف هدف الحكومة تساعد على التخسيس فتزيد الحركة فيكثر العمل ويزيد الدخل فننهض بالدولة احنا اخر حل واحسن حل لينا نصوم السنه كلها ونخليها رمضان اهو هناخد صواب برده ونوفر كتير وده اكبر دليل لينا اننا فى مصر ام الدنيا شكرااااا على الموضوع يا محمد يلا ربنا يسامحك دمى اتحرق وخلاص:( |
على فكره اللى الناس متعرفوش ان فى رمضان معظم الناس باطخن مش بتخس وكمان معدل استهلاك الفرد اعلى الضعف فى رمضان من الشهر العادى |
اقتباس:
يابن الايه يا جامد ما انت متابع اهو;) طب والله كويس عشان انا كنت متغيب عن السوق الفتره الاي فاتت لا ولسه احتمال الوزير يعمل زي مسرحية الزعيم ويعمل حمله تكره الناس في الاكل يابني كل البلاد الي اسمعه عنها انها بترفع المرتبات وبالتالي ترفع الاسعار شويه عشان يبقي في توازن انما احنا نرفع الاسعار ونخفس المرتبات في الارض وسمعني سلام كتر الاكل يجيب بواسير |
اقتباس:
===================== هو الحشيش ايه اللى دخله فى الحكاية بس ناقصة سطل هى؟؟؟ ================== اقتباس:
بتحسبنوا على ايه بس؟؟ بس فى اشاعة بتقول ان اشاعة موت الريس هى السبب...اهو اى حاجة محدش على فكرة فى مصر بيموت من الجوع مثلا ولا الشعب هيثور ولا الاسعار هتنخفض الناس بتصرف نفسيها......:D |
حد شاف التورتة اللي بـ 145 جند
عمرو أديب امبارح قعد يغيظنا في فقرة الصور بس والله أنا مش شايف إنها تستاهل يعني |
اقتباس:
ده مش مبرر للكلام اللى انت قلته عمتا أنا هكتفى بإنزارك حاليا للمره التنيه |
كانز البيسي بقى بـ 2 جنيه و في حتت يقولك سياحي بـ 5.50 و البيتزا الصغيره اوي اللي مش بتشبع برغوت بـ 24 جنييييييييه واللحمه الكيلو غلي بقى بـ 33 جنيه و العيش اللي كان العشره بجنيه بقى الخمسه بجنيه و الزبادي بقى بـ 80 قرش و في حتت تانيه بـ 90 قرش دي بجد حاجه تحرق الدم نشحت يعني و بعدين تلاقي بقى النقاشين و الصناعيه بيرفعوا السعر هما كماااااان مش عارفه نلاحق على ايه ولا ايه مش عارفه اقول ايه بجد حسبي الله و نعم الوكيل و ربنا يهدي الحكومه ديييييييييييييييي شكراً يا سادات |
والله يا محمدالحاجه بقيت نااااااااااااااااااا
عموما اسكت اسكت احسن احسن الحيطه ليها ودان عايزه ادخل دنيا مش عايزين نروح في دهيه |
الموضوع بسيط وسهل الحل بس محتاج تنفيذ
مشكلتنا ان احنا لا نصنع ما نأكل ولو لاحظت هتلاقى كل حاجة مستوردة حتى فى الخضروات.. المبيدات والبذور مستوردة والمشكلة الاكبر ان احنا مش بنحافظ على سعر عملتنا بل بالعكس التضخم بيزيد وقريبا الجنيه لن يكفى لشراء مصاصة |
ههههههه ياخي نفسي مرة ادخل تكتبلي موضوع كدب تضحك علينا بيه زي ما كل الناس بتعمل بس والله عندك حق احنا مهما حصل سعرنا هيفضل يرخص و شوية كدا هتلاقي اعلانات علي البني آدمين الأتنين من دول بقرش و هتبقي هيصه يالا حسبنا الله و نعم الوكيل
|
جيل man look بقي 13 جنية
ههههههههههههه والله موضوع كويس |
am_online5 الجيل طيب ومالو شوف والنبى احنا بنقول ايه وهو بيقول ايه يلا ما علينا عندك حق يا اينيشتاين فى كلامك الجنيه بعد كده هنجيب به مصاصه وبعدين فعلا دلوقتى المصاصه بقت بأكتر من جنيه على فكره وفعلا يا أحمد بكره الاتنين المصريين بجنيه وفوقهم عيل هديه |
الله الى انا شيفاة يا عم محمد انها حاجة تحرق الدم و الناس مش بتلطم و تصوت بس دى قربت تطلع من هدمها لما الحجة تبقا بسعر الضعف فى اقل ن يومين دة يبقا اية بس و بابا حسنى الله يعمر بيتوا مش مخلينا نفسنا فى حاجة الواحد من كتر مهو مش عارف يودى الفلوس فين بيشترى حمام و يطيروا بس ونبى بلا حرقة دم و لسة الايام الزرقة لسة جاية مش الكل ساكت ولسا بابا حسنى حالف ليربيكوا قالوا المرتبات هتزيد تلاقى الموضف كل الى زاد بتاع 20 ولا 30 جنية بالكتر يدفعهم هو بقا فى الاسعار 200 ولا 300 جنية زيادة يا عم محمد دى حاجة تجيب شلل الاطفال لا فعلا عمااااااااااااااااااااار يا مصر
|
| جميع الأوقات بتوقيت GMT +2. الساعة الآن 09:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.