بلاش تتفرج على " يوسف الصديق " .. وتعالى تابع " يوسف الأحلام "
 

حلقات سلسلة يوسف الأحلام .. لفضيلة الشيخ محمود المصري

http://i.ytimg.com/vi/5lnDWsocsy8/0.jpg
-
هنزل هنا أول خمس حلقات .. ولو لقيت تشجيع هكمل .. والحلقات موجودة صوتية أو فيديو حسب ما تختار

ثانياً :: الحلقات صوتية بصيغة MP3

[/SIZE]

جزاك الله خيرا انا والله كنت عاوز اعرف حكاية المسلسل دى حرام ولا حلال
موضوع جميل والله ويارييت تجيب الحلقات بسرعه وانا هحاول انصح اصحابى وادهالهم

موضوع جميل جدا الحقيقة والله انا كمان لما تابعت المسلسل كنت محتاره فى حاجات كتير مش زى ما درست القصة فعلا
واما بالنسبة لموضوع التجسيد ده فعلا حرام وناس كتير معارضة المسلسل عشان كده
وبالنسبة للدولة فعلا ايران شيعه واعتقد فى حاجات كتير فى المسلسل مش صح عشان كده والله بطلت اتفرج عليه لانى حاسة بتناقض غريب فى اللى درسته والمسلسل
بس ليه احنا قبلنا بأخذ عمل زى ده ونبوظ ثقافتنا الدينية اللى بنحاول اصلا نكونها
انا محتارة فعلا فى امر المسلسل ده
الف شكر لحضرتك
موضوع مهم وكان لازم نتكلم فيه

المسلسل حراااااااااااااااااااااااااااااااام وحرام مشاهدته بإجماع علماء المسلمين القدامى والمعاصرين ولجنة كبار العلماء ومجمع البحوث ... كلهم أجمعوا على عدم تجسيد الأنبياء والملائكة ... والمسلسل فيه جبريل ويوسف ويعقوب والأسباط ....

ودي فتوى من الشيخ سالم عبدالجليل .. من علماء الأزهر ومجمع البحوث
طبعاً انا إخترت الشيخ سالم لأنه أولاً من الأزهر ... وثانياً من المشايخ السهلة اللينة اللي الناس بتحبها وبتسهلها ع الناس ... لو كنت جبت شيخ سلفي ( مع إن ده المفروض ) هلاقي اللي يقولك ده سلفي ووهابي ومتشدد والكلام المطاط ده

نص الفتوى :
ياريت بقا نصدق ونبطل نشوفه .....

شكراً على مرورك يا اسماعيل وإن شاء الله أكمل بقية الحلقات

موضوع غاية في الأهمية
فعلا تجسيد الأنبياء حرام
وسيدنا يوسف الذي ليس في جماله بشر
يمثله واحد زي دااا!!!
بجد مهزلة
دلوقتي لو اطفال بيشاهدوا المسلسل وفي المستقبل
حبوا يقرأوا سورة سيدنا يوسف
أكيد هيجيب في بالهم ان سيدنا يوسف شكله زي الممثل
هي وقتها هتبقي حاجة لا شعورية !!!!!!
وكدا استهانة بالأنبياء الله !!
وغير ان الشيعية مسبوش حاجة اللي لما ادخله عليها التحريف !!!
ربنا يهديهم ....
موضوع متميز
تم التثبيت

بجد موضوع جميل ..
واحسن حاجه تبيين الصحيح مع الاسباب ..
انا الحمد لله مش بشوف المسلسل ..ولا عايزة اعرف بييجى امتى ..ولا على اي قناه ..وده من فضل ربنا الحمد لله ..
وانا متابعه معاكو حلقات يوسف الاحلام ان شاء الله ..
شكرا ع الموضوع الرائع ..

الموضوع مش محتاج حيرة ولا حاجة ... ده حتى على رأي واحد أعرفه قالي : تجسيد الأنبياء أمر لا يتماشى مع الفطرة السوية ... فلا يوجد شخص يمكن أن يتخيل أن فلان شكل نبي ........
طبعاً أنا تعرضت لمساوئ المسلسل .... والحمد لله أنا مش متابعه ولا عمري شفته .... لو كنت إتفرجت على حلقة منها كنت طلعت لك الغلطات اللي فيه وأفندها ... ولكن أحسن لنا نبعد عنه ... قال رسول الله صلى الله عليه وسلم " فمن اتقى الشبهات فقد استبرأ لدينه وعرضه "

شكراً على الرد ... وأحب أوضح حاجة إن مقاطعة المسلسل ده هتسد طريق كبير وتقفل باب مش عاوزينه
إزااااي ؟؟ ... أقولك بس صلي على خير الخلق و حبيب الحق
الناس دول - ربنا يهديهم أو ياخدهم أخذ عزيز مقتدر - لما عملوا المسلسل ده .. لو لقوا شعبيه... هيبقى ده تشجيع لهم إنهم يكملوا
النهاردة يوسف الصديق ... بكرة عيسى المسيح ... وبعده موسى الكليم ... ونلاقي نفسنا بنتفرج على سيرة سيدنا محمد في مسلسل ...وده طبعاً لا يكمن يرضى بيه أي مسلم في قلبه مثقال حبة من إيمان
شكراً على الرد ... ونورتي الموضوع

[quote]شكرا أختى على الرد وعلى التثبيت .... والموضوع نور والله بوجودك

وطبعاً زي ما قولتي إن ده إستهانة بالأنبياء ..... والنبوة لها هيبة ووقار .. ولازم نعرف إن الأنبياء بشر ليسوا كباقي البشر ... بل هم بشر معصومون بعصمة من عند الخالق عز وجل .. ولهم مزايا غير باقي البشر .. ودي طبعاً مسألة في العقيدة
--- ولما تعرف إن المسلسل ده شيعي ..... لازم يتقاطع ونبطل نتفرج عليه ..... لما تعرف إن المسلسل ده من عند اللي سبوا الصحابة وحرفوا القرآن و لعنوا أمهات المؤمنين ( حفصة وعائشة ) ... وتبرأو من أبو بكر وعمر ..... وقدسوا علي بن أبي طالب .... جعلوه نبي .... وجعلوه إله ... آه والله ... راجع عقيدة الشيعة الإمامية الإثنا عشرية والمؤلهة .... هتلاقي عنهم بلااااااوي سودة .... بإجماع العلماء فإن أئمة الشيعة كفااااااااار مرتدين ..... لكن عامة الشيعة لا يطبق هذا الحكم عليهم إلا إذا كانوا على علم ..... بعد ده كله ... لسو برضه مصمم/ة تشوفه

إن شاء الله الحلقات هنزلها كاملة بالتتابع ... وأحسن حاجة نبعد عن الفتنة دي ... " فمن إتقى الشبهات ففقد إستبرأ لدينه وعرضه "

أعتقد إني وضحت المسألة دي ... ولو فيه أي إستفسار أنا تحت أمرك

أي حاجة في الزمن ده لازم تصدقيها ... زمن الفتن ... فتن الشبهات ... ظلمات بعضها فوق بعض إذا أخرج أحدنا يده لم يكد يراها ......... شكراً على الرد

أنا كده نزلت أول 15 حلقة من السلسة ... يعني تقريباً نصها ... ومش هنزل حاجة تاني إلا لما تدفع حساب الحلقات اللي فاتت
أيوة .. حسابهم .. إنت بتنسى بسرعة كده ليه .... إحنا مش إتفقنا إن حسابهم هو الصلاة على النبي - صلى الله علىه وسلم -- وإنك تدعيلي بظاهر الغيب

والله ما هتخسر ... إنت متعرفش إن الرسول * صلى الله عليه وسلم قال : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم ..... يعني إنت الكسبان ... والدعاء بظاهر الغيب مستجاب ... يالا بقا خلى الملك يدعيلك ... وإدعيلي بالهداية والنجاح والتوفيق والسداد والرشاد ... وأي حاجة عاوزها لنفسك :(

ومش عاوز بقا أقولك فضل الصلاة على النبي ... ده فيها تكفير ذنوب وجبال حسنات ورفع درجات و تفريج كربات وذهاب الهم والغم ..... وقال صلى الله عليه وسلم : { من صلّى عليّ واحدةً صلّى الله عليه عشر صلوات وحط عنه عشر خطيئات ورفع له عشر درجات } { أولى الناس بي يوم القيامة أكثرهم عليّ صلاة } { البخيل كل البخل الذي ذكرت عنده فلم يصليّ عليّ } { من نسي الصلاة عليّ خطئ طريق الجنة } { أيّما قوم جلسوا مجلساً ثم تفرقوا قبل أن يذكروا الله ويصلوا على النبي كانت عليهم من الله تره إن شاء عذبهم وإن شاء غفر لهم }

وكل دي أحاديث صحيحة ...... ها .. دفعت الحساب ولا لسة !!

على فكرة ناس كتيرة اوى بتتفرج على المسلسل دا
واطفال كتير بتشاهده
وحفظين احداثه
ودا خطر عليهم هيشكل تفكيرهم ووجدانهم بعد كدا
وحتى تمشى فى الشارع تسمع المحلات كلها مشغلاه
احنا عايزين نفسر الظاهرة دى
وخصوصا الاطفال ومدى تاثرهم بييه

المسلسل دا اتزاع السنه الماضيه على المنار
وقد شاهدته العام الماضى واستغربت كثيرا
بس فيه ميزة واحد ه
وهى
انه حببنى فى مصر
مصر القديمه طبعا وحسسنى مدى العز ال كنا فيه زمااااااااااااان

شكرا جزيلا على الموضوع الرائع

جزاكم الله كل الخير
والله المستعان

بجد بارك الله فيك وانا بحب الشيـــخ محمـــود المصرى جدا ... ومتابع كل برامجه...

بس أحب أوضح نقطة انت قولتها فى الاول .. لانى حضرت المسلسل ده من 5 شهور تقريبا بس مش على القناة اللى بيتعرض عليها الان .. المهم .. هو أسم سيدنا يوسف فى المسلسل (( يـــــوســـــف )) ... اما حكاية يوزر سيف دى... لانه لما اتباع على انه عبد .. باعوه على أساس ان اسمه يوسف .. لكن كان أسم غريب شوية على الفراعنة فأطلقوا عليه ( يوزر سيف ) لكن أسمه الحقيقى فى المسلسل بين أبوه و أخوته وكل حاجة أسمه (( يوسف )) ...


و انا معاك فى باقى كلامك ... بارك الله فيك وياريت نتابع حلقات يوسف الاحلام للشيخ محمود المصرى ...

فى رعاية الله ..

بجد موضوع جميل جدااا ويستحق التثبيت بجدارة :078111rg3:

الصراحة انا اول مرة اعرف ان فى مسلسل لسيدنا يوسف اصل مش بفتح التليفزيون خالص ^_^ وكمان لما عرفت انهم مجسدين شخصية سيدنا يوسف ده اكبر حرام هو فى مخلوق فى جمال سيدنا يوسف :stickjo4::stickjo4:

واحنا متابعين مع حضرتك الحلقات وجارى التحميل انا بحب قصص الانبياء اوى وخاصة قصة سيدنا محمد صلى الله عليه وسلم وقصة سيدنا يوسف

ربنا يوفق حضرتك وجعله الله فى ميزان حسناتك ^_^^_^

أكيد أكتر ناس بتتأثر بالموضوع ده الأطفال

شكراً على مرورك

ميزة واحدة قدام مليون عيب وعيب ... أعتقد إن الكفة مش موزونة
وبلدك لازم تحبيها من غير حاجة وتفتخري بيها

شكراً على مرورك ... نورتي الموضوع

وجزاكم الله كل الخير

أولاً : أحب أشكر حضرتك على الرد
ثانياً : بالنسبة لموضوع الإسم ... أنا ذكرت الحكاية دي كمدخل للموضوع مش أكتر ... لأن مشكلة المسلسل مش الإسم ..... وبغض النظر يوزسيف دي جت منين ... أنا مؤمن إن نبي الله بن يعقوب إسمه يوسف كما أخبرنا القرآن الذي لاينطق عن الهوى .... أما موضوع يوزرسيف ..... فهو الإسم العبري لإسم يوسف عليه السلام .... أو كما قيل الإسم المصري في اللغة المصرية القديمة .... وكل ده كلام ملوش إسناد صحيح ... أنا بحثت في كتب التفسير فلم أجد لإسم يوزسيف أصل ولا مغزى ,... فياريت لو أي حد عنده دليل صحيح على الإسم ده يبعتهولي


طبعاً أحب أهنيكي إنك مبتفتحيش التليفزيون لأن ده في حد ذاته أكبر إنتصار ليكي على عدو بيضيع الوقت ويفسد الدماغ
بس للتوضيح ... كان هناك من هو أجمل من يوسف عليه السلام .... وهو سيد البشر سيدنا محمد صلى الله عليه وسلم .... فقد أعطي يوسف شطر الحسن أما سيدنا محمد فقد أعطى كل الحسن

وهنا تظهر شبهة وهي : لما سيدنا محمد صلى الله عليه وسلم أجمل من سيدنا يوسف ... لما لم تتعرض له النساء كما فعلن مع يوسف ... كما يقول الله تعالى ( وراودته التي هو في بيتها ........ الآية ) ، ( فلما رأينه أكبرنه وقطعن أيديهم وقلن حاشا لله ما هذا بشر إلا هذا إلا ملك كريم )
و الجواب على هذا ان جمال سيدنا رسول الله صلى الله عليه وسلم كان مغطى بالهيبه فلا يستطيع احد ان يرفع النظر اليه فكان جماله مغطى بجلاله اما سيدنا يوسف فكان جماله ظاهر يستطيع كل احد ان بنظر اليه . ولذلك قالت السيدة عائشه رضى الله عنها (لو ان اصحاب زليخة رأين جبينه لأثرن تقطيع القلوب على الأيدى)

جزاك الله كل الخير على المرور والرد .. وإن شاء الله نكمل الحلقات في أقرب وقت

والله النت يكفينى ^_^^_^ اما فى الاجازة ده على طول واحدة فاضية بقى -_-
وشكراا على اضافة المعلومة الجميلة دى :rolleyes:
وان شاء الله منتظرين الحلقات مع حضرتك :lol:

جزاك الله خيرا كثيرا

لكن الحلقات فين

مش موجودة

جزاكم الله عنا وعن المسلمين خير الجزاء
لك جزيل الشكر والاحترام

موضوع غايه فى الاهمية وخاصة فى هذة الايام

الهم ابعد الفتن عن المسلمين
وفقهم فى دينهم
واعنهم على حفظ ووعي ( القران الكريم )كتاب ربهم

وسنة نبيهم

محمد صلى الله عليه وسلم


لك كل التقدير والاحترام ووفقك الله لما يحب ويرضى

بجد موضوع اكثر اكثر من رائع

وجزاك الله خيرا

وجلعه في ميزان حسناتك

تقبل مروري

جزاك الله خيرا
انا نصحت كتيير وما حدش سمع كلامى

مشكورة جزاك الله خيراً

جزاكم الله عنا كل خير
وحسبي الله ونعم الوكيل في ميلودي

راااااااااااااااااااااائع

بجد انا سعيده جدا ومبسوطه جدا من الموضوع ده


بجد ربنا يكرمك ودائما سباق الي الخير


واسال الله عز وجل ان يبارك في ابي الشيخ محمود المصري

الموضوع عجبنى جدا جزاك الله خيرا

شكرررررررررررررررررررررررررررررررررررررررررررررررر ررررررررررررا

الروابط كلها لا تعمل الرجاء اعادة وضع الروابط

المسلسل ده مش فيه حاجة غلط
وبالنسبة لاسم "يوزر سيف" ده الاسم اللي اطلقه عليه "بوتيفار" (عزيز مصر) و زوجته "زليخة"
لكن هما مش قالوا ان سيدنا يوسف اسمه "يوزر سيف"
والاستاذ اللي سمع المسلسل وهيطلع اخطاء فيه
للاسف .............هو مش عرف يفهم الموضوع صح
وايه المانع يعني لما نشوف الشيعيين بيقولوا ايه
هو يعني احنا اللي بنتكلم صح؟؟؟؟؟؟؟؟؟؟؟؟؟
الشيخ فلان بيشتم الشيخ فلان علي القنوات الفضائية ، وواحد يقول الرسول فشل.........والتاني يقوله الرسول مش فشل ولا حاجة وانت اللي فاشل
هااااااااا.....................
بنترك الاخطاء اللي في مجتمعنا ونمسك في اخطاء الناس التانية
والله اللي عاوز يتفرج علي المسلسل ..............يتفرج
و اللي مش عاوز....................... يبقي براحته
وعلي حد علمي بالدين...............
مفيش اي اخطاء في المسلسل ده
كل الحاجات اللي احنا عارفينها عن النبي يوسف وحياته..........هي اللي وردت في المسلسل
وكنت كل ما اشوف حلقة........... كنت اتأكد من الاحداث اللي فيها اولا بأول
ومش اي حد يفضل يحرم ويحلل وهو قاعد بيـ............................
وياريت الاستاذ اللي عمل الموضوع مش يهيج الدنيا اوي كده ويقرأ الرد بتاعي
شكراااااااااااا للجمييييييييييييييييييييع

هو موضوع جميل

علشان انا كان نفسى حد يفتح الموضوع ده
انا اتفرجت على بعض الحلقات مش كحب فيه ولكن حب استطلاع
رغم ان انا بحب جدا سيدنا يوسف

علفكره هما مزودين حاجات مذكرتش فى القران

زى ( هو ذكر فى القران ان سيدنا يوسف اتجوز زليخه ؟؟؟؟؟؟؟؟؟؟؟)
مذكرش صح ولا..............................

أولاً أحب أشكر حضرتك على الرد ...
وأنا هرد على كل حاجة حضرتك قولتها في نقاط سريعة
لا هو مليان غلط كتيير ... ويمنفعش تحكم عليه إلا إذا تفرجت عليه كامل ويكون عندك علم ديني يمكنك من إنك تفهم الحقائق اللي هو ملخبطها ..... وبعدين أنا متفرجتش على المسلسل ومشفتش المحتوى اللي فيه ...وحتى لو كان كله صح ومن القرآن والسنة ... يكفي المسلسل إثماً إن فيه تجسيد لأنبياء وملائكة .. وده حراااااام بإجماع علماء الأمة القدامي والمعاصرين ومجمع البحوث . أنا حاطط الفتوى في الموضوع هنا ......

القرآن قال إن عزيز مصر قال : " قال ما خطبكن إذ راودتن يوسف عن نفسه قلن حاش لله ما علمنا عليه من سوء قالت امرأة العزيز الآن حصحص الحق أنا راودته عن نفسه وإنه لمن الصادقين " ... ويا سيدي الفاضل مش دي المشكلة ... المشكلة مش في بوتيفار ولا يوزرسيف ... دي كلها أسماء إحنا يهمنا أشخاص موجودين في القرآن ... مشكلة المسلسل أكير من كونها لخبطة في الأسماء ....... دي غلطات تاريخية شنيعة .... ومسألة عقائدية بحتة

أنا متفرجتش على المسلسل ... وياريت حضرتك تقولنا الفهم الصح للمسلسل ... لعل قد آتاك ما غاب عن الجميع

المانع إن ده مش هزار وحب إستطلاع وفضول ... دي عقيدة ... عقيدة عندنا إسمها الولاء والبراء ..... والمفروض إن إحنا بنتبرأ منهم لأنهم كفااااااااار كفر أكبر يخرج عن الملة بإجماع ... لسبهم الصحابة وأمهات المؤمنين وتحريف القرآن .. ومش ده موضوعنا علشان نتكلم عن فظائع الشيعة وأوعد حضرتك إني هتكلم في الموضوع ده قريب جداً

---- على فكرة .. مينفعش نحط رأسنا في جحر التعابين وأقول نشوفهم بيعملوا إيه
على فكرة إسمهم الشيعة مش الشيعين

طبعاً بنتكلم صح ... لأننا بنتكلم من القرآن والسنة ومفيش أصح من كده كلام .....قال تعالى " وَمَنْ أَصْدَقُ مِنَ اللَّهِ حَدِيثًا "

من غير ( هااااااا ا ) ولا حاجة يا سيدي ... الموضوع كله إختلاف آراء في حدود فروع الدين مش في الأصول والثوابت ... اللي بيننا وبين الشيعة إختلاف في الثوابت والأصووووووول ومش ده موضوعنا لأنه موضوع قديم وإتقفل من زمان .. واللي بيسعى فيه بيسعى لخراب ووقيعة بين رموز الأمة
المسلسل دلوقتي شغال في مجتمعنا إحنا مش في مجتمع الناس التانية

طبعاً براحته .. بس هو اللي يشيل ذنبه .... اللي بنعمله في الموضوع ده مجرد تحذير وتذكرة ونصح ... من باب النهي عن المنكر ... علشان نبقى أبرأنا ذمتنا أمام الله

أنا متفرجتش على المسلسل علشان أقول إذا كان صح ولا لأ ... أنا بقول إن فكرة المسلسل من الأساس غلط بغض النظر عن المحتوى اللي فيه
أشكر حضرتك على أدبك .... أنا مش بهيج ولا حاجة أنا قولت إن ده من باب النهي عن المنكر والتناصح ..وكل على أساس الأخوة والمحبة في الله اللي بيننا .....وبعدين أنا مش بفتي وبحلل وبحرم ... أنا قولت لحضرتك إن ده إجماع لعلماء الأمة ... ولمجمع البحوت على إن مشاهدة المسلسل حرااااااااااااااااااااااااااااااااااااااااااااااام .... وكل مسلم يشاهده يرتكب معصية

أشكر حضرتك على الرد ... وآسف إن قصرت في الرد علي حضرتك بسبب ضيق الوقت لكن أوعدك بعودة إن شاء الله للتفنيد ... والله المستعان

طبعاً دي لم تذكر في القرآن .... لكن ذكرت في كتب التفسير وذكرها إبن كثير والطبري .. يعني الرواية مقبولة

بس إحنا قولنا بغض النظر عن المحتوى ... الفكرة في الأساس حرام زي منا وضحت

ياريت توظفي الحب ده في حاجة أحسن ... زي مثلاً إنك تقرأ كتب صحيحة عن سيدنا يوسف أو تحفظي سورة يوسف

أشكرك

سيتم إعادة مراجعتها في أقرب وقت .... شكراً للتنبيه

العفو

وجزاكي كل الخير

أشكرك أختي على مرورك الرائع

شكراً أخي على المرور ... والحمد لله إننا وضحنا
ربنا بنتقم منهم

شكراً على المرور

شكراً على المرور ... جزاكم الله كل الخير

أشكرك أخي على هذه الدعوات الطيبة

حاول معاهم تاني ومتزهقش

على فكره انا موظفه ده اقبل ماحد يقول وشكرا على نصيحه حضرتك

إنها ليست مشكله واحده ولكنها مشكلتان
الأولى تجسيد شخصية الرسل --- مع إن امريكا أنتجت فيلم عن سيدنا عيسى وله شهرة عالميه
الثانية إنه انتاج ايرانى مع أن مصر وتركيا أنتجو امئات الاعمال بها أخطاء تاريخية ودينية بلا حصر
لارى من وراء ذلك إلا تحويل الدفه من العداء للصهاينه إلى العداء لإيران

نعم الشيعه خطرقادم ويجب أن نحذرهم ولكن خطرهم أبسط بكثير من خطر الصهاينه وأعوانهم

وقصة سيدنا يوسف من أسهل وأوضح القصص القرأنية ولكنها تحتاج أيضا إلى الإطلاع على كتب التفاسير لنحكم عليها

وعلى ماجاء بهذا المسلسل وغيره -- ونفرق بين الأسماء العربية وغير العربيه

شكرا على المواضيع الهامة

مشكوووووووووووووووووور

موضوع مهم جدا ..
أنا شفت الاعلان بتاع المسلسل قبل كدا بس توقعت انه يكون واحد تاني اسمهـ يوسف وعاملين القصة عليهـ ..
اعتراضي كلهـ كان على كلمة " الصديق " .. ومهتمتش كتير لأن القناة دي مبفتحهاش كتير اساسا ومشفاكراها .. التليفزيون كلهـ مبقتش أفتحهـ غير نادرا ..
بس دهـ بجد حاجة فظيعة ..
معنى كدا ان احنا ممكن بعد كام سنة نفتح التليفزيون نلاقي واحد بيمثل انه الرسول محمد صلى الله عليهـ وسلمـ .. دي كارثة ..

اقتباس:

ربنا قال عن نبي الله يوسف إن إسمه يوسف ولما نادى عليه قاله ."" يوسف أعرض عن هذا وإستغفري لذنبك إنك كنتي من الخاطئين "

بس هنا اللي كان بيكلم يوسف هو عزيز مصر ..
" فلما رأى قميصهـ قد من دبر قال إنهـ من كيدكن إن كيدكن عظيمـ * يوسف أعرض عن هذا واستغفري لذنبكـ ... " يعني حتى المصريين كانوا بيقولوهـ " يوسف " مش " يوزرسيف" ..

جزاكـ الله خيرا .. وميرسي على الموضوع الأكتر من رائع .. تسلمـ إيديكـ ..

شكرا على هذا الموضوع الرائع الممتع وجزيت كل الخير