معلم مساعد روحه طلعت
 

يا جماعه حد يساعدنى انا امتحنت الكادر ونجحت واجتزت الاى سى دى ال وقدمتها للأكاديميه بتاريخ 23-6-2010 واستنيت اسمى ييجى للإداره من ضمن المتثبتين لكن مش لاقيته موجود مع العلم ان فيه ناس مقدمه فى نفس ميعادى واسمها جه
اعمل ايه؟

تاكد مرة اخرى

محافظة اية واسم الادارة

راجع الاكاديميه التابع لها بسرعه للتاكد من اسمك

ايه يا منار اول مرة اشوفك نيرفز كده

حسبى الله ونعم وكيل

مولد وصاحبه نايم مقيل


عشان كلها كام يوم وهيروح

يتحاسب حساب طوييييييييييييييييييييييييييل

اكيد لازم اكون كدا من كتر اللى انا بشوفه خلاص اتخنقت

اهدي شوية واسمع المثل ده بس ما حدش يزعل مني :
طالبة بالصف الثالث الثانوي تركت رسالة لوالدتها وكتبت يها ما هو باختصار انني هربت مع احد زملائي بالمدرسة وقد تزوجته عرفيا وهربنا الي بلد يتاجر فيها هو بالبانجو والمخدرات ولا تقلقي يا امي فانا حامل في الشهر الاول وعندما ياتي الولد سنسميه على اسم ابي فلا تخافي ، وقد اضطررت لاخ جميع المصوغات الذهبية والاموال التي في دولاب حضرتك لابدأ حياتي مع من احببت فلا تقلقي

























أماه كل هذا كذب لكني احببت ان اخبرك ان هناك افظع من الرسوب انا عند زميلتي اللي قصادك وعلى الطاولة بيان رسوبي في الثانوية العامة فدي بسيطة اكيد لا تحزني

اسف لو المثل ده هيجرح حد بجد انا اسف

فعلا معاكى حق بس على فكره احب اقول انى مش مخنوقه من وضعى المهنى وعمرى مااعترضت على اى وضع يخصنى والحمد لله لانى مؤمنه ان السعاده الحقيقيه فى الرضا باللى ربنا كتبهولنا

اانا محتجه على الاوضاع الكتير الغلط اللى بقت فى البلد
معترضه على اللى بشوفه كل يوم بيحصل لغيرى من ظلم حتى لو الظلم دا مش متوجه ليا
معترضه على احوال كتير من المدرسين اللى من ابسط حقوقهم فى بلدهم انهم يشتغلوا ويكونوا مطمنين
وليهم حقوق واغلبهم فاتحين بيوت وعندهم اسر وكل اللى بيسمعوه لحد دلوقت كلام وبس
محتجه على حاجات كتير اوى شفتها وسمعت عنها وقريتهااو حصلت قدامى
كمان صدقينى احساس صعب اوى على انسان انه يشوف كل دا وللاسف ميكونش فى ايده اى حاجه يعملها
ومستعده اراهن ان مش انا بس اللى كدا فيه كتير جواهم احساس بالغضب من اللى بيشوفوه
يعنى كونى مخنوقه فدا مش بيرجع لاسباب شخصيه تخصنى انا
انا مخنوقه من اللى بشوفه وابسط مثال اللى حصل مع كاتب الموضوع دا
تعرفى كتير بيريح دماغوا لما بيشوف وضع غلط لكن انا مش بقدر اعمل دا فى حاجات كتير تفتكروا فى حاله زى حالتى دى المفروض اعمل ايه

وصدق الله العظيم في الحديث القدسي
(( يابن آدم إن رضيت بما قسمته لك أرحت قلبك وبدنك وإن لم ترضى بما قسمته لك فوعزتي وجلالي لأسلطن عليك الدنيا تركض فيها كركض الوحش في البريه ولا ينالك منها إلا ماقسمته لك وكنت عندى مزموماً ))

أحيكي أختي الفاضله

كل شيئ في مصر غلط في غلط رشاوي ومحسوبيه وظلم وكل شيئ فاسد لنا الله كلنا نحلم بوظيفه بملاليم حتى تستقر أمورنا وغيرنا يلعب بالملايين

بصراحة منار علي وجارة الوادي انا بفتخر انهن مدرسات مصريات على قدر كبير من التفاهم والثقافة والاحترام

ياما دقت على الراس طبول ومش هنكون اول واخر الاحزان يا نا البلد دى مش بلدنا دى بلد الحكومه والاغنيه والوسطه فقط
اما الغلبان ملوش مكان فى اى مكان فى مصرالا الشارعوالشارع كمان اصبح بالا جار وحسبى الله ونعم الوكيل

إلى صديقى اللى روحه طالعة أنا كمان حصللى نفس اللى حصللك تمام وقدمت صورة الشهادة فى شهر 6/2010 ولكن تفائلوا بالخير تجدوه.

عتمد وزارة التربية والتعليم خلال أسبوعين شهادة صلاحية مزاولة مهنة المعلم لـ43 ألفاً و 234 معلماً مساعداًَ من أصحاب العقود المؤقتة يتم تعيينهم علي درجة معلم مما يضمن زيادة مادية قدرها 50% من الأجر الأساسي.

وقال د. عادل شكري مستشار وزير التربية والتعليم إنه سيتم الإعلان عن تعيينات المعلمين بعد مراجعة جميع التقارير المرسلة من موجهي المواد ومديري المدارس والدبلومات التربوية المعتمدة من الجامعات وشهادات icdl ونتائج امتحانات كادر المعلم الأخيرة. من جهة أخري أدي تأخر قطاع القاهرة لم ينته من مراجعة تقارير المعلمين المساعدين إلي تأجيل رفع التقارير النهائية للوزير تخوفاً من تكرار مسألة تزوير شهادات الدبلومات التربوية التي حدثت منذ عامين كما كشفت تقارير المراجعات أن هناك العديد من أسماء المعلمين التي قد سقطت بطريقة الخطأ.

كما تسببت عدم تبعية مركز المعلومات إلي الاكاديمية المهنية للمعلم في إعاقة عملية سير العمل بين الجهات التي تكمل بعضها وهو الأمر الذي قد يؤثر علي اجتماع مجلس إدارة الأكاديمية المهنية للمعلم مع وجود مقترح يوضع لوائح مالية وتنفيذية جديدة للأكاديمية وكيفية سير العمل بينهما وبنك الأسئلة ومركز المعلومات.

ومن يتق الله يجعل له مخرجاً ويرزقه من حيث لايحتسب