|
اجتماع مغلق للطلبة تانية
السلام عليكم
عاملين ايه فى المذاكرة اولا فى الصيف فى بداية تانية كتير مننا كان حاطط خطط لتانية ثانوى بس لما دخلنا فعلنا تانية مطبقنهاش كلها ومنا من اخر مذاكرة لحد الان زى كدا المهم الموضوع باختصار اننا نكتب ازاى بنذاكر وايه حاجات وقفت قدامنا ونحاول نساعد بعض انا سمعت انهادرا ان الامتاحانات هتبقى اشد من السنة الى فاتت ربنا يستر ياريت بجد تشاركوا |
حلو الموضوع اوى و فعلا الواحد ببيبئى عاوز يذاكر كتيرررررررررررررر زى ماكان مخطط فى الاجازة بس الواحد مش بيلائى وقت خااااااااالص و انا حايفة اوى والله و لو حد عنده نطام للمذاكرة و تنطيم الوقت يقولهولنا و يفيدنا و ربنا معانااااااااااااااااا يارب
|
فعلا مش كل اللى كنا مخططين ليه عملنا لما بدانا
بس ده بردو مش بأيدينا مواعيد الدروس والمدرسه مشددين جاامد فى الغياب ومش عارفين نقعد كل ده مكنش معمول حسابه فى الصيف بس طريقه المذاكره والتنظيم ع حسب مواعيد كل واحد بس انا عندى مشكله فى حفظ الفرنش مش بعرف احفظ ولو حفظت عالبال مابروح الدرس بكون نسيت اعمل ايه |
بصوا اول حاجه خالص نبعد عن تفكيرنا اي كلام من ناحيه الامتحانا بيقولو صعبه وحتيجي شديدة والكلام التعجيزي ده كله لانك لما تسمع كده مش حتطير على الكتب تذاكر يمكن بالعكس يجيلنا احباط منه وده اللي بيحصل فعلا
اول حاجه قبل ما نبدأ المذاكرة نستعين بالله ونحط في دماغنا ان كل واحد حياخد على اد كل ثانيه تعب فيها و كل واحد فينا حياخد على اد تعبه وندخل بقى في الجد اول حاجه مثلا لو حتذاكر كيمياء ولنفرض اننا حنذاكر خمس صفحات ،، نقرا الاول الصفحات وناخد فكره عامه عن اللي حنذاكره وبعد كده نبتدي نفصص بقى كل نقطه ونركز في اننا نكون فاهمينها كويس وبعد كده لو فيها جزء حفظ او اجابه نموذجيه نحفظها وان شاء الله حتثبت على طول والمعادلة الاول نقولها كده كاننا بنعملها في المعمل ونبقى فاهمينها لحد ما يخلص الجزء اللي علينا مذاكرته وعلى فكرة فيه دراسة بتقول ان اول مذاكره لو متبعهاش مراجعه خلال 24 ساعه مخنا حيفقد حوال 80 % من اللي ذاكرناه يعني على الاقل قبل ما ننام نقرا تاني اللي ذاكرناه مجرد قراءه فقط وبلاش نكدس على نفسنا كل المذاكره اللي علينا واننا نحدد لنفسنا حاجات تتذاكر احنا عارفين اننا مش حنقدر نخلصها في الوقت اللي فاضل في اليوم وبلاش تحطوا كل المواد قدامكم عشان الموضوع ده محبط اووووي صح ؟ وبلاش ننام كتير عشان اليوم اللي بنام فيه اقل او مش بنام فيه خالص في نص اليوم بذاكر فيه اكتر حتى لو ضيعت فيه وقت وافضل حاجه تنظم لنا وقتنا هو اننا نحدد الاجزاء اللي حنقدر نذاكرها في اليوم وننوي اننا نخلصها وان شاء الله تخلص |
اقتباس:
اول حاجه لازم تقريها كتير ،،، انا مش بعرف اذاكر الا لما اقرا الحاجه كتير ،، يعني ديما مذكره الكيميا في شنطتي وقت ما اكون زهقان اقرا الجزء اللي عليا واسمعه لنفسي بالنسبه للانجليزي او الفرنش اولا لازم تنطقي الكلمه صح وتكوني عارفه نقطها كويس ،، يعني ممكن في الحصه تكتبي النطق بتاعها جنبها بس بالعربي لان ده حيفرق معاكي في الحفظ جامد اوي وبعدين الكلمة اربطيها في دماغك بصورة ليها او تعبير ليها ،،، يعني مثلا مثال بسيط play اول ما الكلمه دي تشوفيها او تسمعيها وانتي رابطها بحركتها او بصوره لها لحد بيلعب لعبه معين حتفتكريها وكمان اكيد طبعا بتحفظي بالكتابه ،، وانتي بتكتبي ارسمي صورة كروكي لمعنة الكلمه وخلي حد يسمعلك الكلمات شفوي ،،، يعني اي حد من البيت بعد ما تخلص حفظ الكلمات ياخد منك المذكره او الكتاب وفي ايده قلم رصاص ويبتدي يقولك الكلمه عربي وانتي تقوليها فرنش او انجليزي وفي دماغك كتابتها ازاي كانك بتكتبي والكلمه اللي تنسيها او متعرفيش تجاوبي عليها من المؤكد انك متعرفيش كتابتها ازاي فا ميعلمش عليها وتذاكريها تاني وعلى فكرة التسميع الشفوي افضل من التسميع بالكتابه لان الشفوي فيه ضغط نفسي اعلى من التسميع بالكتابه بس الكتابه اساسي في الحفظ بردو يااااا رب اكون قدرت اساعدك وجربي وان شاء الله حتنفع معاكي الطريقه دي وممكن تدخلي هنا http://www.imanway.com/vb/showthread...E1%E3%C7%CA%29 حتلاقي نصائح مفيده لحفظ الكلمات بالتوفيق لكِ وللجميع |
مرسى جدا لm2 a a
على ردوده الجميلة بجد لازم نراجع الى ذاكرناه قبل ما نام وحكاية مذكرة الكمياء دا انا بعملها مفروض لما نحفظ مثلا صفحة انجليزى لازم نراجعها قبل ما نحفظ جديد وكدا ونعمل مراجعة اسبوعية |
بس انا كل مااجى اذاكر كيمياء معرفش احل حاجة
|
اقتباس:
مش مصطفى بردو ؟ ههههههههه وخصوصا وعلى فكرة فيه دراسة بتقول ان اول مذاكره لو متبعهاش مراجعه خلال 24 ساعه مخنا حيفقد حوال 80 % من اللي ذاكرناه يعني على الاقل قبل ما ننام نقرا تاني اللي ذاكرناه مجرد قراءه فقط وبلاش نكدس على نفسنا كل المذاكره اللي علينا واننا نحدد لنفسنا حاجات تتذاكر احنا عارفين اننا مش حنقدر نخلصها في الوقت اللي فاضل في اليوم وبلاش تحطوا كل المواد قدامكم عشان الموضوع ده محبط اووووي صح ؟ وربنا بقوينا ان ان شاء الله |
اقتباس:
انا فعلا بعمل معظم اللى بتقول عليه بكتب النطق بالعربى بس المشكله فى النطق الفرنش اساسا والاكسونات بقى وكله بيدخل ع بعضه بس هجرب طريقتك دى جميله بجد ميرسى ليك وربنا معانا ياارب |
اقتباس:
بصى يا جاسمين انا عن نفسى فى اى ماده بطبق الطريقه دى انى احدد الكم اللى مفروض اذاكره وبقسمه الى اجزاء بذاكر جزء واحل عليه الجزء الخاص باسئلته عشان اثبته بالاسئله وبعدين اذاكر الجزء التانى واحل عليه لانك لو فضلتى تذاكرى وتحفظى كم كبير من الماده بس فى اجزاء مش بتثبتى عليها فى حفظك وممكن تقع منك وبعد مابخلص خالص بحل اسئله شامله بقى على جميع الاجزاء بكده هيثبت معاكى ان شاء الله وهتعرفى تحلى حاولى تجربيها كدا |
اقتباس:
اقتباس:
بالظبط .. هو انا شكلي بيدي على مصطفى? :D اقتباس:
هو فعلا الفرنش اعرف انه مشكلته في الكتابه غير النطق والعكس وجربي وان شاء الله حتنفع متنسيش بس تدعيلي :p |
اقتباس:
بصي بلاش تاخديها على اساس انها حفظ ،،، يعني زي ما سمر قالتلك اول حاجه حددي جزء تذاكريه وابتدي بجزء صغير واقريه كله بعضه ولما تحسي انك خلاص فاهماه حاولي بقى تشرحي لنفسك باسلوب قريب من المذكره او اللي بتذاكري منه يعني بصي كلمي نفسك كانك بتشرحيلها ،،، يعني اكنك اتنين ( بس اوعي حد يشوفك ولا يسمعك :d ) وتخيلي ان اللي بتقوليه ده موجود ،، يعني لو معادلة اعتبري نفسك في المعمل خلصتي خلاص ؟ شوفي بقى لو المذكره فيها اسئله ورا كل باب او سؤال ورا كل جزئيه اقري السؤال وحاولي تجاوبي وقارني اجابتك لو فيه حاجه مش عارفه تفهميها متتحرجيش واقرب حد ينفع يساعدك اسأليه ،،، يعني حد من صحابتك ، مدرس المدرسه او الدرس او هنا بس اهم حاجه بقى تمسحي جملة (مش عارفه) دي خااالص عشان متأثرش عليكي بالسلب |
اقتباس:
اها بيدى ع مصطفى هههههههههههه اكيد هدعيلك والله ربنا يكرمك ويحققلك كل اللى بتتمناه |
اقتباس:
|
ايه رايكم ياجماعة
\نعمل تنافس بينا يعنى باختصار اعتبر نفسك فى منافسة وقول لنفسك مش هقبل حد يكون اشطر منى اوك كل واحد يكتب مثلا انا مفروض اشطب انهادرا كمياء وانجليزى ورياضة فى الموضوع ولما ينفذها يكتب هنا \ ونكتب اسئلة واقفة معانا او حاجة مش فاهمنا مرسى ياسمر على مشاركاتك الجميلة بالمناسبة فى واحدة اعرفها برضو اسمها سمر هى دلوقت فى 3 ثانوى وهى فى تانية جابت 97 ياريت تكونى افضل منها وتجيبى اكبر من كدا بصوا كل ما تكونوا مليتوا من المذاكرة افتكروا ان فى ناس على مستوى مصر قاعدين تذاكر انا مش اقل منهم ويارب فى تفوق دائما |
تمااااااام يا سولوم
انا انهارده كنت محدد اراجع الكيميا اللي عليا بتاعه الدرس واحل كام مسئله رياضه بس مكنتش محدد رقم بس حليت كام واحده كده وكمان عليا واجب قصة انجليزي ومذاكره انجليزي فحقوم دلوقتي اخلصه ان شاء الله خلال ساعه وبكده اكون خلصت اللي كنت مححده انهارده ولو منمتش على نفسي عشان صاحي من سبعه الصبح ححل كام مسئله رياضه واخلص الصفحه الاول يلا يا شباب اسخنوا وكده وبلاش ملكعة انا دلوقتي حقوم اذاكر ،، لو لسه وراك مذاكره قوم ونافسني يلا ووريني نفسك :049gc0: |
اقتباس:
|
موضوع جميل والصراحة أنا أول مرة أشوفه ولكن فكرته حلوة جدا وبشكر طبعا إسلام على الفكرة الجامدة دى . أما عن طريقة المذاكرة الصراحة أنا أول مادخلت كنت مرتب حاجة وفجأة كل حاجة جت على دماغى بسبب المدرسة والدروس والتأخير والعوامل التانية اللى الكل عرفها. بس أنا عمتا لقيت لنفسى جدول أعمله كل يوم ويناسب الدروس ومدرستى .
يعنى مثلا جيت من المدرسة الساعة2 ونمت ساعتين وصحيت روحت الدرس الساعة 6 مثلا ورجعت 9 أروح أكل وأنام شوية وأصحى على بالليل الساعة3 أو4 الفجر كده وأخلص واجباتى ومذاكرتى للمادة ومراجعتها وبعديها أشرب كوباية نسكافيه وألبس وأروح المدرسة . وأكون كده الحمد لله خلصت . طبعا أنا عارف إن الطريقة دى مش هتنفع مع ناس بس هتنفع مع ناس تانيين ياريت تجربوها وتقولوى. |
اقتباس:
انا خلصت واجب الانجليزي عشان طلع اي كلام ومش فاضل غير شوية كلمات حراجعهم وانا في المدرسه بكره و لما اروح ودوقتي بقى (حلوة دوقتي دي :D) حقوم اكمل حل التفاضل لا لا مش تقلق الاسكندرانية حاجزين كراسي اول صف كله :049gc0: اقتباس:
على فكرة الطريقة دي حلوة وانا حطبقها بس قدام شوية عشان انا مش عشاق المذاكره اللي بعد صلاه الفجر دي وانت كده ماشي تمام ، حتى تلاقي نفسك لسه صاحي ومفيش حاجه في بالك ورايق كده وكويس انك عامل كل يوم جدول يوم بيوم يعني يلا قوم نام لو حتنام عشان تصحى بدري او لو حتقوم تذاكر يبقى يلا يا استاااااااذ :stickjo4: مش عاوزين نتعك السنه دي (محدش يسأل يعني ايه نتعك ) |
انا خلصت المياء الى عليا
اروح اشطب الانجليزى انا الايام دى براجع بس معنديش دروس لاحد يوم الاحد يعنى 3 ايام كل مدرس عنده ظروف الحمد فرصة نستغلها بقى كويس اوك يا درش نمر وان ودرش نمرن 2 وفين سمر |
بجد كان نفسي اتكلم في الموضوع ده مح حد بس مكنتش بلاقي
انا كنت بعاني من الموضوع ده وكتير جدا كنت بقعد اعيط وانكد على اللى فى البيت:( لان مع المدرسة والمواقف اللي بتقبلنى فيها بقيت خلاص حاسة بملل قبل ما اذاكر حتى وده طبعا جاب نتيجة ايه مش عايزة اقولكو باد اد ايه المهم ماعلينا من الماضى خلاص الملل راح وهتعاون معاكو وهجرب اللي قال عليه الدكتور <انشاء الله>مصطفى اللي بجد بشكره وبدعيله ربنا يوفقه انا عندى الاسبوع ده كله امتحانات في الدروس يعنى لازم درجات عالية والا <هتعك>هههههههههه انا خلصت الكمياء النهاردة واجى من اخلص على الفرنش انشاء الله وهحل على الكمياء تانى بكرة ها حد يقدر يحصلنى ؟؟؟؟؟؟؟؟؟؟؟؟؟ حد عنده دعاء للاستذكار؟ كلما ادبنى الدهر ارانى ضعف عقلي واذا ماازذذت علما زادنى علما بجهلي |
اوبا انتى جبتى بيت الشعر ده منين بيت الشعر ده ملهوش حل بجد
انا بردوا عليا امتحانات كتير اوى وورا بعض وببكره عندى امتحان انجلش كامل ربنا يوفقنا يا رب |
أهلا بيكم يا جماعة :
انا بالنسبة للكيمياء انا المدرس الى بروحله درس من احسن خمس مدرسين كيمياء فى مصر بجد وهوا مش مخلينى مش فاهم حاجة وعلى فكرة الكيمياء دى مادة روعة وبالنسبة للفرنش :: اهم حاجة فيه انك تسمع النطق كويس لان ده هيساعدك فى الكتابة بنسبة 90% وعلى فكرة علشان تبقى قوى فى الفرنش ( أهم حاجة حفظ الافعال وتصريفاتها ) لان هيا الاساس أما الانجليزى فدا أهم حاجة فيه أنك يكون عندك كم كبير جدا من الكلمات ونصيحة منى لأحلى منتدى رررررررررررررررررركززززززززززززز على كتاب الوورك بوك لانه بيجى منه الامتحاااان!! أما اللغة العربية فدى انا ضايع فيها لانى مقصر فى المذاكرة بتاعتها بس انا عندى سؤال الى هيعرف يحله ليه منى جايزة اعرب((((( وا إسلاماه))))) |
برغم انى انا الى عامل الموضوع الا انى عندى ضغط مذاكرة فظيع
وكان السبب الريسى فى انى اعمل الموضوع ان اتشجع بجد شجعوتنى ربنا يسر لظروف حصلت فى شهر 8 و9 كنت بذاكر ومش براجع جيت من اسوع اراجع انجليزى وفرنش لقيت نفسى ولا لاول مرة اسمعهم ادعولى اشطبهم خلال الاسبوعين دول اوك هجبلك الاعراب على بكرة وجميل اوى الحماس |
يا اسلام ما تسألش المستر بتاعك خليها من مجهودك يا جميل
وعلى فكرة انت هتلاقى شبه التعبير ده فى نص المتنبى ( وا حر قلباه) شبها بالظبط |
لا متخافش المستر بتاعى فى رحله ومش جاى غير يوم السبت
انا عارف الاجابة بس مش كاملة يعنى كنت سمعتها من زمان تقريبا ندا ء تقريبا يعنى نداء مفتجع بس احنا مخدناش بالتفصيل كانت معلومة على الطاير |
أوك انا مستنى الاجابة
بس فين الشباب مافيش ردود ليه؟؟؟؟؟!!!!!!!!!! |
abdosalem
بقولك متعرفش توزيع الدرجات يعنى الانجليزى البرجراف عليه كام الترجمة كام السوال الاول كام وكدا فى باى المواد |
اوك يا اسلام:
انت عندك فى مادة الانجليزى السؤال الأول الى هوا المواقف عليه 4 درجات والسؤال التانى الى هوا الاسبيكرز عليه 4 درجات والسؤال الثالث الى هوا الاختيارات عليه 8 درجات والسؤال الرابع الى هوا تصحيح الخطأ عليه 6 درجات والسؤال الخامس والسادس الى هوا قطعة الفهم عليه 10 درجات لانهم قطعتين فهم والسؤال السابع الى هوا القصة عليه 7 درجات والسؤال الثامن الى هوا البراجراف أو الليتر عليه 6 درجات والسؤال التاسع الى هوا الترجمة عليه 5 درجات لان الترجمة من انجليزى لعربى عليها 3 درجات والترجمة من عربى لانجليزى (جملتين) عليهم 2 درجة |
وعلى فكرة فى الليتر الى هوا السؤال الثامن ما عدش بيجيبلك المكان والتاريخ والكلام ده انت هتبدأ علطول ب Dear,...........
|
انا خلصت الفرنش وامتحنت والحمد لله كان امتحان كويس
الدور علي الانجليزي والكمياء ها؟؟؟ بيت الشعر ده للامام الشافعى يالا فين الحماس مين هيسهر معايا |
وا:أداة نداء وتفجع
إسلاماه:منادى متفجع عليه مضاف منصوب وعلامةنصبه الفتحة والألف للندبة والهاه للسكت انا سألت المستر فى المدرسة وقالى كدا وهبقى اسأل مستر الدرس |
انا مشكلتى بقى الانجليش انا شاطرة جدا فى الانجليش وبحفظ وبحل فى الدرس اووى واى كلمة عدت عليا حتى لو مش حفظ بكون فكراها بس مش بركز خالص مش عارفة اعمل ايه يعنى انا مش بنسى بسهولة بس فى الامتحان بنسى كل اللى ذاكرته لدرجة ان مستر الدرس هيتجنن منى مش عارفة اعمل ايه والله
|
اقتباس:
بالنسبة للاعراب يا سارة: وا: أداة ندبة ونداء اسلام: مندوب منصوب بالفتحة الألف: نيابة عن ياء المتكلم فى محل جر مضاف إليه الهاء: للسكت لا محل لها هوا دا الاعراب المظبوط :078111rg3::078111rg3: |
اقتباس:
وانا برشحلك تجيبى ملخص Senior دا ملخص روعة والى أهم من أى ملخص عندك كتاب الوورك بوك Workbook هوا الى بييجى منه الامتحان |
بجد برافو عليكم بس أنا مش فاضيه أكتب ردود أنا دخلت المنافسه
|
اقتباس:
اوك وهنشوف مين الى هيكسب فى الاخر:049gc0: |
حقيقي والله الموضوع دة
كويس اوي اوي وفرصة لتجمع ارائنا مع بعض كان لازم يبقي في موضوع من دة .............. فعلاً ياجماعة الواحد كان ايام الصيف عمال يقول امتي الدراسة هتيجي انا هطحن وهعمل وهسوي ومش زي السنين اللي فاتت الواحد تقريبا علي النظام دة من اول 8 لحد قبل المدارس باسبوع المدارس جات لخبطت ونيلت وعكننت كل حاجة علي الواحد فلازم الواحد يلحق نفسة يعني انا لغاية دلوقت غايب من المدرسة حوالي 23 يوم ومش عارف هل فعلا ممكن اتفصل ؟؟ بس برجع احمد ربنا اني ما أعدتش قيدي في اولي دي حاجة كويسة برده اما بالنسبة للمواد انا شايف ان العربي : بيتنسي بسرعة بس مفيش خوف من طالما الواحد مخلص علي النحو والبلاغة ( انا خلصت منهجهم وبحل نماذج ثانوية عامة دلوقت ) الرياضة : اسهل من رياضة 3 اعدادي يعني الحمد لله ....... بس بقالي 3 سنين اللي بشوفو بعد امتحان ثانوية عامة سواء جبر او تفاضل بيخليني اكرهها واترعب بس من اليوم اللي همتحنها فيه ... ربكم يسترها الفرنش : لذيذ اوي اوي ممكن تكون اتقل حاجة فية الضمائر بس والله سهلة اللي هيفهمها مش هتلخبط معاي زي ماكنت ملخبطة معاي في الاول الانجلش .. زي الرياضة بالظبط .... هو بس عاوز الواحد يتقل نفسة بكلمات زيادة انتو شايفين السنة اللي فاتت " سحابة الرماد , النسور " بس والله مادة لذيذة وسهولتها ان فيها 19.5 درجة من برة المنهج ّ!!!!!!!!!!!!!!!!!!! مواقف وسبيكر برجراف وترجمة يعتبر اسهل مادة بسس الامتحان بتيجي الله لا يوريكم .. ربنا يهدي المستشار يارب ... الكميا : والله الذذ مادة جميلة اووووووووي بس عاوزة مراجعة كل يوم كل يوم لو يوم مذكرتهاش هتتعب صدقني انا دلوقت وصلت للباب الخامس هنبدا فيه النهاردة ادعولنا يارب كلكم تكونو ماشين تمام يارب ويارب يكرمنا ويدي كل واحد علي قد تعبة ويهدي مستشارين المواد معلش طولت عليكم اخوكم عبدالرحمن ث/ع |
اقتباس:
Top Studet خراااااااافة عن تجربة والله |
اقتباس:
شكرا على النصيحة بس انا بجد معجب بكتاب senior وبرده هجرب الملخص بتاعك ده ان شاء الله وعلى فكرة انا هبدا فى الباب السادس النهاردة فى مادة الكيمياء وبجد انا معاك ان رياضيات تالتة اعدادى كانت رخمة بس بجد رياضة تانية ثانوى جميلة جداااااااااااااااااا وعلى فكرة برده انا اسمى عبد الرحمن من المنصورة |
الباب السادس
ايه يا عبدو دا انا لسه هدخل الباب الرابع بكرة لا دانا كدا فى الضياع انا اشجع كتاب سنيور قمة قمة قمة والمعاصر رياضة ياشباب حد معجب بكتاب تانى فى الرياضة يكتب اسمه اقولك حاجة حلوة هدفعوا كام اوك بالنسبة للناس الى ماخرة مذاكرة ونفسها تراجع الى فاتها ومش عارفة من ضغط الوقت والدروس الجديدة اقولك حاجة حلوة عندك ياعم الخميس والجمعة مراجعة المتاخر طوال الاسبوع عادى مذاكرة الاسبوع يوم الاربع بليل اعمل مراجعة على فات |
اقتباس:
ايوة يا اسلام والله هبدا فى السادس بس انت كدا متاخر قوى حرام عليك وبصراحة ملخص سينيور ده روعة أما بالنسبة للرياضيات حراااااااااااااااام حد يجيب المعاصر ده ملخص فاشل وبتاع الفشلين(معلش) اما أحسن ملخص رياضيات هوا كتاب لامى دا أحسن كتاب نزل فى الرياضيات ومن كام سنة كان فى مية فى المية برده حلو بس انا بقى يا رجالة عندى الخميس والجمعة والسبت أجاااااااااااازة لان مدرستى فترة واحدة وعلى فكرة يا شياب لازم تلعبوا رياضة لان ده بيساعد على تنشيط المخ وبالنسبة ليا انا بلعب انا واصحابى كل يوم سبت الى عايز ييجى يلعب معانا ييجى ما فيش مانع ههههههههه وعلى فكرة احنا أوائل المحافظة وبنلعب كل يوم سبت مش غلط يعنى |
الى abdosalem
اعراب " وااسلاماه" هو وا:حرف ندبة واستغاسة اسلام منادى مندوب منصوب بالفتحة المقدرة قبل ياء المتكلم المحذوفة الالف: للندبة الهاء: للسكت |
اقتباس:
وا: أداة ندبة ونداء اسلام: مندوب منصوب بالفتحة الألف: نيابة عن ياء المتكلم فى محل جر مضاف إليه الهاء: للسكت لا محل لها بس برااااااااااااااااااااااااااافووو:022yb4: |
طيب فى سؤال ::: قارن بين :::
1) ملح امونيومى 2) ملح المونيومى |
فى اى باب ياعبد الرحمن لو فوق الرابع انا برة الموضوع
ياشباب انا ضايع فى الفرنساوى ايه اهم حاجة تكون قدامك وانت بتذاكر |
على فكرة الموضوع جامدة جداااااااااااا
بس انا عندي مشكلة في تنظيم الوقت الوقت ياريت حد يساعدني يعني انا بجد مش بعرف انظم وقتى خالص وده بيضيع مني وقت كتيير وفيه مواد بتيجى على حساب مواد تانية ومش عارفة اعمل ايه وده من اول الاجازة |
اقتباس:
بالنسبة للفرنساوى حاول ابدا من اول درس , وهات كراسة واكتب فيها القواعد علشان ساعة ما تحتاج قاعدة ولا حاجة تبقى سهلة بالنسبة ليك. انت عارف يا اسلام الميسيو بتاعى جابلى امتحان 2010 دور تانى الوثيقة ما تقدرش تفهم منها حاجة بس هيا سهلة جدااااااا وبالنسبة ايه الى يبقى قدامك وانت بتذاكر بلاش تسمع أغانى وانت بتذاكر (نصيحة أخ) |
اقتباس:
احنا كلنا فى المشكلة دى الدروس أخدا كل الوقت والواحد بيبقى عايز يذاكر مش بيلاقى وقت كافى |
أما بالنسبة للرياضيات حراااااااااااااااام حد يجيب المعاصر ده ملخص فاشل وبتاع الفشلين(معلش) انا اسفة بس وانا بقرا الموضوع العبارة دى علقت معايا اوى فاشلين مين ؟اولا المعاصر قمة وسيظل قمة وفى 2ث بالذات (المعاصر ) منظم جدا جدا زكتاب المسائل روعة بجد وفى كل الافكار اللى ممكن تلاقيها فى اى كتاب صحيح كمية المسائل كتييير اوى بس ده علشان المعلومة تثبت وكترة الحل مش وحشة و100% كتاب جميل بس حله مش كتير وهتعرفوا قيمة كتاب المعاصر واسئلته فى الجزء الخاص بالدوال المثلثية لو كان التعقيد ايجه فى الامتحان فى الجزء ده كان الموضوع هيبقى صعب اوى بس الامتحان الحمد لله الى حد ما كان جميل وما فهوش حاجة صعبة كل اللى عايزه مخ وبس يعنى طالب كان واخذ رياضة قبل كده مش بيحفظها وخلاص موضوع الفرنساوى بقى مشكلته حاجة كلنا كنا فى الاول مش طايقين الفرنساوى خاصة نطقا يمكن كتابة كانت سهلة شوية الاكسونات كانت بتلخبط شوية بس الموضوع مشى بعدها كنا بنلخبط بينه وبين الانجليزى فى الشخصيات بس صدقونى من المذاكرة وفى الاخر هتلاقوا الموضوع لذيد جدا وهتحبوا الفرنساوى اوى العربى كويس فى 2ث جدا عن 3ث فاحمدوا ربنا بجد والقصة بجد جميلة اوى اقراوها فى اول السنة كلها احسن جميلة والكيمياء بقى انا زيكم السنة دى كيمياء والحمد لله خلصت احياء عايزين بقى نشوف المسائل فى الكيمياء بدل ما ضيعوا وقت كتير فى الكلام وانت عارفين انكم مش فاضين وصدقونى موضوع 2ث ده مش سهل ابدا والله الواحد تعب جدا العام الماضى وحسيت انه 100سنه مش سنه بس لكل مجتهد النصيب وربنا مش بيضيع تعب يلا يا جماعة اتكلمت كتير .................عايزاكم تزدادوا نشاط ونشاط وسيبوا الامتحان ده على ربنا بس اعملوا كل ما بايديكم سلام عليكم ورحمة الله وبركاته (تنويه) الموضوع جميل اشكرك |
| جميع الأوقات بتوقيت GMT +2. الساعة الآن 11:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.