|
عاوزين التعليم يطور ........ .... ؟
السلام عليكم
طبعا احنا شايفين الوزير والناس كلها عاوزين التعليم يطور ........... ؟؟؟؟ هيطور ازاي التعليم .................... ؟ انا كنت بسأل مدرس بقاله 11 سنه في المدرسه وتخيلوا بيقبض كام ؟؟؟؟؟ 110 ج وياريت تيجي علي دي لاء وبيخصموا تأمينات ومش عارف ايه تاني...... ألخ يعني هيتصفي علي 90 ج تخيلوا ان كده التعليم هيطور ( طبعا كل مدرس هيلجأ للدروس الخصوصيه والعمل بطريقه غير قانونيه في المدرسه او غير وطبعا دا بيجيب السرق للمدرس وبتحصل كتير ) وكل دا بيقلل من قيمه المدرس امام الطالب لان الطالب بيبصله علي اساس واحد شغال عنده بيقبض 100 ج والطالب دا ممكن بياخد ال 100 ج دي في اسبوعين ياتري أنهي الافضل هل مهنة السباكه أم الكهربائي ام الحداده ؟؟؟؟؟؟ أم ( التدريس ) ؟ بس انتوا شايفين ان التعليم هيطور ازاي ؟؟؟؟؟؟ |
بطول ما المصريين بيكرهو مصر مفيش حاجة هاتطور
مش بس التعليم |
اقتباس:
والي بيحبوا البلد يعني هيعملوا فيها ايه ؟؟؟ اذا كان التعليم او غيره |
اقتباس:
على الاقل مش هايعملو حاجة تضرها لانهم بيحبوها وكلو زى بعضوا |
أنا عندى احساس ان
الوزير بتاعنا ده ان شاء الله هيرجع كل حاجة زى زمان وأحسن بس احنا لازم نكون معاه مش نعارضه وبكده نضمن ان التعليم يطور |
ما اعتقدش
سنة ولا اتنين وهايتغير ويبقى انيل من اللى قبلو |
صدقنى ياأخى
لو كنت سألتن هذاالسؤال قبل ربع قرن كنت سأقول لك وبدون تردد لكى استطيع تزويج بناتى لكى استطيع استكمال المشوار مع الطالب الجامعى لكى استطيع توفير مستلزمات ابنى الذى يحلم أن يكون ضابط شرطه لكى استطيع أن أكون انسان نعم أن أكون انسان يحترم كنت اتمنى أن أكون سباكا او كهربائيا أو حتى ساعى فى بنك ولكن مايمنع الأن ليس كادر الخيبة والهباب والفضائح على الصحف والفضائيات ولكن هى الصحة التى ضاعت فى التدريس يارب يطوروه بعيد عننا لأن تطويره على حساب المعلم وكرامته شكرا |
تعليم ايه اللى يطور
واللهى كل واحد قاعد يتكلم وياريت بعد الكلام تنفيذ ماهو الوزير بيقول انا بحاول اطور التعليم لكن التطوير ده ضايق طلبه ومدرسيين ماعتقدش ان التعليم هيطور طول ماحنا منشفين دمغنا وادينامعاهم معاهم عليهم عليهم يسلمو عالطرح موضوع بجد يستاهل النقاش ثانكس |
اقتباس:
علشان احنا اتعودنا على النظام الفاشل فى الكام سنة اللى فاتوا دول علشان كدة مش قبلين التغيير مع ان التغيير ده ممكن فعلا يبقى تطوير يعنى تغيير للاحسن ولا هى جت على دى ومش هنجرب فيها ممكن التغيير ده هو اللى يعملنا قيمة فى وسط الدول التانية ويرجع مصر تانى (أم الدنيا) |
اقتباس:
أنا لا أتفق معاكى فى الرأى ده لأن ده بينفذ اللى بيقولوا واحنا فعلا مجربين ده أما اللى قبلو كانوا بيقولوا بس بيخافوا ينفذوا علشان بيخافوا يزعلوا الناس بس ده كل اللى همه انه يرفع بجد من مكانة مصر |
اقتباس:
حافكركم بقصة الحسن و الحسين و الدرس اللى نتعلمه منها فى ضرورة احترام الأكبر منا : دخل الحسن والحسين ليتوضئا وأثناء الوضوء لمحا رجلاً كبيراً لا يحسن الوضوء ، ففكرا كيف يعلمانه الوضوء الصحيح من غير أن يؤذياه ويحرجاه واستعانا بالله فهداهما إلى طريقة حكيمة . فقال الحسن وهو الأكبر : يا عماه لقد اختلفت أنا وأخى الحسين على الوضوء ونريد أن تحكم بيننا . فقبل الرجل الكبير فتوضأ الحسين فأحسن الوضوء ثم توضأ الحسن فأحسن الوضوء ، فأدرك الرجل أنه هو الذى لا يحسن الوضوء , فشكر لهما نصحهما الجميل وأدبهما معه وتعلم منهما الوضوء الصحيح ودعا لهما . |
لا اله الا الله معقول 90 جنيه والله بجد المدرسين ليهم حق يتبعوا الدروس الخصوصية اللى هو دلوقتى بيحاول برضوة يقضى عليها انا اعرف مدرسين اتحولوا للتحقيق بسبب الدروس
والله المسالة بقيت ملغبطة وللاسف فعلا الطالب بقا بيتجرأ على المدرس وللاسف فعلا مهنة التدريس على رأى مستر عندنا قالنا هى شغلة اللى مالوش شغلة يعنى اعرف عندنا مدرس جولوجيا وليه اسم كبير اوووووووى والكل بياخد عنده دروس وهو فى الاصل كان متخرج من كلية تجارة بجد اتصدمت لما عرفت ربنا يرحمنا برحمته لان التعليم لما بيفشل اكيد المجتمع بينزل معاه وهو ده الواقع دلوقتى |
اصبحنا فى مجتمع لا يهتم بالتعليم
والعلماااااااااااااء |
اقتباس:
|
اقتباس:
كلامك صحيح احنا لو اتكلمنا 10 سنين لقودام مفيش حاجه هتطور |
اقتباس:
لكن التعليم زمان كان سهل مش بالصعوبه دى دلوقتى واتمنى ان التطور ده يخلينا افضل الشعوب;) |
اقتباس:
موضوعك الاجمل |
بس احنا مش قدرين نحط ادينا على المشكله نفسها
طيب العيب فى مين بالظبط؟؟ المدرسين ولا المدرسه ولا ولا .......ولا المنظمه كلها طيب والله هقولك احنا عندنا مدرس خصوصي باخد عنده بياخد فيما يتراوح بين 16 الاف ل 17 الف فى الشهر......ماشاءالله بس هو شخصيه محترمه جدا والله .... والله الوزير لما قال اننا نروح المدرسه بانتظام انا اكتشفت حاجات كتير مكنتش على بالي .......... بس انا راي برده ان المدرسه متغنيش عن الدروس الخصوصيه الدروس دي اصبحت في دمنا..............بس برده مش احنا السبب طيب المدرس مرتبه قليل فى المدرسه فبيلجأ للدروس الخصوصيه طيب دا عيب مين؟؟؟.... اذا كان المدرس مظلوم والطالب برده مظلوم........ هنعمل ايه؟المشكله متفرعه جدا.. |
يا جماعة مين اللى قال ان ده راتب المدرس الحقيقى
انا عارفه كويس ايه هو الراتب وهو كويس على فكرة مش 90 ولا حاجة ده تقريبا على ما اعتقد ده لو مش اكتر بيوصل 600جنيه بس المشكلة انه بيزيد بس الاسعار اللى حواليه بتزيد اكتر بكتير لكن بالنسبة للتطوير بجد باذن الله الوزير ده هيعمل كتيييير بس التغيير ده مش هيحصل دلوقتى لسه شوية برضه واحنا بنعارضه لاننا اتعودنا خلاص على نظام التعليم الفاشل وهو مش هيقدر يغيره من اخره كان لازم يبدا من الاول مش يطلع الهرم من الاخر مشكلتنا اننا مش عارفين نتاقلم مع الصح ومع الوزير الجديد فعلا يا ريت ما يبقاش فى دروس خالص بره المدرسة والله لو فعلا بنقضى وقتنا فى المدرسة حتى لو مثلا زى المدارس بره من 8 صباحا الى 5 مساء بس كل المذاكرة بتكون فى الفترة دى بس وطبعا بيكون فى راحة بجد مش 30 دقيقة فسحة وطبعا الغذاء بيكون فى المدرسة من رايى يوم نموذجى وبعد المدرسة مفيش طالب بيفتح كتاب او بيذاكر وبقية اليوم يمارس انشطة يروح النادى يعمل اى حاجة بس خارج النطاق التعليمى لكن عندنا تقريبا 24 ساعة تعليم مطحونين بين المدرسة وبين الدروس طول العام فبالطبع نظام فاشل انا عارفه ان النظام هيتغير بس باذن الله على الاجيال القادمة خلاص لما السبورة الذكية دى تبقى فى المدارس التعليم هيبقى متعة بجد |
من رايي انا ان الوزير لو عايز يطور التعليم يبقي يبدا من الكليات يطور تعليم المعلمين ويرفع اجورهم يبقي دخل المعلم ميقلش عن 5 الاف جنيه ف الشهر والمدرس تكون كفاءته عاليه وتتعمل لهم دورات تدريب وتحسين من وقت لاخر وتكون مجاااانيه
بعد كدا يبدا بقي تطويره من اولي ابتدائي مش يمسك فينا:angry2: احنا بتوع الثانوي اللي قضينا عمرنا كله دروس واتعودنا خلاص ع النظام ويقولنا لاء روحو المدرسه انتظموا ف مش عارف ايه وكلام كله في الفاضي ...احنا لحد دلوقت بنروح المدرسه يوميا ومبنطلعش قبل الساعه 1 (واحده ظهرا ) من الساعه 7 ونص يبقي حرام ولا حلال ؟؟:040vk0:...وللعلم مش بنستفيد اي حاجه نهااائي اللهم الا حصه الاحياء الاستاذ بيشرح فيها بذمه وضمير الله يباركله ....وف باقي الحصص تلاقي الشرح كله نكش فراااخ :039uw8:...ومينفعش نطلع حاجه نذاكر فيها ....واخر افتكاسه طلعولنا بيها (اللي تهرب ف اخر حصه تتاخد غياب من اول اليوم ) :confused::giljotiiniug3::giljotiiniug3::giljotiin iug3::giljotiiniug3: ربنا يشفي |
اقتباس:
المشكله في التعليم نفسه الوزير هوا الي عامل كده مش عاوز يزودهم في المرتبات فبيلجأو الي الدروس الخصوصيه طب والي مش بيدي دروس خصوصيه يعمل ايه ؟؟؟؟؟؟؟؟؟؟؟؟؟؟؟؟؟؟؟؟ المشكله اننا شعب طيب |
اقتباس:
انا اتكلمت مع واحد من اليمن من اليمن قالي عندنا المدرس اقل حاجه بيقبضها 700 دولار اه والله ولكن المصري بيقبض ايه نكش فراخ بس |
اقتباس:
علي فكره انا لو مكنتش متأكد مكنتش قولت كده دا كان بيحلف بيقولي والله يامحمد هوا دا الي بيتفضالي بيتصفاله علي حدود اول ال 100 ج دا عادي لاننا عايشين في مصر |
اقتباس:
ماشى انا عارفه ممكن يكون البعض كده بس طبعا مش كل المدرسين احنا لو دورنا على الكل بقى هنلاقى فى مدرسين اساسا ما عندهمش رحمة بالطلبة ولا اولياء الامور فى بعض المدرسين زى ما بتقول بيلجاوا للدروس لتحسين مستواهم بس المفروض يراعوا ربنا شوية ولما يطلبوا حاجة يحسوا بالاهالى مش كل واحد يستغل التانى المدرسين بينتقموا من اولياء الامور زى ما الدولة بتتعبهم طيب هو ده الصح ؟ وطبعا مش هنكر فى مدرسين والله اشهد لهم بكرم الاخلاق وانهم عارفين ربنا وبيراعوا ضميرهم جدا وبالنسبة للمدرسة فى مدرسين كتير بيشرحوا وكويس مش نكش فراخ ولا حاجة بس احنا خلاص اتعودنا على نظام الدروس فمش عايزين نلخبط دماغنا بكلام تانى المشكلة فى القابلية عندنا ومن كام يوم كان عندنا نظام الجودة فى مدرستنا اكيد عارفينه انا الحمد لله كتبت كل اللى اقدر عليه علشان تطوير التعليم بجد والحلول اللى شايفاه والمشاكل بس طبعا على نطاق مدرستى بس انا حاسه ان المرة دى ممكن يحصل تغيير بجد خصوصا لما صوتنا يوصل لمكانه كبيرة ودى من رايى فرصة كبيرة نوصل المشاكل دى ولو عندكم اقتراحات لتطوير التعليم والمشاكل اللى بتشوفوها فى مدارسكم يا ريت تقولولى عليها وانا هاكتبها فى التقرير بتاعى وان شاء الله يحصل تطوير حتى لو مش علينا بس حتى للى بعدنا ان شاء الله |
اقتباس:
مين اللى قال انه كان سهل ده بالنسبة للناس بتوع زمان انه سهل وفعلا العيب فينا احنا احنا لقينه صعب مع ان المفروض يبقى أكتر من كدة هما بيحاولوا يخلونا مثقفين على قدر الامكان عايزين يخالونا على دراية باللى بيحصل حولينا |
بارك اللة فيك............
|
اقتباس:
والباقي بيروح زي مبيجي وعلي فكره التعليم مش عاوزله نظام عشان تغيره دا التعليم كله من اوله لاخره عاوز يطور |
طوروووووووووووووه طوروووووووووووووووووووووه ولو تطور خدوا ذقنى احلقووووووووووووووووووووووه
|
اقتباس:
|
| جميع الأوقات بتوقيت GMT +2. الساعة الآن 10:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.