مشاركاتي لا تسمح
 

مشاركاتي لا تسمح لي بارسال رسائل خاصة
وعضويتي هي zaza5000

يا جماعة حد فيكم يبعت له رسالة خاصة يفهمه فيها حقيقة
الأمر لأن عدد مشاركاتي لا يسمح لي بارسال رسائل خاصة
وكمان بلغوه عن اسم العضوية الموقوفة .
مع شكري وتقديري .

انا بلغت الادارة حضرتك
وان شاء الله هترجع تانى

انا مش فاهمة حضرتك عايز ايه؟؟؟؟؟؟؟؟

انا دلوقتي وصلتني رسالة انك خلاص

ممكن تستخدم عضويتك القديمة يا احمد

مبروووووووووووووووك

شكراً يا روز .

شكراً جزيلاً لكي .

الف مبروك حضرتك

مع الأسف العضوية مازالت موقوفة حتي الأن !!!
ولا أدري ما هو السبب !!

ان شاء الله هترجع
بس الادارة مشغولة جدااا وهترجعها فى اقرب وقت باذن الله

والادارة كانت فاضية وهي بتوقف عضويتي ظلما ؟!!
لكنها مشغولة جداً وقت عودة الحق لأصحابه !!!
هل هذا منطق مقبول ؟!!
يا تري فين الأخت " مصرية وبحب بلدي " اللي سألت في موضوعك يا روز وقالت لبعض الأعضاء " كام مرة طالبت بحقك ولم تأخذه ؟"
تيجي تشوف أنا طالبت بحقي كام مرة في المنتدي ولا اجابة ولا تفسير ولا رد !!
حتي الأخ محمد نائب الادارة حينما طالب مني مناقشته علي الخاص , لم يأخذ باله أن عدد مشاركاتي لا تسمح لي بذلك .
هل عودة عضويتي الموقوفة ظلماً من الادارة تحتاج إلي كل هذا العناء ؟!!

ياريت حضرتك متتعصبش وكمان حضرتك شوفت اللى حصل انهاردة فى البوابة ياريت تعذرهم وكمان نائب الادارة قال انه هيرجع لحضرتك العضوية تانى
وكمان حضرتك معانا بعضوية جديدة يعنى استعمل دى لما التانية ترجع :bosyht9::bosyht9:

روق كده
مفيش حاجة ياعم مستاهله تحرق فدمك
متخليش اي حاجة تخرجك عن هدوءك
انت اتوقفت امتى اساسا

هو أنا لما أطالب بحقي , أبقي عصبي !!
المفروض أكون بارد وعضويتي موقوفة ظلم ؟!!
واللي حصل في البوابة النهارة , مين اللي اتحمل عواقبه أكثر مني أنا ؟!!
مين اللي كشف روز المزورة ؟؟!! مش أنا بردوا !!
مين اللي كتب للأعضاء بأن هذا الشخص هو نفسه من اعتاد علي سب
الأعضاء وادارة المنتدي ؟!! مش أنا بردوا !!
ليه لما تم وقف عضويته أكثر من مرة هذا اليوم , لم يتم عودة عضويتي ؟!!
أظن هذا تساؤل يجب أن يرد عليه أحد أفراد الادارة !!
منذ الصباح وأنا أطالب بعودة عضويتي أو بيان سبب حذفها , ولكن لا مجيب !!
هل المفروض أن أسكت عن المطالبة بحقي ؟!

يا جماعة أنا اتظلمت واتوقفت بدون أي تجاوز مني , وطالبت الادارة أكثر
من مرة بعودة الحق لي , ولم يحدث هذا حتي الأن .
بتطلبوا مني أكون هادي , طيب ازاي وأنا حقي ضايع في المنتدي !!
الكل أسرع وقت حذف العضو , والكل تجاهل ما طلبته ..... عايز أعرف ليه ؟!!
ازاي أصحي من النوم , ألاقي عضويتي اتوقفت بدعوي المشاركات المخالفة !!
طيب هي فين المشاركات المخالفة ليا ؟!!
فاكر يا حسام لما طلبت منك الصبح انك تلاحظ عدد مشاركات روز المزورة وكذلك تاريخ التسجيل ؟
فاكر انت رديت عليا وقلت ايه ؟
يا ريت لو سمحت تعيد عليا ردك تاني .

انا قلت هو الشخص ده مش هيمشي من هنا بقه انا هقوم انام لحد ما يمشي
وبعدين لقيت موضوع بعنوان حقير جدا بيقول جاتلو رسالة
وفي احد الردود حضرتك قلتله ان انت عرفت ان هو بيقلد روز فانا على هذا الاساس كنت ضايف ردي ان هو العضو تحذير
بعد كده حضرتك طلبت منه يحط نص الرسالة ولما حطها حضرتك سالت انتي مين
فانا لما قريت كلام حضرتك افتكرت ان حضرتك غيرت رايك وان هو مش العضو تحذير لانك قولتله انتي مين فرحت معدل تعليقي وخليته الله اعلم عشان مبقاش غلط فحد معرفوش
لكن انا معاك وشاهد على كل اللي حصل

يعني انا اللي كشفت هذا المزيف .
كويس
بس يا تري لو أنا مشيت علي انه روز الحقيقية , زي ما الادارة انخدعت
فيه وصدقت كلامه الكذب , وقمت رادد عليها علي انها روز الحقيقية
وبنفس الأسلوب والطريقة يتاعة كلامه , يا تري الادارة ساعتها كانت
حتعذرني اني انخدعت في العضو المزور زي ما الادارة نفسها انخدعت
فيه ووقفت عضويتي بسببه ؟!

على فكرة العضو شكله حس بغلطه وبيعتذر لروز فموضوع كلنا فاسدين ربنا يهديه

يا احمد اصبر

هما فهموا غلط لما اتبعتتلهم رسالة من العضو الزبالة ده على اساس انه رووووووووووز

وكان مكتوب كلام وحش في الرسالة وكمان نسخها كانها حقيقية

فعشان كده وقفوك ومكنوش يعرفوا

ولسه نائب الادارة دلوقتي قال انه ها يرجعهالك لو ليك حق

طيب ما هو نفسه العضو اعترف بأني لم أقوم بارسالها وقامت الادارة بحذف
مشاركاته !!
وكمان روز قالت اني لم أرسل لها هذه الرسالة !!
وهو نفس العضو قام بعمل نفس الشيء علي لسان روز !!
يبقي ايه اللبس اللي في الموضوع ؟!!!!
يا جماعة انا من كشفت هذا العضو .
أنا من تصديت له في كلامه القذر مع روز أمس بالرغم من اختلافي مع روز في وجهات النظر !!
أنا من كشفت تزويره لعضوية روز !!
هل يكون هذا جزائي من ادارة المنتدي ؟!!
هل ادارة المنتدي تتكبر عن تفسير الأمر لي ؟!!
هل أتسول من الادارة رجوع الحق لي ؟!!
لماذا تطلبون من المظلوم الصبر , ولا تطلبون من الادارة التي ظلمتني وأوقفت
عضويتي ظلماً أن يعيدوا الحق لي مع اعتذار في القسم العام عما بدر من الادارة
تجاهي ؟!!!

العضوية غير موقوفة الآن ويمكن العمل بها


نعتذر عن الخطأ الذى حدث وأدى لوقف عضوية حضرتك

ولكن ما حدث كان غريباً على هذا الصرح العملاق

وأدى هذا إلى شئ من محاولة وقف أى نقاش يسئ

مما أحدث لبس ونتج عنه هذا الوقف الغير مقصود

وأدى عدم وجود مشرف يملك فك الايقاف تأخر حدوثه حتى تم بحمد الله


نتمنى منكم نسيان ما حدث

وسرعة الابلاغ عن أى مخالفة للتصرف السريع تجاهها


وفقكم الله إلى ما يحب ويرضى

يغلق الموضوع لإنتهاء الغرض وحل المشكلة والحمد لله