|
طالبت بحقك كام مرة
السلام عليكم ورحمة الله وبركاته انا اسفة انى مش بدخل كتير لان الكلية بتاعتى فى بنى سويف وانا من المنيا فكان لازم اسكن فى بنى سويف علشان كدة بدخل كل اسبوع مش هاطول عليكم انا فى عندى موضوع كدة عايزة اكلمكم فيه دعوة للحوار بكل صدق وحرية وبدون تعصب للاراء والالتزام بحوار الموضوع وعدم الخروج عنه لان ده بيسبب مشاكل احنا فى غنا عنها المهم انا دلوقتى بشوف ناس زعلانة اوى على حقها اللى ضايع فى البلد ناس كتيرة زعلانة ومش طايقة تقعد فى مصر والعيب عليهم هما اللى سابو حقوقهم تضيع مش كل واحد قرفان من عيشته يقعد يشتم ويسب فى مصر طالب بحقك وحارب عليه يمكن يرجعلك وساعتها تستاهل تقول انا ليا حقوق طيب دلوقت علشان ترجع حقك اللى ضايع ده عملت ايه؟ ياترى طالبت بيه؟ حاربت علشانه؟ ولا قاعد وحاطت ايدك على خدك ومستنيه يجيلك ولومكنتش عملت حاجة علشان تاخد حقك هل تستحق انك تاخده؟ بامانة ولو معندكش الجراءة ترد هنا رد بينك وبين نفسك يمكن تفهم ان العيب فيك انت انت اللى سبت حقك يضيع منك وماتجبش اللوم على حد مش انا تنسرق حاجة منى اقعد واستنى اللى سرقها يرجعهالى لان اللى بيسرق حاجة عمرو ما هايردها بالساهل الا لما تعمل المستحيل علشانها وده حالنا كلنا ياريت تفكرو شوية فى انتظار تعليقاتكم مصرية وبحب بلدى للابد |
فكرة الموضوع جميلة اوى وفعلا لو مكنش الواحد عنده أستعداد انه يطالب بحقه يبقى حقه مش ممكن يرجعله ..
شكرا يا مصرية على الموضوع الجميل .. |
مرورك الاجمل يا محمد
نورت التوبيك |
المطالبة بالحق ؟
انا من أكثر من يطالبون بحقوقهم ويصرون علي أخذها طالما كانت حقاً . ويشهد علي ذلك كثير من الأعضاء الذين شاهدوا كم مرة طالبت بحقي في عودة عضويتي في هذا المنتدي :bosyht9::bosyht9: |
اقتباس:
انا قصدى حقك فى مصر من فرص عمل وتعليم و و و و كتير ناس كتيرة زعلانة ومش طايقة تقعد فى مصر والعيب عليهم هما اللى سابو حقوقهم تضيع مش كل واحد قرفان من عيشته يقعد يشتم ويسب فى مصر طالب بحقك وحارب عليه يمكن يرجعلك وساعتها تستاهل تقول انا ليا حقوق |
اقتباس:
وهو المنتدي مش في مصر بردوا ؟ تقريباً أنا حفيت لحد ما عضويتي رجعت تاني , هذا في المنتدي فما بالك لو كان هذا الحق عند الحكومة ؟!! دا أنا حاربت طوال اليوم عشان ألاقي حد من الادارة يرد عليا بس ما بالك بقي لو كان الحق ده عند اللي مقدرش علي مطالبتهم كتير !!! يا أخت مصرية الكلام سهل اوي , لكن التجربة هي المحك الأساسي . |
اقتباس:
طيب حضرتك الواحد يعمل ايه دلوقت ما احنا لو بقينا ايد واحدة محدش هايقدر علينا وكل واحد ممكن يبدأ بنفسه وعلى رأى المثل قالو لفرعون ياظالم ايه فرعنك قال عبيدى والكلام مش بينفع |
اقتباس:
يعني انتي عايزة الواحد يسكت ولا يطالب بحقه ؟! |
اقتباس:
لا طبعا انا عايزة فعل والله ونفسى الكلام يتحول لفعل ولما قولت طالبت بحقك كام مرة كان قصدى على الفعل مش الكلام وكلنا بنتكلم ومش بنعمل امتى بقا ها نعمل حاجة |
بنحب مصر اه لكن دى حاجة
واننا شايفين ظلم او فساد ده موضوع تانى لما تبتدى حياتك العملية اتوقع تغيير وجهة نظرك اما عن حقوقنا فقد طالبنا بها ونشرت بالجرائد بداية من المحافظة وحتى رئاسة مجلس الوزراء سواء التعاقد او الاداريين او المرتبات او................... المواضيع كتير بالمناسبة ممكن ترجعى لموضوعى ( ماذا حدث فى مجلس الشعب ؟؟) على فكرة ممكن البعض يعتقد ان التعيين فقط هو سبب موقفى لأ.........لأن الوضع لا يخفى على احد ........... |
موضوع جميل جدا المثال اللي حضرتك قلتيه بيحصل كتير أول على فكرة يعني مثلا من حق كل خريج فرصة عمل لو مصر او خليني اقول الحكومة هتديلة فرصة عمل بمرتب زهيد ولو اتكلم هيبقى ده اللي موجود واحمد ربنا انك خدت ويبقى اسمه خد حقه مع انه يستحق اكتر المشكلة عندنا اننا بناخد اجزاء من حقوقنا وبقيتها بيروح فين معرفش;) وكل ده ميمنعش إننا بنحب بلدنا طبعا والدليل بيبان فحاجات كتير زي ماتشات الكورة اللي بتجمع منتخب مصر مع البلاد التانية وزي زعلنا لما حد يهين بلدنا وزعلنا لو حصل فيها ارهاب وزعلنا لما نحس ان ثرواتها الطبيعية زي المية والغاز في خطر يعني انت لو قاعد فبلد تانية مهاجر مثلا وسمعت ان هيحصل فيها جفاف صدقني والله مش هتزعل زي زعلك لو حصل كده فبلدك |
اقتباس:
الفعل ازاي يعني ؟! يعني اللي ميعرفش ياخد حقه بالكلام والقانون , ياخده بالعافية والقوة ؟!! كده الحياة تتحول إلي فوضي ! وبعدين زي ما قلتلك , مسألة المطالبة بالحقوق تتوقف علي من تطالبه بهذه الحقوق وهل تستطيع أن تأخذها منه أم لا ! ممكن الواحد يطالب بحقه , وفجأة يلاقي نفسه بيخسر أكتر ويضر نفسه أكتر ! انتي مثلاً تقدري تاخدي حقك من الدكتور في الجامعة لو ظلمك في الدرجات ؟! أخذ الحقوق يتطلب أسس وقواعد يتم تطبيقها علي الجميع بلا تفرقة أو تمييز بينهم !! |
اقتباس:
احنا شايفين ظلم وفساد نسكت عليه وحضرتك دى محاولة وفشلت نسكت! ولا نحاول تانى اصل احنا السبب احنا اللى فرطنا فى حقوقنا ولازم ندافع عنها لاخر يوم فى حياتنا مش نسكت وخلاص مرسى لمرور حضرتك نورتى الموضوع |
اقتباس:
نورت الموضوع |
انا الحمد لله مش بضيع حقى خالص & وده لازم الكل يعمل كدا & بس نقول لمين كل واحد يقولك مش لازم بس الحمد لله انى عارف حقوقى وواجباتى.
ميرسى على الموضوع الجميل ده . وتقبلى مرورى . |
اقتباس:
اذا كان كدة بقى يبقى ما نطالبش بحقنا خالص ويبقى الحال على ما هو عليه نقعد بقى ونسكت اذا كان اللى سارقين حقنا رافضين يرجعوه يبقى عملنا ايه لازم ندافع عن حقوقنا ولو حتى هانخسر كل حاجة بس لا حياة لمن تنادى |
اقتباس:
أيوه يعني ندافع عن حقوقنا ازاي ؟ انتي لم تذكري كيف نطالب بهذه الحقوق حتي الأن !! بالكلام ؟ ..... انتي ضد الكلام فقط . بالقوة ؟ ..... أنتي أيضاً ضدها . بالفعل ؟ ..... كيف يكون شكل هذا الفعل ؟ أنا ضربت ليكي مثل علي دكتور الجامعة , يا ريت تقولي لي كيف تحصلين علي حقك إذا ظلمك الدكتور ؟ سؤال واضح ومحتاج أعرف جوابه . |
سبحان مغير الأحوال
|
اقتباس:
والقوة زيها زى القانون يعنى لو عايز تجيب حقك بالقانون محتاج برده للقوة انما بقا حكاية الدكتور فدى تختلف عن دى لان الدكتور لو ظلمنى يبقى انا لوحدى انما هنا فى الواقع كلنا مظلومين فيها ايه لو بقينا ايد واحدة ضد الفساد والقرف اللى فى البلد بدل ما الواحد قاعد يتكلم وخلاص انا عارفة انى بطلب المستحيل الممكن بس هو ده اللى لازم يحصل |
الواحد لازم يطالب بحقه
وكمان يخلي عنده ايمان ويحتسب حقه عند ربه لان اللي عنده عمره ما بيضيع شكرا ليكي عالموضوع الرائع |
اقتباس:
عموما نورت الموضوع |
اقتباس:
نورتى التوبيك |
اختي المصرية ...........
للأسف احنا لا نملك غير الصــــبر علي ما نحن نعيش فيه و من يتعدى حدود الصــــبر ... يا ويله و انتي و جميع المصريين يعلمون ذلك جيدا و علي فكرة .... الصـــبر جميل ... و الصــــبر مفتاح الفرج و الصــــبر طريق للجنة و هي دي الهدف من الحياة ربنا يرزقنا و اياكم المزيد من ..... الصــــبر و المزيد من ..... الاحتمال و المزيد من ...... طاعة الله اولا ... و طاعة اولي الامر ثانيا الي ان نلتقي .... في الآخرة طبعا ... و ننال جزاء ما صبرنا عليه و نقتص ممن ظلمونا ... و سلبونا ... ارواحنا و حقوقنا ... اخوكم مصري بالقوي .... اترككم في رعاية الله و امنه |
اقتباس:
ده اسمه ضعف واستسلام وقلة حيلة عموما ميرسى لمرورك ونورت الموضوع |
اختي المصرية ......
للصبر حدود ده كلام الاغاني .... وليس للاغاني في الحباة معاني فهي للترفيه فقط .... وليست للقدوة اما صبر الحياة .... فليس له حدود... و الدليل علي ذلك .... صبر سيدنا ايوب نبي الله مش كده ولا ايه ... يا مصرية |
اقتباس:
بس مش متفقة ان اللى احنا فيه ده اسمه صبر ده اسمه استسلام للامر الواقع ويبقى الحال على ما هو عليه مرسى لمرور حضرتك مرة تانية |
احم احم
دلوقتي كل واحد فينا مش بيمتلك سلطة فإزاي عايزة اننا نطالب بحقنا ...!!! احنا ناس بتعيش في بيشة في مجتمع كبير يعني كل واحد فينا بيتصرف ع حدود البيئة دي !!! ام المطلوب بالحقوق شيء محدود وحسب البيئة بردو يعني انا دلوقتي ليه حق عن الريس ومش اقدر اروح اشتكيه لان الشكوي لغير الله مذلة بس ع الأقل يكون فيه توعية بيننا احنا كشباب تقريبا كل اللي في المنتدي من سن بعض وافكار متقاربة لما يكون فيه توعية يمكن حد فينا يمتلك منصب مهم في يوم من الايام ويعدل البلد محدش عارف |
ولامتى هانفضل كدة
قاعدين وساكتين ومستنيين اليوم اللى هايجى فية الفارس المغوار على حماره االبنى اللى يمكن يعمل حاجة ويعدل البلد!!! |
اقتباس:
ادينا حلول واحنا نعملها بدل مش عجبك الوضع دا:d |
اقتباس:
ومش انا لوحدى اللى اقول واساسا مفيش حد مهتم بالموضوع وهايعمل ايه السكوت طيب وهانستنى لامتى انا قربت اتجنن بالزمة ده مش حرام انا خلااااااااااااااااااااااااااااااااص فاض بيا ومش قادرة |
| جميع الأوقات بتوقيت GMT +2. الساعة الآن 07:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.