|
جوه الجون
بسم الله الرحمن الرحيم وبيلعبها للباك اليمين اللي بيمشى بالكورة وبيرقص خللى بالك خطر ترقص فى المنطقة دى بيباصى:confused: للجناح اليمين الولد ده نحط عنينا عليه يا جماعة لعيب حريف جدا شوف بيعدى إزاى وبيلعبها عرضية أرضية تروح للمهاجم اللي بينيم المدافع وهو والجون، هو والجون لحظة واحدة، قبل ما نعرف الكورة دخلت جون ولا لأ عاوزة أقول حاجة عمرك وقفت فوق برج عالى أو فى بالكونة فى برج و بصيت على الناس اللي فى الشارع أكيد ساعتها شوفت الناس ماشية فى حجم النمل أو أصغر شوية ده رايح شغله ده بيجرى متأخر على ميعاد خطيبته واللي ماشى سارح فى ملكوت ربنا وهموم الدنيا كلها فوق دماغه أوعى تقول مالكش دعوة أصلى معرفهمش لأ لأن كل واحد منهم ليه دور فى الفيلم اللي إنت بطله فى منهم الكومبارس ومنهم السنيد ومنهم البطولة التانية فى فيلمك الطويل اللي إسمه حياتك لو أى واحد منهم قصر فى دوره ممكن ده يكون سبب فشل الفيلم وما يحققش أرباح أو لو إعتبرنا حياتك ماتش كورة هتلاقى فيها المدرب اللي هما أهلك و فيها المدافعين و خط الوسط اللي هما الأشخاص الموجودين فى حياتك و فيها الهداف اللي هو إنت تخيل بقى لو إنت هداف جامد قوى بس اللي حواليك مش مساعدينك تجيب إجوان أكيد هتخسر الماتش حياتنا كلها متشابكة ومتداخلة مع بعض يعنى أنا ليا دور فى حياتك وإنت ليك دور فى حياتى، لو أنا قصرت فى دورى حياتك هتتأثر ولو إنت قصرت فى دورك حياتى أنا هتتأثر و هو دا مفهوم فريق العمل اللي ربنا خلقه فى الدنيا دى وإدى بقى أمثلة على الكلام ده زى ما إنت عاوز من طوابير العيش للمرور للتعليم لسوق العمل حتى لنسبة العنوسة ومعدلات الطلاق العالية فأول حل لمشاكلنا هو أن كل واحد فينا يكون جزء من فريق العمل الكبير قوى اللي إسمه المجتمع المصرى بس هو يعنى إيه فريق عمل ؟ مش دول اللي هما الناس اللي شغالين مع بعض فى نفس الشركة ؟ ولا يمكن دول الناس الشغالة مع بعض فى نفس المجال ؟ لأ يا سيدى فريق العمل دا موجود فى المدرسة وفى الجامعة فى البيت والشغل فى كل حتة إنت بتروحها وبيبقى فيها ناس عندهم هدف مشترك معاك وفريق العمل زى ما بيعرفوه خبراء علم التنمية البشرية هو أى مجموعة من الناس بيجمعهم هدف واحد أساسى حتى لو كانت الدوافع مختلفة نقول مثلا الفريق اللي إحنا جيبنا حتة من الماتش بتاعه في أول كلامنا الهدف الأساسى بتاع الفريق ده إنه يكسب الماتش المدرب واللعيبة والإدارة والجماهير، كلهم هدفهم الفوز بالماتش صحيح الدوافع مختلفة زى مثلا رئيس النادى، عاوز يكسب عشان ما يخسرش إنتخبات النادى الجاية والمدرب عاوز يكسب عشان الإدارة ما تمشيهوش واللعيبة عاوزة تكسب عشان تاخد فلوس أكتر وتتشهر أكتر والجماهير اللي قاعدة فوق دى شوية عاوزين يكسبوا عشان يغيظوا أصحابهم اللي بيشجعوا الفرقة التانية و شوية تانين عاوزين الفريق يكسب عشان يطلعوا يهيصوا فى الشارع شوية بس فى الآخر كل الناس دى هدفهم واحد إن الفريق يكسب فالإدارة تخطط والمدرب يتكتك ويدرس الفريق المنافس واللعيبه تتمرن وتركز والجماهير تشجع وتحمس اللعيبة فلو كل واحد من الناس دى أدى دوره صح، أكيد الفريق هيكسب بس مش كل فرق العمل الأدوار بتبقى متقسمة بوضوح زى فرق الكورة لو جينا أنا وإنت وإتنين كمان من صحابنا نعمل مشروع فى الأول هنتعرف كلنا على بعض وكل واحد فينا هيعرف الباقى على نفسه ودى أول مرحلة هى التعارف بين أفراد فريق العمل تانى مرحلة هى مرحلة الاختلاف فى الرأى يعنى من الآخر الخناق هنقعد نتكلم فى المشروع و إزاى ننفذه فأنا هقول رأيى وإنت هتقول رأيك وكل واحد هيقول رأيه وبعد كده كل واحد هيصمم على رأيه فممكن نشد مع بعض شوية فى الكلام نتعصب وهنا بقى يظهر قائد فريق العمل و هو الشخص اللي يعرف يقرب وجهات النظر ويحول الخلافات و الخناق لمناقشة موضوعية يبقى كل الكلام فيها عن مصلحة المشروع وعلى فكرة المرحلة التالتة دى من أهم المراحل لأنها لو الفريق ما مرش بيها قدرته على التفاهم هتقل لأن أكتر وقت تقدر تعرف فيه الإنسان اللي قدامك بيبقى وهو متعصب لأنه ساعتها بيتكلم بصراحة وبعد لما المناقشات تهدى تلاقى فريق العمل تلقائيا بقى واخد على بعضه أكتر ومتفاهم أكتر ومن هنا نوصل للمرحلة التالتة وهى مرحلة التناغم بين أعضاء فريق العمل وساعتها يكون بان دور كل فرد فى الفريق وقائد الفريق يكون وصل لمرحلة كويسة من التفاهم بين أعضاء الفريق والآن حان وقت الاعتذار عن إنقطاع البث وزى ما حضرتكم عارفين الماتش دا منقول عبر الأقمار الصناعية المهاجم إحتراما لمشاعر السادة المتفرجين في المنازل ما رضيش يشوط الكورة والبث منقطع وفضل واقف هو والجون هو والجون هو والجون وبيشوووووووووووط وجوووووووووووووووووووووووووووووون ياسلااااااااااااااااااام مش باقولكم لاعيب حريف جدا:022yb4::022yb4: |
ههههههههههه اجمل ما فى الموضوع انه جابها جول فى الاخر
بجد موضوع جميل جدا كلامك صح |
بجد ماشاء الله .. موضوع جااااااااااامد جدا والله ... وفعلا لازم كل واحد يبقى عارف ان تقصيره فى أى حاجة مش بيأثر على نفسه بس .. لا بيأثر على اللى حواليه كمان ... وبجد موضوع جميل جدا يا رووووز
|
الموضوع جميل اوي وفكرتة حلوة تسلمي يا روووز..
|
بجد موضوع بيوصل فكرة حلوة باسلوب حلووو جدا
راااااااائع جدا |
أولاً :::الفكرة فى البداية مشوفة جدا ولكن سرد الموضوع بهذه الطريقة شئ رائع وممتع حتى نصل الى الفكرة التى تعبر عن مدى التماسك بيننا حتى نتكاتف جميعاً ...بجد موضوع متميز
ثانيــــاً ::: اهنيكٍ على الاشراف تقبلى مرورى يا روووووووووووووووووووووووووووووووووووووز |
مين بقى اللي بيلعب؟
وكمان دي طلعت برة جون مين بس بتضحكي علينا هههههههههههههه موضوع روعة وفكرته عجبتني جدا |
اه صحيح مبروك ياعم المشرف هههههههههه
ومنتظرين موضوعاتك المتميزة |
طيب انا بقي مش بشجع كورة
ولا حتي بعرف العبها هعرف اعمل حاجة علي كده ؟! يلا بس انا بحب العب كورة و بحاول اادي دوري علي اكمل وجه و ياريت حد يباصيلي بدل ما انا واقف لوحدي كده موضوع جميل و فكرته وصلت بطريقة جميلة تقبلي مروري يا روز المشرفة :d |
موضوع رائع روووووز سلمتِ وسلمت يداكِ عندك حق فكلنا فى مركب واحد ويجب أن نتعاون جميعاً لإنقاذ بلدنا الحبيبة فإذا قام كل منا بدوره كما يجب سينصلح حالنا وتتقدم بلدنا وتأخذ مكانتها التى تستحقها ونجيب أحلى جووووون |
مين الهداف ياترى ؟؟؟؟
|
موضوع رائغ جدا وفكرتح عجبتني جدا
ايه الابداع ده بصراحه انت اللي جبتي جون بالموضوع ده والف مبروك علي الاشراف |
اقتباس:
شكرااا على مرور حضرتك الجميل :022yb4::022yb4: |
اقتباس:
طبعا لان كل شخص بيأثر على كل حاجة محيطة به :d شكراا لحضرتك على المرور الرائع :022yb4: |
يا خسارة !!
كان نفسي أعلق علي الموضوع نقطة نقطة , بس مش عايز يعمل معايا اقتباس ! حد يعرف السبب ؟! |
اقتباس:
لا يافندم فى اقتباس حاول مرة تانية :) |
la gamda gedan
|
اقتباس:
مرور حضرتيك الاجمل :022yb4::022yb4: اقتباس:
شكراا يا فندم على المرور الرائع :022yb4::022yb4: |
اقتباس:
فكرته جميله جداااااا :d شكراا لحضرتك وربنا يعينى على الاشراف :p شكرااا يا مستر على المرور الجميل |
اقتباس:
شكرااا على المرور الرائع والجميل :022yb4: اقتباس:
الله يبارك فى حضريتك :friendsxs3: |
اقتباس:
يا سلام لو نصف هذا يتحقق حتي لو جت الكورة في العارضة :d:d |
اقتباس:
شكرااا لحضرتك على المرور الجميل جدااا:lol: |
اقتباس:
ههههههههههههه بجد رد جميل جدااااااا :lol::lol: بس لو جت فى العارضة ايه اللى هيتحقق -_- كل حاجة ضاعت ولا يكفينا شرف المحاولة :rolleyes: |
اقتباس:
صح مركب واحدة يا نغرق كلنا او نعيش كلنا بس بيبقى فى ضحايا :(:( شكراا يا فندم على المرور الرائع :av4056bb7jp3: |
اقتباس:
حضرتك الهداف :d:d |
اقتباس:
مرور حضرتك الاروع :022yb4::022yb4: الله يبارك فى حضرتك :d |
اقتباس:
ما هي لما تيجي في العارضة , يبقي بتقرب من الجول يعني المرة الجاية ممكن تيجي جوووووووووووووووول :av4056bb7jp3::av4056bb7jp3: أحسن من انها كل مرة بتبقي أوت وبعيدة عن المرمي بكتير :bosyht9::bosyht9: وساعات بتبقي جول , بس فينا احنا :blush::blush: |
اقتباس:
مرور حضرتك اللى جامد جدااااااااا :022yb4::022yb4: |
اقتباس:
ايه الكلام اللى كورة ده :stickjo4::slap1qk6: بالتعاون هيجيب جوووووووووووووووووووووووووول :av4056bb7jp3: جول فينا ازاى :excl::excl: |
اقتباس:
جول فينا لما يكون المدافعين وحشين أو حارس المرمي سيء :mad::mad: واضح انك مش عارفة حاجة في الكورة :049gc0: |
اقتباس:
اه فهمت :d:d اه معرفش:040vk0:حاجة عنها هحاول اخد دروس :d:d |
اقتباس:
بس لازم تذاكري كويس جنب الدروس عشان في الأخر الكورة تيجي جول :d:d |
اقتباس:
اه ان شاء الله عشان تكون حياتنا كلها تكون اجوال :022yb4::022yb4: |
فعلا الواحد لازم يقوم بدوره تجاه نفسه وتجاه اللي حواليه لوكل واحد عمل كده الإجوان هتبقى على ودنه:d
موضوع جميل كالعاده يا روز |
اقتباس:
مرور حضرتك الاجمل :blush::blush: |
موووووووضوع جميل اوووى
شكرا روز |
اقتباس:
|
رووووووووووووووووعة الموضوع دا بجد البداية مشوقة و طريقة الطرح راااااائعة
فعلا لازم كل واحد يبقى ليه دور فى المجتمع شكرا يا روووز على موضوعك الجميييل |
اقتباس:
|
| جميع الأوقات بتوقيت GMT +2. الساعة الآن 06:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.