|
بحبه اعمل ايه !!
السلام عليكم ورحمة الله وبركاته المهم أنني عرفت حكاية خطيرة أشعر بسببها بأن أعصابي بعد قليل سوف أفقدها ..!! تبدأ الحكاية عن فتاة دخلت للعالم المجهول (كما اسميه دائما:stickjo4:) وتعرفت علي الدردشة (chatting) واستمرت فيها تتعرف علي أناس مختلفة إلي أن تعرفت علي شاب وتحدثت معه يوم وراء آخر إلي أن وقعت في حبه ... وهو أيضا قال لها باسم كلمات الشوق والهيام بأنه يحبها وتعرف علي فتيات كثيرة وهي الفتاة الوحيدة التي استطاعت أن تسيطر علي قلبة (مش عارفة شفت الفيلم العربي دا فين:mad:) عرض عليها أنها تقابله وبعد تردد وافقت وهذا الولد من طنطا وأتي لبلدها وأخذها معه لطنطا !! طبعا سوف تسأله أين أهلها !! الموضوع بأنها كذبت وقالت انها ذاهبة للمدرسة لانها في 2 ثانوي وبعد المدرسة فيه درسيين !وهتتأخر وطبعا أهلها واثقيين فيها ...وجاءت الساعة الرابعة ولم تعود الفتاة للمنزل ..اتصل الأب بالجدة لتعلن بأنها لم تأتي ثم رجعت البيت فسُألت :أين كنتي ؟ فأجابت: بأنها كان وراها دروس بعد المدرسة وتأخرت بسبب ذلك ... من العجيب في الأمر أن أخوه هذه الفتاة اكتشف بأنها تدخل مواقع الدردشة ومنعها من ذلك !!ولكن يبدو أنه اقتنع بأنها توقفت عن هذا الأمور... حقيقة كنت استمع لهذه القصة الحقيقية ..وانا مزهولة بصدق صراحة أمر غريب لمن يظن ولو لثانية واحدة أن عالم النت والشات عالم صادق !! هذا قمة الحمق والساذجة التي تمليء عقول الفتيات ... عذراا هل تعتقدي أن الشاب الذي يسهر بالليالي ويتحدث معاكي ويخرج ويدخل سرقة وخلسة من وراء أهلك سيكون بيحبك !!! هذا تخلف حقيقي من يحب أحد يخاف عليه ولا يؤذية ...من يحب أحد لا يعلمه الكذب !! من يحب أحد يدخل من الباب وليس الشباك ...!! صدقيني من يفعل ذلك أول من يحتقرك ... ولكن بعد أن يكون قد تسلي وجرحك مشاعرك فأنت بالنسبة له مجرد تسلية يقضي بيها وقت فراغه الممل .... ولكن ساعات كثيرة ان اكتشاف الحقائق يكون بعد فوات الأوان!! ............. فتاة احبت زميلها في الجامعة وكانت تحب بشدة ام هو فلم يكن يحب الإ نفسه تعرف ع فتيات كثيرة والمعظم تريدن ان يظفرن بقلبه... فإذا بالفتاة هذه بعد ان قد اختنق منها ومن كثرة اتصالها بيه لم يعد يرد ع تليفونها فإذا بها تتصل وتعرف ان والده مريض وهي من مركز غير مركزه ركبت القطار وجاءت إلي بيته!!! والأمر عندها عادي فإذا بها تتصل بأخته لكي تقابلها فهي لا تعرف الطريق وعندما جاءت كان نائم ورفض ان يقابلها!! واخذت تتصل به وتعرض عليه الزواج وهو لا يطيقها ... ياالله لا اعلم لماذا ترخص الفتاة نفسهل لهذه الدرجة!! ...... كانت فتاة تحكي علي انها في ثانوي لم تكن تحب أحد ولكن في يوم من عاداتها ان تمزح مع ابن عمها او ابن خالها لا اعلم صلة القرابة بالتحديد المهم انها كانت تعتبره مثل اخوها ولكن بتجاوز الحدود قال لها بأن يحبها ..اغرمت بهذه الكلمة فهي لا تسمعها الإ في الأفلام والمسلسلات...وأخذت تكلمه وتتحدث معه .. ولم تكن تستطيع ان تذاكر دروسها بصورته امامها دائما ام هو فكان علاقته مع البنات الآخري كثيرة جداا ولدية صديقات والعملية عنده عادي وفي يوم احست بأنه اصبح لا يتحدث معه وصراحته لماذا لم تحبني !!وهي تعرف جيداا بانه قريبها واكثر من يخاف عليها ولكن كانت الصدمة عندما قال لها : بأنه لم يعد يشعر ناحيتها بأي شيء ...!! قريب كان يتسلي بقريبته ... وغيرها وغيرها من القصص الغبية بفتيات أغبياء :slap1qk6: في القصتيين البطلة الأولي فتاة تحفظ نصف القرآن وتصلي ... وتجتهد ما ان تسلل إليها هذا الشاب إلي ان اصبحت بعيدة عن ربها ام البطلة الثانية فتاة كانت معروفة بتدينها الشديد وما ان تسلل إليها هذا الحب الكاذب حتي اخذت تتراجع في صلاتها وتتنازل عن أشياء كثيرة .... قيل لي كلمة في مرة قبل أن ادخل الجامعة (أن أي ولد لا يتحدث مع بنت الإ لما يكون عايز منها حاجة !!!) صراحة لا يوجد احب نت ولا هذه السخافة ولا حب من أصله الشباب يريدون ان يتسلوا والبنت تسقط فريسة سهلة ولكن ما يحيرني حقيقة أن تكون فتاة محترمة ومعرفة بالتزامها تقابل شاب وتخرج معه وفي ثانية تصبح هكذا !! ما هذا التناقض ..!! :slap1qk6::slap1qk6::slap1qk6: |
كلامك والله يا تسابيح مظبوط مية في المية
اللي بيحب فعلا بيخاف على اللي بيحب حتى ولو الخوف ده من نفسه بس البنات وما ادراكي ما عقول البنات الواحدة اول لما يقولها كلمة تقع وهي ما تعرفشي انه بيستهزأبيها وبكرامتها ده بالعكس بيقول البنت دي موش محترمه اكيد بتعمل مع غيري كده |
اقتباس:
والله يابنتي لو سألت أي ولد اصلا عن ان ممكن يتجوز واحد كان ماشي معاه اكيد هيرفض هيقول مش هتحافظ ع بيتي .. قمة الخيبة اللي واحد من تحافظ ع قلبها لواحد يستاهلها بجد ويقدر يحافظ عليها ويصونها... ربنا يهدي شكراا ياروحي |
والله صح
ربنا يهدي بنات المسلمين ويصلح حالهم يا رب |
اقتباس:
|
صححححححح الكلام ده بيحصل فى زمنا هذا كثير جدا وانا ببقى هجنن نفسى افهم ليه البنات بتعمل فى نفسها كده؟؟؟؟؟؟؟؟؟:confused:
|
أختنا الفاضلة أحييكِ على مواضيعك الرائعة المفيدة دائماً :078111rg3: الخطأ فى البداية والنهاية هو خطأ الأهل إللى بيتركوا أولادهم يستخدموا النت فى أى وقت وفى أى مكان فكما تعلمين ( الشيطان شاطر ) فالشاب أو الفتاة يدخل شات حب استطلاع ثم يدمنه بعد ذلك ونظراً لقلة الخبرة يمكن أن تتعلق البنت بالولد ويحدث مالا يحمد عقباه :stickjo4: |
اقتباس:
من كثرة مشاهدات الأفلام والمسلسلات العربي :( والصداقة اللي في الجامعة والحياة الوردية والامور العادية ! |
ههههههههههههههههههههههههههههههههههههه
حلوة الحياة الوردية دي بس فعلا ربنا يخلي التليفزيون المصري ويودي ............ |
اقتباس:
أكيد العيب في الأهل انا بصراحة بفكر في الموضوع دا كثير يعني دلوقتي مستحيل مفيش بنت ولا ولد مش يدخلوا النت..!! بس دلوقتي ازاي نحمي الشباب دول من اي حاجة ممكن تضرهم ع النت هل نقولهم ولا نراقبهم ولا ايه !!!! وحتي التضيق ع ان البنت تدخل النت دا في حد ذاته ممكن يخلي فيه الممنوع مرغوب وتدخل من ورا اهلها عشان هم بيمنعوها... أسئلة كثيرة من لقيه لها اجابة تكون وسط ومفيدة وفعلا فيه ناس كثيرة عندها قلة خبرة في النت وبتدخل عليه اللي عايزة يعرف مصايب الشات يقرأ بريد الجمعة!! شكراا لحضرتك استاذي |
طب ايه رايكوا بقى فى البنات اللى بتبقى وسطه بين اى واحد بيحب واحدة وهما لسة فى اولى ثانوى ويا لو كانت صحبتها ممكن تديله رقمها وفى الاخر تتصدم البنت وتقع فى مشاكل ملهاش زمب فيها على العلم ان البنت دى عمرها ماكلمت واحد فى التليفون بس اتحطت فى مشاكل بسبب صحبتها
|
اقتباس:
يابنتي دا فيه ناس مخها اتمسح بسبب الافلام العربي اللي بيطلع ان البنت لديها صديق وطبعا بيجي لها البيت يذاكر معاها وتيجي تعرف اهلها اعرفكم دا تيتو صاحبي والاهل يبتسموا كدا:dاتفضل ياحبيبي تاني اوضة ع الشمال:d والصديق الرومانسي اللي بيجي تحت البلكونة وربنا يرزقه بالغسيل ينقط عليه ومع ذلك يقعد طول الليل مستني حبيبته تطل عليه:slap1qk6: |
عندك حق والله بنات عايشة من ايام الابيض والاسود ههههههههههههههههههههههههه
|
اقتباس:
هو دا اللي انا بقول عليه ان البنات عايزة تجرب ايه هو الحب ايه كل شوية بيشفه في التليفزيون مع اول حبطة ع الباب لاي واحد تفتح الباب وطبعا تصدم في مشاعرها في الآخر ودا اقل حاجة ممكن البنت تحصل عليها... وفيه مصايب تانية بسبب اي تجاوز والجري ورا المشاعر بدون اي فكر ... ام موضوع البنت تدي رقم صاحبتها لولد تقطع علاقتها بالبنت دي لانها مش محترمة ومش أمينة وبدل هي مش بتعمل حاجة غلط مش تخاف !!!ان الولد دا يضايقها تغير الشريطة وما اسهلها طريقة |
اقتباس:
دي افلام تركي مدبلج بالسوري ههههههههههههههه |
اقتباس:
* التوعية المستمرة للأولاد بمخاطر الدخول إلى النت * ترسيخ القيم والمبادىء والأخلاق فى نفوس الأبناء * سرد بعض القصص زى اللى ذكرتيها حضرتك للبنات والأولاد على السواء * لا يوضع الكمبيوتر فى حجرة شخصية ، يوضع فى الصالة مثلاً بجوار التيليفزيون :d * وبلاش لاب توب خالص * مراقبة الأولاد من بعيد لبعيد وأكيد فيه خطأ يتفوت وخطأ لا :stickjo4: * ربنا يحفظنا جميعاً من كل سوء |
شكرا على موضوعاتك الجميلة يا تسابيح
عايزة اقول ان بعد قصة الحب دى البنت هىاللى بتكون الضحية لكن الولد ولا فارق معاه لكنه بيلاقى بنت غيرها ويتسلى بيها بس كل بنت بتكون متخيلة انه بيحبها بصدق وانها غير كل البنات اللى هو عرفها بس للاسف هى بالنسبه له ولا حاجة هى واحدة مش مؤدبة كذبت على اهلها علشان تكلمه وانها طالما مشيت معاه تبقى مشيت مع غيره ولكن للاسف بيكون فى بنات كويسة ومؤدبة لكنها بتتخدع بالكلام الحلو |
بصراحه الموضع مفيد جدا جدا وياريت نستمر في المناقشه لغاية منلاقي حل والله اكتر حاجه بتزعلني هي البنت وارجع واقول الاباء والامهات السبب مش علشان مش بيراعوا لبناتهم وبس علشان هما اللي مش بيحاولوا يسمعوهم كلام جميل زي اللي بتسمعه البنت من الولد البنت لو متعوده علي كلام من اللي بيقولهولها الولد مش هتفرق معاها كتير لكن البنت اللي بتسمع اول مره كلمه حلوه بتدوخ ومش بتحس بنفسها الا اما تتخبط علي دمغها نصيحه نصيحه نصيحه لكل بنت بتقرا كلامي وبتكلم ولد ارجوكي وابوس ايديكي بسرعه ومن غير نقاش احذفي كل ولد عندك علي الايميل متقوليش ان انا بكلم الولد ده علشان غرض مثلا في الدين او الدراسه او اي تخاريف في دماغك انتي بتضحكي علي نفسك صدقيني انا جربت وبقولكوا الكلام ده من قلبي انا سني صغير اه بس اتعلمت كويس اوي صدقيني الولد لو مش فاضي مش هيعبرك ولا هيسال فيكي متبقيش زيي لما كنت اقرا موضيع من النوع ده اقول لا لا الولد اللي انا بكلمه مش من النوع ده خالص انا لو اعدت اكتب من دلوقتي لساعه كمان مش هعرف اوصلك خيانة الولد اللي بتكلميه ليكي الولد ده ذئب بس نوعه ذئب بشري احترسي منه ويارب يارب يارب احمي بنات الامه العربيه كلها من الذئاب البشريه المتوحشه ونصيحه لاي ولد بيكلم بنت حرام عليك والف حرام عليك ليه تتعب قلبها وتضيع وقتها مع واحد كداب زيك ترضاها لاختك او حتي لمراتك في المستقبل ترضي لاختك اللي بتخاف عليها من قلبك واحد زيك يضحك عليها اتقي الله في البنات اللي بتكلمهم اللي معشمهم بحاجه انت مش بتفكر فيها انا قولت اللي كان لازم اقوله واللهم اني بلغت اللهم فاشهد |
اختصار للكلام ده ان اهلها السبب وهى بتقلل من قيمتها
وانا مش بعترف بحاجة اسمها حب كلام فارغ |
موضوع جميل جدا يا تسابيح كالعادة ...
وانا دايما أسمع ان الواحد ميسيبش نفسه فى سن المراهقة ده لانه بيحب أى حد بسرعة و بيكره بسرعة برضه .. يعنى لازم الواحد يشيل الفكرة دى عن دماغه علشان فعلا ميحصلش زى اللى حصل فى القصص دى ... وربنا يهدى جميع شباب وبنات المسلمين يارب العالمين .. تقبلى مرورى السريع وكل سنة وانتى طيبة |
على الرغم من المواضيع الكتيرة ال بتتعمل على نفس الفكرة وال غرضها افاقة كل فتاة اعماها كلام معسول من شاب الا اني مش شايفة اي تغير في فكر اي وحدة او انها بتحاول تبدأ من جديد ودايما اسمع عبارة تكاد تصيبني بالجنون " حبيبي غير " ؟؟؟!!!! وببقى نفسي اعرف هو غير فايه ؟! عندو رجل او ايد زيادة ولا حاجة ؟! فأتمنى فعلا اننا نتعظ من تجارب الاخرين ومش نقع فالاخطاء هي هي ، ومرسي يا تسابيح عالموضوع الرائع متألقة دائما ، وكل سنة وانتي طيبة وكلي لحمة كويس ،،;) |
اقتباس:
آميين يارب العالمين كان فيه في بريد الجمعة واحد بيقول ان عنده ولدين لما كبروا جاب لهم كمبيوتر بس عرف من اصحابه اضراره وكدا وبالذات النت فخاف ع اولاده وفي نفس الوقت مش عايز يقول لهم الموضوع دا ليفتح عينية ولو هم مش بيعملوا كدا اصلا قرر انه يحط برنامج مراقبة عشان يعرف هما بيدخلوا ع ايه !! واكتشف ان مراته بتراسل راجل ع النت وبتكتب له رسائل غرامية !!:o المشكلة ان فعلا حتي فيه ناس كبيرة وبتستخدمه غلط... اكيد لازم يكون فيه توعية ربنا يحفظ الجميع شكراا لحضرتك أستاذنا |
اقتباس:
كفاية انها هتنجرح في مشاعرها وطبعا دا اقل حاجة فيه ناس بتبقي فضيحة لهم لو اهلها عرفوا بئا ونصيبة والحاجات البنت في غني عنها طيب ليها مش تقفل قلبها وتفتحه للي يستاهلها لزواجها هو اللي يستاهل ووقتها هي اللي هتقول للعالم كله دا حبيبي ومحدش هيقول لها حاجة هيكون كل شيء في النور ام اللي اتبني في الضلمة هيفضل طول عمره في الضلمة !! |
اقتباس:
شكرااا ياحبيبتي ع النصايح ربنا يهدي الجميع |
اقتباس:
لكن هي مش صغيره ولما تتحاسب مش هتقول عشان اهلها اومال فين دماغها وعقلها !!! فعلا كلام فارغ الحب الحقيقي بعد الزواج وللزوج فقط غير كدا كلام سخيف |
اقتباس:
مش هيخاف كلام الناس بس ليه اخت او ام لازم يخاف عليهم لان الله يمهل ولا يهمل !! وحضرتك طيب وعيد سعيد ان شاء الله |
اقتباس:
ههههههههههههه تصدقي بحب اغنيه جديدة اسمها حبيبي غير ههههههههههه هي البنت مش هتفوق اللي لما تلقيه جاي يقول لها معلش خلينا اخوات احسن;) وقتها بس هتقول ياريت بس مش هينفع ومش هيفيد ندم !! وانت طيبة ياروحي وعيد سعيد عليكي وع العائلة الكريمة من عيوني اكل لحمة يعني ;) عز الطلب:d:p |
انا معاك فكل كلمه يا تسابيح
بس تعرفى دول بيصعبوا عليا اوى ممكن مش لاقيين الحنان فاللى حواليهم فبيدوروا عليه بتهيالى المفروض منحسسهمش انهم ولا حاجه المفروض ناخد بايدهم ونساعدهم ونوفرلهم الحنان اللى بيدوروا عليه |
اقتباس:
بتاع الحنان !!وان كان مشكلة هم بيعملوا حاجات غلط ولما يفقوا هيندموا بس ياتري لما يفقوا هتيكون لحقهم الكارثة الكبري ان الناس عرفت وراس اهلهم بقت في الارض!! اكيد لازم نساعدهم انهم يشغلوا وقتهم ويتقربوا من ربنا اكثر وحب ربنا لما يمليء قلوبهم اكيد مش هيحتاجوا اي حب تاني ربنا يهدي |
المفروض يكون فيه رقابه على الاولاد اكتر من كده
بس من غير ما يحسوا ...يعني يدوهم الثقه بس مع رقابه شديده من بعيد لبعيد و الاولاد برضو المفروض يضعوا اهاليهم قدامهم علطول ...خساره يحرقوا قلبهم و هما تعبانين ليل نهار عشانهم و الاهم من ده كله ان كلا الطرفين يراعي ربنا في تصرفاته و اخلاقه و تعامله و شكرا على طرح الموضوع ...و ربنا يحفظ شباب و بنات المسلمين |
اقتباس:
بعني مش خايفة ع نفسها تخاف ع اهلهاوموقفهم وتخاف من ربنا ربنا يهدي |
اقتباس:
صح يا تسابيح كل شاب بيكلم فتاة لغرض في نفسه , لكن الفتاة بردوا بتكلمه لغرض في نفسها !! موضوعك كله صح ماعدا نقطة واحدة مش عجباني بصراحة وهي انك عرضتي الموضوع وكأن الشباب ذئاب والبنات هي الفريسة !!! فيه شباب بالفعل ذئاب وشياطين كمان , ولكن فيه بنات أكتر حيات وعقارب !!! |
أؤمن بهذه المقولة أيما إيمان ..إياك أن تصدق أحدا فى فضاء الإنترنت ..
نعم أغلب من يبحثون عن الحب فى فضاء الإنترنت هم كاذبون أو واهمون ..إن كانت النية يشوبها بعضا من دماثة الخلق .. قصص الحب الكاذب عبر الإنترنت كثيرة جدا ومتكررة وتحدث بين الشباب وبين الكبار لى صديق فى تجارة عين شمس ظل يتحدث مع فتاة لمدة زادت عن السنتين وهو يهيم بها حبا وعشقا وكل ذلك وهو ولم يرها لحظة واحدة ...وهذه الفتاة كانت من محافظة بنى سويف .. وجاء يوم المقابلة وكان فى شهر رمضان الماضى .. ذهب إليها وقابلها فى كافتيريا وكانت تخلو من الزبائن ..بإعتبار اننا فى رمضان ... وتبادلا القبلات وأكثر ... وبطل صومه ... والمصدم أنه بعد هذه المقابلة كرر قطع صلته بهذه الفتاه نهائيا ...وغير رقم هاتفه وبريده الإلكترونى وأغلق كل حساباته على الإنترنت ... الموضوع جميل لكن اعترض على طرح الشباب وكأنهم هم المخطئون دائما والبنات المساكين مجرد فريسة لهؤلاء الأوغاد فالبنات تفعل الكثير والكثير ..وإن كان بنسبة أقل من الشباب ... ف للأسف معظم الشباب اليوم يرتكب هذه الحماقات التى لا أرها إلا محض بلاهة وتخلف أعرف شخص ارتبط بعلاقة عاطفية بفتاه عن طريق إحدى المنتديات وكان جادا إلى أقصى درجة فى علاقته بها فأخبر امه بهذه القصة وأعطاها هاتفه لتكلم حبيبته تلك وكثرت المكالمات بين الام وبين الفتاه حتى عرفت كل أسرة محمد بحقيقة الامر بل وكل القريبين منه طلب هذا الشخص من هذه الفتاه ان يتعرف بأهلها فهو جاد فى علاقته معها لكنها دائما ما كانت تتذرع بأن الوقت غير مناسب حتى فوجئ يوما ما بشخص يكلمه ويقول له ان س تحبنى أنا وما أنت الإ مجرد حمار بل وكلمته هى وطلبت منه ان يسامحها فهى تحب هذا الأخر من قبل ان تتعرف حتى عليه .......... |
جزاك الله خيرا
كلامك مضبوط 100% |
اقتباس:
اقتباس:
انا مش معترضة ع كلام حضرتك لكن البنت اخطر وأخطر البنت ممكن يحصل لها مصايب الولد مهما يحصل مش هيتأثر زي البنت !!! البنت لو غلطت غلطة ولو بسيطة هتبقي في سجلة الأسود طول العمر يعني واحدة بتحكي ان خطبها سألها كنت بتحبي قبل لما اخطبك او تعرفي شباب قالت : لا طبعا قال لها:ما انا عارف عشان كدا خطبتك...!! فسألته نفس السؤال فقال بصراحة:ايوة وكنت بروح كافتيريا ومش عارفة ايه لكن بعد لما خطبتك قطعت علاقاتي ...بيتكلم عادي لان الفرق بين تصرف الولد والبنت شاسع وكبير مينفعش نقول للولد خلي بالك ...لانه ولد ام البنت فهي بتتأثر بصراحة والغلط بيبقي فضيحة وممكن مش تتجوز بسبب غلط بسيط ... واخواتها البنات لو ليها دا كله عشان غلطت ام الولد ممكن يفتخر بعلاقاته النسائية دون ادني مشاكل !!!! يبقي مين الاهم والاولي بالكلام ؟!! |
اقتباس:
اكيد زي ما فيه اللي بيتسلي فيه اللي بتتسلي !! الأمر سيان .... لكن النت زي ما قلت مش يتصدق اننا نرتبط بناس وممكن نعيش معاهم حياة كاملة لان كل واحد هيرسم صورة زي ما هو عايز !! |
اقتباس:
المفروض طبعاً !! فين الرقابة والمتابعة ؟!! ليه ميسألوش المدرس اللي هي بتدعي انها اتأخرت عنده في الدرس ؟!! فين دور الأم في ملاحظة التغيرات اللي أكيد بتحصل لبنتها ؟!! فين الأب اللي نظرة واحدة منه تخلي البنت ترتعش ومتعرفش تكدب ؟!!! الكل بيكبر دماغه عشان ميدخلش نفسه في متاهات , فبيشتري راحة باله في الوقت ده , ويقنع نفسه ان البنت زي الألف !! بس انا مش عارف بصراحة الألف ده عليه همزة ؟!! والهمزة فوق ولا تحت ؟!! ولا الهمزة مش موجودة خالص ؟!!!!!!!!!!!!! |
اقتباس:
شكراا لك .... |
اقتباس:
اممممم أصل فيه أباء بتبقي واثقة في بناتها لدرجة كبيرة جداا وانا بصراحة مش شايفة ان الثقة دي وحشة ... والله انا كدا احترت ...!! يعني الأب يراقب بنته ...ولو هو حتي واثق انها متربية كويس ...!!! أم ..!! هي مفروض تبقي صديقه بس دلوقتي معظم الامهات مشغولة مش فاضية تسمع او تتكلم مع بنتها او حتي هي مش عملت البنت من وهي صغيره انها تبقي صاحبتها الأمر معقد كداا اوووي بس حضرتك بتقول ليه مش يسأل المدرس يعني فيه اب يبين ادام غريب ان بنته مش واثق فيها !!! يعني يتصل بيه وبيقوله هي بنتي كانت عندك ولا لا ..!! يااااااااه موضوع محرج اوووي ... ياأستاذ علي اللي عايزة تكذب بتكذب بتميز ... الاب الشخصية الجامدة بدون تفاهم اكثر حد ممكن يتكذب عليه ... لانه مش عود بنته ع انها تكون صديقة انا اكيد مش ضد الشدة بس لو زادت عن الحد هتتقلب للضد !!! والكذب دا سهل دلوقتي اووووي ... |
اقتباس:
والكدب بيكون واضح أوي أوي والله , بس زي ما قلت محدش عايز يشغل دماغه ويسبب لنفسه الهم دلوقتي وبيحاول يوهم نفسه ان البنت علي الصراط المستقيم !!! |
صرررررررررراحه موضوع حيوى جدا وملموس يا تسابيح
بس ربنا يهدى شباب المسلمين ادعووووووولهم فى الاياااااااااااااااااام المفترجه دى تسلم يداكى |
اقتباس:
ويعني ايه مراقبة ؟يعني يمشي وراها كل لما تروح في حته ولو هي في ثانوي يقوم بدور المخبر وراها وولو في الجامعة يطب عليها في قلب الجامعة ولا ايه !:006et4: وامته ينتهي المراقبة لحد سن كام:006et4: بصراحة انا الموضوع دا اتلغبط عندي خالص :romarioxp6: اقتباس:
وان كنت مش اقصد صديقة بالمعني الحرفي انها تحكي كل شيء لابوها لان دا طبعا شبه مستحيل لان الرجالة مش بتحب الرغي وكثر الكلام:d الشخصية القوية في الأب واللي من نظرة واحدة يقدر يتحكم في بنته وفي اي حد دا شيء كويس لكن إلي جانب كداا انه يكون فيه مساحة من الحوار والاستماع مش اوامر وبس ع الأقل لو وقعت في مشكلة مش تخاف تقوله لو المشكلة دي محتاجة رجل يحلها !ولكن مع ذلك يكون عنده قدرة ان فيه اوامر البنت تسمعها من غير نقاش لو هي مش عارفة مصلحتها او اللي هي عايزة تعمله ممكن يضرها ... لكن فيه أباء بيطلبوا بس وبيأمروا بس انا بسمع العجب بجد لما واحدة تقول ياااه دا بابا في البيت كأنه حاجة هتخنقها ولما تيجي تسألها تقول مش بيسمعني كل حاجة يأمرني بيها لازم انفذها مش عارفة ازاي يقوله ع ابوهم كداا مع ان مفروض الأب يكون المثل الأعلي والقدوة لبنته وزي ما بيقول المثل (كل فتاة بأبيها معجبة );) اقتباس:
ازاي دا كل اب وام عايزيين بنتهم تكون احسن منهم يبقي ازاي مش هيشغلوا دماغهم !! فيه بنات بتكذب غيظ في اهلها يعني تروح عن صاحبتها واهلها مش موافقيين انها تروح بيت حد وتروح غيظا فيهم ....!!وتكذب ومش تقول اصلا انها عن صاحبتها .... وبيبقوا اساتذة ورؤساء قسم في الكذب..!! |
اقتباس:
آمييييييييين يارب العالمين شكراا لك |
مفيش حد صغير ومفيش حد عبيط
كل الشباب عارفين الصح من الغلط والحلال من الحرام وكل البنات عارفين الصح من الغلط والحلال من الحرام الحب مش حرام ولكن للحب شروط اذا لم تتوفر يعتبر الحب حرام بصراحة الموضوع فكرتة العامة انا مقتنع بيها واكيد كلنا مقتنيع ان اغلب البنات بيضحك عليها لاغراض غير سوية تحت ما يسمى بالحب لكن بعض القصص ليا بعض النقض عليها وتحديداً القصة الاولى الخاصة بالنت للاسف كلنا فكرتنا عن النت انة عالم خيال النت عالم حقيقى تماماً لا يفرق اى شئ والى ممكن يضحك علية فى النت فهو ضعيف الايمان وضعيف الشخصية وزى ما اضحك علية فى النت ممكن بردة يضحك علية فى الحقيقة عادى جداً كان فى يوم من الايام ليا موضوع الله يرحمة كان بيتكلم عن حب النت بكل حرف فية بس اتحذف لان وقتها كان ممنوع المواضيع دى ان شاء الله هستعيد افكارى كلها من تانى وهكتب الى اقدر علية عن الموضوع دة هنا بأذن الله بجد موضوع جميل وانا شخصياً حابب اتكلم فية لتوضيح بعض اللبس عند الغالبية شكراً لحضرتك صاحبة الموضوع على الموضوع المميز جزاكِ الله خيراً |
يارررررررب احفطنا
|
اقتباس:
ما هو لو الأب والأخ كمان بيتابعوا البنت والبنت عاملة لهم حساب , مكنتش عملت كده !! لحد وقت مش بعيد كانت البنت لو واقفة في الشارع وأخوها شافها , تبقي ميتة من الخوف والرعب !! دلوقتي بقي البنت بتروح الأماكن اللي هي عايزاها ومش مهم خالص أبوها أو أخوها يشوفوها ... عادي خالص ... وايه يعني ... هو انا بعمل حاجة غلط ... ما كل البنات بتعمل كده !!!!!!! أقسم بالله ان فيه بنات كتيرة الشباب بتكلمها في الموبايل قدام أبوها أو أخوها وترد عادي جداً وتتكلم زي ما هي عايزة , إلا إذا كان الكلام ..... فتدخل الحجرة بتاعتها !! لكن لو أبوها أو أخوها قام ونتشها قلمين وكسر الموبايل علي دماغها مكنش دا حصل !! وكمان من ضمن المتابعة يا تسابيح عشان البنات كلها تهاجمني - مش مهم المهم هو الحق - ان الأب والأم يفتشوا الموبايل بتاع البنت من وقت للتاني ويكونوا عارفين صحباتها كويس عشان البنت متعرفش تضحك عليهم ويفتشوا حجرتها كمان , مش عيب ولا حرام ولا عدم ثقة , سيبنا بقي من الكلام اللي ضيع بنات كتير اوي اوي , خلينا نحافظ علي البنات ونصونها برضاهم أو غصب عنهم !! طالما التعامل في صالح البنت وفي صالح سمعة الأسرة كلها . |
اقتباس:
انا طبعا متفقة مع حضرتك ان مفيش حد في الزمن دا مش عارف ان كان اللي بيعمله حرام ولا حلال كل الناس عارفة لكن فيه ناس بتمشي ورا عواطفها وبالذات البنات وبتقنع نفسها ان هو دا فارس الأحلام اللي هيجي يأخذها ع حصان أبيض :006et4: والحب أكيد مش حرام بس لما يكون من الباب مش من الشباك لما يكون رسمي واللي بيحب حد باب الأهل مفتوح يرحب بالجميع ام مسألة تليفونات ونت وخروج ودخول دا لعب عيال ومش كلام سليم .... اللي بيتولد في الضلمة مش هيقدر يظهر نفسه للنور وهيفضل طول عمره في الضلمة والولد اللي يرضي لنفسه انه يلعب ببنات الناس اكيد ميرضاش لحد انه يلعب بأخته ولو حتي مسمي اللعب ببنات الناس دا صحوبية وحب والكلام داا لأن اكيد هيلاقي الولد اللي جي يقول انا عايز احب اختك هتراضي اكيد الولد مش هيرضي لانه طبيعي انه ميبحش ان اخته يتلعب بيها ام لو رضي فدي النصيبة لانه هيبقي ديوث !! انا مش متفقة مع حضرتك بالمقارنة بين الواقع والنت مهما يحصل انت بتعرف تتعامل مع الواقع اكثر من النت النت عالم خيال لكن اللي فيه ناس حقيقية حضرتك ممكن بسبب ضغط ع زر في الكمبيوتر تخسر رصيدك في البنك يتنصب عليك وتسرق وغيرها وغيرها كثيراا ام الواقع ان بتتعامل مع شخص وجها لوجه بتعرفه وبتتعامل معه وبتشوف تصرفاته بتحكم عليه من تصرفاته في الواقع مش من كلامه عن نفسه وهو دا اللي بيحصل في النت احنا بنعرف الشخص من تقريره عن نفسه والمعظم بيحاول يغير صورته ادام ناس هي مش تعرف حقيقته ..لانك مش اتعملت معه ...... واللي بيمشي ورا عواطفه ف حاجات محتاجة عقل هيضيع نفسه واقع او نت هيضيع ..... جزيت خيراا أخي وحضرتك تنور في أي وقت |
اقتباس:
شكراا لك |
اقتباس:
اقتباس:
خلاص بدل الإسلام بيقول كدا يبقي تمام:) اقتباس:
اقتباس:
مش فاهمة ازاي يعني حضرتك بتقول النقاش عادي وبعدين تقول تخلف ورجعية !! انحلال اخلاقي !!!! دا كله عشان كلمة صديقة انا سحبت الكلمة :(ع فكرة.... اقتباس:
يأخذ الموبايل اومال مين اللي اشتراه :bosyht9: طالما هي بتستخدمه صح يبقي مش هيأخذه:excl: اقتباس:
مش عارفة انا مش متفقة ع موضوع التفتيش دا ..... مع ان فيه ناس مش بتتفتش ولا حاجة وماشيين ع الصراط المستقيم :( ولا هم دول الشواذ الذي لا يُقاس عليهم .... موضوع الأصحاب دا متفقة تماما ويعرفوا اهلهم كمان واسماؤهم بالكامل وكل حاجة عن الأصحاب... انا مش عارفة في ردودي حذفة حاجتيين مش راضية اكتبهم تربيتها واخلاقها !!!:( |
اقتباس:
زي ما قلت من ضمن التربية هي المتابعة الشديدة للبنت حتي يتم التخلص منها بزواجها :d:d أنا نفسي ينظر لكلامي بمنظور المصلحة العامة سواء للأسرة أو للبنت نفسها , ولا ينظر لكلامي بمنظور شخصي وتعتقد كل بنت ان الكلام خاص بها أو تقيس الأمر علي نفسها , لأن هذا المنظور خطأ خطأ خطأ !! البنت كلما كبرت كلما زادت مسئولية الأب والأم والأخ . المسئولية بتزيد مش بتقل . وزي ما المثل بيقول اكسر للبنت ضلع ........ كملوا المثل . غلط , التكملة غلط !! اكسر للبنت ضلع وروح جبسه :d:d |
| جميع الأوقات بتوقيت GMT +2. الساعة الآن 05:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.