حوار بين الجد وحفيدته عام 2090
 

عام 2090

الحفيدة : جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة

الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2002م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني

الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..

)بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بستين جنيه
، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها

الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو
الجد :كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ


للامانة منقول للضحك والفرفشة

نفسي اشوف ردودكم ع الموضوع ده بقي

جيل جيل جيل ماله حل

هههههههههه
دمك خفييف وجزاك الله خيرا

انا بشكر مرورك الجميل

موضوع زى العسل يامس

:كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ
هههههههه يالهوى 3 الاف عربون بس !! امال الكيلو بكام ؟؟؟
موضوع جميل جزاك الله خيرا

سلمت الانامل الذهبيه على الابداع
ودمتم عطاءا للمنتدى

مع ان الموضوع يبدو في ظاهره انه للضحك والفرفشة , إلا انه في الواقع يدعو للحزن والحذر ( والصوات واللطم كمان ) !!
للأسف الشديد نحن في الطريق لحدوث هذا , ونسعي إلي حدوثه بأسرع وقتت ممكن , وهذا ما يؤرقني ويحزنني أشد الحزن !!!!!!!!!!!

انا باحكى الحكايات اللى كان والدى بيحكيهالى عن الاسعار زمان ولادى بيصعقو والا اول موبايل ليا لما والدى شافو وكان محتاج يستعمله بيقولى ولا سلك اتكلم كده على طول الكلام ده من عشر سنين بس امال 80 سنه بيتهيالى رحلات المدرسه هتبقى للقمر والاكل شم والعلاج شعاع يعدى العيان عليه و العربيات بتطير والام تخلف العيال على المدارس الداخلى ويادوبك تعرف ان ليها اولاد عددهم كذا وبدل الاسامى ارقام ممكن تقابلهم قدرا وممكن لا انا اوعى لما اللحمه وصلت 5جنيه كان فى مظاهرات وايه الغلا ده ولغاية امتى الغلا ده كيلو اللحمه بخمسه جنييييه

موضوع جميل
بس ياترى هو ده اللى هيحصل؟
يعنى احنا هنبقى اسوا من دلوقتى
بصراحة انا خايفة

للاسف الواقع بيقول كده

موضوع جميــــــــل

لكن بلاش اليأس ده

قال تعالى : ( إقتربت الساعة وانشق القمر ) وقال تعالى : ( إقترب للناس حسابهم وهم فى غفلة معرضون )

يعنى خلاص هانت وتظهر العلامات الكبرى واللى من ضمنها ( المهدى ) المنتظر بس مش قصدى اللى فى السرداب عند الشيعة :)

وفى عهده هتنزل البركة تانى ان شاء الله

حتى ان قشرة الرمان ستظل الفئام من الناس.

تفاءلوا ......... اخوانى

(ان الله يدافع عن الذين آمنوا)

شكرا لمرورك الجميل وعندك حق بس القادم باين انه نش كويس

اللهم احفظ بلدنا مصر من الغلاء والبلاء والفتن يارب العالمين

هههههههههههههههههههههههههههههههههههههه
موضوع زي العسل
الف شكر عالموضوع

هههههههههههههههههههههههههههههههههههه
انا متوقعة دا بردو

هههههههههههه
لول

هههههههههههههه

خلينا متفائلين يا ميس مش لازم نتوقع الاسوا لعل الله يحدث بعد ذلك امرا
اللهم الطف بنا امين يارب العالمين

نايس توبيك &

موضوع جميل بجد &

تقبلى مرورى وتحياتى .

موضوع غريب جداااااااا

كل الشكر ليك

:d:dاللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها
هو صحيح تعليق على على شىء شبيه بالواقع حتى لو باسلوب مبالغ فيه بس بجد مضحك جداااااااااااااااااااااااااااااااااااااااااااااااا اااا وعلى فكرة دة اسلوب رائع فى التعبير انه يكون مضحك
لكن له تشبيهاته هادفة :d:d:d:dههههههههههههههههههههههههههههههههه

هههههههههههههههه
موضوع جميل

جيل و جيل اخر زمن

هههههههههههههههه

ههههههههههههههه بجد لذيذه اخر حاجه تسلمى على الموضوع الجامد ده

معلش ردى بخلا ف الموضع ادخلو هنا بسرعة

ذا تصويت يجري في ألمانيا من أجل الاعتراف بالدين الإسلامي كدين أساسي

كاليهودية و النصرانية ، ولكن لللأسف نتائج التصويت حتى الآن (لا) أكثر بكثير من (نعم) لذا نرجو الإرسال لأكبر عدد ممكن من المسلمين.

حيث 67% يقولون لا

الإجابةنعم JA اول وحده

ثم أضغط الأيقونة الي على اليمين

Stimme abgebe

أرسلها لاكبر قدر ممكن من أستضافات موجودة عندك

http://www.tagesschau.de/inland/wulffrede112.html

جميل جدااااااااااااااااا

موضوع رائع وبصراحة مضحك جداااااااااااااا وفيه صراع بين أجيال من سيى الى اسوا

كل الشكر ليكي