استراتيجيات للحفظ وطرق للمذاكرة ونصائح هامه..
 

استراتيجيات للحفظ وطرق للمذاكرة ونصائح هامه
الاستراتيجية (1) :
ازاي تحفظ الكلام من أول مرة ولا تنساه؟
تركز على كل كلمة وترسملها صورة في خيالك ... خليها صورة ملونه .. كوميديه وغير واقعية ومبالغ فيها في الحجم والشكل ... انت كدا بتنشط المخ انه يسجلها ..
ثم أعمل تسلسل منطقى للكلمات دي كأنها فيلم ... بعد كدا عمرك ما هتنساها ...
الاستراتيجية (2) :
تخيل انك في اوضتك اللي انت حافظ كل تفاصيلها كويس
وتخيل تفاصيل الموضوع متوزعة في الاوضة ... معلومة في الدرج ... معلومة في الدولاب ... معلومة تحت السرير ... كدا لما تبقى في الامتحان مجرد ما تغمض عينك وتفتكر أوضتك هتفتكر كل المعلومات دي بأماكنها اللي انت حطيتها فيها

أحسن أوقات المذاكرة :
1- من الساعة 5 فجرا الى الساعة 12 ظهرا
2- تاني أحسن وقت تذاكر فيه هو من 3 عصرا الى 8 مساءا

أحسن أوقات النوم وعدد ساعاته :
عدد ساعات النوم الصحية من 6-7 ساعات ، لا تزيد ولا تنقص عن هذا
تنام 4 ساعات بليل ( الافضل يكونوا من 12.30 الى 4.30 )
وتنام ساعتين بعد الساعة 12 الظهر والرسول صلى الله عليه وسلم وصانا بالقيلولة

المذاكرة المتواصلة :
المفروض متفضلش قاعد عالكتاب أكتر من ساعة
كل ساعة تفصل عشر دقائق : تصلي ، تاكل ، تشرب ... أي حاجة بعيدة عن المذاكرة
لما تخلص ال 10 دقائق راجع بسرعة اللي ذاكرته الساعة اللي فاتت

الرياضة :
ممارسة الرياضة مهمة وتنشط العقل ويفضل تكون في أول 15-30 دقيقة بعد الاستيقاظ من النوم لأن العقل في الوقت دا بيكون مشوش ومش هتقدر تذاكر فيه فاستغل الوقت دا في الرياضة..

المذاكرة بالخرائط الذهنية:
بجد بجد مفيده جدا وبتثبت الموضوع في دماغك وبتساعدك ترتبه ترتيب منطقى في المخ
ممكن تعملها على ورقه بيضا أو حتى في خيالك
ممكن تتخيل الحيطه اللي قدامك شاشه والكلام بيترص عليها وتكبر الاجزاء وتصغرها عن بعد بايديك يعني تاخد كل عنوان فرعي من الموضوع وتكبره بحيث يملا الشاشه كلها وبعدين ترجعه مكانه وتكبر العنوان اللي بعديه وهكذا ( اطلق العنان لخيالك)
وكمان حاول تربط الكلمات بصورها في مخك هتلاقي حفظها وتذكرها اسهل
مثال :
Cardiac manifestation ...imagine a heart instead of imagining the word itself or while you are writing the word
أما لو مش بتعرف تتخيل فاستخدم الورقة والقلم عادي
هتبدأ ازاي؟
اولا بص عالموضوع نظره شامله واقرأ عناوينه الفرعيه سريعاً
اكتب ( أو تخيل ) عنوان الموضوع في نص الصفحة وحطه في دايرة
طلع من الدايره خطوط متعرجه وفي آخر كل خط دايره وفيها العناوين الفرعيه بتاعة الموضوع
ومن كل عنوان فرعي طلع خطوط تاني وفي نهايتها دواير بردو وفيها النقاط اللي تحت العنوان الفرعي وهكذا
اتود عالطريقة دي وانت بتذاكر كل المواد هتلاقي نفسك اتعودت عليها بعد فتره ومتقدرش تذاكر الا بيها
وعمرك ما هتنسى الموضوع لأن المخ بيحفظ الموضوع على هيئه شبكة بالظبط زي شكل الخلايا العصبية الموجوده فيه

بجد موضوع رائع وخصوصا الخرائط الذهنيه ديه انا قريت عنها قبل كده وبجد مفيده جدا لو الواحد استخدمها صح

موضوع ممتاز بس ازاي نذاكر اللغات يعني انجلش فرنش بالخرايط دي

خطوات لفهم اللغات الأجنبية

لايمكن ان يتعلم الانسان لغة ماإلا عن طريق التكرار والاستعمال فاللغة ليست مجردحفظ كلمات وانما الاهم هو استعمال هذه الكلمات في جمل صحيحة ولذلك فإنكم تحتاجون لتدريب مستمر ومتكرر

ولمذاكرة اللغة الانجليزيه لابد من اتباع الآتي :

- الانتباه الجيد للمعلمه والتركيز عند حل الواجب
- حفظ مفردات اللغة والجمل الصغيرة سهله التركيب ومعرفة طريق استخدامها في مواضيع الانشاء
- تصيح الاخطاء عند حل التمارين او الواجب
- الانتباه الى طريق تطبيق قواعد اللغة اثناء قراءة دروس المطالعة Readingو Comprehensionلان هذا يساعد الطالبة على التحدث ووالكتابة بأسلوب سليم
- حل التمارين بعد شرح الدرس مباشرة في نفس اليوم
- عند كتابة موضوع الانشاء Paragraphs يجب اتباع الآتي :
1- تحديد عناصر الموضوع الافكار
2- يقسم الموضوع الى فقرات Paragraphsبحيث تشتمل كل فقرة على عدد من الجمل البسيطة المترابطة بفكرة واحدة
3- مراجعة الموضوع وملاحظة صحة قواعد اللغة
4- عند قراءة قطعة الفهم يمكن استنتاج معنى بعض الكلمات من خلال المعنى العام للجملة ومن سياق الموضوع يجب ان تكون الاجابة على قدر السؤال وملاحظة الزمن Tenseاذاكان الزمن مضارع تكون الاجابة في نفس الزمن المضارع

الترجمة Translation

عند الترجمه يجب اتباع الآتي :

- قراءة القطعة كلها دفعة واحدة وإدراك الفكرة العامة
- الترجمه الصحيحه لاتكون حرفية إنما معبرة عن معنى القطعة
- مما يسهل الترجمة ان تكون الطالبة ملمة بأكبر قسط من مفردات اللغة ومصطلحاتها
- استنتاج واستنباط معنى الكلمات الصعبه الجديده من خلال القطعة

شكرا ليكي كتير يا قمر بصراحه مش عارفه اشكرك ازاي

الشكر لله ثم لكاتب الموضوع..
انا معملتش حاجة يا قمر غير أني نقلتة ..
مرورك حقيقي اسعدني..

جزاك الله كل خير على المرور أخي في الله..
بارك الله فيك..

جزاك الله خيرا وجعله الله في ميزان حسناتك

شكرا جدا عالموضوع ياقمر
تسلم ايدك .. بجد جميل ومفيد
جزاك الله خيرا


الموضوع كله انا معاه ماعدا الجملتين دول
أحسن أوقات المذاكرة :
1- من الساعة 5 فجرا الى الساعة 12 ظهرا
2- تاني أحسن وقت تذاكر فيه هو من 3 عصرا الى 8 مساءا
ودول انا شايفاهم للنوم افضل حاجة مش للمذاكرة
خصوصا من الساعه 3 عصرا الى 8 مساء اكتر وقت برتاح فيه فى النوم

وانا شايفه ان اكتر وقت للمذاكرة جميل من الساعه 8 او 10 مثلا لغايه الفجر


تقبلى مرورى

شكرااا جداا على المعلومات القيمه دى
جزاكى الله كل خيير

جزاكى الله خيرا

تسلم ايديكى يادينا وربنا انا استفادت كتير

جزاك الله خير
بس كويسة قوى حكاية المعلومه اللى فى الدرج:d

طب حكاية جدول المذاكرة ده ايه رايك فيها كلامك فى الموضوع زى ما يكون جدول صح

تسلم الايادى ويسلم النقل ياقمر

تمام، شكراً جدا علي النصائح دي

عموماً عملية المذاكرة في أوقات معينة دي عملية نسبية بتختلف من واحد للتاني، فيه حد بيقدر يركز ويصفي ذهنه الصبح وناس بالليل وأنا مع الناس إللي بتذاكر الصبح دي جدا جدا .. بحس إن فيه إيد شغالة معايا الحمدلله

أنا شخصياً أحسن فتراتي من 6 الصبح لـ 12 وأسؤأ الفترات هي فترة من 3 لـ 6 عشان الغدا وكده والتركيز بيقل شوية عشان مجهود الصبح

معلش أعذروني لو هضيف حاجة تاني بس فعلاً عايز أقول إن المذاكرة والنجاح حتي في كل مجالات الحياة = هدف + تصميم + نظام + تركيز + تطبيق

بارك الله فيك يا آخي..
وجزاك الله كل خير على هذة الاضافة المفيدة..
وبالتوفيق للجميع بأذن المولى..

شكرا وجزاكي الله كل خير

بارك الله فيك يا آخي..
وجزاك الله كل خير على المرور..

ميرسيييييييي

جزاكي الله كل خير على المرور:blush::blush:..