|
عــــــــانــــــســــــــــ ارحموني ...........
السلام عليكم ورحمة الله وبركاته أشعربننا نعيش في مجتمع ما قبل الأسر الفرعونية ,يسوده الجهل والأمية الفكرية وإن كنا في عصر التكنولوجي ..فالمرأة في التفكير شيء مظلوم في ظل هذا المجتمع ...لا أعلم لماذا؟! فإن وصلت لسن ال22 دون ان تتزوج الويل كل الويل لها لقد وصلت لسن العنوسة ويبدأ الهمز واللمز والكلام السخيف من هذه وتلك وتلمحات الأكثر سخافة .... وأنها يجب عليها لتجنب هذه السخافات أن تقبل بأي رجل المهم تطبق قاعدة ضل راجل ولا ضل حيطة :d...بل بعض الفتيات يخشين ع انفسهم من العنوسة فتجدها تقبل أول من يطرق علي الباب دون أي اعتبارات ...ليس مهم ..المهم بأنه رجل !!! لا يهم دين ولا أخلاقه ولا تفكيره ولا أهله .... أمثلة كثيرة من الحياة فيها تنازلات كثيرة جداا من الفتاة مثال بسيطة فتاة تبلغ من العمر 27 تقريبا لم تتزوج بعد....ماذا تفعل ... أمها كانت تأخذها معاها في اي مكان تذهب إليه لعل وسعي واحد يتعمي ويجي;) وفي النهاية شخص يعمل في الجامعة أستاذ جامعي يبحث عن عروس فسأل هذه الأم وفقالت ابنتي ابنتي عروس متميز ...وهو فعلا أستاذ جامعي ولكن رغم ما قيل لها بأن لدية حالة نفسية ولكن أبداا لم تصغي لكلام أحد وافقت الفتاة ولكن بعد كتب الكتاب وفي الحنة تحديد لم تكن تطيقه ولا تريده ان تتزوجه وتتم هذه الزيجة ولكن الأهل هيهات هيهات ...ليس عندنا فتيات تطلق ...وتم الزواج بعد أسبوع واحد فقط بدأت المشاكل من سوء المعاملة لهذه الفتاة التي ذنبها الوحيد أنها قدمت تنازلات من أجل أن تتزوج ولا يقال بأنها دخلت مرحلة العنوسة وبدأ المشادات والخلافات بين الأسرتيين فهو يعامل بطريقة غبية نظراا لمرضه وحالاته النفسية !!! وتم الطلاق فعلا بعد مشاكل دامت سنة !!!:bosyht9:بدل من ان تصبح عانس أصبحت مطلقة أم الآخري فهي تعمل مدرسة وصلت لسن 33 سنة ولم تتزوج فبعد أن فاتها القطار تقدم لها شاب أكبر منها ولكنه حاصل ع دبلوم صناعة وتزوجته فعلا بعد الحاح شديد وضغط ع اهلها فإذا بها تكتشف بأنه رجل يمشي وراء كلام أمه ويؤمن بالخرافات وانجبت منه بنت ثم قال لا يريد بنات وسبحان الله !في كل مرة يطلب منها ان تنجب ولد كأنه بمزاجها وليس بأمر الله (سبحانه وتعالي) وفعلا انجبت 4 بنات فقالت الأم الشاب بأن زوجته ملبوسة لانها تنجب الفتيات وحصلت هذه المدرسة ع عقد عمل في دولة عربية بمرتب كبير وسافرت واخذت تبحث لزوجها عن عمل في هذه الدولة ولان تعليمه متوسط حصلت له ع عمل في محل مصري للمؤكلات وتم تكريم هذه المدرسة لشغلها الجادة في المدرسة ودعته ليحضر الحفل فأخذ يقول لها طبعا زوج الست المدرسة بيشتغل طاهي في مطبخ فهل ستتشرفي بي امام الاساتذة :bosyht9::bosyht9: وهي لا تنظر له هكذاا ولكن لا حياة لمن تنادي فهو يحاسبها لانه مستواها التعليمي اعلي منه ...وإذا بها امه تقنعه بأن زوجته ملبوسة وتأتي برجل ويعرف الزوج بذلك ليضرب الزوجة امام زوجته ضربا زعما بإخراج العفاريت من جسدها ....وهو الأمر عنده عادي........!! ...... أم هناك من تخلع حجابها وتتنازل عن مبادئها ودينها بزعم حتي لا أصبح عانس ... ومنهم من تلطخ وجهها بالمساحيق من أجل جذب عريس الغفلة:d أظن بأن الفتاة أكرم لها ان تعيش في بيت أهلها من هذه المهزلة .. ليس هي ذنب فيها ...... لماذا هذا التفكير ؟؟!! إليكم الخط |
اااه يا تسابيح جبتيها عالجرح والله ،، لا طبعا انا بهزر مش انا ال بقول ده معظم البنات دلوقتي فكر غريب جدا بئا منتشر وكنت افكر انه انتهى خلاص بس لقيتني غلطانة لانه عمال يزيد ويتعمق اكتر ومش بيقل والامثلة ال انتي عرضتيها فكرتني بمرة كنت بتكلم مع قريب ليا عن وحدة عندها 26 سنة ولسة ما تجوزتش وانها متقدملها واحد ومحتارة توافق ولا لاء المهم بصيلي كدة وقال ايه ده دي عنست خلاص تقبل بيه علطول هو فيه حد هيروحلها !! وانا طبعا مش سكت وفضلت اقنع شمال يمين مافيش هي عندهم خلاص عانس مع مرتبة شرف !! معظم الناس دلوقتي بئا عندهم الجواز هو اهم حاجة البنت تتجوز ونرتاح ، وكأننا هم عالقلب !! ده حتى خروج البنت من التعليم وال افتكرت انه خلاص انتهى اكتشفت انه بيزيد والبنت تكمل 18 وقبلها كمان والله ، وتلاقيها متجوزة ومعها عيلين تلاتة كمان عشان كدة لما بيشوفوا وحدة فالعشرينات بتبقى بالنسبة ليهم خلاص راحت عليها ، والموضوع كنا لسة باناقشو مع زميلاتي فالكلية وكلنا عمالين نضحك اننا وبلا فخر عقبال مانخلص نكون في نظر مجتمعنا عوانس ، ووحدة بتقول مامتها كل ماتشوفها تقولها ياخوفي تعنسي وتقعدي جنبي يعني حاجة الله المستعان ، بس الحمدلله اعتقدت اننا الوحيدين ال بنعاني طلع شعب مصر بيعاني معانا :d، مرسي يا تسابيح ولو انك قلبتي المواجع :p |
عــــــــانــــــســــــــــ ارحموني ...........\ ..فالمرأة في التفكير شيء مظلوم في ظل هذا المجتمع ههههههههههههههههههههههه عنوان جميل يا تسابيح </strong> اه ....بجد والله عندك حق والي يخنق انهم ينظروا للبنات دي على انهم حاجه كدا يعني عليهم شوفي البنت وصلت ل 22 ولسه يا عيني ..... مش عرافه اقول ايه ربنا يبعدنا خلينا فى الثانويه احسن ههههههههههههههههههههههه شكرا على التوبيك يا تسابيح |
اقتباس:
طيب احمدي ربنا انك في صيدلية مش في طب ههههههههه كانت العنوسة هتوصل مداها هههههههههههه:d يعني انا كمان دخلت مرحلة العنوسة بما ان بتوع 18 مرحلة الخطر هههههه مجتمع فعلا غريب هي ذنبها انها مش لاقية شخص محترم ترتبط بيها الرجل لو وصل ل40 مش اتجوز عادي وممكن كمان يتجوز واحدة عندها 16 سنة ومفيش ادني مشكلة خالص وممكن كمان 50 و45 والعملية عادية اصله راجل!!! ومع ذلك عمرهم ما يتبص لهم نظرة ولا حاجة بالعكس دا العادي حتي التميز كمان في الزواج !! لكن البنت لو وصلت ل22 يبقي ليلتها برتقالي ازاي وليه وايه ومش عارفة ايه وحياتها كلها تنقلب راسا ع عقب !! كأنها السبب في داا ....دلوقتي بيقولوا الرجالة انقرضوا من البلد:p عشان كدا فيه عنوسة هههههه;) الزواج في الآخر قسمة ونصيبة ومحدش يتجوز زوج حد ... وربنا ييسر الأمور نورتي يانقاء وربنا يرزقك بابن الحال قبل لما تخصلي كليتك خلينا نفرح بيكي:d |
اقتباس:
هههههههههههههههههه لا ياشطورة الزواج اهم هههههههههههه كل الناس اخذوا الثانوية عملوا ايه يعني هههههههههههه بهزر طبعا :p الغيب انهم يتعمدواا الجرح والتجريح في الفتاة كأنها السبب وسبحان الله! كل واحد له نصيبه بس فيه بنات بتستسلم ع طول وتوافق ع اي حد ظنا منهم ان كدا كلام الناس هيقل بس المشكلة ان لو حد مشاكل بينها وبين زوجها دا الناس هتكلم يعني في كل الحالات الناس مش بتسيب حد في حاله ربنا يوفقك في دراستك يارب ويرزقك بالزوج الصالح ;) |
اقتباس:
ما انا بقيت فطب ^_^:blush: يعني الحمدلله الحمدلله هتبقى بمرتبة شرف كمان :d اسكتي ماتغظنيش وهو انا باتمنى اكون ولد من قليل :slap1qk6: اكيد كل حاجة مقدرة ومكتوبة وكل واحد بياخد رزقه ، ده نورك ياقمر عقبالك انتي الاول :p امين ويزرق بنات المسلمين ،، |
اقتباس:
انا مش حمسك الخط كتير ! الجميع يعلم الحالة الاقتصادية التي يعاني منها معظم الشباب ومع ذلك مازال الأباء والأمهات والفتيات تتمسك بالماديات التي ليس في استطاعة غالبية الشباب أن يلبيها , ونادراً يا تسابيح أن تجدي فتاة لم يتقدم لها واحد واتين وتلاتة وعشرة , ولكنها ترفض لأسباب معظمها تافه - أقول معظمها وليست كلها - كما أن الأهل يرفضون أيضاً ويقولون في أنفسهم ( البنت لسه صغيرة وبكرة يجلها عدلها ) لحد ما البنت تخطي الـ 30 سنة وهنا تبدأ مرحلة الخطر . البنات تتنازل هي وأهلها عن الماديات وانتوا تلاقوا كل البنات اتجوزت . |
اقتباس:
ربنا يوفقك يارب في دراستك ويجعل في كل خطوة عريس:p:p يابنتي طلعنا نفسنا نبقي ولد مش انت لوحدك ههههههههه احنا نعمل ثورة ضد الأولاد لان المجتمع بئا كله بيجي علينا ياعيني ربنا ييسر الأمور ;) |
اقتباس:
فعلا احنا فعلا في مجتمع متحيز للرجل بشكل كبير لو واحد عمره 45 سنة وممكن يتجوز ويتقدم واحدة اد بنته كمان :romarioxp6::romarioxp6: و50 سنة ام لو هي وصلت 25 حتي بتبقي كأنها عملت جريمة عشان لحد دلوقتي مش اتخطبت .... اقتباس:
لا الجمال دا نسبي وفيه راجل ممكن يشوف واحدة حلوة وغيره يشوفها وحشة كل واحد بئا وجهه نظره بس مكنتش وحشة ولا حاجة اقتباس:
أكيد بعد الحاح اهلها !!!:romarioxp6: وبعدين هو العانس عارفة تجوز لما فيه واحد هيتجوز واحدة مطلقة اظن انها ادمرت مش كسبت لقب جديد ولا حاجة هو هيتجوز تاني و50 مرة وممكن كمان عمرهم صغير 17 و20 ام هي هتقعد جنب اهلها !!ولو اتجوزت هتجوز واحد ف 50 !! مش بردو تميز عنصري داا !!! اقتباس:
بالعكس دا نصيبة للي بيمشي ورا كلام امه لان المسيطرة عليه هي امه وبالذات لو بتشحنه من ناحية زوجته وكمان لو هي قوية !! اقتباس:
هي مش اطاعته دا ربطها !! هو فيه زوج يعمل كدا اقتباس:
أظن ان اي واحد بيتقدم لازم ع الأقل يقدر يفتح بيت لو مش يقدر مش يتقدم أكيد لازم يتعب ودا أقل حق من حقوق الفتاة انها يكون عندها بيت وحياة جديدة مع إنسان اللي هي هتعيش معاه باقي عمرها يعني دا أبسط حقوقها مش عليه اعتراض يعني ...... أم حكاية الرفض فدا اقبول يعني مينفعش انها تتجوز واحد هي مفيش قبول مبينهم لان الزواج اكيد مش يوم ولا اثنيين دا العمر كله ... ازاي يعني يتنازلوااا أكيد فيه حاجات مينفع فيها التنازل وفيه حاجات مينفعش يعني الشقة والعفش ممكن حكاية الدهب دا يكون بالتفاهم لانه هدية من العرويس لعروسته ام الشقة والكلام دااا دا شيء اساسي وضروري |
كلمة عانس دى كلمة وحشة اوى
و مفروض البنت ما تبصش لنفسها بالطريقة دى والانسان لازم يكون مؤمن ان ربنا كتب له رزقه قبل ما ييجى الدنيا وان لا حيلة فى الرزق والزواج رزق وفى السماء رزقكم وما توعدون وكل انسان له 24 قيراط بياخدهم وكل شئ بميعاد ولا يظلم ربك احدا فلا داعى للقلق كل شئ بأمر الله |
ما أنتم همكم تقيل :d
يعنى الأب يعمل إيه B) عايز يطمن عليكم فى بيت العدل :friendsxs3: يبقى كدا غلطان :stickjo4: حاجه غريبه شكرا :078111rg3::078111rg3: |
انا شايف ان البنت ناو ممكن تقعد ل 25 وعاااااااادي جدااااااااا !!!
متوسط عمر البنت في الجواز ناو بقي 25 او 26 |
اقتباس:
عندك حق بس المجتمع هو اللي طلعها وهو اللي اطلقها ع الفتاة التي لم تتجاوز وقد تعدت سن معين كلام مضبوط كل واحد هيأخذ رزقة بس تقولي ايه للعقول :bosyht9: |
انا بأة يا جماعة ما فيش حاجة بتغيظني الا لما اشوف وحدة في الجامعة ما خلتش ولد الا و مشيت معه و الحوارات عليها قد كده في الجامعة و تاني يوم تيجي تلاقيها مخطوبة لواحد رتبة لا و منصب كمان!!!!! و هي دايرة على حل شعرها جابتلها عريس و المحترمين هما اللي بيعنسو في الاخر
الله المستعااااااااااان |
يعنى لو واحدة ربنا مش مقدر لها الزواج لحكمة لا يعلمها الا هو
تعمل ايه تموت نفسها يعنى ربنا ما بيمنعش حاجة عن حد الا لانه عارف انها شر ليه ومقدر له حاجة احسن و افضل بس مين يعرف ويفهم كده |
اقتباس:
فعلا ربنا يكون في عون اللي عنده بنات فما بال حضرتك باللي عنده 4 و5 بنات :romarioxp6: فعلا البنات دي مشكلة:stickjo4::stickjo4: أكيد الأب مش غلطان بس المجتمع هو اللي غلطان لان بيبص للي نصيبها لسه مش جيه انها خلاص ارتكبت جريمة ازاي مش تجوز !!! اكيد مش بتعرف تطبخ:slap1qk6: |
لا يا de7kt 2lb مش لازم تفكرى بالطريقة دى
اللى تشوفيها كده قولى ربنا يهديها ويهدينا لكن لما نراعى ربنا فى انفسنا خوفا منه وطمعا فى رحمته اكيد ربنا مش هيخذلنا |
اقتباس:
|
اقتباس:
انا كنت بحسب عندنا بس:slap1qk6: بس انا هقولك حاجة الطيور ع اشكالها تقع..!! يعني هو اكيد شكلها ... وربنا اكيد حافظ للبنت اللي ملهاش علاقة بأولاد دي الزوج الصالح اللي يقدروا يكملوا حياتهم مع بعض !!! |
اقتباس:
عين العقل ياريت الناس تفكر كداا بس هتقولي ايه ع العقلية المتحجرة !! ربنا يهدي |
اقتباس:
وان شاء الله الشقة دي كام حجرة ؟ وموقعها فين بالظبط ؟ وايجار ولا تمليك ؟ والعفش كام غرفة ؟ وينجاب عمولة ولا جاهز ؟ ولو جاهز يكون منين ؟ ولو عمولة مين اللي يحدد النجار اللي يعمله ؟ علي فكرة كل هذه التساؤلات ليست تساؤلاتي أنا , انما هذا ما يتم بين العريس وأهل العروسة ( دا لو بقي عريس وهي عروسة ) !! هذا بخلاف الشبكة كما ذكرتي والمغالاة الشديدة فيها ( مع انها هدية ) , وكذلك قيمة المؤخر ( عشان نأمن بنتنا ) , والفرح ولزوم الفرح !! أقولك يا تسابيح خلي البنات قاعدة تعنس من غير جواز أحسن , ولما يتخطوا 35 سنة بيكونوا هما وأهلهم هاين عليهم يشدوا الراجل من الشارع ويدوه البنت !!!:o:o |
ههههههههه انتى جيتى على الجرح يا بنتى ده انا الموضوع بقى معقدنى خلاص :d هههههه تعرفى انا اعرف واحدة زملتى قدى كانت مخطوبة فى ثانوى المهم قابلتها لسة من شهر كدة وكان معاها بيبى صغير :006et4: قلتلها مين العيل ده يا بنتى سرقاها :d قالتلى ده يوسف ابنى :o:o متتصوريش مدى الصدمة اللى اتصدمتها قلتلها ليه انتى تجوزت ؟! قالتلى اه !! قلتلها وكنتى مستعجلة على ايه يا بنتى انتى لسة صغيرة تخيلى قالتلى ايه ؟! قالتلى اصل اهل العريس عندهم البنت لما توصل لـ 18 يبقى خلاص ان الاوان انها تتجوز ولوطولت عن كدة تبقى عانس :angry2: متتصوريش من بعد الحوار ده انا كنت قاعدة افكر فـ الموضوع ده واقول هو معقولة لسة فيه ناس لسة تفكيرها كدة بجد حاجة تخنق اوى والغريبة ان الناس متسيش حد فى حاله وبيعاملوا اللى وصلت لسن مثلا 25 او27 دى على انها يعنى واحدة مسكينة وقال بيشفقوا عليها دى غير انهم بيقعدوا يقولوا انها مدام متجوزتش لحد دلوقت فى عيب وفيها مش عارف ايه وايه ...... يا شيخة بلا جواز بلا هم قال يعنى اللى اتجوزا اخدوا ايه :d شكرا يا جميل ع الموضوع :) |
اقتباس:
طبيعي ان الزوج يكبر زوجته زي ما حضرتك قلت الزوجة بيبان عليها اثر العمر بسرعة ...وعشان المرأة تتجوز واحد ناضج مش تكون هي انضج منه:) طبيعي اننا مش معترضيين عن الحكاية دي وتقريبا مفيش واحدة ترضي تتجوز واحد اصغر منها ... ...لكن دا ميمنعش انها ع الأقل تتجوز واحد يكبرها بسنة او اثنيين لو هي وصلت ل30 او حتي 35 ...!!!زي ما هو بردو بيدور ع واحدة اصغر منه بكثير واعرف ناس عمرهم 45 وعايز يتجوز واحدة في 2ث !!!يعني اد بنته الثانية مش الأولي كمان :) اقتباس:
اقتباس:
طيب هو بتفكر وبتخاف ليه !!مش عشان المجتمع اللي هي عايشة فيه بيبص للي مش اتجوزت ع انها مش من حقها انها تختار بدل اتجاوزت السن القانوي بالنسبة لهم للزواج !!! اقتباس:
كام حجرة دي العريس اللي عنده الشقة هو اللي بيحدد ولو هو راضيين بيه من الأول مش هيقولوا حاجة !!! وبعدين حتي لو فعلا العريس بيجيب الحاجات دي العروسة بردو بتجيب حاجات كثيرة جداا جدااا من ثلاجة ولازم تكون 3 باب وغسالة مفيش اقل من فول اتوماتيك وكمان المكنسة والميكرويف والسجاجيد والمفارش وحاجات تانية كثير يعني العروسة بردو بتجيب طيب العريس ع الاقل بيشتغل وهيساعد اهله ام هي ولا بتشتغل وممكن كمان تكون بتدرس !!!!!والاهل هم اللي بيجيبوا ولازم بنتي مش تكون اقل من اخت العريس اللي اتجوزت وجابت وجابت !! اقتباس:
يعني هي اللي عندها 35 سنة للدرجة دي ممكن تتنازل !!! الواحدة تحفظ كرامتها وبلاها جواز من اصله بدل مش لاقية اللي يناسبها ولا انها تهين نفسها تشتد واحد من الشارع !!! |
عن جد هاي قصة مشكلة المجتمعات العربية كلها
وفي دول وصلت نسبة العنوسة فيها لمرحلة كتير كبيرة انا بعرف بنات وافقو انهم يتجوزا رجالة متجوزين ولا انها تضل عانس مع انها صغيرة يعني 25 او اكبر شي بسيط موضوع كتير مهم تقبلي مروري |
اقتباس:
يابنتي انا بقول كداا بردو يعني اللي اتجوزوا خدوا ايه غير الصداع ووجع الدماغ !!! لو المجتمع ساب كل شخص فحاله فاكيد كان كل حد اختار طريقه بالطريقة اللي تعجبه بس نعمل ايه في التفكير ربنا يهدي ويرزقك بالزوج الصالح ياروحي |
اقتباس:
يااااااااااه لللدرجة دي ممكنن تتجوز واحد متجوز عشان وصلت ل25 !!!! ليه دا كله !! المشكلة ان المشكلة عندنا في الوطن العربي الأجانب وريحيين دماغهم ومعندهمش جواز اصلا:bosyht9: فعلا الموضوع كبير جداا محتاج تغير نظرة المجتمع ودا هيحتاج وقت كبير يبقي وقتها سن العنوسة في تزايد مستمر:bosyht9: |
اقتباس:
اذا أردت أن تطاع , فأمر بما يُستطاع . البنت عايزة تتجوز شاب تقريباً من نفس سنها وتتجوز وهي صغيرة , يعني هو كمان يكون صغير , والماديات تجعل معظم الشباب عاجز , والأهل مازالوا متمسكين بتلك الماديات , يبقي البنات حتتجوز ازاي ؟!!!!!! هو كل واحدة لازم قبل ما تتجوز يكون بيتها جاهز من مجاميعه ؟؟؟ دا معظم البنات بتكون ساكنة في شقة وأهلها وهي نفسها تشترط شقة تمليك , علي ايه يعني ؟؟ زي ما بيقولوا ( البنات علي قفا مين يشيل ) :d:p ارحموا من في الأرض , يرحمكم من في السماء !!!!! |
اقتباس:
حضرتك تقصد فيلم محمود عبدالعزيز أكيد:d مكنتش حضراه عشان كدا مش تباعهم:bosyht9: اقتباس:
البنات مظلومة هما واهلهم :bosyht9: اقتباس:
ببساطة لانهم ف الدول الأجنبية مش بيتجوزوا أصلا هم بيتصحبوا الأول :bosyht9:عشان يعرف أخلاقها :o وبعد كدا يفكر يتجوزها ولا لا...:d يعني عندهم كل حاجة سهلة:bosyht9:عندهم العملية سداح مداح:bosyht9: اقتباس:
فعلا البنات كثير بس مين اللي هيقبل الإ بعريس جاهز يعني حتي لو البنات كثير لازم يكون مالي ايده وهو بيتقدم :d ربنا يرحمنا كلنا برحمته يارب |
اقتباس:
:slap1qk6: |
اقتباس:
يابنتي انا بنصحكم يابتوع طب:d الخطوبة في 3كلية والجواز في 4 والباقي تكملية في بيت العدل ههههههه الحق عليا يعني :d |
اقتباس:
والجاهز ده يكون شاب ازاي ونحن نعرف الحالة الاقتصادية جيدا ؟!!! يعني احنا لو عندنا أب وأم عندهم بنت وولد , لما البنت يتقدم لها واحد , بيطلعوا عينه وعين اللي خلفوه من كتير الطلبات !! ولما يروح ابنهم يتقدم لواحدة , يبقوا عايزين يجوزوا الولد بأقل تكلفة ممكنة !!! التناقض موجود فينا احنا . احنا سبب المشكلة , وخاصة البنت وأهلها . لو الأب والأم والبنت اهتموا بأخلاق ودين الشاب وجعلوا الماديات هي أخر اهتمامهم , لتغير الوضع تماماً . ولنا في الماضي خير دليل علي كلامي هذا . حكاية الأساسيات اللي انتي قولتي انها لازم تكون موجودة في البيت قبل الزواج , دلوقتي معظم الناس بقي عندها التليفزيون , الدش , الغسالة الفول أتوماتيك , البوتاجاز 5 شعلة علي الأقل , الحجرات بمواصفات معينة , وغيرها من الأمور .... كل هذا أصبح من الأساسيات !!!! ( إذا جاءكم من ترضون خلقه ودينه فزوجوه , إلا تفعلوا تكن فتنة في الأرض وفساد كبير ) أو كما قال صلي الله عليه وسلم . هذا ما أمرت به الفتاة وأهلها , فهل يعملون به ؟!!! |
لماذا كل هذا الاستنكار قل لن يصيبنا الا ما كتب الله لنا ؟؟؟؟؟؟؟؟
|
السلام عليكم ورحمة الله وبركاته موضوع جميل جدا يا تسابيح وفعلا دى مشكلة بتواجه بنات كتير كل ام بيكون نفسها تفرح ببنتها بسرعة ومتحسش انها عنست وقاعدة جمبها وخصوصا لما يكون فى بنات اصغر منها فى العيلة واتجوزوا وبينسوا انها ادارة ربنا وان لكل انسان نصيب مكتوب له وكل شئ بموعد باذنه تعالى وانا بجد شايفة ان اى بنت تشيل الموضوع من دماغها وتحاول تشغل وقتها بعمل مفيد او دراسة تقدر تبنى بيها شخصية متميزة لها تفيد وتستفيد وطبعا كل شئ بامر ربنا ويارب اشوفكم كلكم عروسات قطوقطات :av4056bb7jp3: وعقبالى ياااااااااااااااااارب :stickjo4::stickjo4::stickjo4: |
اقتباس:
الرد دا عجبني اوي :006et4::006et4: بدأت الكلام بالاعتراف بوجود مشكلة :(:( وفي النص نصحية للبنات بانها تشيل الموضوع من دماغها :bosyht9::bosyht9: وختمته بالدعاء للبنات بالزواج ولها بصورة متلهفة اوووووووي :blush::blush: |
يا بنتى دى بقت حاجة عادية دلوقتى
الناس بدل ما تتقدم تفكيرها بيرجع لورا يعنى انا هقولك حاجة انا طالبة فى 3 اعدادى عندنا تقريبا فى المدرسة كل فصل فية على الاقل 4 او 5 مخطوبين والله انا مش عارفة الناس بتخلف عيال لية لما هما هيبيعوهم بمجرد ان هما عدو 15 سنة دا مش اسمة تامين مستقبل البنت دا اسمة تكتيف وضياع مستقبل وبيقولو لك عاوزين عريس كويس ومتعلم دا مين المتعلم العاقل دا اللى هيخطب بنت طفلة بالنسبة لية دلوقتى بيقولو ان لو الواحدة ما اتخطبتش قبل ال 18 يقولولها اتجدعنى احسن تعنسى والمهم انا كنت بتكلم مع واحدة فى فصلى وبقولها ا انتى هتتجوزى دلوقتى لية قالتلى يعنى عاوزانى اعنس قلتلها طيب و تعليمك قالت انا هعمل اية بالتعليم\ قلتلها طيب هتبقى مبسوطة واصحابك عايشين شبابهم وانتى ماشية بعيل ولا اتنيت مردتش قلتلها طيب لازم تتعلمى يا بنتى قالتلى ما انا هتجوز هعوز التعليم فى اية قلتلها اما ابنك ولا بنتك تيجى تسالك سؤال وهى بتذاكر هتقوليلها مش عارفة قالت لى اة هقولها مش عارفاة خلى ابوكى يحلوهولك قلتلها كدا هتسقطى فى نظر ولادك قالت لى سيبك سيبك هما هيتعودو قلتلها اما يروح المدرسة والمدرس يساله هيرد الولد ويقول ما هى ماما مش عارفاها يا استاذ قولى لى هتعملى اية قالت لى :بقولك اية كبرى دماغك اما اخلف ربنا يبقى يسهلها:039uw8: |
كام حجرة دي العريس اللي عنده الشقة هو اللي بيحدد ولو هو راضيين بيه من الأول مش هيقولوا حاجة !!!
وبعدين حتي لو فعلا العريس بيجيب الحاجات دي العروسة بردو بتجيب حاجات كثيرة جداا جدااا من ثلاجة ولازم تكون 3 باب وغسالة مفيش اقل من فول اتوماتيك وكمان المكنسة والميكرويف والسجاجيد والمفارش وحاجات تانية كثير يعني العروسة بردو بتجيب طيب العريس ع الاقل بيشتغل وهيساعد اهله ام هي ولا بتشتغل وممكن كمان تكون بتدرس !!!!!والاهل هم اللي بيجيبوا ولازم بنتي مش تكون اقل من اخت العريس اللي اتجوزت وجابت وجابت !! اختي الفاضله ماهو بردو اللي بيجيب الحجات دي كلها الاب يعني الراجل برضو اللي انتي بتقولي يابخته ونفسك تبقي زيه هو بردو اللي بيجهز البنت مش البنت هتجهز نفسها وكمان اللي بيتقدملها راجل يعني بردو الراجل اللي هيجهز نفسه يعني التلاجه والغساله لو كانت فول اوتوماتيك ومش هعلق عليها ومش عارف ايه...هيدفعها الاب الراجل والمهم بقي انك تعرفي ان الاب نادرا ماهيساعد ابنه لانه راجل ولازم يشتغل وبعدين زي ماقلت الاب مشغول بتجهيز بنته مش هيجهز ابنه الراجل كمان يعني يعيني علينا مكتوب علينا الهم من بدري ...الولد الراجل وهو من سن الاعدادي هيطلع ايه ولا هيشتغل ايه وفي ظرف كام سنه هيكون معاه 60000 الف طبعا انتي شايفه انا كاتب كام ايوة 60000 الف والله ده مبلغ تافه لو هيجيب شقه وعفش والذي منه تخيلي انتي كده بالله عليكي ياللي مش حاسه بقيمه انك بنت دانتي تبوسي ايدك وش وضهر انكو بنااااااات لا هتشتغلي عشان تجيبي عفش وشقه وبعدين زي ماقولت تفتكري الراجل اللي زي حالتنا بعد مايخلص كليه كده علي سن 22 سنه هيشتغل ايه بقي وهياخد كام انتي عارفه ان المرتبات زي الزفت يعني واحد بياخد مثلا 400 جنيه ده هيصرف علي نفسه ازاي ويحوش كام يالهوي طيب لو هيصرف 100 جنيه مثلا مش هخليهم اكتر من كده مع انهم قليلين المهم خليه هيصرف 100 جنيه طيب هيحوش 300 صح وكمان ياستي افرضي جدلا انه بيشتغل شغل تاني خلي بالك من الضغوط اه شغل تاني يعني هيطلع عينه بالثلث مش زي البنات قاعده في بيتها وخلاص مستنيه عدلها وكمان مش عاجبها وخايفه ماحدش يجي المهم قولي هيوفر كمان 300 جنيه من شغل تاني يعني المجموع 600 جنيه في الشهر طيب احسبي كدا 60000 الف جنيه كده يوفرهم في كام شهر... ها بتعرفي تحسبي صح هقولك انا هيوفرهم في 100 شهر يعني حوالي 8 سنين ونص..يعني هيكون وصل سن 30 او 31 اوك معايا صح خلي بالك 60000 وممكن يكون في شبكه ماجتش اومال ايه وحجات تانيه زي اوضه النوم والذي منه يعني قولي عشان الراجل ده اللي طبعا لما وصل سن 31 سنه او اكتر اكيد بقاله في المعاناه بتاعت الشغلتين 8 او 9 سنيني صحته بقت عامله ازاي اكيد طبعا متدمر ولا ايه ؟ والله البنات كمان عايزين الواحد طول حياته يقول الكلام الحلو العسل يسمعها دايما كلام حلو هو ده مايهوش حاجه طبعا ده مطلوب اوك بس البنت مش بتحس بالراجل لانها مش بتعيش المشاكل اللي بيقابلها في الشغلتين ولا الضغوط النفسيه اللي بيتعرضلها ولا المشاحنات بتاعت الشغلتين وهمها الاول والاخير انت مش بتقولي كلمه حلوة ليه طيب خلي عندك انتي ...... وشايفاه طالع عينه في الشغل عشان يوفرلك لقمه وعلاج ومعيشه كويسه قوليله انتي كلمه حلوة هو يعني الراجل هيعمل ايه ولا ايه اومال انتي فايدتك ايه تاكلي وتشربي وتسمعي كلام حلو لا والله البنات بتتعب........ولا حول ولا قوة الا بالله اكيد بعد مالبنات يقروا كلامي هيصلوا ركعتين ع الاقل انهم بنات مش رجاله صح مين بقي اللي صلت ها.. وشكرا |
وبعدين حتي لو فعلا العريس بيجيب الحاجات دي العروسة بردو بتجيب حاجات كثيرة جداا جدااا
من ثلاجة ولازم تكون 3 باب وغسالة مفيش اقل من فول اتوماتيك وكمان المكنسة والميكرويف والسجاجيد اه العروسه بتجيب برضو بس زي ماقلتلك الاب اللي بيدفع برضو وبعدين يعني بالقياس يعني اللي هتجيبه تفتكري الراجل جاب قده اد ايه هههههههه بلاش نقارن احسن لان النتيجه معروفه وهتقوليلي ماهو فيه بنات بتشتغل وبتجهز نفسها دي طبعا حاله من اتنين ياما هي اساسا لسه ماتجوزتش فعشان كده بتضيع وقتها في شغله واهو بتجهز نفسها والسلام والحاله التانيه حتي لو هي معاها دكتوراة وماشتغلتش تفتكري عليها لوم ولا حد هيلومها لانها ف الاول والاخر بنت والمفروض ان الراجل اللي هيتجوزها يصرف عليها وياكلها وبيشربها وبيراعيها ولا ايه .. يعني حتي البنات اللي بتشتغل عادي مش عليها ضغوط زي الراجل لان شغله الزامي ولازم يكون بيشتغل بمرتب ممتاز او طبعا زي مامعظم الشباب طالع عينه بيشتغل شغلتين ولا حول ولا قوة الا بالله والمهـــــــــــــــــــم بقي واللي عايز اقوله قبل مانسي وفي السماء رزقكم وماتوعدون ده طبعا كلام ربنا مش كلامي وايات كتيرة وكتيرة تفتكري انتي يابنوته الراجل بيشيل هم مين همك وهمه وهم العيال؟ وطبعا ساعات بيجي علي نفسه عشان خاطر مراته وولاده ماهو راجل بقي....اظن واضح النعمه اللي فيها البنت تخيلي انتي كده تعبتي في نص الليل مين هيسال عليكي ويوديكي للدكتور ويجيبلك الدواء ومين لما تجيبي ولاد هيكون بيدفع تكاليف الولاده ومصروفات المستشفي والذي منه طبعا الراجل طيب لو الراجل هو اللي تعب في نص اليل طبعا هو المسكين اللي هياخد نفسه ويروح للدكتور ...مين لو حصلت كارثه ولا حاجه ف البيت هيشيلها او حصل مشاكل مع الجيران اكيد الراجل هيكون المسؤل الاول والاخير مين لو الولاد عملوا مشاكل وكسروا حجات الناس وبهدلوا الدنيا وتعبوا المدرسين في مدرستهم المدرسه هتبعت جوابات لمين للراجل ....يعيني عليك ياراجل انت وراك هم ايه ولا ايه قاعد بتكافح في شغلنتين يارجل عشان تكفي بيتك وعيالك ومش تخليهم محتاجين لحد ومش هتخلص من مشاكلهم اللي هي بطبيعه الحال مشاكل واقعيه وليس لهم دخل فيها ومشاكل اخري لهم دخل فيها ويتم اقحامك فيها هو الموضوع لو الواحد هيتكلم فيه .... يتامل احسن في الدنيا اه التأمل احسن شي لان الدنيا بها عظات وعظات وصدقوني ماحدش هيعجبه حاله لا بنت ولا راجل وشكرااااااااااا |
اقتباس:
اقتباس:
عليه أفضل الصلاة وأذكي السلام لو مش هي دي الأساسيات أومال ايه الأساسيات ؟!! وع فكرة اهل العريس هم اللي بيتشرتوا كمان يعني مثلا ام العريس تقول لام العروسة دا انا جبت لبنتي كذااا وكذاا وكذاا يعني بمعني أصح هات لبنتك انت كمان كداا !!! وبعدين أكيد فيه حالة اقتصادية سيئة والكل معترف بيها بس بردو فيه ناس بردو شباب بيتقدم وبيوافق ع الحاجات دي وبالود كمان ومش بيكون معترض... وبردو الأهتمام بدين الشاب دا أكيد شيء اساسي إلي جانب الأساسيات :romarioxp6: |
اقتباس:
ونعم بالله أكيد طبعا كل واحد ليه نصيبه وهيأخذه اقتباس:
وعليكم السلام ورحمة الله وبركاته محدش بيتجوز زوجة حد وكل واحد ليه نصيب أكيد هيأخذه بس المشكلة في نظرة المجتمع وتحسيس اي واحدة تخطت السن المحدد بأنها خلاص مش ينفع انها تتجوز ولو اتجوزت يبقي لازم يكون فيه تنازلات :romarioxp6: عقبالك :) اقتباس:
لازم ندعي ربنا في كل الأمور أكيد:) |
اقتباس:
طبعا أكيد التعليم مهم والزواج اهم:p هم البنات مستعجلة ع الهم بدري كدا ليه !!! لازم الأم تكون متعلمة عشان تقدر تعلم أطفالها كويس ويخرج لنا مجتمع صالح وليس طالح هي بعد كداا اللي هتندم ع الكلام دا لما تفشل في تثقيف اولادها لمحدودية علمها ربنا ييسر الأمور للجميع وعقبالك عشان شكلك دخلتي مرحلة الخطر في 3 اعدادي لا لا مرحلةخطر جامدة ههههههه |
اقتباس:
اقتباس:
بصراحة رد حضرتك فعلا رهيبة مش عارفة اقول ايه ..... غير ربنا يرزقك بالزوجة الصالحة ويرزقك كل الشباب بالزوجات الصالحات ومحدش أكيد عارف الخير فين.... والحمدلله مليون مرة اني بنت شكراا لك أخي |
اقتباس:
أنا بصراحة مش عارف احنا ليه معقدين الموضوع مع انه المفروض يكون أسهل من كده بكتير اوي ؟!!! أم العريس بتطلب لما أهل العروسة بيكونوا خلصوا طلباتهم ودبحوا العريس في الطلبات فتقوم أم العريس تدبحهم في الطلبات هما كمان , ولو العريس اعترض , يبقي مش شاري العروسة ولا مقدر قيمتها !!! مش عايز أسمع عبارة ان أهل العروسة بيجوزوا بنتهم علي اعتبار أخلاقيات وتدين العريس , لأن هذا الأمر مجرد كلام فارغ وفارغ جداً ولا يمت للحقيقة بأي صلة !!! الأخلاق بتكون أخر شيء يهم الأهل للعروسة ( المهم هو الماديات ثم الماديات ثم الماديات ثم الوظيفة وفي الأخر ربما تأتي الأخلاق ) !! لماذا لا نعود لما كان يتم عليه الزواج في عصر الرسول صلي الله عليه وسلم وعصور الخلفاء الراشدين والصحابة الكرام ؟!!! كان الزواج يتم عن طريق دفع المهر لأهل العروسة فقط ( ولا شبكة فرض عليه ولا جهاز كام حجرة ولا بوتاجاز كام شعلة ولا سجاجيد ولا ستاير ولا ......... ) !!!! هل اذا تقدم شاب لفتاة وقال لأهلها سأدفع مهر لابنتكم 1000 جنيه مثلاً ولا أريد منكم أي شيء , ماذا سيفعلون معه ؟؟ بالتأكيد مصيره هو الطرد المهين بعد أن يسمعوه ما يكره من الكلام الجارح جداً , مع انه لم يقل أي شيء فيه خطأ أو تجاوز !!!! ولكن كيف ؟؟؟ ابنتنا مهرها 1000 جنيه ( حتي لو كان هذا الشاب ولي من أولياء الله الصالحين ) , يعني بعد تربيتي طول السنين دي في البنت وبعد كل اللي صرفته عليها , تيجي تقول 1000 جنيه مهر ؟؟ هو انت فاكر نفسك رايح تشتري ماعزة ؟؟؟!!! اذاً الأمر لا يعدوا عملية بيع وشراء بين الأهل والعريس والشاطر هو اللي يغلب !!! وأي واحد يقول غير الكلام دا يبقي بيضحك علي نفسه ( هي دي الحقيقة ) معظم البنات بتتباع عند الزواج , ومعاك تدفع حقها يبقي تشيل وربنا يباركلك فيها , لكن لو ممعكش حقها , غور في ستين داهية تاخدك !!!!! فيه عدد قليل جداً من الناس جوزت بناتها بالطريقة اللي أنا قلت عليها دي ومن غير شبكة ولا قايمة ولا حتي نايمة , وهذه الزيجات مازالت مستمرة وتعيش حياة طبيعية جداً وفتح الله علي الزوجين وبارك لهما في المعيشة والأولاد وأصبحوا في رغد من العيش ( أقسم بالله أن هذا قد حدث ) لماذا ؟؟؟؟؟ لأن الزواج قام علي أساس الدين والأخلاق في المقام الأول ثم قدرة الزوج علي فتح البيت بعد الزواج ( وفتح البيت بمعني توفير الضروريات اللازمة ) ولم يضع كل طرف منهما أي تعقيدات للطرف الأخر , ولهذا بارك الله لهما وعليهما . أنا قلت هذا الكلام عشان مش عايز اسمع الردود التقليدية الباهتة اللي حتقول ( أصل أهل العروسة عايزين يأمنوا مستقبل بنتهم ويمكن العريس يطلع وحش ) !!! الرسول صلي الله عليه وسلم أوصي الشباب بذات الدين كما أوصي أهل الفتاة بنفس الأمر لمن يتقدم لابنتهم يبقي ليه احنا بنقعد نعقد في الأمور ونضيق علي بعض في أمر يسره لنا المولي عز وجل ؟!!!! وأنا حينما ضربت مثل بما يحدث في الدول الأجنبية عندما يرتبط شاب بفتاة ( لا أقصد طبيعة العلاقة بينهما قبل الزواج وانما في مسألة الزواج نفسه ) لا نري أهل العروسة يشترطون علي الشاب ولا الشاب يشترط عليهم , ونحن المسلمون أولي بذلك الأمر منهم , فديننا هو دين اليسر وقد يسر لنا هذا الأمر , ولكننا نحن من جعلنا منه أمراً أوشك علي أن يصبح حلماً لمعظم الشباب والفتيات !!!!!!!!!! |
للأسف يا تسابيح
مجتمعنا مجتمع ذكورى صرف والضغوط الواقعة على المراة ( والعانس خصوصا ) ما أكثرها والمرأة تقهر من قبل المجتمع بأسره بسبب النظرة السلبية للمرأة والظروف التى يتم خلالها معظم الزيجات تدل على خلل عظيم فى المجتمع وكثيرا من السيدات يفضلن لقب متزوجة او مطلقة او أرملة على لقب ( عانس ) ولذلك تسارع الفتاة للقبول بأى شخص بغض عن النظر عن كل الإعتبارات خوفا من ان يفوتها القطار دون ان تلحق به .... ويظل شبح لقب عانس يطاردها بل ويطارد على أفراد عائلتها وخصوصا الفتيات اتمنى لكل عانس ...الزواج:blush: |
اقتباس:
|
اقتباس:
الحالات الاقتصادية بردو اكيد في الغرب مش زي عندناا بصراحة انا مش عارفة للدرجة دي فيه ناس بتعقد الأمور أكيد الدين اهم حاجة بس مش متخيلة ان فيه ناس مش بتشوف الدين لان د حياة كاملة وكبيرة ومش يوم ولا اثنيين دا عمر بنتهم .... شكراا لحضرتك ربنا يرزق الجميع بالزوجات والأزواج الصالحين |
اقتباس:
فعلا نظرة سلبية :bosyht9: ربنا يرزق الجميع بالزوج الصالحة مجتمع فاسد اساسا بيخلي ناس تقدم تنازلات!! بسبب الضغوط!! |
اقتباس:
عرفت فعلا اننا كنت ببص من وجهه نظر واحدة ومنظور واحد رد حضرتك فعلا حسسني بالذنب ...اني بركز ع المرأة وبترك الرجل وفعلا زي ما حضرتك قلت المشكلة فعلا بيشترك فيها الاثنين وزي ما قال الأستاذ علي ان الأهل بردو ممكن يكون هم سبب المشكلة وبالذات اللي بيركزوا ف الماديات ويسيبوا الدين والأخلاق شكراا لحضراتكم ربنا يوفقك الجميع ويرزقهم بالزوجات الصالحات ..... |
جدتى تقول
كلة واحدة ليها راجل مش هتتجوز غيرة يبقى لية الاستعجال كلة واحد لية نصيب هياخدوا ومفيش حاجة اسمها عانس كله على الله |
موضوع جميل جدا جدا جزاكى الله خير كله يا تسابيح
الشباب كمان عوزين يتجوزوا و يستقروا والبنت مستنية الفرصة المناسبة مش عرفة انا ايه الناس الى مبترحمش نفسها ؟؟ وتقعد تلف و تفك وتحل وتربط دى ربنا يهدي الجميع شكرا للموضوع:) |
| جميع الأوقات بتوقيت GMT +2. الساعة الآن 04:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.