بوابة الثانوية العامة المصرية - إنها حقا إنتخابات نزيهة.

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - إنها حقا إنتخابات نزيهة. (https://www.thanwya.com/vb/showthread.php?t=267177)

إنها حقا إنتخابات نزيهة.

اليوم: الأحد
التاريخ : 28/11/2010
المكان: جمهورية مصر العربية .
الحدث : إنتخابات مجلس الشعب .
المشاركون: الحزب الوطنى"الحاكم"
حزب الوفد
الحزب الناصرى
الإخوان المسلمين
أحزاب المعارضة الأخرى
فئات
عمال
مستقلين

المتوقع لهم بالفوز : الحزب الحاكم "الوطنى " الحرامية منهم الوزراء وباقى المرشحين.

الوصف : حرب طاحنة بدأت منذ صباح اليوم دارت بين الأعضاء المرشحين بصفة عامة وكان الضحية هو الناخب البرئ .

أنباء من الحرب :

1- إقبال ضعيف على الإنتخابات وقتيلان بإنتخابات مصر أحداهما أخو مرشح فى دائرة المطرية والأخر فى المنوفية.

2- الكشوف تمتلئ بأسماء متوفين وأطفال رضع لصالح الوطنى .

3- بلطجية يعتدون على المندوبات فى الغربية وأنباء عن تسويد القائمة .

4- العائلات تنقلب على "مرشحى الوطنى" ومصطفى طلعت يتخلى عن زميله .

5- نظيف والوزراء يدلون بأصواتهم والبابا شنودة أبرز المرشحين فى دائرة محمد فريد بشبرا.

6- بلطجة" و"عنف" أمام عدد من اللجان الانتخابية بالمحافظات .. "أبو حجى" يطلق أعيرة نارية بسوهاج احتجاجاً على مضايقة أنصاره..و"الشاعر" فى عزبة "أبو حشيش" لوقف الاشتباكات بين أنصار "الوطنى" و"الإخوان"

7- تأجيل الإنتخابات فى عدة دوائر وأبرزهم دائرة فى كفر الشيخ.

8- خطف إبن مرشح بالقليوبية وطلب فدية ربع مليون جنيه والشرطة تعلن أعادته .

9- إصابة مرشح بسكين من أنصار مرشح الوطنى
10-إصابة مرشح مستقل بحادث سيارة بالجيزة ونقله على الفور إلى المستشفى.
11- إصابة ناخب بطلق نارى بسوهاج .
12- إصابة 5فى سمنود و2 فى زفتا أثر إشتباكات بين أنصار المرشحين .
13- تعارض مع ناخبي البلتاجى فى القليوبية .

14- الداخلية تكذب وتقول أن الإنتخابات أجريت فى جو ديمقراطى خالى من العنف وتنفى مقتل تسعة خلال إنتخابات اليوم .

15- جارديان البريطانية تقول أن حكومة مصر هى الوحيدة التى ترى أن الإنتخابات أجريت فى جو من الديمقراطية .

16- رويترز تنشر أهم لقطات العنف التى أجريت فى إنتخابات اليوم.

17- مصطفى بكرى يبدأ إعتصاما جديدا بناءا على التزوير الذى أجرى اليوم فى الإنتخابات الطاحنة المزيفة.

18- أنباء عن وفاة طفل فى الإسكندرية خلال أعمال العنف .

19- صحيفة أمريكية : عدد الناس فى طوابير العيش فاق عدد الناس فى طوابير الناخبين.

20- الحزب الحاكم : أى كلام عن تزوير الإنتخابات فهو مرفوض معنى وجملة وتفصيلا .

21- الداخلية تكذب الكذبة الثانية وتنفى وجود أى وفيات فى الإنتخابات التى أجريت اليوم.

22- الحكم على 11 من الإخوان المسلمين بعامين لرفعهم شعارات دينية .

23- منظمة العفو الدولية تنتقد السلطات المصرية .

"

وهذه كانت كل الأنباء التى جاءت لنا حتى الأن من الحرب الطاحنة الأن .

والأن صور من الموقف المتأزم :

http://sphotos.ak.fbcdn.net/hphotos-..._1594253_n.jpg
دائرة منيا البصل بالإسكندرية .

http://sphotos.ak.fbcdn.net/hphotos-..._7929561_n.jpg
بلطجية تم إستأجارهم من خلال إحدى المرشحين.

.

http://sphotos.ak.fbcdn.net/hphotos-..._5266505_n.jpg

‫الإسكندرية - مدرسة مصطفى مشرفة - سيدى بشر - ممنوع الاقتراب‬

http://sphotos.ak.fbcdn.net/hphotos-..._7419605_n.jpg

وزير الإنتاج الحربى يوزع عشرة جنيه عشان الناس تنتخبوا .

http://www.modernmisr.tv/Images/Arti...5808_thumb.jpg

المطرية

كلمتى : نحن أصبحنا شعب ولكن فى وكسة . نفسى أعرف ليه؟!

ليه لما حد يتكلم فى مصر بيتسحل . ليه الديمقراطية فى مصر بتختلف عن أى ديمقراطية فى أى بلد تانية هل ياترى "نحن نختلف عن الأخرين " أم ماذا؟؟؟

ليه الرئيس مبارك مش بيحس بأهل بلده !!!
ليه نظيف مش نظيف !!
ليه السياسة ممنوع التحدث فيها مادام لاتمس الأمن القومى.
ليه الشعب المصرى متخلف وجاهل وكل نظراته إلى المال فقط.
ليه التعليم فى مصر متدنى ومن أفسد المستويات التعليمية .
ليه حكومة مصر مش بتتغير.
ليه الشعب المصرى بيخاف يتكلم . ولا هو مستنى سعد زعلول تانى . أو مصطفى كامل واحد كمان.
ليه الشرطة فى مصر اللى المفروض تكون قدوة أصبحت حدوة.
ليه مصر مش مصر .

فى النهاية : أحب أبلغ الرئيس مبارك شكرى وتقديرى لجهوده المبذولة من تحقيق التعب للشعب

وهو دة الى كان متوقع
حسبنا الله ونعم الوكيل

تظهر بطولات الشعب المصري في العملية الانتخابية

وده المتوقع من مصر
دى البلد الوحيدة اللى بيحصل فيها كده بلد البلطجة

http://sphotos.ak.fbcdn.net/hphotos-..._7419605_n.jpg

انت أكيد فهمته غلط :excl::excl:
الراجل أكيد كان بيوزع العيدية بتاع عيد الأضحي :blush::blush:

اقتباس:

المشاركة الأصلية كتبت بواسطة روووووز (المشاركة 2875644)

وده المتوقع من مصر
دى البلد الوحيدة اللى بيحصل فيها كده بلد البلطجة

درر تتساقط !!!!!!!!!

صدقتى

بلد البلطجية !!!!!!!!!!!!!!!!!!!!!!!!!

ياريت تصقفوا لها

بلطجية يعتدون على المندوبات فى الغربية وأنباء عن تسويد القائمة

ياريت تقول كمان

لأننا عزلنا من الغربيه ورحنا محافظة بورتريكو

مصطفى بكرى يبدأ إعتصاما جديدا بناءا على التزوير الذى أجرى اليوم فى الإنتخابات الطاحنة المزيفة.

هوده اللى يتزعل عليه صح
وليس غيره

الله عليكي يا مصر؟!!

,,,,,,,,,,,,,,,,,,,,,,,,,,,,

اقتباس:

المشاركة الأصلية كتبت بواسطة ضياء الصباح (المشاركة 2876018)

درر تتساقط !!!!!!!!!

صدقتى

اقتباس:

المشاركة الأصلية كتبت بواسطة ضياء الصباح (المشاركة 2876018)

بلد البلطجية !!!!!!!!!!!!!!!!!!!!!!!!!

ياريت تصقفوا لها

نعم ساسفق لها واقلع لها القبعة لانها استطاعت انها تقول الحقيقة
و هى لم تقل هذا هباء
و اعتقد الصور مش بتكدب
ولكن الوم عليها لانها لم تقل الحقيقة كاملة
وبرضه الصور مش بتكدب

طول ماحنا كده .. هنفضل دايما .. ولا بلاش ...

عمركم شوفت شعب مش بيتقدم ؟؟ أى شعب فى الدنيا بيتقدم صح ؟؟

لكن احنا ياريتنا حتى اتمسكنا باخلاق زمان و بقينا زى ماحنا . حتى مش عايزين نتقدم بس منتـأخرش ..

يارب اهدى الجميع ..

إنما الأمم الأخلاق مابقيت فإن هم ذهبت أخلاقهم ذهبوا

اقتباس:

المشاركة الأصلية كتبت بواسطة المجاهد فى سبيل الله (المشاركة 2876066)

ليتك تكمل باقى الحقيقة يا أخى !!!!!!!!!!!!!!!!!!!!!!!

اقتباس:

المشاركة الأصلية كتبت بواسطة ضياء الصباح (المشاركة 2876018)

درر تتساقط !!!!!!!!!

صدقتى

بلد البلطجية !!!!!!!!!!!!!!!!!!!!!!!!!

ياريت تصقفوا لها

شكل حضرتك بتعزنى اوى عشان حضرتك سايب كل التعليقات وعلقت على كلامى وده شرف ليه

وهكررها بلد النصب والتزوير والبلطجية بلا منازع الله يفضحهم زى ما سودوا صورتنا امام العالم
عندى سؤال حضرتك كنت فين لما كانت القنوات على المستوى المحلى والعالمى بتبث الفضائح للعالم :confused::confused::confused:

اقتباس:

المشاركة الأصلية كتبت بواسطة روووووز (المشاركة 2877005)

أرجوكى تقولوا كمان

لأن يبدو أنه يسعد الجميع

اقتباس:

المشاركة الأصلية كتبت بواسطة ضياء الصباح (المشاركة 2877151)

أرجوكى تقولوا كمان

لأن يبدو أنه يسعد الجميع

شوف حضرتك انا بتحمل مسئولية كلامى لو فيه حاجة غلط بلغ الادارة على كلامى او الاعضاء يحكموا ان كلامى فيه اى حاجة غلط

اقتباس:

المشاركة الأصلية كتبت بواسطة صوت الامة (المشاركة 2877225)

يا استاذة روز
لا داعى لتعليق على كلام الاخ
فهو هدفة الاول والاخير الجدال والسخرية فى كلامة
فلا داعى لتعقيب على كلامة

بس انا كلامى مش غلط حضرته يقول انا غلطت فى ايه :confused::confused:

اقتباس:

المشاركة الأصلية كتبت بواسطة ahmed ibrahem2 (المشاركة 2875596)

15- جارديان البريطانية تقول أن حكومة مصر هى الوحيدة التى ترى أن الإنتخابات أجريت فى جو من الديمقراطية .

لفتت نظري اوي الجملة دي
بصراحة عيبة قوي في حق الحكومة لما طرف من بره اللى يقولها

http://sphotos.ak.fbcdn.net/hphotos-..._7419605_n.jpg

وزير الإنتاج الحربى يوزع عشرة جنيه عشان الناس تنتخبوا .

ههههههههههههههههه
دى فطستنى من الضحك

بجد مكنتش اتوقع ان الانتخابات تبقى بالمنظر الوحشى دا
اومال فين حريه الرأى والديمقراطيه

انا كنت مفكرة ان دائتنا المبجله !هى اللى حصل فيها كدة وبس لكن معرفش ان مصر كلها متعصبه وهمجيه بالطريقة المتخلفة دى
مش فاهمه ايه السبب اللى يخليهم يعملو كدة يعنى؟!!!
ليه الوحشيه توصل للقتل
انا سمعت والله ان الانتخابات اللى فاتت بتاع دائرتنا اتقتل فيها واحد ومحدش سئل فيه والقاتل مخدش غير 7 سنين بسسسسسسسس!!!!!!!!!

دى مش نزيهه ابدا بكل المقاييس
حتى لو مش عالقتل
اللى فى اللجنه بيقفلوها من بدرى ويكسبو اللى هما عاوزينه!

احنا عندنا قوانين كويسه ودرستور تمام لكن مفيش حاجة بتتنفذ صح
يعنى المفروض التغيير يبدأ من الناس بتنفيذهم للقوانين

ومش فاهمة ليه الرئيس نايم و الحاشيه والوزراء والناس الكبار اوى اللى ناهبين البلد مغطين عينه برباط
ليه يعنى كدة!!
دا حتى مصر فيها خير اجناد الارض

اقتباس:

ومش فاهمة ليه الرئيس نايم و الحاشيه والوزراء والناس الكبار اوى اللى ناهبين البلد مغطين عينه برباط
ليه يعنى كدة!!

مين قال ان دول نايمين؟
هما دول الى مدبرين كل شئ
هما دول الى عايزين دة يحصل وباوامر منهم
سمعتى المثل الى بيقول(حاميها حراميها) ينطبق تماما على دول
حسبنا الله ونعم الوكيل فيهم ومن ساعدهم ومن على شاكلتهم

اقتباس:

المشاركة الأصلية كتبت بواسطة صوت الامة (المشاركة 2877475)

ما انا بقول كدة
بقول ان الناس الكبار اوى اللى مقضيناها وسطات ونهبين جيوب الناس الغلابه حاطين رباط على عين الريس:mad::mad:
والله المستعان

الميكروباص الأخضر ينادي الصوت بـ 50 جنيه سيارة تحمل العساكر والبلطجية تمر على اللجان
قام ميكروباص أجرة دقهلية في مدينة طلخا بالمرور على اللجان مع وجود الورقة الدوارة المعدة سابقا للتصويت و إعطاء 50 جنيه للناخب ليدلي بصوته لمرشح الحزب الوطني و ذلك أمام أعين الناس .

اهى دى دائرتنا المبجلة!
وياريت حتى بيسيبو حد ينتخب دول بيقفلو اللجن من بدرى ويقولو خلاص معدش حد هيدخل ينتخب ويطلعو هما نتيجة على مزاجهم

وياريت اللى بينتخبوه دا ومتعصبين عليه بيعمل حاجة بعد ما يتثبت عالكرسى:040vk0:

ياترى حصل كدة فى نواحى القاهرة برضو؟

للأسف كلنا كنا نتوقع هذا

اقتباس:

المشاركة الأصلية كتبت بواسطة روووووز (المشاركة 2877180)

شوف حضرتك انا بتحمل مسئولية كلامى لو فيه حاجة غلط بلغ الادارة على كلامى او الاعضاء يحكموا ان كلامى فيه اى حاجة غلط

قصدك إدارة شرق طنطا التعليميه :078111rg3:

طيب هو فيه حد بيا خد معاهم حق ولاباطل

كلهم معاك يا مستر ويب هههههههههههه

وهو أنت بتغلط

يدوب قلتى بلد البلطجة

والأستاذ المحامى بتاعك سعيد بهذا اللقب

وهكذا يكتمل الشعار( طظ فى مصر بلد البلطجية )

دائما تكملون بعضكم البعض

لأن الهدف واحد !!!!!!!!!!!!!!!!!!!!!!!!!!!!!

فيه ايه يا جماعة ؟
صلوا علي النبي ( صلي الله عليه وسلم )
بلاش تحولوا النقاش إلي خلافات شخصية .

اقتباس:

المشاركة الأصلية كتبت بواسطة ضياء الصباح (المشاركة 2877672)

ليه كدا يامولانا بس ---

لاحول ولاقوة إلا بالله

فين الصورة الرمزية بتاعتك؟ !!!!! صاحب شعار طظ فى مصر هههههههههههههه

وأنا مش هزعل لأن هعتبرها مجامله من حضرتك للأخت

وأنتم تجيدون ذلك --- وأيضا باسم الدين والاخوة والإنسانية!!!!!!!!!!

شكرا على تدخلك اللى مش ولابد

مولانا :confused::confused:

مجاملة :confused::confused:
مش ولابد :confused::confused:

اقتباس:

المشاركة الأصلية كتبت بواسطة ضياء الصباح (المشاركة 2877691)

هههههههههههههههه هقول لحضرتك حاجة ادخل مواقع الاخبار وشوف فيها ايه ده ابسط مثال اقوله بلد البلطجية البلطجية البلطجية :av4056bb7jp3::av4056bb7jp3:
طب حضرتك تقول ايه على اللى حصل فى الانتخابات شفافة ونزيهه اخت شريفة

طبعا الهدف واحد لاننا بنقول الحق وبنشوف اللى بيحصل بعيونا

شكراااااااااااااااا

انا سمعت أحد علماء الدين

يقول فى حق بلاد الغرب

فيما معناه

(ديننا فى اعمالهم , واعمالهم فى ديننا )

واحنا ليه منتغيرش

ونبقى متقدمين مش فى التكنولوجيا

ولكن فى الدين

شكراً

انا مش عارفة يعنى العالم كله
والفيديو
والصور
والواقع اللى شايفينه بيتكلم

لكن يظل البعض ينكر او يتجمل

فهل سندفن رءوسنا فى الرمال

ام ان كل من يتحدث عكس الحزب يكون له اجندة الخارجية

يا جماعة مهى نزيهة اهى شيلوا من دماغكوم بس انها مش نزيهة وهتلاقوا كل حاجة زى الفل

http://sphotos.ak.fbcdn.net/hphotos-..._7419605_n.jpg

نزيهة اخر حاجة
وبعدين الراجل دا وطنى يعنى الأاحسن يوفر فلوسة

لو الثانوية العامة تبقى زى الإنتخابات كدة !!

واسمع سلام ((يبقى انت اكيد فى مصر ))

يقول الحسن البصري: يا ابن آدم الدنيا ثلاثة أيام: أمس قد ذهب بما فيه، وغدا لعله ليس من عمرك، ويوم انت فيه.. فاعمل فيه الخير

الصوت وصل ب600 جنيه
لاتعليق

- الكشوف تمتلئ بأسماء متوفين وأطفال رضع لصالح الوطنى .

واحنا الشباب قال اية اسمنا مش بالقوائم

ولسة يا ما نشوف

تحيا ..........................

أشكر كل من علق ورد على الموضوع وتحية كبيرة منى وأسف على تأخير ردى عشان إنتم عارفين الثانوية العامة متعبة أد إيه.

وعمتا الحمد لله الإنتخابات خلصت بتزويرها وبدفع فلوسها وأكيد مش هنلوم مصر على كده ولكننا بنلوم حكومتها .