|
مع ولا ضد الافراح
السلام عليكم ورحمه الله وبركاته انا تعبت كل يوم عندنا فرح في الشارع حاجه تخنق :angry2: بحس ان البيت كله بيتهز :wacko: نفسي اعرفي ليه كل الافراح بتبدي باغاني دينيه و قران وبعدها اغاني في قمه ........(حذفت بسبب المراقبه:d) انا مش بعرف انام ولا اذاكر ولا اعمل حاجه انا قفلت كل الشبابيك لقيت الزجاج بتاع الشباك بيتهز كانه هينفجر:excl: رحنا فتحنا الشبابيك وكمان مش بيراعوا حاجه في ناس عندنا في العماره بيكونوا تعابنين وبيجوا ياجروا الشقه في الدور الاول حيكونوا شعورهم ايه :(وانا في الدور التالت وحاسه بكل ده بجد حاجه غبيه وكمان علي المناظر اللي في الفرح والولاد بشوفهم بيرقصوا ذي البنات بالظبط:o والبنات لابسه مش لابسه :blink:وكوم بوهيه والشعر اللي مفرود والرقص وكل الناس حوليهم بيصقفوا واللي بيصورا وكمان الاغاني الشعبي اللي بقت منتشره بشكل فظيع ديه مشكله لوحدها ايه الكلام الهطل اللي بيقلوا ده انا نفسي افهم اللي بيقولوا اغاني ملهاش لازمه الافراح ديه بيحصل فيها مصايب الواحد يكون رايح نضيف يرجع بكوم زنوب :giljotiiniug3: انا من راي انها ملهاش لزمه والمفروض تتلغي :040vk0: دا في الفرح الواحد بيكون فيه تلوث ضوضائي وبصري ( اصلي كان عندي النهارده درس احياء:p) فا انتوا من رايكوا يتلغوا ولا لا |
اقتباس:
نتكلم جد ده اسمه جهل وسوء ادب ووقاحه مع ايات الله |
لا .......
ما تتلغيش طبعا ..... أفكار معظمنا المتخلفة هي اللي لازم تتلغي ...... |
اقتباس:
|
اقتباس:
ما هي الافكار المتخلفه اتلغت الناس هتبطل تعمل افراح بس انا بفضل انو ميتعملش عاوزه اعرف لزمته ايه الواحد بيدفع كاااااااام الف عشان يعمل فرح غير الاغاني اللي بتشتغل بتخلي الواحد يتخنق البنات اللي بتقعد ترقص والولاد اللي بيرقصوا زي البنات وحاجات كتير فا من الافضل انها تتلغي |
انا بقول انها تتلغى فى الشوارع اللى فيها سكان
علشان الضوضاء والازعاج الشديد بس فيها ايه لما تتعمل فى قاعات خاصة ماهو احنا مش هنمنع الناس تفرح أنا عن نفسى مش بحب جو الافراح ده خالص بس لازم أتأقلم معاه علشان مش أزعل حد منى |
ياعم احنا قادرين نشترى قفص طماطم للطباخ لما هنجيب راقصة !!!!!!!!!!!:confused:
أنا ملاحظ الكلام عن الزواج والأفراح الأيام دى زاد قوى دا القسم كله صبح موضوعات عن الزواج والأفراح:mad: هو مين اللى فتن وقال لكم على ميعاد الفرح اللى عندنا !!!!!!!!!!!!!!!!!!:stickjo4: كلكم معزومين فى إجازة نصف العام :p بس بدون شروط على شكل الفرح وطريقه عرضه لأنه هيكون إن شاء الله فلاحى صرف :078111rg3: |
اقتباس:
أنا قصدي أفكار معظمنا اللي بتخللي الفرح "العرس" مهرجان ....... ومش لازم بالضروري نلغي الفرح "العرس" ولكن المفروض نلغي المهرجان اللي بيتعمل فيييه ..... |
بجد دى ظاهرة مزعجة
معك حق فيها ايه لو تكون كل الافراح فى قاعات خاصة معدة لذلك وخاصة ان الافراح فى الشوارع اوقات تكون تكلفتها اعلى من الفرح فى قاعة يعنى مش هنقول الناس بتلجأ لعمل الفرح فى الشارع علشان التكلفة ربنا يرحمنا من الازعاج والضوضاء |
هو انا مش مع ان الفرح يتلغى دة خالص ولية اصلا يتعمل فى الشارع مثلا يكون فى قاعة او فى البيت ومفيش سماعات عالية
والى عايز يروح يروح مش الشارع حاجة بتبقى مزعجة جدااااااا |
انـا ضد الافراح الشعبيه بطرق مبالغ فيها مع الافراح الشعبيه المحترمه التي تقوم علي اساس الــــفرح بالزواج والزوجين وليس علي اساس المنظره علي الطرف الاخر |
زمان كان كدا في شارعنا بردو
بس دلوقتي النسبة قلت جدااا والكل بقي يعمل في قاعات بس فيه ناس مش عندها زوق ممكن تشغل الكاست ع اغاني هبطة ومش محترمة وتعلي ع الأخر ومش براعوا حد خالص ربنا يهدي وانا مع الفرح اللي بعقل ... |
التاس اللى بتعمل الافراح بالشكل ده ليها تفكير مختلف نماما
فالرقص اللى بيحصل عادى خالص و الاغاني اللى بيشغلوها جميلة جدا و احنا اللى متطرفين و متشددين و قافلين على نفسنا حاجة اخر كأبة بالنسبة لهم المهم مش الفرح بس المهم الاسبوع اللى قبل الفرح الفرح يوم و هنستحمله لكن يسبقه التنجيد و الدى جي اللى شغال من الصبح لاخر اليوم و لو يألت لية كدة دى اذية للناس يكون الرد عايزين نفرح و يوم مجايب العفش و برضة الدى جي شغال و بومبن ثلاثة قبل الفرح تهيص فبهم بقى و نفرح و سماعات الكمبيوتر شغالة على الاخر علشان تفرح و التاس اللى حوالينا تعرف ان فية فرح اما عن الاولاد الصغار فحدث بلا حرج الغياب المستمر عن المدرسة و اليبب عندنا فرح و اه لو حد التزم و مارحش من الصبح علشات يهيص و بفرح حسب قولهم و راح المدرسة ينهال علية اللوم و العتاب من كل جاب و يتهم هو و اهله بالتعقبد و التطرف و الاكتاب فالافرح نفسها لبست السبب و لكن عقول الناس و الافكار التي بها و ذلك ناتج من خلو عقولهم من اي شي ذو قيمة الفراغ هو السبب فراغ في الوقت فراغ في التفكير فراغ في الحياة مجرد ايام بلا هدف فيصبح الفرح و ايامه هدفا لهم ما باقى التاس الذين لديهم اهداف يسعون لتحقيقها فلا بد من تميزهم عنهم بعمل اشياء لا سجسدونها مثل الرقص و الاغاني الهابطة |
اقتباس:
ماشي في القاعات اكيد احسن من الشارع والازعاج اللي بيعملوا بس بردوا فكره اللي بيحصل في الفرح نفسه وكمان في افراح بعضها مش معظمها بيحطوا في بيره و حاجات زي ديه |
اقتباس:
العصفوره قالتلنا:p اوك:028ja7: |
اقتباس:
ولا هيبقي ليه لزمه مهو بيتعمل عشان المهرجان |
اقتباس:
هو لو بقي في قاعه مش فيه ناس بتكون ساكنه جنبها بصي لو حد من قريبك عمل فرح تقدري متحضريش لازم تحضري عشان ميزعلش منك |
اقتباس:
للأسف ... هي دي من ضمن الأفكار اللي لازم نلغيها ...... خليك فاكر إن دة مجرد رأيي في صميم الموضوع ... |
مش حكاية نلغي الافراح ..
احنا نلغي الهبل البيحصل ده .. ونرتقي بالافراح شويه .. انا عن نفسي بحب الافراح الاسلامية ..بتكون جميلة ..ع الاقل منعملش ذنوب في يوم زي ده .. وفي افراح بسيطة جدا وراقية جدا.. وشكرا ع الموضوع .. |
اقتباس:
|
اقتباس:
لا عادي مفيش حاجه بس بجد نفسي اشوف فرح ميكونش فيه المهرجانات اللي بتحصل |
اقتباس:
|
اقتباس:
اكيد الافراح الدينيه هتبقي احسن من الافراح التانيه |
اقتباس:
|
اقتباس:
بجد بيبقي حاجه تخنق شكرا لمرورك |
الافراح الدينية انا حضرت واحد قبل كدا
كل اللى انا فاكره اننا كنا في مسجد والرجالة متجمعين مع بعض ... معرفش الستات كانو فين واتوزع علينا ساقع ومقعدناش كتير ومشينا بصراحة انا مش مقتنع بالاتنين |
اقول ايه بس فعلا ظاهرة عبطيه جدا
ربنا يهدينا جميعا ومانعملش زي الجهله اللي بيعملوا كده....وفعلا اسلم حل القاعات وفي قاعات رخيصه اووي وشكرا علي الموضوع |
اقتباس:
زي ده قبل كده بس والله ياريت اعرف اعمل فرح ديني زي اللي انت حضرته ده يعم ع الاقل احسن من الازعاج والهبل برضو |
كل أفعالنا حتى فى الأفراح
لماذا أصبحت تندرج تحت بند التخلف والأفكار اللادينية والتى يجب أن تلغى ؟ والسؤال البرىء لماذا أشعر دائما بأن هذا المنتدى يحتوى على بعض الأشخاص المثالين والذين يعتقدون إنهم لم يتبقى لهم سوى خطوة ويصيروا ملائكة ياريت نتناقش بواقعية من ارتفاع التكلفة فى الزواج والافراح أصبحت الأفراح لدينا ليلة واحدة الحنة ساعة بعد المغرب ثم تأتى العروسة وتسهر ساعتين ( مدة شريط الفيديو )مع أهل العروسين وبعتذر عن ذكر شريط الفيديو فى الأفراح فربما يكون رجس من أعمال الشيطان وأنا لا أدرى ودمتم ليه دائما أفراح ال10 % ولاد ----- بتاخد فى طريقها أفراح ال90%الناس الغلابة وبعدين لما يبقى أمام بيتى مكان فى مساحة خمس قاعات أعمل الفرح ليه فى قاعة على بعد 10كيلو من بيتنا وأتعب الناس معايا وكل الحكاية ساعتين أو تلاته أما بالنسبة للضوضاء فضوضاء الأفراح أرحم بكثير من ضوضاء حاجات كتيرة بس ياريت تدوروا عليها وسيبوا الناس تفرح وشاركوهم ولانقدهم من الاسلام ومشاركتهم لا !!!!!!!!!!!!!!!!!!!!!!!!! وأخيرا الدين النصيحه --- الدين النصيحة --- الدين النصيحة وليس غلق الباب هو الحل ونحن نرى أن معظم الأفراح صارت تتجه نحو مانتمناه جميعا بس دوروا الكاميرا عن أفراح الهاى هاى وركزوها على أفراح الباى باى :d وعقبال عندكم جميعا |
انا ضد الزواج :d:dوالافراح والاغانى :stickjo4::stickjo4:
|
انا عارفة ان الوزاج سنة الحياة بس بطريقة دى ضد
حتى الافراح الدينية مش مقتنعه بيها خالص :stickjo4::stickjo4:وقال ايه اسمها دينية |
اقتباس:
أما النقطة التانية لماتحضرى الفرح اللى عندنا وتسمعى الأغانى بتاعتنا أكيد هتغيرى رأيك صباح الفل يارووووز و عقبال عندكم ( زغرودة النجاح أولا ) |
اقتباس:
شكل حضرتك مشوفتيش الرد التانى انا ضد الزواج لو بطريقة المستفزة دى :stickjo4: ويعنى الافراح اللى عند حضرتك غير :excl::excl: |
مع أحترامى لكل الأراء السابقة أنا ليا رأى خاص ودا بإذن الله إللى هطبقه فى فرحى .... لما ربنا يسهلها :) أستحالة أن أجعل من - زوجتى - كعرض ليشاهده كل الناس وغير ذلك تلك الليلة بتكون ليلة العمر فكيف نبدئها بغضب الله :blush: فإن كان ولا بد يكون فرح أسلامى فتلك الافراح كم تشدنى كثيراً فنرى الرجال فى مكان والنساء فى مكان منفصل |
اقتباس:
ويعنى الافراح اللى عند حضرتك غير :excl::excl: غير ومليون غير لإنها تتفق مع فكر الأخ الراجعون إلى الله ياريت لانصدر الأحكام مسبقا على الأشياء لمجرد إحباط الغير :d |
أنا ضد العبث والعشوائية
نحن لا نجيد الإحتفالات بالمناسبات سواء كانت حزينة أو سعيدة الميكروفونات نضعها فى قلب الشارع بل ونغلق الشارع نفسه ونحول مسار الطريق صوت عالى مزعج لأقصى درجة .... وضوضاء تفقدك الشعور بالهدوء واحيانا يقسم الشارع نصفين هنا فرح شعبى هابط ... وهنا سرداق عزاء ( لا تعقيب منى عليه ) هنا توزع الحلوى ... وهنا توزع القهوة .... هنا يقرأ القرأن بصوت عال جدا لا يتفق وتدبر القرأن المطلوب هنا رقص منحل وموسيقى هابطة وأاغانى تافهة والرابط بين الإثنين إقتسام الشارع والضوضاء المفرطة ( دون أدنى مراعاة لشعور السكان ) |
اقتباس:
انا مع الراي دا |
فى افراح بتكون دينية وبتكون فى قاعة والرجال فى جزء من القاعة والنساء فى الجزء الاخر وكمان بيكون فى زفة اسلامية وفيها اناشيد دينية بجد بتكون جميلة جدا
|
بص الموضوع جميل جداااا
الفرحه من حق اى انسان لكن البساطه شىء جمييل جدااا يعنى ايه ؟ يعنى نفرح اه ، بس من غير ما نزعج او نخنق اللى حولينا اما عن حكايه الاغانى دى فانا بصراحه مش عارفه اقول ايه وبعدين فى اغانى افراح اسلاميه جميله من غير الهبل اللى بيحصل ده شكرا جدااا على الموضوع |
اقتباس:
ما شاء الله كل الافراح اللى عندكم كده :excl::excl: |
لو لا حظتى تعليقاتى من البداية دائما أحاول الحديث عن نفسى وعلى مقدار قدرتى
لكن البعض للأسف يتصور نفسه قاضى القضاة ويصدر الأحكام على أمر مستحيل بل موهوم كل من يتخيل إنه بهذه الطريقة وهذا الأسلوب سيغير فى الأمر مثقال ذرة الدين النصيحة ---- الدين النصيحة ---- الدين النصيحة ويستحيل تقبل النصيحة بصيغة الأمر والنقد !!!!!!!!!!!!!!!!!!!! شكرا لكم |
اه فعلا ده بتبقى حاه وحشة جدا
خصوصا الاغانى الشعبى والدق اللى فيها |
موضووووووووع جميل وملاحظة حلووووووووة
بس نسأل نفسنا ليس لأننا ملائكة .... ولكن لأننا مسلمين لنا قيم ومبادىء هل رقص الاولاد مع البنات ... وكل عابر للطريق يصور بالموبايل ما يحلو له من مناظر واغانى وموسيقى مرتفعة جدا وازعاج للجيران قد يستمر لساعات متأخرة من الليل دون استئذان حتى منهم وغلق الطريق واعاقة كل من يريد المرور .. فقط هل ما يحدث حلال ام حرام ...؟ واذا كانت الثانية فهل يستطيع احد ان يتحمل ذنوب الحاضرين اليس صاحب الفرح مسئول عن كل ذلك " ليحملوا اوزارهم كاملة يوم القيامة ومن اوزار الذين يضلونهم بغير علم، ألا ساء ما يزرون " واذا كانت الاولى يبقى الف مبرووووووكـــ |
دا في الفرح الواحد بيكون فيه تلوث ضوضائي وبصري ( اصلي كان عندي النهارده درس احياء:p) والأصعب أنه التلوث الأخلاقي ، فيزياء:slap1qk6: ^_^ فا انتوا من رايكوا يتلغوا ولا لا والله رأينا المفروض شرعًا وأدبًا ومراعاةً للجار تتلغى ، ولكن هل من مُجيب ؟!! نسأل الله العفو والعافية |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
بيقولوا عليه ضياء الصباح و الراجعون إلى الله نفسي ديه اللي تبقي منتشره اقتباس:
|
وماله الفرح اللى فى بيت ربنا (المسجد) ده أحسن فرح
وشكرا على الموضوع |
| جميع الأوقات بتوقيت GMT +2. الساعة الآن 07:53 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.