|
المسابقات والسفر للخارج
نرجو من السادة أعضاء المنتدى تخصيص مكان لكل ما يخص هذا الموضوع وتفاعل المشتركين فيه لتعم الفائدة علي الجميع وعدم التشتيت للأخبار ونرجو من كل من لديه أخبار عن السفر والمسابقات أن يتركها هنا ونرجوا من أعضاء المنتدي تثبيت الموضوع أو تخصيص مكان لذلك وشكر خاص للاستاذ / عبده رجب الذي يوافينا بالأخبار السارة |
يا ريت يا عبد تقولي ايميك الخاص
|
سفر سفر سفر سفر
|
لو كنا لقينا تعينات هنا ما كناش فكرنا فى السفر
بس تعاق بتعاقد يبقى السفر احسن على الاقل الراتب يستاهل الغربه وثابت مش زى هنا شهر يبقى400واللى بعده104 ده غير الاحترام الزائد للمعلم من اولياء الامور والطلبه انما هنا المدرس بياخد بالجزمه ومايقدرش يقول اى حاجه يبقى نسافر ولا نستنى هنا |
لا حول ولا قوة الا بالله وحسبى الله ونعم الوكيل
|
دا عيب الحكومة اللي تخلي الكوادر تترك البلد وتسافر للي يقدرها
ودا مش جديد علينا |
نساااااااااااااافر بس لو بنت تبقى مشكلة
|
يبقى لينا الحق نفكر فى السفر ولا لا
|
ربنا يوفق الجميع
|
اقتباس:
ومع نفسها كده يبقى فى اتصال دائم بينها وبين السفاره |
في السفرسبع فوائد ولكن أنت الان في بلدك ولها فضل كبير عليك ومن واجبك عليها كما قدمت لك التعليم عليك أن تقدمه لاطفالها بالمقابل وصحيح إن هذه البلد لم تقدم لنا نحن المتعاقدون الوفاء الكافي والراحة والامان ولكننا لسنا أقل ممن قدموا دماءهم الطاهرة علي أرض سيناء فهل قدمت الحكومة التقدير الكافي لهؤلاء الشهداء أعتبر نفسك أيها المتعاقد مثلهم فمهنتك ترقي لمرتبة الرسل والانبياء فحافظ عليها ونسأل الله أن يجزينا كل الخير ويثبتنا والله أكبر علي كل من يظلمنا
|
اقتباس:
وهما ورثة الرسل والانبياء بيضربو ويتهانو ولا بيكون لهم كل الاحترم والتقدير اما الشهداء واسرهم فجزائهم عند ربنا(ولا تحسبن اللذين قتلوا فى سبيل الله امواتا بل احياء عند ربهم يرزقون) :078111rg3: |
ربنا يكتبلنا الخير اينما كان
|
أنا مستني أتثبت
وهسسسسسسسسسسسسسسسسسافر من البلد اللي تعبانه بأهلها دي أنا بشتغل 15 ساعه يوميا ما بين دروس ومدرسه طبعا في أخر الدنيا و مواصلات تهد الحيل ويدوب ماشيه |
ربنا يكرم الجميع
|
انا مقتنع ان الرب واحد والرزق واحد
|
وانا كمااااااااااااااان مستنى اتثبت واسافر بس انا مش هسافر علشان الفلوس انا بجد هسافر علشان حاسس ان احنا هنا بنتظلم وبينضحك علينا وشبابنا بيضيع وبينطفى يوم ورا يوم انا حاسس ان احنا مش فى دوله ده احنا فى عزبة واحنا العبيد بينضحك علينا بكام ملطوش مش بيكفوا يومين انا هسافر ( قصدى انا ههرب من البلد هرب من الظلم البلد لما بيكون لها عندك حق بتاخدوا منك واحنا لنا حقوق كتيره مش عارفين ناخد حتى حق واحد ) احنا تايهيين وسط الزحمة تايهيين وسط التصريحات انا بقبض 315 الفطار على الاقل 6- 7 طيب الغداء والعشاء والمواصلات والعلاج والملابس ده بس الحاجات الاساسية مين يقدر يستحمل الذل ده غير المصريين احنا والله غلابه وشعب طيب وربنا على الظلمه اللى خلو حياتنا ظلمه
|
نقلا عن موقع المصطبة : كلمة أقولها لكل مصري ،
كان نفسى يا مصر تكونى مصر = كرامة مصر = عدالة مصر = حرية مصر = الحضنالدافىء ونفسى يا مصر أحس بطيبتك واموت وانا فى حضنك بس انا عمرىما هزعل منك ولا هفكر أبعد عنك ولا هعمل زى صابر وأبيع أرضى وبيتى وعرضى |
باع بيته وارضه وعرف يعيش يبأ مش بأ عرضه دا يبأ احسن بكتير
لكى الله يامصر |
انا باذن الله الفكرة اللى مسيطرة على ذهنى هى السفر لان الواحد لو يعرف هايضحى علشان ايه هايصبر يعنى الشهداء اللى ماتو من اجل مصر ماتو وضحو بحياتهم من اجل اثنين الاولى من اجل الجنة ثانيا من اجل مصر اما احنا هانضحى من اجل مين بالضبط لو حد جاوبنى انا هاضحى من اجل مين هاستريح بس انا مش شايف اى حاجة فى البلد دى يضحى علشانها انا شايف ان البلد دى مش بلدنا دى بلد ناس غيرنا وانا بالنسبة لى البلد اللى الاقى فيها اكل عيشى وراحتى تبقى بلدى و تستاهل انى اضحى علشانها لانها قدمت اللى يخلينى اضحلها قبل ما اضحلها
|
ربنا يسترها ان شاء الله
|
ربنا يكرم الجميع
|
الصبرررررررررررررررررررررررررررررررررررررررررررررر رررررررررررررررررررررررررررررررررررررررررر
|
إن شاء الله دى آخر سنة لى بالتعاقد فى هذا البلد الظالم الذى لا يحترم او يقدر الكفاءات او على الأقل يعطيها حقها فلطالما انتظرت من 2002 وتحملت قلة الأدب والذل والمهانة وشماتة الأعداء والقريب قبل الغريب والصديق قبل العدو
أسأل نفسى بشدة : ما الذى جعلنى انتظر كل هذه السنوات المريرة من عمرى ؟ هل استطيع ان ابنى لولدى بيتا حتى ولو تعينت او اجهز ابنتى للزواج ؟ وضع قمة فى قلة الأدب والسخافة وعدم الاحترام ولا تقدير لهذه المهنة فى هذا البلد ... للأسف الاحترام لمن معه المال مدرس فقير ... لا قيمة له جاهل غنى نصاب محترف ... الكل يعظم له اخوكم : ابراهيم عبد الرحمن محمد اول قسم اللغة العربية بتربيةالزقازيق بتقدير جيد جدا مع مرتبة الشرف 2002 ودراسات عليا تخصص تخطيط وتطوير المناهج بتقدير جيد جدا 2003 و حاصل على icdl ، i ntel |
هههههههههههههه
|
والله حالكم من حالى ربنا يعينا جميعا
|
اقتباس:
نفسى مره تعلق تعليق مفيد تعليقاتك كلها ساذجه والا انت مش بتعرف تكتب غير ههههههههههههه |
لا إله إلا الله سيدى وحبيبى محمد رسول الله
|
ده انتو ليكوا الجنة ده انا دفعة2006 واول شغلي 9/2007
وكان اجر ب108 جنيه ولو اخدت اجازة يتخصم من ال 108 وتعاقدت بسرعة الحمد لله 4/2008 وزهقت من اللي احنا فيه ربنا يكرمنا جميعا بالتعيين |
إجراءات تعيين 900 إمام جديد بالأوقاف
د.زقزوق: لن نقبل مجاملة أو وساطة في اختيار من يصعدون المنبر بدأت هذا الأسبوع إجراءات المسابقة التكميلية لتعيين 900 إمام وخطيب جديد بوزارة الأوقاف والتي تقدم لها 3500 من خريجي الكليات الدينية بجامعة الأزهر دفعة مايو .2010 كان د.محمود حمدي زقزوق ــ وزير الأوقاف قد التقي بأعضاء لجان الاختبارات التي تضم كبار علماء الوزارة والقيادات الدينية ونبه عليهم عدم الالتفات لأية وساطة أو شفاعة من أحد مهما كان. وشدَّد د.زقزوق ــ علي أعضاء اللجان مراعاة ضمائرهم في اختيار من يصعد منبر رسول الله وألا يتهاونون في تطبيق المعايير التي وضعتها الوزارة لاختيار الناجحين وهي حفظ القرآن الكريم والمعلومات الدينية والعامة وحسن المظهر مؤكداً أنه لا يجوز أبداً أن تتدخل الوساطة أو المجاملة في اختيار الدعاة لما لهم من دور مؤثر في حياة الناس وفكرهم. مشيداً بما أفرزته المسابقات المتعاقبة منذ عام 1998 في إفراز عناصر دعوية شابة استطاعت ملء الساحة بفكر وسطي معتدل بما يؤكد أن دعاة مصر مازالوا بخير وقادرين علي حمل لواء الدعوة الإسلامية. وأعلن وزير الأوقاف أن الوزارة بصدد الإعلان عن مسابقة جديدة في يناير القادم لتعيين 3 آلاف إمام جديد من خريجي دفعات 2005 حتي .2010 |
نريد السفر الى الخارج
باى دولة عربية |
سمعت أنه فيه مسابقة شغل فى وزارة الأمارات
حد يعرف ملعومات |
علي ما أعتقد أنها في شهر 3
|
هل من الممكن للمنتدي ان ينشر اخبار التعاقدات للسفر للخارج ولو امككن المكاتب الجادة ولها سمعة طيبة للسفر المعلمين للخارج وشروط ومواعيد التقديمات ولاتخشي ضرر للمنتدي طالما ذكرت الحقائق وشكرا
|
هل من الممكن للمنتدي ان ينشر اخبار التعاقدات للسفر للخارج ولو امككن المكاتب الجادة ولها سمعة طيبة للسفر المعلمين للخارج وشروط ومواعيد التقديمات ولاتخشي ضرر للمنتدي طالما ذكرت الحقائق وشكرا
|
| جميع الأوقات بتوقيت GMT +2. الساعة الآن 02:03 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.