يوم ميلا العضوه رحومة_رحمه_لحمه_زحمه
 

السلام عليكم ورحمه الله وبركاته

ازيكوا
http://www3.0zz0.com/2007/09/23/21/10687827.jpg
النهارده يوم ميلاد عضوه كميله خالص ..بقالها فى المنتدى بتاع من...المهم كتير اوى :D

وغيرت اسمها كذا مره :o

المهم هى العضوه القديمه ..رحمه للعالمين

وهى هتم خمسه وستين سنه ..http://www3.0zz0.com/2007/09/23/21/54804895.gif.يلا نقولها كل سنه وانتى طيبه وانتى بخير دايما

وهى عزماكوا على الفطار بعد بكره ..الساعه سته ان شاء الله ...:D

ويوم الميلاد بكره ان شاء الله ...محدش يجى وايده فاضيه

كل سنة وانتى طيبة يا رحمة

عقبال ميت سنة ( كفاية مية يا اسلام )

ان شاء الله تحققى كل اللى محققتهوش فى عمرك اللى فات

ممعايش فلوس علشان كدا مفيش هديايا

لو ان القلوب تهدى لاهديتك قلبى ولكنها ملك لربى فهل يكفيكى فى الله حبى

يا نهار ابيض يا لخمة
يا رحمة قصدي

كل عام ويوم وانتي اقرب إلى الله

وعلى فكرة يا بسملة انا اللي غيرت كلمة عيد ميلاد إلى يوم ميلاد

ايه يا بنتى دلوقتى عيد ميلادك طيب مش كنتى تقولى كنت احوشلك فلاليس عشان اجيب هديه كيب بقى امرى لله

الهديه بقى فى المشاركه الجايه هروقك بقى

كل عم وانتى بخير
انا منشكح انك تميتى الخمسة وستين
وعشان انتة من الناس اللى تحترم
هديتى ليكى
كرسى متحرك وشارب هدية ( الشراب ده بتاع لدوالى:))
عشان هينفعوكى يعنى
سواء فى الموقع او فى لدراسة
وبعدين 65 مش قليل يعنى الهدية مناسبة:):):)
ادامك الله فى طاعتك ومنعك عن معصيته

انا فى غاية التأثر

اول مرة يتعملى عيد ميلاد فى حياتى

مش قادرة اقولك يا سارة انتى اسعدتينى ازاى خاصة بتحقيق الشخصية اللى انتى كنتى عملاهولى وبفضل اللله محطتيش منه اى حاجه

يلا انا هفترى ولا ايه ده انتى اللى فيهم والباقي

حلوين

واكتر كلمة عجبتنى (( العضوة القديمة)) اخيرا حد اعتبرنى منهم ..

بس بلاش فشر دول مش خمسة وستين


دول اربعة وستين ونص .. مش عاوزة ولا كلمة...لا انا عيد ميلادى كل ست شهور

سبيشيال كاراكتر

وطبعا الكل معزوم ع الفطار مش محتاجة كلام .. هو انا اطول الاقى حد اجرب عليه

شكرا اوىىىىىىىىىىى يا سارتى يا عسولتى يا امورتى يا حلوتى يا قمر يا طيوبة ..

كل سنة وانتى طيبة يا (زحمة للعالمين):p
وعقبال .....
عقبال ايه!!
65 سنة كفاية كدة اوىىىىىىىىىىى!!!!!

متتهربيش من السؤال انتي بجد تميتي كام سنه دلوقتي؟

اه شفت .. رحمة بنفسها
وحضرتك طيب يا جدى .....
وبعدين ع فكره مفيش كاراتيه فى الاولمبكيات .. جيت ع الجرح :(
اصل لو كان فيه انت عارف طبعا مصر كانت هتبعتنى ممثلة ليها :D

كل سنه وانت طيبه
happy birth day 2 u

وانت طيب
احقق اللى محققتوش .. امممم
لأ ما هو مش هيتحقق خلاص :D

ع فكرة يا جماعة محدش يتعب نفسه ويحوش بقي ويجيب هدايا ومعرفش حد معاهوش ييجى بوردة ( يضحك عليا بيها يعنى)

بصوا يا جماعة توفيرا عليكوا اذ وربما الهدية متعجبنيش


انا بقبل شيكات

او ممكن بالفيزا كارد مفيش مشكلة خالث

مش معقول

كل سنه وانتي طيبه يا فرخه

والله انتي صعبانه عليا اسمك دا كل الناس اتريئت عليه ربنا يكون في عونك


بس بجد كل سنه وانتي طيبه وعقبال 8789506780356 سنه

بس علي فكره خمسه وستين سنه دا نتي صغيره اكتر ما اكنت متوقعه

ها هتعملي لينا ايه بئا علي الفطار باذن الله !

لخمة

قشطة لقيتلى اسم جديد اضافى لموسوعة اسمائي :D

استاذ اشرف بذاته عندنا يا مرحبا يا مرحبا

الله يكرمك يا اـاشرف :)

منا جبتهالك من الاخر

والله مش هقول لأ للشيكات

خلى فلاليسك فى جيبك انا هستلمها من البنك احسن :p

انا مستنية المشاركة الجاية اهو

مش سايباكى يا ايمان

طالب تانيه ثانوى

مش عارفة سمعت الاسم ده فين

افتكرت

لأ مسمعتوش خالص :p

حالتى حالة وشكلى عجيب اه ده ع اساس انك هتفضل يا ما شاء الله شاب

شاب ايه بقي طفل اليق :p

انا تميت ال 45 من 20 سنة ع حسب كلام سارة حضرتك .. ركز شوية يا حاج

هدية تحفة

ما قلنا بقبل شيكات :mad:

وبعدين سيبك موقع ايه ودراسة ايه اللى بتتكلم عليهم .. ده دول اكتر حاجتين بيهدونى نفساويا

عامة كتر خيرك دخلت الموضوع شايل كرسي هديه غيرك مدخلش بكيس جوافه حتى

ملحوظة : خير ان فيه حد بردو معتبرنى من الناس اللى بتحترم
يااااه ان من زمان وانا فاقدة الاحساس ده :D

يسمع من بقك ربنا وادعيلى كمان بالمرة انى اعرف ارد القلم اتنين
ادعى وانت ساكت ومتسالش واى

اييييييييييييييه

حد عاوز يتخانق :D

ع فكرة النهاردة عيد ميلادى ممكن اسمحلك بخناقة بسيطة

وبعدين متفقرش الله اكبر انا عاوزة اعيش قرن كمان

ليك عندى حاجة ؟؟

بالظبط بالظبط بالظبط


16 سنة



بس انا بردو اكبر منك

انت طالب تانيه ثانوى بس انا طالبة تالته ثانوى :p

يخربيت ام اليوم اللى خدتى عنى فيه الفكرة دى:D
خلاص بقى
عديها
انا بطلت الحكاية دى:p

happy birth day 4 me

ثكرا اوى وبجد وصلت من بدرى

متشكرة جدا يا ذوق :)

هعملكم جبنة رومى وعيش وجنبيهم كيس شيبسي عائلى (انشالله ما حد حوش)

وهجيبلكم التليفزيون وهظبط الاريال ع القناة الاولى

اى خدمة

فرخة :p

فكرتينى .. عارفة كان فيه ولاد معانا فى التمرين كانوا اما ببييجوا يتكلموا مثلا عنى بيستخدموا ثيم كده كلمة لحمة وفى مرة لاحظوا ان ودانى معاهم قاموا غيروها لفرخة ع اساس انى مش هعرف يعنى
عيال غبية :D

طبعا انا صغيرة جدا

انتى عارفة ده انا عندى سِنة لسه موقعتش

ايه ده انت ازاى بتقوللى يخربيت ام اليوم كده فى وشي

ع فكرة انا بلطجية جدا لعلمك

بطلت العادة دى :D ضحكتنى

دى بتجرى فى دمك شوف انت بتكلمنى ازاى اساسا

عامة هعديهالك النهاردة بس وربنا بعد كده ما هسكت ع المهزلة دى :p

عارفين انا هبهدل الدنيا .....

1_ هطلع بطاقة ( هييييييه) هيبقي معترف بيا اخيرا

2_ هجيب خط اتصالات باسمى ( علشان خدمة العملاء ميذلونيش _ يا ماما هاتيلنا باباكى يتكلم) اصله باسمه

3_ هعمل اشتراك فى البورصة واضارب بقي

4_هطلع الرقم القومى اللى لحد دلوقتى بابا مش عارف يطلعه

5_هدخل قاعة احمد زويل اللى فى النادى (اصلها فوق 16 سنة بس) بس انا كنت بدخلها طبعا (بلطجة يعنى)



ولسه فى دماغى حاجات كتييييييييييييييييييييييييير

انا هفترى وهبهدل الدنيا اساسا :p

لا متشكيش

بصي تحت هتلاقي .. رحمة للعالمين(16) :D

شكرا يا نورا ع قفص الورد ده

والاجمل منه الدبدوب بقي هزوده على لعبي

هيا عشروميت سنة دى تيجى كام سنة يعنى ؟؟ اياكى تبوخى وتقوليلى احسبي انت يا علمى رياضة

هقولك مجابولناش مدرس رياضة فى الفصل :p

هههههههههههههههههههههههه
يعنيني

بس اكيد فرخه احسن من صرصار هههههههههههههههههههههه

بس صحيح اخبار التورته ايه نظامك ولا شكلك هتقضيها جاتو

تورته ايه وجاتوه مين بس

انا هجيبلكم عيش نسقيه فى لبن بسكر

اصل انا واحدة ع قد حالى .. متحرجنيش بقي

اللهم الا اذا انتى جيتى بالجاتوه والتورته فمش هقولك لأ .. :)

من الاخر متجيش من غيرهم :D

16 لسه طفله يعني

مش مشكله

وبعدين طالب تانيه ثانوي دا الاسم الحركي

انما انا اسمي الحكيكي طالب اولي اعدادي

معلش رديت بالغلط باليوزر بتاع اختي

سووووووووووووووري

ياسلام

ادعيلي بئا اني اكمل 16 لسه 5 شهور بحالهم ياه امته يجي شهر مارس

اول حاجه هعملها هطلع باسبور ادايئت اوي يوم ماكنت راجعه مصر وبتاع الجوازات اجنبي وشافني كمرافق في باسبور امي

وبيستظرف وعمال يقول انا مس متاكد انك مرافق كان نفسي اقوله كلك نظر بس مكنتش عارفه اترجممها انجليش

وحكايه الجاتو لا دا نتي داخله علي طمع بئا ثم اني مبحبش الرومي

خلينا في الضاني ! انا عاوزه شويه باميه من اللي بتعملهم ماما نونا لحماده هههههههههههههه!

انا عاوزه ماما نونا نفسها

HAPPY BIRTH DAY TOOOOOOOOOOO YOUUUUUUUUUUU
شفتي مستخسرتش فيكي اكبر خط اهو :p المهم انا معزومة ولا لأ :mad: ونحب نقول لرحمة كل سنة وانتى طيبة وعقبال ما يبقى عندك
1556*5898+659/485*521+365/521

اخيييييرا 16 سنه
كل سنه وانتى طيبه يا جميل
والبت ساره مظبطاكى اهو وشكلها كانت جوعانه وهى بتكتب الموضوع..كالعاده :p
وبجد ربنا يوفقك السنه دى يا مشمش
وانا مش شايفه جاتوه...
اوعى تكونى مستنيه انى اعزم عليكو وللا حاجه

http://www.malakuae.com/gallery/data/media/9/2393z.jpg


كل سنه وانتى طيبة
عقبال المليون

ايه ده ايه ده
يوم ميلاد رحمه؟؟؟
كل سنه و انتى طيبه يا رحمه
لسه 16؟:d:d
يلا مش مشكله:d
كل عام و انتى الى الله اقرب و على طاعته ادوم:)

بس العيال فى التمرين اما كانو بيتكلمو عنك كانو بيقولو ايه وانتى كنتى ساكتالهم؟؟؟:d

كل سنة وانتى طيبة يا رحمة يا عثل
يا قمر المنتدى
عقبال مليون سنة يارب
بقولك ايه انا مبحبش حد يجرب فيا الاكل

كل سنة وانت طيبة والى الله اقرب وعقبال 100 سنه كمان تكونى فى طاعة ربك

اممممم ..

شكلى جيت متأخر حبة ..

:) كل سنة وانتى طيبة يا رحمة ..

16 حلوين اوى والله .. كانت ايام حلوة .. استغليها قبل عمليات الفرم فى جامعات الحكومة...

شدّى بأى فى المذاكرة
--------------------------
ومبروك للأهلى :)

يا دا انا جيت متأخر اوي بقى
كل سنة وانتي طيبة يا رحمة
وعقبال 84 سنة عشان تقفلي المية كده:d
وشدي حيلك يقى عشان تبسطينا:d

طالب اولى اعدادى :D

طيب كويس قربت تخلص اهو

بطلوا بقي الحركات دى

بذمتك مش هيا اللى قالتلك تعمل الحركة دى علشان تزودها مشاركة

اه منكوا :p

مين ماما نونا دى ؟؟؟

ع فكرة الكلام كتر عليها اوى .. انا بسمع اسمها كتير فى المدرسة

وبعدين تعالى هنا انا اساسا ليا باسبور من وانا عندى 10 سنين ؟

مبتحبيش الرومى ليه ؟؟؟ ده حلو ع السحور .. وبيعطش كمان :D

ضانى مين بس ده بيتعبلى معدتى

ولا انتى عاوزانى اقعد اتفرج عليكوا

بصي انا هديكى 3 جنيه تصرفى بيهم حالك وهروح افطر انا فى مؤمن :D

هتوحشينى :D

يا لهوتيتي اتاخرت جدا اوى خالص
عايزة اعيط مش مصدقة نفسيتى
معقول معقول يعنى عيد ميلادك وكل سنة وانتى طيبة وشمع و كدة
مش مصدقة قولوا كلام غير دة
عموما يعنى كل سنة وانتى طيبة وعقبال العشرميت سنة
والبقية فى حياتك حياتك الباقية

شكرا

شفتى اكبر خط اهو

وبعدين انتى عمالة تدوسي اى زراير والسلام ايه عقبال ما يبقي عندك4 +78=5*9/

وطبعا انتى معزومة يلا هسربك انتى كمان زى سارة

3 جنيه كويس ولا نخليهم اربعة :p

لا جاتوه ايه هنا فى المنتدى

الناس هنا مش بتاعت الحاجات دى

انا شكلى هدخل عليكوا بشيشة اساسا :D

لا انا مش مستنياكى تعزمى علينا انا مستنياكى تعزمى عليا انا هو عيد ميلادهم ولا عيد ميلادى

بصي عامة شكلكوا كلكوا داخلين ع طمع وكده انا متدبسة فى 9 جنية

كده مش هعرف اغير الموبايل يا جدعان

:)

وانت طيب

وعقبال المليون جنية ان شاء الله :)

بتحرجينى ليه كده

انتى اللى عثل خالث

لا خلاص غيرت رايي مش هخليكوا تتمتعوا بتذوق الطعام اللى هعمله

كده بقوا 12 جنيه

يا مسهـــــــــــــل