|
افضل لاعب مصري
السلام عليكم
انا عامل استفتاء عن احسن لاعب مصري في الفتره الاخيره ياريت كل واحد يدخلو يقول رأيه |
الساحر
ابو تريكة |
اكيد ابو تريكة
|
يخرب عقلك يابو تريكة ...... يخرب عقلك يا مجرم:D:p:)
|
بص
هو المفروض يكون فى استطلاع لأحسن لاعب محترف وأحسن لاعب فى الدورى المصرى بيتهيألى كده فى تظلم كبير بس طبعا أبوتريكة والكبير كبير |
هو الاصل
واحد بس ابوتريكة |
هو فيه غيره انت لسه بتسأل أدب أخلاق وكمان أهلاوى يا خبر أبو تريكه يافنان متعنا كمان وكمان الله عليك يا حبيب والديك |
بصراحة مع انى زملكاوى بس شايف فى لاعيبا ثانيا هيا : علاء ابراهيم : حسنى عبد الربه
|
اقتباس:
لكن علاء بطة ...... يا عم ده و الله حطه قدام جون المنافس يجيب ف اجوان بس مكنة تجوين لكن انا مش شايف انه مهاري يعني ده رأيي ؟؟؟؟ |
حسنى ماشى
انما علاء هههه على رائيك يا بلو |
:d
محمد زيدان ميتحطش مع العالم دي لانه تدني لمستوى المُقارنة احسن مهارات في مصر شيكا احسن صناعة لعب وتهديف ابو تريكة |
قصدك ايه زيدان ميتحطش هنا
انا عايز اعرف اكتر لاعيب عنده مهارات وانا عارف انه زيدان بس بتفرج عليكم هتقولوا ايه |
والله انا شايف ان احسن لاعب فى الفترة دى هو ابو تريكة فن ومهارة ولعب وشطارة |
يا جماعة مافيش لاعب فى مصر زى القيصر ابو تريكة
|
الحق حق : ولا واحد من دول لى رأى آخر،،،
وياريت ندى صوتنا للى يستحق صوتك أمانة ----------------------------- |
انا عندي سؤال صغير ليكم
في حد سمع عن محمد زيدان اللي بيلعب في هامبورج وان اللاعب ده مصري بورسعيدي او في حد سمع منكم عن ميدو اللي بيلعب في ميدل سبراه انا مش شايف غير صوتين لزيدان وصوت لميدو وصوت لشيكا و10 لابو تريكه انا حاسس دلوقتي اني بهزء زيدان وميدو علشان انا عملت مقارنه غلط المفروض كنت اعمل مقارنه زيدان وميدو وهنري و ميسي والناس الكبيره ديه اللي محمد زيدان واحمد حسام منهم |
اقتباس:
بس بلاش المبالغة دي يا عم مش للدرجة دي :D |
اقتباس:
شكلك متعرفش زيدان ابقي بس اتفرج علي اي ماتش لزيزو واتفرج |
اقتباس:
و عارف انه لعيب جامد و كل حاجة انا كل اللى بقوله انه مش لدرجة انك تحطه مع لعيبة زي اللى انت ذكرتهم دول .... بالرغم من حرفنته و مهارته انت بس متحيز له شوية عشان بلديات :D:p و ع العموم يابو حميد اختلاف الرأي لا يفسد للود قضية .... مش اللعيبة دول ناس .... و الناس معادن ..... و المعادن اذواق ..... يبقى كله بقى ليه ذوقه :D يللا يا باشا ..... سلام |
اولا السلام عليكم
ثانيا يا ابوحميد زيدان عامل شغال عالى مع هامبورج ولاعب تحفة بس حاول تفتكر اللى كان بيعمله فى الدنمارك وحكاية التجنيس سيبك من دى نشوف المهارات لو قارن بينه وبين ابو تريكة فى افريقيا او الوطن العربى كله برضه ابو تريكة يكسب لأن اخلاقه عالية ومحترم جدا لدرجة جعلت الناس حتى الزملكاوية بيحبوه وبعدين لو دورت كويس هتلاقى ابو تريكة امهر بس محمد زيدان لياقته احسن اما ميدو بيلعب مع فريقه زى الفل واول ما يجى المنتخب يمرض مع ان زميله بيساعدوه ونص الشعب المصرى بيقول انه بيخاف من الاصابة وده راجل مهاجم و اى مقارنة بين مهاجم و واحد صانع العاب يبقى بتظلم المهاجم ام شيكابالا ده راجل موهوب بس من غير ما حد زملكاوى يزعل بلاش نضحك على نفسنا مينفعش نقول ان عماد متعب زى الخطيب او صالح سليم وكمان مينفعش نقول شيكابالا زى ابو تريكة لان الخبرة والاخلاق واستعمال ابو تريكة لمهراته بتوضح وشوف انت ابو تريكة عمل ايه وشوف شيكابالا عمل ايه شيكا موهوب بس مش لدرجة ابو تريكة وبعدين يا ابوحميد فى كاس العالم كان المفروض ابو تريكة يتكرم وفعلا قالوا انه هيتكرم ونزلت فى جرايد فى اوربا وكلنا عارفين الحكاية يعنى هو الاحق بأننا نحطه مع هنرى ورونالدو ومعلش على الرغى اللى انا رغيته ده كله بس ده رأي |
نحط ابو تريكة مع مين اهااا ربنا معاك يا فندم
والحكاية ازواق ومين يقول على زيدان انه ليس لاعب جيد زيدان مظلوم جداا وزيدان لاعيب عالمى وليس له مثيل فى مصر وهوا لاعب ممتاز جداا والناس بره بتعبتره نجم الشباك الاول زيدان ده اسطورة فعلا لانى متابع متشاته وبجد لاعيب اكثر من رائع حتى فى الخليج بيقوله علييه حاجات روعة |
مش هنختلف ياجماعة
شوفوا زيدان عمل لمصر ايه؟ وأبوتريكة جاب لمصر ايه؟ |
هسألك ابو تريكه جاب لمصر ايه
هتقولي بطوله امم افريقيا هقولك ده علي اساس ان ابو تريكه كان بيلعب لوحده |
عارف والله ان كان فيه 10 لاعيبة معاة
بس شوف هو فرق مع مصر قد ايه مش برضه احسن من محمد زيدان اللى مجاش أصلا |
محد زيدان مجاش اصلا
بص محمد زيدان كنت قريت له مقال في الدستور السنه اللي فاتت في الصيف قال انه المفروض كان يجي بس شوقي غريب عمل مشكله كبيره مع محمد زيدان والحكايه كبيره اوي علي فكره ومش عايز احكيها عايز اسألك سؤال صغير هنري عمل لفرنسا ايه في الفتره الاخير مأخدتش فرنسا كاس العالم يبقي هنري ده لعيب ميسواش تعريفه هوه وزيدان ايتو عمل للكاميرون ايه دروجبا عمل ايه ديوف عمل ايه بص كل اللعيبه الكبار دول بيلعبوا في انديه ابو تريكه ميتصورش اصلا انه يلعب فيها |
لو مكنوش بيعرفوا يلعبوا
مكنوش راحوا الأندية دى وأنا معاك ان عمر ابو تريكة ماهيلعب فيها |
بصوا يا جماعة
لو من ناحية ان كون فيه لاعب مصري يتحط مع اكبر لعيبة العالم ....... اظن ان محدش يستحقها ولا ابو تريكة نفسه أما لو خدنا اللعيبة بتوعنا دول من جزئيتين ... الأحسن مهارات ... و اكتر واحد تم استغلال مهاراته من اجل فريقه و مصلحة الجماعة طبعا ابو تريكة يكتسح على ما أظن محدش يختلف ان مهارات شيكابالا عالية جدا جدا ... لكن لو تشوف من ساعة م جه الزمالك ...... اي نعم الفريق يمكن بئا احسن شوية ..... لكن لو تسمع ف كل حتة ( حتى المحللين الزملكاوية ) يقولوا لك كل لعيبة الزمالك لما تاخد الكرة تقعد تدور على شيكابالا ..... عشان مهاراته و كده ..... يعني فريقه ماستفادش بمهاراته بطريقة جماعية ... انما بطريقة فردية ... و ده طبعا قمة الغلط فهمتم وجهة نظري ............... |
فعلا شيكابلا لازم يصلح نفسه فى الحتة دى
|
انا مش عارف كلكم بتكلموا علي ابو تريكه وشيكابالا
فين ميدو اللي لعب في اكبر دوريات العالم لعب في الدوري الايطالي اول لاعب مصري يلعب في الدوري الايطالي ومع مين مع روما لعب مع اياكس لعب مع مرسيليا لعب مع توتنهام يعني اقول ايه بس شوفوا ميدو انتم بتظلموه جامد ودلوقتي احسن لاعب مصري هوه محمد زيدان شوفوا الصحافه الالمانيه بتقول ايه عليه وبعديه يبقي ميدو لانك عمرك ماتعرف تقارن بين لاعب محترف ولاعب ميعرفش غير الدوري المصري لا ن الفرق كبييييييييييييير بس انا كنت عايز اتفرج علي كل واحد بيدخل ويقول رأيه |
انا مش عارف كلكم بتكلموا علي ابو تريكه وشيكابالا
فين ميدو اللي لعب في اكبر دوريات العالم لعب في الدوري الايطالي اول لاعب مصري يلعب في الدوري الايطالي ومع مين مع روما لعب مع اياكس لعب مع مرسيليا لعب مع توتنهام يعني اقول ايه بس شوفوا ميدو انتم بتظلموه جامد ودلوقتي احسن لاعب مصري هوه محمد زيدان شوفوا الصحافه الالمانيه بتقول ايه عليه وبعديه يبقي ميدو لانك عمرك ماتعرف تقارن بين لاعب محترف ولاعب ميعرفش غير الدوري المصري لا ن الفرق كبييييييييييييير بس انا كنت عايز اتفرج علي كل واحد بيدخل ويقول رأيه |
الموضوع مغلق ويستمر عن طريق الاستفتاء فقط وشكراااا
|
| جميع الأوقات بتوقيت GMT +2. الساعة الآن 04:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.