تعرف حد اسمه احمدهاكر ؟؟؟
 

السلام عليكم ورحمة الله وبركاته

بعد كل سنة وانتم طيبين :)

طبعا بما ان استايل المنتدى اتغير

فطبعا انتوا مش عارفين انا مين

(دلوقتى هتقولوا خلص ياعم انت مين):mad:

انا عضو مش قديم اوى


من الاخر عشان اريحكم

انا : أحمد هاكر
:eek::eek::eek:
بس بعد التعديل



انا كنت سيبت المنتدى لسببين الاتنين احلى وانيل من بعض

واحد منهم فى المنتدى والتانى من عندى انا

وكنت وضحت ده فى رد على موضوع المرشد تقريبا

المهم انا رجعت مرة تانية لكام سبب كده

وانا معروف للناس اللى يعرفونى فى النتدى ان مواضيعى مش كتير

بس بصراحة المنتدى فيه ناس مش لازم نستخسر فيهم رد فيه كلمة تشجيع

وفى المنتدى برضه طلبة ثانوية انا كنت منهم السنة اللى فاتت

ودول محتاجين مساعدة برضه من اللى سبقوهم فى الثانوية

نصيحة او موقع او حتى ملخص


وفى نهاية كلامى

انا رجعت بس شايف ناس كتير من صحابى فلسعوا (مشيوا يعنى )

طب فى حد هنا فاكرنى ولا اروح بيتنا تانى :(

احسن المنتدى من غير شلة زمان هيبقى بايخ اوى :mad:


وملحوظة اخيرة

على فكرة انا اعتزلت الهاك بكل انواعه ومش ناوى ادخل منتدى الهاك تانى عشان محدش منهم يزعل

وبطلت كل فنون الهاكرز نهائيا حتى اشعار اخر (بعد التخرج (4سنين بعيد عن السامعين)قولوا يارب)


ومعلش يا شباب كفقرة اخيرة زى برامج التليفزيون

احب اشكر شوية ناس كده ساعدونى وطلعوا رجالة معايا فعلا

(جمال امين صابر ,,محمد(معرفش اليوزرنيم بتاعه),,ومصطفى ادمان ده شخصية محترمة جدا,,وناس تانية كتييييير)


وشكراً

احمد محمود(هاكر شابقا)

اهلا بيك
-----------------------------------

ربنا يخليك يا مرشد وشكرا على زوقك المعتاد

ده نورك يا قمر وعلى فكرة انا ذاكرتى قوية الى حدا ما انتى (منار ) والمرشد (اسلام)

وبعدين انسى بقى حكاية هاكر ومتصفح والكلام العجيب ده انا بعيد عنك اعتزلت

شكرا ليكى على زوقك برضه المعتاد

ربنا يخليك يا ابو حميد انا فاكر مواضيعك الجامدة بتاعة زمان

أهلآ بيك يا أحمد معانا من تانى
انا طبعآ فاكرك
بس يا ترى انتا فاكرنى؟

اهلا بيك يا ابو حميد انا كنت من اكتر الناس المؤيدين ليك يا باشا نورت المنتدي من تاني و ياريت متسبناش بقه عشان الواحد بيفرح لما بيلاقي الناس الحلوة اللي زيك

اهلا بيك يا احمد
منور المنتدى من تانى
و طبعا فاكرينك

يادى النور يادى النور
منور
يا ابو حميد
نورك غطئ على الكل

no..i don't know him/you...but, welcome back, anyways :)

:)thanks (sara) for your replay

but

I think (arabic) is perfect language (language of qura"n):)but if you have a problem with your system iam sorry

and if you prefer (english) it is up to you and iam sorry

at last
:)
thanks
:rolleyes:

اهلا بيك وشكرا على اللينك بس سؤا صغنون

اسلوبكالجميل مش غريب عليا بس بصراحة اليوزرنيم بتاعك اول مرة اشوفه

ياترى انت مين؟؟؟

oh ur welcome :)
oh i'm sorry if u got offended by me typing in English, but u c..the thing is that
ana kont bada2t akteb 3araby 3ala el computer el 3ady 3ashan howa da el wa7eed elli fi el beet 3alih 3araby software bas ana delwa2ty 3ala el laptop bta3y elli msh 3alih 3araby...
i know and understand that Arabic is the language of the Qur'an and is also my native language that I will keep forever inshaAllah. Sorry, again...inshaAllah I will ask my dad if his friend can download me the Arabic software 3ala el laptop dah...we law msh hayinfa3 yeb2a lazem a5ali el english one 3ashan i have school work to do we kaman almost kol el homeworks bta3ti 3ala el computer....i hope u understand what i mean:):(

شكرا على التوضيح
 

اولا شكرا على التوضيح وانا فاهمك(انا مش غبى اوى للدرجة دى )

ثانياربنا يوفقك فى دراستك ان شاء الله :)

ثالثا معلش على سؤالى الغلس وتعقيبى على اللغة بس انتى اكيد عارفة ان فى ناس تانية بنحب تغير لغتها فى الكتابة لمجرد انها انجلش :mad:أكنهم بيتبرو من العربى


واخيراً اسف مرة تانية على فهمى الخاطىء

احمد
اهلا بيك تانى فى المنتدى اعتزلت الهكر اخص :(

يلا بقى كلها اربع سنين وبعدها برائه

منور والله

حمدالله عل السلامة يا احمد بيييييييه
عود حميد ان شاء الله
وعاوزين شغل ليك تاني

المتصفح علي مؤنس ههههههههه

ربنا يخليكى وشكرا على ترحيبك

اما بالنسبة للهاك فمعاكى حق

هو بالنسبة ليا برضه4سنين

اخلص الكلية العجيبة بتاعتى وربنا يستر

تخيلوا سيبت تجارة واداب وشوية حاجات كده ودخلت ايه..... ولا خليها مفاجأة احسن

واسئلوا جمال على اللى انا فيه

وشكرا مرة تانية يا قمر

الله يسلمك يا على باشا

بس ايه ده

انت لسه فاكر حكاية المتصفح دى


دا انت قلبك اسود اوى :D


ياعم دى كانت ايام وراحت

هاك وبوت ايميل (مفيش برنامج بوت واحد فى المنتدى مش فاهم ليه )

دلوقتى انا مجرد احمد محمود ((JUST)):rolleyes:

والله انت اللى جميل والنور ده نورك يا احمد باشا

يا قهلا يا قهلا ومبروك العودة

حلوة اوى (قهلا) دى :D

ربنا يجعلك فى كل خطوة ربع جنيه

ويقدرك على الثانوية (انت كنت من اهلها)

ويعينك على الكلية(ان كنت من ضحاياها)

السلام عليكم ورحمة الله وبركاته
ازيك يا احمد
نورت المنتدى تانى
مبروك ع الجامعة
احسن ان انت سيبت الهاكر خليك ف دراستك احسن

وعليكم السلام ورحمة الله وبركاته

ازيك انتى يا عزة

انا الحمدلله وعلى الجامعة ممكن اقولك الله يبارك فيكى او عزاء مقبول منجلكيش فى حاجة وحشة

وبعدين الهاك ده الله يرحمه ويمسيه بالخير بقى بعد التخرج ربنا يدينا طولة العمر

اهلا بيك انا لسه جديده بس حللت اهلا ووطئت سهلا نورت المنتدى بس حكاية اعتزالك الهاكر دي انا عايزة منك مساعدة في حد اخترق اميلي :mad::mad:ياريت لو تقدر تساعدني بلييييز :rolleyes::rolleyes:

اهلا بيكى انتى :)

والنور ده نورك :rolleyes:

اما بالنسبة لأن حد اخترق ايميلك

فياريت معلومات اكتر

يعنى سرقه ولا فجره بالاغراق ولا ايه

وان شاء الله اقدر اساعد

يعني ايه الكلام ده(( سرقه ولا فجره بالاغراق ولا ايه))؟؟؟؟؟؟؟؟؟ المهم اني كل ما اغير الباس ورد والمعلومات الخاصة برده القيه مسروق تاني وانا زهقت