|
طلبة صيدلة
عايزين بقى في الموضوع ده نعمل احصائية لطلبة صيدلة بس بالذات غير صيدلة مش عايزين:) مش بعيد الجداد يستفادوا من خبرة القدام القدام هنا بقى(ايمن و بري وكلكل و انا(العياذ بالله من قولة انا) وصيدلانية بس اما ترجع(بتعمل شغل جامد اوي ما شاء الله) و في مين تاني صيدة والله ما فاكر) اهو بقى عايزين نشوف الجداد وبالمناسبة محدش اتنفى لصيدلة أسيوط ولا حاجة انا وحيد هنا :( سلااام |
السلام عليكم لذيذة خالص الفكرة دى ميرسى اوى يا جامبو انا لسة فى سنة اولى صيدلة وبما انك بقى انت والبرى وكلكول وايمن وصيدلانية ناس قدام فى صيدلة يعنى ذوى خبرة شويتين فاكيد حاسين باللى بتوع سنة اولى بيحسوه يعنى الدكاترة واسلوبهم الممل ومشكلة الانجلش شوية واكتر حاجة ملخبطانى بقى ان الدكتور فى كلام فى الكتاب مش بيقوله وانا مش عارفة اذاكر من المحاضرات والا الكتاب ولا الملازم ياريت والنبى حد يرد عليا عشان خلاص مش عارفة اذاكر خالص:confused::( وياريت يعنىبما انكم ما شاء الله شوية كتير فى صيدلة فياريت تعملوا قسم او موضوع خاص بكلية الصيدلة زى الكيمياء و والفيزياء وبقيت المواد وتنزلولنا فيه مراجعات مذكرات نلاقى حد يجاوبلنا على اسئلتنا ياريت يعنى معلش انا غلسة شوية بس استحملونى عشان انا تايهة خالص فى الكلية دى |
غلسي براحتك
بصي يا نور انت الكتب بتاعة الدكاترة دي انت تشتريها بس عشان تحسي انك في صيدلة اما مذاكرة منها فورجيت ات فعلا ممكن تبصي على المذكرات برة وتذاكري منها وبعدين تبصي على الكتب كمرجع بس وتشوفي الحاجت اللي في المذكرات موجودة في الكتاب ولالأ الأنجلش عامل مشكلة للناس اللي كانو عربي مش لغات او امريكان والله انا منايا نعمل القسم ده بس انتي زي الشاطرة تدخلي قسم المقترحات وتعملي طلب بعمل القسم ونا من اول المؤيدين وانا معنديش اي مانع من اجابة اي اسئلة ربنا يوفقك |
ياااااااااااااه بقالى حبة كتير مقعدتش على الكمبيوتر اصلا
اكيد انا فى اعدادى صيدلة اسكندرية المنتدى كله بأه عارف انا من مؤيدى فكرة القسك بتاع اسئله صيدلة |
اي خدمه اي خدمه يا صيادله
انا معاكم في صيدله طنطا سنه تانيه |
اولأ تريأة مين يا هبة
انا لو بتريأ مكنتش نزلتلكم نصايح لطلبة الكُليات العملية انا بهزر فقط لا غير وعلي فاهم انا اقصد ايه ثانياً انتي على عيني وراسي من فوق يا ستي وانا الغطلان فُكي بأى سلام :) |
ولا انا والله يا هبة مكا كنتش اقصد اي حاجة ب مبتدئين
غير انكم جداد في الكلية وواجب عل الأقدم انه ينصح الجديد ودي مش عيب ولا غلط اي ثينك ذات وانا وبري بنهرج عادي مش مشكلة فكي فعلا :) وشدي حيلك في السكاشن :) |
خلاص .. حصل خير
بس هو فعلا انا شايفه انه اقتراح كويس قسم اسئله واجوبة اسئله صيدله بس ميردش عليها غير الللى فاهم لان ممكن تكون حاجات صغيرة واقفه مع الواحد ونفسه يسأل فيها بس مينفعش يسأل الدكتور على حاجات صغيرة كده فكروا فى الموضوع لااله الا الله |
واحنا مش عباقرة ولا هنفتكر كل حاجا
ع العموم اللي فيه الخير هيتعمل ان شاء الله |
بصي يا هبة
احنا ممكن نساعدك بالمعلومات اللي عندنا انا وبرو و الأخت حنين وايمن وصيدلانة ازا طلت علينا تاني وكلكل بس بقالوا لبيلليون سنة مدخلش وهنساعدك على قد ما نقدر ولو عايزين تخلوا الموضوع ده للأسئلة مفيييييييش اي مااااانع اطلاقا واسألوا وجربوا:d وان شاء الله نكون عند حسن ظنكم بينا |
انا مى برده فى اعدادى صيدله اسكندريه ارجو ان الاقتراح ده يتنفذ لانه بجد حيكون مفيد لينا جدا
|
يامي ياحبيبتي اسمعي نصيحة من اخت واعملي سيرش عن سايت الكلية بتاعتك وياسلام لوفيها منتدى هو دة اللي هيفيدك فعلا (احتمال اقابلك السنة الجاية بس ادعيلي ;))
|
ِدي حيلك بقى يا مي
وانتي يا محتاسة ازيك ليكي وحشة يا ترى لسه محتاسة:d ربنا يوفقك |
ايه ياجامبو فينك
هيه صيدلة بتعمل ف الناس كدة :d وبالنسبة لمحتاسة فانا محتاسة للركب :( يلا ربنا يوفقكو ويوفقنا |
شكرا يا محتاسه.......... فكره حلوه برضه .....ان شاء الله نتقابل يلا ربنا معاكى
|
اية دة استنوا ياجماعة
انا كمان صيدلة والغريب اني اتنفيت لصيدلة اسيوط يعني مش انت الوحيد بقينا اتنين اهه يا دكتور ياريت تكتب لي ايميلك في رسالة علشان عايز اتعرف عليك اكتر لان احنا هنفيد بعض جامد في البلد الغربية دي وخصوصا اني مش عارف اعيش هناك |
ايه ده هوا الموضوع ده لسه موجود؟:d
على العموم انا ايمن اللى موجود اسمه فى الموضوع و لو حد احتاج حاجه وانا قدرت عليها انا فى الخدمه بجد |
السلام عليكم اهلا بيكم وبكل الصيادله انا الدكتور تامر المصرى اتجدعنوا انتوا وانا هبعتلكم زباين ههههههههههههههه
|
انا معرفش ان الموضوع ده لسه موجود والله
عموما .. احنا عايشين خلاص فى صيدلة دلوقتى صحيح الاكتئاب بدء يرجع عشان الكلية بدأت تانى بس كلنا لها وانا لله وانا اليه لراجعون... ومبروك لمصر يا شباب... |
اهلا بيكم وبكل الصيدله ياريت تشرفونى فى الركن الطبى بجد محتجلكم جامد انا الدكتور تامر مشرف الركن الطبى
|
am onlineeee
يا اهلا بييييك في اسيوط بلدك ومطرحك عل العموم انا ضفتك عل الياهو عشان نشوف الدنيا هتمشي ازااااي |
يا جماعة بالنسبة للصيدلة بتاخد من كااااااااااااااااااااااااااااااااااااااااااااااااا ااااااااااام
|
بقولكوا ايه
انا لسه فى تالته ثانوى وناويه على صيدله باذن الله بس عايزه اعرف هو فى تخصصات معينه ولو فى بيبقى من سنه كام وبعدين انا اختار ازاى التخصص بتاعى |
اولا ازيك يا جوليت
ثانيا مفتكرش في تخصصات معينة انتي بتدرسي خلال الخمس سنين كل حاجة وبعدين بتاخدي كورسات تتخصصي بيها زي sales&markting ده مبيعات وحاجات زي كده وفي industrial عشان تشتغلي في مصانع وفي clinical عشان المستشفيات وهكذا يعني بعد ما تخلصي سنين الجامعة اللي هما باذن يكونوا خمسة مش اكتر زي ناس احم:D ده لو صيدلة عادية اما في صيدلة اكلينيكية اللي اعرفه عنها ان هي بتخليكي تشتغلي في المستشفيات (بس) يعني دراستك وموادك تخليكي تشتغلي في مستشفيات والصيدلة العادية بتخليكي ب أي كورس تاخديه تشتغلي في المجال اللي انتي عاوزاه فاهمة ازي؟ اكيد فاهمة الكلام واضح:D وان شاء الله تدخلي صيدلة وتحصلي باقي الشباب:D |
طب ياريت تطمني وتطمن كل طلبة صيدلة الجدد
بالنسبة للتشريح ضفاديع فئران صراصير ارانب اسكارس |
اقتباس:
كل شويه تفكرنى |
احنا بنشتغل فى البنى ادمين :d
|
اقتباس:
وبعدين انتوا مش هتمسكوا حاجه بايدكوا لحد سنه تانيه لكن احنا بندخل عالضفادع على طول مانتوا سبع سنين بقى مش معقول هيحرقوا المفاجات من الاول كده |
من سنة رابعة هنشتغل _ إن شاء الله _ على البشر
قول يا ستير .... http://img399.imageshack.us/img399/8074/happymu0.gif |
ازيك ياجامبو انا عبير 5 صيدله انا كنت عايزة اعرف انت في سنه كام وانت اصلا من فين
|
انا جديدة ف اسكندرية وعايزة اعرف كل حاجة عن اي حاجة
السايت بتاع كليتنا كله انجليش ومش فاهمه فيه حاجة |
اقتباس:
ان شاء الله لما ترجع عضويتي القديمة بكره حتلاقي موضوع فيه كل ما يخص صيدلة الاسكندرية سؤال هو حضرتك مش من اسكندرية عشان لو عايزين معلومات عن المدينة الجامعية فاقدر اجبها لو عايزين في امان الله وحفظه ورعايته ............ احمد حسين ......... صيدلة الاسكندرية ........... |
اقتباس:
|
وانا كمان ياجماعه معاكوا في صيدله رايحه اولي باذن الله وكنت في اعدادي السنه اللي فاتت والكليه في جامعه قناه السويس في
اسماعيليه لو حد محتاج حاجه انا موجوده وشكرا عالتوبيك الحلو ده |
انا حدخل لسه كلية صيدلة القاهره لو حد يقدر ينصحنى اعمل ايه فى سنه اولى يا ريييييييييت
و بليز ساعدونى |
يا جماعه انا جالى صيدله القاهره وانا عرفت انهم لغوا اعدادى هل معنى كده انهم لغوا التشرييييييييييييييح
|
اقتباس:
لا عادي برضه حتشرح ضفادع وفئران بيضاااااااااااااااااااااااااا |
اقتباس:
لغواااا اعدادى اززاااااااااى هل ده صحيييح حد يرد ضرووورى وانا جاتلى صيدلة اسماعيلية جامعة قناة السويس يااااااااريت لو تشرحولناا ايه اللى مطلوب وهل هى سهلة والدراسة كلهاا انجلش ولا ايه النظاام ولو فى ناس معااياا يقولى علشان نبقى اصحاااب ....... |
السلام عليكم انا جديدة معاكم هنا وعايزة اسال على حاجة واللى يعرف ياريت يجاوبنى بسرعة انا خلصت اعدادى صيدلة ف المنيا بسبب التنسيق المعفن ونجحت صافى الحمدلله وعايزة احول عين شمس هينفع ولا لأ وهل لو ينفع هدرس مواد زيادة ولا ايه؟ مع العلم انى درست ف اعدادى كيمياء وفيزياء وحيوان ونبات ولغة زى عين شمس :confused::confused::confused::confused::confused: :confused: |
اقتباس:
حتلاقي فيه نمر تلفونات ومنتدى كمان ممكن تسألي هناك بس اغلب الظن اك لو حولتي حتشيلي مواد زي الرياضة ومصطلحات طبية |
السلام عليكم انا عضوة جديدة معاكم فى صيدلة جامعة طنطا وانشاء اللّة رايحة تالتة ياريت اتعرف عليكم وتابلونى معكم
|
اقتباس:
|
انانا داخل صيدلة الزقازيق ويا ريت اعرف كل حاجة عن كلية الصيدلة وطرق المذاكرة
|
اقتباس:
دور في نفس المنتدى حتلاقي مواضيع كتير جدا |
أهلا بكم
هذا الموقع الرسمى لطلاب كلية صيدلة القاهرة ممنوع وضع موقع على النتدى فى غير المكان المخصص له |
مشكوووووووووووووووووووووووووووووووووووووووور على الموضوع
|
يا جماعه انا فى صيدله عين شمس
ايمن اللى كان اسمه مذكور من صاحب الموضوع بالنسبه للناس اللى فى صيدله القاهره مش عندهم اعدادى يعنى مفيش تشريح هتتعاملو مع ضفادع و فران فى سنه تالته بس مش تشريح مش تشريح يعنى حاجات خفيفه كده تدوهم حقن و كده ايه تانى؟؟؟؟؟ اى حد عنده استفسار عن صيدله اسألو ونا هقدر اجاوبكو |
فكرة جميلة جدا
انا ف اعدادي صيدلة اسكندرية ونفسي ابقى معيدة بس خايفة من الانجليزى و الضفادع و الامتحانات الكتير اللى خايفة منها مووووووووووووت |
السلام عليكم يا جماعة...........تمام اوى الفكرة دى ............وانا اخوكم محمد سامى صيدلةاسكندرية
|
| جميع الأوقات بتوقيت GMT +2. الساعة الآن 03:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.