|
ها عملتو ايه النهاردة يا طلبة الجامعات ؟
بيتهيالي ان النهاردة اول يوم ف السنة الدراسية ف كتير من الجامعات فياريت كل اللي داخلين الجامعة جديد يوصفولنا شعورهم وايه احساساتهم اول ما دخلو الكلية وايه احلى حاجة اتميزت بيها الجامعة عن المدرسة وايه اكتر حاجة افتقدتوها من ايام المدرسة
يلا مستنية طلب رفيع لو الموضوع مكرر ياريت تضيفو الموضوع دة فيه كمشاركة ويتفتح تاني thanx |
والله يا محتاسة لسة ماروحتش الكلية
المفروض اروح بكرة إن شاء الله اما اروح بإذن الله بقى ابقى اوصفلك شعوري و احساسي و اقلك كل الي تحبيه :D و يا ريت بقى الناس الي راحت الكلية النهاردة تخش و تقولنا شعورها و احساسها :cool: سلالالالالالام |
انا ماحستش بحاجة بصراحة الا قليل من الوحدة لانى معرفش حد وماحدش من اصحابى دخل علوم
بس اول مرة اعرف ان المدرسة زى الجامعة فى الاهمال ...محاضرة الحاسب الآلى الدكتور نفضلنا علشان احنا اولى واول يوم فى الدراسة ....دكتور الفيزياء نفضلنا بردو لانها كانت محاضرة تدريبية واحنا ماخدناش حاجة فى المنهج ....دكتورة الحاسب الآلى دخلت المعمل لقيتها نايمة وعلى ما اتذكر كان فيه صوت منبعث يقال عنه بالعامية ( شخير ) وطبعا قعدت شوية عشان المعمل مكيف ...ثم خدت بعضى ومشيت بعد ما اتمشورت من قسم الفلك لقسم النبات لقسم الفيزياء ودخلت محاضرة رياضة بالغلط يعنى واضح من كلامى انه يوم لذيذ اوى اوى اوى |
ههههههههه
خلاص بقي يا ميدو :) حتخلينا اروح الكوليج وانا يائيس انا لسه حروح بكرا الدراسه بتاعتي الحد |
كان يوووووووووووم صعب
كله دودودودودودودو واول ما احضر محاضره الاقى رئيس الجامعه ونائب رئيس الجامعه والراجل العميد والنائب والكاميرات فى كل مكان تصوير فيديو ونظام طبعا حسيت انى عيله وتهت فى المنطقه:) بغض النظر عن الصداع اللى حصل لاحظت اننا دفعه لذيذه الصراحه وشكلها سنه مش هتعدى على خير وطبعا الحمد لله 3 محاضرات من اول يوم نفضت لاتنين وحضرت واحده هى اللى عامله فيا كده يعنى مش من اول يوم كده كنت محتاجه افضفض فعلا شكرا على الفرصه دى يا عسل |
يا عيييييني يا اينشتاين :(
لا حقيقي فتحت نفسييي هتخليني اقوم البس و اروح الكلية حاااااااااالالالالا خصوصا ان صحابي القريبين مفيش منهم ولا واحدة دخلت معايا :) ــــــــــــــــــــــــــــــــــ انا برضه الدراسة عندي الحد بس انتا صحيح يا اينشتاين علوم في جامعة ايه بظبط؟؟ و انتا يا ديرديفل في كلية ايه و في جامعة ايه كمان؟ و يا ريت باقي الناس يدخلوا و يوصفولنا شعورهم و احساسهم في اول يوم كلية:rolleyes: و يا ريت كمان يا جماعة كل الي يخش يقول هو في كلية ايه و في انهي جامعة يلا سلالالالالالام |
ههههههههههههههههههههههه
النهاردة كان اجازة والجامعة كانت مقفولة بالسلاسل لما اروح بقى هبقى اقول بس غالبا هتبقى معجنة..... وهرجع مطّبق وانا شخصيا مش حاسس ان فيه حاجة بكره اصلا.... اهو يوم وخلاص كله رايح يتمنظر:):d |
انا ف تب اليكس :(
يالا انتم السابقون ونحن اللاحقون بس شكلي حطنش بكرا بعد الكلام الحلو اللي سمعته دا :d |
نصيحه اخويه بلاش تروحوا اول اسبوع
مش ليه لزوم اساسا |
يا بيسو فكك
انا اخويا بقاله ست سنين مش بيروح غير يوم يسأل الامتحان امتى؟؟ ويوم الامتحان ههههههههههههههه طب ايه يا بنى بس:p |
ههههههههههه
انا حروح اشوف المدينه و اشوف الكارنيه:d واصيع شويه وبعدين ابقي اجي بس محاضرات خلاص نفسي اسدت :( |
أنا رحت لقيت المدرج إللي المفروض هاخد فيه محاضرات إنهاردة واخدة أجازة أسبوع للتطوير
والله شكلها سنة جميلة ع الآخر :d اليوم القادم الاتنين هبقى أقولكم ورايا تلات محاضرات ربنا يستر وكمان كنت ناقل المواعيد الأساسية وما كنتش واخد مواعيد رمضان :) وطوابير عشان دفع المصاريف و لفيت الجامعة كلها بقى بألقي نظرة كان يوم دميل اوي فسحة :d |
انا لسه مرحتش وحروح غدا ان شاء الله
بس متوقع مفيش جديد حروح واهه كله كده .. عادى يعنى مش رايح الجنة يعنى |
اقتباس:
ماتنسيش تدخلي برجلك اليمين |
انا علوم القاهرة...احلى حاجة انى نفضت النهاردة عشان رجليا الاتنين باظوا من اللى حصل امبارح فقلت اخدلى اسبوع اجازة كده والعلم لا يكيل بالباذنجان
|
سورى يا جماعة الواد عمرو ماكنش عمل تسجيل خروج ورديت باسمه .....
|
النهاردة يا جدعان كان اول يوم
يوم من اخنق الايام فى حياتى قمة الشلل فعلا والله كان فى محاضرتين بالظبط واحدة البيه دخل يتكلم ومحدش سامع منه حاجة زى الاستاذ الايطالى بتاع طه حسين بس ده ما كنش حد بيقول عنه:) دخل وخرج ولا نعرف اسمه ولا اى حاجة اللى عرفناه انه بيدى تفاضل وتكامل فى الاخر يعنى!!! دى اول محاضرة ....التانية كانت فاضية مفيش حد دخل قعدت العب سودوكو ههههههههههههه عرفت واحد من مصر الجديدة قعد يلعب معايا....ونخنق على بعض!! لقيت وقت المحاضرة خلص.. روحت شئون الطلبة كنت هتخانق مع الراجل بس انا قولت انا مؤدب اللهم انى صائم بصيت قدامى لقيت اتنين صحابى خدتهم وروحت....!! اول واحد اتعرف عليه سبحان الله ....دخلت سلمت وبتاع.... اسم حضرتك..ايه..؟؟ قاللى بيشوى... قولت طب الحمد لله.... وخلعت من المدرج خالص!!!! ده اول يوم واخر يوم ليا الاسبوع ده!!!! ربنا يديكوا الصحة ههههههههههههههههه |
اقتباس:
ماهو اينشتاين هيدخل ايه غير علوم :D وبعدين ماهو العيب ف الجدول ازاي يحطو اول محاضرة ف الفيزيا تدريب ، ولا يمكن تدريب على ما سبق دراسته ف ثانوي |
اقتباس:
او رئيس الجامعة واللي معاة شارينها مخصوص عشان المنظرة :cool: |
اقتباس:
|
اقتباس:
|
اقتباس:
وبعدين ف المدرسة كانو بيندهو عاللي مدفعش المصاريف ف الطابور وفضايح وكدة لكن انتو محدش هيعرف يطولكو ادفعهالهم اخر السنة واهو تبقى ضمنت حقك |
اقتباس:
|
اقتباس:
|
ماهو اينشتاين هيدخل ايه غير علوم
لا الراجل كان نفسه فى هندسة وما بقاش قدامه غير تجارة او علوم او هندسة زراعية فشاف انه يحترم نفسه ودماغه التقيلة ويدخل علوم مع انه لاخر لحظة كان بيفكر فى هندسة زراعية بس ربنا ستر والحمد لله ولحق نفسه وبعدين ماهو العيب ف الجدول ازاي يحطو اول محاضرة ف الفيزيا تدريب اه العيب فى اللى حط الجدول طبعا واللى هو انا لانى بنفسى سجلته ع النت :d معلش بقى شيخوخة مبكرة |
تانى يوم ومش فاهمه اى حاجه فى اى حاجه الحمد لله
كتبت محاضره واخدت منى سبع صفحات بالطول والعرض والاسبلينج perfect ولكن اقسم بالله ما فاهمه كلمه واحده:D وصدقينى يا محتاسه احسن حاجه اليونيفورم بتاع ثانوى ده على الاقل الناس محترمه نفسها لكن فى الجامعه مش مضمونه للاسف |
يا سلااااااااام
مش عارفه اوصفلك مشاعرى والله ... تصدقى اولا انا عايزة اعرف ايه الفايده من انهم يخلو طلبه صيدلة يدرسوا اول سنة فى علوم ؟؟؟ وما شاء الله على علوم الكس .. 100 ...100 عارفه لما التشاؤم يحل عليكى من الوهلة الاولى ... اهو ده اللى حصل غير طبعا البهدلة .. واننا نقف فى الشمس طابورررررررررررررر عشان نحضر المحاضرة ...:( وبعد ما دخلنا وقعدونا ساعه فى المدرجات العظيمة بتاعتهم دكتور الphysics ...وكمان ال language... . مجاش ده على اى اساس؟؟ والكارنيهات .. ياسلام .. مش بعد 3 ايام كده بصى الحمد لله على الكأبة اللى انا فيها دلوقتى .. واليأس.. ولا الدفعه .. 3/4 بنات والله اعلم بيهم وبالباقى .. بلاش الواحد يتكلم اكتر من كده لان الكلام بيجيب احباط:eek::eek: انا بفكر جديا احول طب ... ممكن اسمع أراءكم؟؟؟ هبـــــــــــــــــــــــــة صيدلة الاسكندرية |
يا نهار اسود على اليوم ده
بس أحسن حاجة ان قاعة المحاضرة مكيفة وفيها مكبرات صوت كتير ( الوحد تلج من كتر التكييف ) أخر روقان كانت محاضرة حاسب ألى شكلها حلو فى الاول بس مش عارف حنروح بكرة ونشوف |
يالهوي ع اللي حصل من اول يوم
الجدول بتاعي بحمد الله تعالي متواصل من تمانية الصبح لاربعه العصر المهم وانا طالع من هنا كان اتنين صحابي بيتخانقوا واحد عايز يروح المدينه وواحد عايز يروح الكوليج المهم بحمد الله تعالي اتفقوا يروحوا الكوليج لقينا عندنا محاضره فسيولوجي او هيستولوجي معلش مخدتش بالي دلخت دكتوره وقالت كلام كتير كدا مفهمتش منه حاجه والمدرج كان زحمه موت اوي وبعد كدا دخلت واحده بتاعه اناتومي "تشريح " اتكلمت ف الجينرال بيولوجي قالت برضه كلام كتير اوي بس انا فهمت كلمه skin بس الوحيده اللي عرفت اترجمها :D وبعد كدا كان فيه كيميا و حاسب وحقوق بس خلاص انا كنت جبت اخري كله كوم والمواصلات كوم تاني لفيت اليكس كلها من شرقها لغربها عشان الاقي مواصلات يعني دخلت ف 10 كيلو مشي يالا بقي كلنا لها :( |
بصي بقى يا محتاسة
الموضوع بتاعك ده جه في صالحي .....هرغي......انا بمهدلك يعني كمان مش بشوفك ع الميل..فا جرعة الرغي هتزيد حبتين :D اول يوم يا ستي في هندستنا حبيبتنا (بالنسبة لشعوري فهي وقفت..و احاسيسي انعدمت) زي ما قلتلك ان صحابي القريبين مش داخلين معايا المهم..روحت الكلية لوحدي الساعة 8 و ربع كده لقيتلك الناس واقفين بره...روحت اتزنقتلي في كام بنت كده....خير يا جماعة في ايه؟ ده المعاد نيجي 8 و نص طب ما يدخلونا جوا فييها ايه يعني..م الكلية مفتوحة اهي لا هو كده...ماشي يا عم هو كده..ادينا واقفين دخلت لقيتلك باشمهندزز واقف و حواليه بنات اد كده روحت اتزنقت وسطيهم و قعد يتكلملو شويتين عن نظام الكلية و المواد و مش عارفة ايه كده .. مخرجتش منه غير اني في مجموعة (ب) عشان ااول اسمي سين و بعدين جينا ع الساعة 9 كده و قالولنا ان في محاضرة رياضة روحنا و الراجل قعد يتكلم كتيييييير و الحمد لله محدش سمع حاجة بس افتكر في الاخر قالنا .." و كل سنة و انتم طيبين" :D (و ال ايه الراجل كان بيتكلم في مايك....اومال لو مفيش مايك هيحصل ايه؟!!) ادي اول محاضرة....يا رحييييم قولنا نحضرلنا محاضرة تانية روحنا بقى محاضرة الحاسبات و الراجل بصراحة كان لذيذ و عسل..قعد اتكلم شوية..اكتشفنا انه مش هيشرح :cool:..طلعنا الموبايلات و قعدنا نلعب فاضيين بقى :p..تقولي ايه!! جينا بقى على محاضرة الكيميا...الدكتور مجاش...مع السلامة يلا احنا كده كده مطبقين و عايزين ننام مشيينا...او بمعنى اصح...زحفنا انا حبيت بس اديكي تقرير مختصر جدا عن اول يوم ليا في الكلية :p :D طبعا تقدري تحكمي من كلامي ان اول يوم كان لذيذ جداااااااا شعرة!! طريقة كلامك كده بتفكرني بخالد الجن و تقريبا كده هو انتا بس انا بستهبل :D انتا غيرت اسمك ازاي طيب؟ |
في حد هنا في هندسة اسكندرية معايا ولا دي ممنوع الاقتراب والتصوير ولا ايه
مش لاقي حد خاااااااااااالص |
اقتباس:
وبعدين انا مش فاهم حاجة مين داخل بعضوية مين |
اقتباس:
وبالنسبة لليونيفورم فمظاهر عدم احترام النفس وخصوصا ف مدارس البنات موجودة يعني تلاقي القميص مثلا مضيق على قدهم بالضبط والجيبة شرحه يعني اللي مش عايز يحترم نفسه بيقدر يعمل كدة ف اي مكان يروحه |
اقتباس:
وانا مش فاهمة مستعجلين على الكارنيهات ليه ما تطلع وقت ما تطلع اما رايي ف التحويل noooooo مش عشان اول كام يوم ولا اول كام سنة :D تحولي وبعدين يعني هما طلبة طب مستريحين ولا ايه يا بسام ؟ |
اقتباس:
|
اقتباس:
|
اقتباس:
بس انا بقيت متفائل متفائل متفائل :D |
اقتباس:
اكيد هتلاقي :) |
اقتباس:
جبتى الخلاصة يا حبي بصراحة دفعة محترمة موووووت و الولاد مؤدبين جدا جدا كانوا بيتكلموا و رئيس الكامحة بيتكلم ما شاء الله ادب و ذوق ما علينا و تانى يوم كمان كان نفس الملل الدكتور يشرح و احنا نكتب و الحمد لله مش فاهمين حاجة و ما شاء الله الراجل مكشوف عنه الحجاب اول ما دخل عرف ان فيه واحد تجارة عربي قاعد معانا اموووت و اعرف عرف ازاى المهم نتقي شرهم بقي وخلاص ميرسي ع الموضوع يا جميل |
كوينو
شكلك معانا فى حلوان انا علمت عليكى نفس الوصف بتاع حضرتك انطبق على محاضرة امبارح ههههههههههههههههههههههههههه هههههههههههههههههههههههههههههه عموما انا فى مجموعة الف.... ما كنش يتعز :) والباشمهندز للى حوليه البنات شوفته الصراحة افتكرت البنات بتاخد منه اوتوجرافات:D كان منظركم زبالة اوى:D =============================================== اقتباس:
=============================================== ...اكيد ياسر كشك... قالكم......الصندوق اللى جنب الشاشة اسمه ايه....؟؟؟؟ ومحدش عرف صح...؟؟:D هو دكتور اول ما يتشاف الواحد يضحك الحقيقة!! الناس بتخش المحاضرة تغمس وساعات تسقى!! ============================================== حكاية تغيير الاسم دى خاصية للاذكياء فقط:D |
اول يوم شبه تانى يوم وهيبقى شبه تالت يوم اكيد ........انا مريح دماغى على الاخر بسمع الكلام من هنا ( ودانى ) واطلعه من هنا ( نفس الودان ) الراجل بتاع الفسيولوجى دخلتله متاخر لقيته بيشرح فصل النقل بتاع الاحياء بس الدكتور كان شبه ابراهيم الفقى بالملى الراجل التانى كان حاجة دوس بس بتاع اناتومى مش حاسبات قعد يقولنا لو اطعنا الراجل من هنا نصين يمين وشمال يعنى من الاخر فرتك الراجل متين حته ....هى الحاجة الرخمة ان الواحد مش عارف الكلام اللى بيتقال بيتكتب ازاى , بقى العيال اللى جمبى تكتب حاجة وانا اكتبها بطريقة تانية والخ ......بس انا والله بجد متفائل عشان الواحد اول مرة يحس ان عو عبى ولا يفهم حاجة |
السلام عليكم ورحمة الله وبركاته
ازيكم يا شباب والبنات........ عاملين ايه في الكليات ........... انا الحمد الله عرفة نتيجتي امبارح ودخلت تجارة انتساب موجه الاسكندرية ....... وليسة ما روحتش الكلية وخاايف خوووف أدخل كلية .... المهم مش هطوول عليكم...... اللي في كلية تجارة الاسكندرية ونبي يقولي عشان ادخل معاه او على اقل ابقى عارفه في الكلية اوك يا شباب والبنات يلا سلااااااااااام ســي يــو |
اقتباس:
انتا لسة بتقول.....شكلك معانا في حلواااان.............شكلك!! لو تلاحظ اني معاك في منتدى الجامعة دوت كووم و معرفة نفسي في قسم كلية هندسة صباح الفلللل يا باشمهندزز بسم الله ما شاء الله عليك..حاسب لاحسدك...قوي الملاحظة :p و على فكرة انتا مجموعة (ب) مش قالك من اول حنان في مجموعة (ب) اقتباس:
الفاظك جمييييلة اوووي.. اللهم اني صائمة اقتباس:
بس اللعبة دي عندي ع الموبيل مش هيا بتاعت الارقام من 1 ل9 دي؟؟!! اقتباس:
لالالا انتا اتحسسسسدت...انا حسدتك خلاص :D اسمه هشام كشك ها؟!! لا و بيقولها و واثق اوووي :cool: معلش بتحصل ــــــ اه سألنا ع الصندوق و قولنا سي بي يو و في ناس قالوا كيسا..و قالوهم ملقتهاش في قاموس انجلش ولا حتى عربي بس هو يعني ايه "علمت عليكي"؟؟؟؟؟!!!!!!!!! |
ايه دة ايه دة "منظركم زبالة" مش شايف انها عيب شوية ولا حاجة
وبعدين متزعلش نفسك هنبقى نقولهم بعد كدة يعملو كلية هندسة للبنات وواحدة للولاد يلا انشالله محد حوش بس واضح ان مجموعة ب اشطر مش محدش عنكو عرف يجاوب :) |
انا والله ما واخد بالى
بس ياسر كشك ......هشام ..على ..والله مش بتفرق اهم حاجة ن كشك موجودة اللفظ المعترض عليه مفيهوش حاجة .... شكلكم مش بتنزلوا شارع او انا اللى مكتر النزول |
هههههههههههه
حلو اوي الموضوع دا بتخففوا عني انا بقالي يومين مبرحش الكليه هو يوم واحد رحته وبعدين تعبت فقضيتها فالبيت خالد :d اقولك حاجه سيبك من الصداع دا |
معنى علمت عليكى....عشان التراجم بس
انى عرفت الجروب بتاعكم فمش هدخل فيه لكن للاسف طلعت معاكم:) ههههههههههههههه ربنا يجازى حنان. بقى:d عادى عادى ...هتواضع واحضر معاكم.. كل اصحابى فى جروب (ب) :):):) |
لليوم الثالث على التوازى
قمة الملل و الاستهتار و الاستهبال و الاستعباط و .......... و...و....و..... الخ الخ مواعيد محاضرات كوسسسسسسسسسة مفيش دكتور يجي ف معاده عييييب مايصحش الباشا يجي ف معاده ازاى ؟؟ ما شاء الله المحاضرة الساعة 10.30 و الدكتور جاي 11 و التانية 12.45 و الدكتور حاى 1.15 ههههههههههههه و طبعا بعد كل ده زحلقنا المحاضرة الاخيرة و روحنا والحمد لله و كل سنة وانتم طيبين :( |
اقتباس:
اليوم التاني ميفرقش كتير عن الاولاني اهو العميد دخل و قال كلمتين..و سقفنا...هيييه :D و محاضرة فيزيا ملغية...و محاضرة ميكانيكا للدردشة .. و راجعوا الكلام بتاع ثانوي و سلامو عليكم و محاضرة رسم هندسي و اسقاط فيها شوية حاجات خفيفة كده و الحمد لله قعدت ورا و ماسمعتش كويس :) اليوم التالللت محاضرة واحدة فا ماروحتش و نووووووووووووووووووووم عميييييق في الببببببيت و تصبحو على خيييير.... |
ههههههههههه حلوه اوى اليوميات دى بجد الواحد ضحكله شويه استنونى بقى على حوالى سنه ونص كدا:p ابقى اجى احكيلكم حصل ايه فى اول يوم:D ربنا يوفقكم:) سلام |
| جميع الأوقات بتوقيت GMT +2. الساعة الآن 12:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.