هام : نشرة للمتعاقدين اللى هينتهى عقدهم : يبقى الوضع على ما هو عليه
 

يا مسهل

إن شاء الله خير

بص ياعم حسن احنا من ادارة اسنا تبعكم حاليا واطلب مننا امبارح قصة محو الأمية وقالوا كلام من المحافظ واحنا سبنا الأجتماع وشتمنا مدير ادارة محوالأمية وسبنا الاجتماع ومشينا وناوين نصعد الموضوع ايه النظام عندكم

عادى زى ما توقعنا

حسبى الله ونعم الوكيل فيهم*شكلهم بيثبتونا بالكلام

ومين قال يا استاذ حسن انها بعد الامتحانات كفايه احلام بقى!!!!

انسوا انتم مش عايزين تطالبوا بحقوقكم اشربوا ولسه ياما تشوفوا الكلام ده انا نبهت عليه بس مفيش حد وقف جنبي يا جماعه والله مش هنثبت الا اذا وقفنا كلنا مع بعض وطالبنا بتطبيق قانون 155 لسنة 2007 مش اكتر من كده والا يبقي ايه فايدة القانون خليكم بالعقد علي فكرة انتم نفذتم كل حاجه طلبوها والوقت التلكيك بقي علي محو الاميه لانهم عارفين ان ده موضوع صعب ومحدش هيقدر ينفذه وحسبنا اللهة ونعم الوكيل في كل مدرس مساعد يعمل محو اميه يا اخوانا انتم مش واخدين بالكمن من حاجه انه كل ما هتعمل محو اميه مش هيسيبك في حالك شهر او اسبوع ويقوةلك اعمل تاني واللي هتعمله مش هيتحسب فدي قصه انتهت من زمان واعمل وجرب وشهر وهيقولك لا ده كالن بتاع السنه اللي فاتت وبعد كده لازم تعمل تاني واكيد انتم ملاحظين الحكايه دي حتي لو محيت 10 برضه هيقولك امحي تاني يعني مش هتهرب منه حتي لو عملت وقول المعلم الحزين مقلهاش يعني لو عملت او معملتش حبيبك مش هيسيبك

حسبي الله ونعم الوكيل

ايام قلائل مش عارفين قلائل دى بكام سنه عندهم؟!!!!!!!!111

للاسف بقالى كتير مش بدخل على المنتدى لان لقيت عدم مصداقية فى اى خبر بيتكتب او بيتقال وكل الاكلام شبه بعضة يعنى مفيش جديد بس كنت متوقع ان يوم مهدخل علية هلاقى خبر مفذع وادينى لقيته كدة بانت النيه بتاعت الثبيت هيخترعوا بند جديد فى القانون علشان منتثبتش وهو مد التعاقد لسنة رابعه حتى يقوم كل معلم مساعد بمحو امية عشرة اشخاص وهى دى النية من البداية خلينا كدة نتفرج على خبتنا من ورا شاشات الكمبيوتر ياخو فى يابدرانمن اللجى

يحلو بانت لبتك
ههههههههههههههههههههههههههه

كلامك صح يامروة

والله كلامك صح مليون فى الميه

احسن حاجة : ان شاء الله خير

مفيش جديد بالنسبة لموضوع محو الأمية لا حد كلمنا او طلب مننا حاجة
لا جديييييييييييييييييييييييييييييد

السلام عليكم
انا مش عارف انتم مستعجلين لية وشغلين نفسكم اكتر من اللازم بموضوع التعيين دة ، الوضع هيفضل كدة لحد ما ربنا يسهل
لا تنسوا ايام الاجر عندما كنا نقول امتى العقد
الان نحن بالعقد ونقول امتى التعيين كل شىء بميعاد
لن يستطيع احد فى مصر تحمل مسؤلية عدم تعيينا او حتى عدم استكمال تعاقدنا الى اجل غير مسمى حتى لو فضلنا تعاقد مرتبنا هيزيد واجازتنا ستكون مثل الاساسى دة القانون الجديد
انا اريد التعيين امس قبل اليوم وغد ولكن كلامى الكتير مش هيقدم ولا هياخر احنا اتكلمنا كتير طول السنة اللى فاتت عمل اية الكلام ولا شىء .....
لو كنا عايزين نعمل حاجة كنا عملنا لكن احنا من ضمن الشعب المصرى كثير الكلام قليل الفعل
تخيلوا لما يبقى فى ما لا يقل عن 100 الف معلم مساعد يعملوا واقفة ولو يوم واحد فقط امام وزارة التربية والتعليم كان ممكن دة يحرك المياة الراكدة ولكن مسئولين الوزارة شايفين اننا بنتكلم وبس فهما يقولوا اية سيبوهم يتكلموا
يا جماعة ان شا ء الله هنتعين لكن امتى فى علم الغيب يمكن فى عيد المعلم او اثناء الحملة الرئاسية والترشيح للرئاسة علشان يبقى كارت فى ايد ....
ربنا يكرم ويكون فى اقرب مناسبة

وبعد مناخد العرضة ايه يعنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ولا حاجة

عقد مدرس مسعاد = متعاقد سلبي

نستاهل إحنا إلي راضيين بالزل

حسبي الله ونعم الوكيل

هههههههههههههههههههههههههه

ليه الضحك مش عارف

تفاصيل عن النشرة :
بتقول ان : الادارة ارسلت أكثر من مرة الى الوزارة تستعلم عن وضع المتعاقدين الذين سينتهى عقدهم فى 31/12/2010
و إلى الآن لم يأتى رد من الوزارة
لذلك يستمر المتعاقدون فى أعمالهم حتى الانتهاء من الامتحانات حتى لا يؤثر ذلك على سير امتحانات نصف العام
بس كده
و ده معناه ان الادراة اصلاً مش عارفة ايه الوضع و بتتصرف من دماغها لأن بعد 31/12 و انتهاء العقد يصبح حضورنا الى المدارس بصفة غير رسمية و طبعاً هما عاوزين يستغلونا فترة الامتحانات
و كمان وضعنا ده هيؤثر على عملية الانتداب الى امتحانات الصف السادس
و الادارة طبعاً مش هتنتدب اللى عقدهم انتهى
المهم ربنا يفرجها بالتعيين يا رب