|
اضراب اول يوم فى الاختبارات
اظن الموضوع واضح من عنوانه
نتفق كلنا على اضراب اول يوم فى الاختبارات وتكون دى اول مره ندافع بيها عن حقنا المسلوب من سنين ويا ريت اللى يدخل ياخد عهد على نفسه قدام ربنا وقدامنا انه ينفذ سيبكوا بقى من كلام قيل وقال احنا بقى لنا شهور بندخل هنا نقول كلام ونخرج من المنتدى وخلاص خلونا ولو مره نعمل حاجه ارجو التفاعل والردود شكرا |
والله ما انا رايح
بس لما نشوف الرجاله هتعمل ايه ؟ انتم جيتوا في جمل |
بارك الله فيك ياريت الجميع يساند فى هذا الموضوع علشان نعرف راسنا من رجلينا
|
وانا مش رايح المدرسة انا كمان
|
اول يوم ف امتحانات النقل بيختلف من محافظة للتانية
|
اقتباس:
|
هو الكلام ده يكون معقول ومحسوس علي مستوي الجمهورية لو امتحانات النقل كلها في يوم واحد لكن للاسف كل محافظة تختلف عن الاخري في ذلك هو ممكن يكون هناك أكثر من اقتراح اخر بديل عن ذلك الاقتراح : ممكن مثلا نقلل من جهدنا الذي نفعله في الاختبار مثلا نقرر السنه دي عدم الدخول في الكنترولات او نمتنع عن التصحيح ونكتفي بالملاحظة وكلوا ده علي أد فلوسهم اللي بيدفعوهلنا ، ممكن كمان نضحي في كام جنية ونبعت فكسات لمكتب الوزير لسؤاله عن سبب تأخير التثبيت ، ممكن واحد واصل بينا يتكلم عن مشكلتنا لاحد الصحفيين ويكتب عنا
|
ياريت والله أى اقتراح بس نعمل شىء مايكونش كلام وبس زى كل مرة*وربنا يوفقنا
|
ياريت والله نعمل حاجه فعلا مش مجرد كلام على النت ومفيش حد حاسس بينا لاننا بجد تعبنا ويتم تحديد ميعاد فعلى والاعلام يعرف كده مش كله يغيب وكانه شئ عادى
|
والله فربت اتجنن منكو!!
فين حسن الظن بالله ..... |
اقتباس:
|
انا عندي حل كويس
|
تلاته اربعه هما اللى هيعملو اضراب و هيتشطب عليهم عارضه او يتحولو شئون قانونية لو اتكتب فيهم مذكرة ان غيابهم عرقل الامتحانات
معلش بس دى الحقيقة |
اقتباس:
|
طب وبعدين ،مش ده الحل ، يفسخلك عقدك ويشوف غيرك والناس كتير ، مفيش حاجة تقولها سوي " حسبي الله ونعم الوكيل"
|
اقتباس:
|
يا جماعة دا وزير مش حاينفع معاه الا الاعلام واحراجه امام الحكومة والرأي العام ولو احنا اتجمعنا وعملنا وقفة احتجاجية سلمية بالافتات وبدون تعطيل العمل علشان الناس تتعاطف معانا بس تكون ايام الامتحانات فعلا علشان تسمع وتعمل ضجة وتكون علي مستوي الجمهورية فيوم واحد بيتهيألي ده حيكون مؤثر
|
وانا من الصعيد ومعاكم
|
فين الردود
فين المشاركة دلوقتي اظن عرفت انكم مجموعة تتسللي من خلف الشاشات |
حيجيبوا بتوع الأجر وبلاش منك ، وتتحول للتحقيق
|
يا رجالة اظن الوزير والحكومة قالتها بلسانها 43000 معلم مساعد يعنى العدد ده كافى لعمل عجز كامل فى التربية والتعليم وشلل كمان لو كله اتفق على ميعاد واحد ومقاطعة واحده وبعدين ورونى هايجيبو العدد ده منين تانى علشان يسدو العجز دا احنا فى مدرستنا اتنين مدرسين نقلو مدير المدرسة والادارة بتلف حولين نفسها علشان يظبطو العملية ومش عارفين انما لو غاب 43000 يبقى التربية والتعليم قول عليها السلام
|
انا رأئ ان احنا نعمل مراكز قيادية لنا تتكلم عننا ويبقوا هم اللى يوصلوا رسائلنا للحكومة ويبقى الكلام اللى يقولوه على المشورة منا ولو نتخذ قرار يبقى قرار واحد ويكون سيف يمشى على الجميع ومع بعض الضجة الاعلامية هاتكون احسن وتتحول قضيتنا الى رأى عام وبعدين احنا عددنا مش قليل دا احنا المفروض نعمل نقابة لواحدنا ونسميها نقابة المعلم المساعد
|
بس لازم نمل غطاء او مظلة اية يعنى واحد مايروحشى عادى
|
اقتباس:
|
انا معاكم اي اتفاق موافق عليه
|
خلاص انا شايفه كلام جميل اوى بس التنفيذ
|
والله الحكومة حتفرح وتنزل علينا الخصومات ترف وخاصة مكافأة الامتحانات اللي عمركم ما انتم شايفنه لو حصل اللي في دماغكم
رجاءً تفكروا في حل قانوني افيد لنا كلنا |
لقد اسمعت لو ناديت حيا ..... ولكن لا حياة لمن تنادى
لقد اسمعت لو ناديت حيا ..... ولكن لا حياة لمن تنادى
انا طلبت من الاخوة قبل كده و ناديت بموضوع الاضراب بس ولا حاجه بمعنى كلمة ولا حاجه ابوسيف |
كل سنة وانتم طيبين انا قبل كدة دعوت الى وقفة امام وزارة التربية والتعليم العام الماضى للمطالبة بحقوقنا وحددنا معاد واخدت صحفية معايا وللاسف كنا ثلاثة معلمين مساعدين فقط عظيمة يا مصر
|
على فكره الناس اللى بتدخل تحبطنا دى بلاش ردودها
|
اقتباس:
|
بصوا يا جماعه الاضراب مش هو الحل لان اغلب المحافظات مش تتفق فى امتحانات النقل بساحنا نعمل وقفه نتفق على يوم كلنا نروح فيه للوزاره ونتكلم ونتجمع هناك ونعمل لفتات الاعلام هو اللى هيجى لغايه عندنا
|
انا موافققققققققققققققققققققققققققققققققققق
|
اقتباس:
|
السلام عليكم ورحمة الله وبركاته
يا جماعة الكلام اللي بتقولوه ده محدش هاينفذه فياريت بدل من التفكير في موضوع يضرنا نفكر في حاجة كويسة نعرف اذاي نجيب بها حقنا فمن الممكن ان لو حصل اضراب في وقت الامتحانات يفسخوا العقد لكل اللي غاب وساعتها مش هاتاخدوا حق ولا باطل فياريت يكون عندنا ايمان بالله وان نعرف ان الرزق بيد الله وان نثق بان الله كتب لكل واحد رزق لن ياخذه غيره وياريت كمان نتحكم في انفعالاتنا ونصبر ولا نكون سريعي الغضب وانا اسف للاطاله ولكن ده للمصلحه العامه |
شفتم الي بيحصل الترم ده بتععوااااااااااااااا الحصة هيشاركوا في الامتحانات يعني بينا او بغيرنا هيمشي العمل
|
الموضوع عايز تنظيم لعمل مقابلة مع الوزير بتاع التربية والتعليم والقوى العاملة
|
أنا معاكم ولكن مفيش فايدة إلي عوزين يعملوه بعملوه:049gc0:
|
| جميع الأوقات بتوقيت GMT +2. الساعة الآن 12:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.