|
حتطلق بكره بسبب التعيين ارجو المساعده
زوجي يعمل بالسعوديه وليس له وظيفه هنا وربما يترك عمله بالسعوديه ويرجع في اي وقت ويريدني ان اترك عملي كي ارعي طفلي وحلف علي ان ذهبت للشغل الاحد غدا او اي يوم فانا طالق وانا لا استطيع ان اترك عملي فماذا افعل فبمجرد دخولي المدرسه اكون طالق ارجو من اي شخص لديه حل ان ينجدني بالله عليكم وزوجي مصر علي ذلك وانا لن اتخلي عن التعيين فمابقي الا القليل علي التعيين ماذا افعل ارجوكم حل بسرعه
للعلم انا حائض هل يجوز هذا اليمين |
أطيعي زوجك وبعدين الشغلانة ما يتبكاش عليها ربنا يبارك لك في زوجك وأولادك
|
لاحول ولا قوة إلا بالله العلي العظيم
مش عارف الناس جرالها أيه سعودية أيه وغربة أيه ياست الكل اسمعي كلام زوجك ومتروحيش المدرسة وربي طفلك وأسألي شيخ هوه يفيدك ياعني أنتي لو متثبته كان هيقولك نفس الكلام أكيد وظروفكم أنتم أدرى بيها ربنا يهدي سركم آمين |
اختى حاولى اقناع زوجك واطلبى من اهل الخير ان يتدخلوا
وان كان لابد خدى اجازة مرضى وابعتى تلغراف بذلك |
هى دى مشكلتنا كلنا يا اختى
اقولك روحى وبعدين بلغى مرضى من هناك ووثقيها من السفاره هناك ومن القنصليه علشان لو رجعتى فى اى وقت وحصل تعيين ترجعى بالقانون انك كنتى مبلغه مرضى ومش تنسى تاخدى اجازه اعتيادى قبل ما تسافرى |
الله يخرب بيت التربيه والتعليم على الدوله اوووووووووووف دا الواحد زهق ربنا ياخدهم
|
زوجي حالف علي شغلي نهائي وبعدين هو مش ثابت في عمله بالسعوديه وعليه ديون وانا محتاجه مرتبي وماحدش من اهله عارف يقنعه مش عارفه اعمل ايه لو حد يعرف يفيدني ارجوكم
|
اقتباس:
اصبري يامس والله هتتعينوا بسي أمته دي المشكلة ربنا يصبركم آمين |
طاعة الزوج واجبه طالما فى غير معصية الله
وممكن تبلغى مرضى وما تروحيش المدرسه ولو حصل جديد وتم التثبيت ممكن الامر يتغير وبكده لا تخصرى لا ده ولا ده والله المستعان |
اقتباس:
والله العظيم دي مأساه انا كنت قولت كده لزوجتي بسي ماقولتش إذا رحتي بكره أطلقك لا لغة الحوار بيننا أرقى من ده مع الأسف زوجك متسرع لا قولتها سيبي المدرسة ولدلوقتي هيه متمسكة أختي أسأل الله أن يهديلك زوجك بسي لو صمم دا حقه ونفزيله مايريد وهوه حر |
1- والله يا اختي حاولي انك تقنعيه عن تعديل رأيه
2- او شوفي اي قريب او شخص كويس ممكن يساعدك في المهمة دي 3- اذا لم يحصل انه وافق خدي اجازة اعتيادية 4- اذا خلصت وجوزك لسه مصمم على رأيه .... اسمعي كلامة طبعا وطزززز في الشغلانه دي وربنا يهدي الاحوال 5- بالنسبة للمتعاقد الحزين ده يا ريت المشرفين يعملوله ايقاف نهائي لاننا لانقبل بهذا المستوى من القذارة والزبالة في منتدانا المحترم حيث اننا كلنا هنا اخوة بدليل ان هذه الاخت حكت لنا عن مشكله شخصيه لاطمئنانها انها بين اخوانها واخواتها |
هام جدا
انا والله من رأيي ي ا استاذه انك تطلقي وتروحي تقعدي عند اهلك وتفضلي تروحي المدرسة وبتدخل الاهل ان شاء الله تتصالحوا تاني ويرجعك بس انتي كمان لازم تفهميه ان الشغل ده حياتك ومستعدة لما تتثبتي انك تاخدي اجازة بدون مرتب عشان خاطر رضاه فقط وانه كده طلب منك طلب فوق طاقتك مع العلم ان شغله هو كمان مش مضمون اوي وربنا يوفقك وانا مش بقويكي بس والله هو ده اللى انا شايفه صح من وجهة نظري اللى ممكن يختلف معايا اي حد تاني فيها وفهميه ازاي تضيعي خمس سنين من عمرك او ايا كان المدة اللى قضتيها عشان خاطر كلمة منه وان ده كان أمر مجحف اوي لانسانيتك وكيانك وشخصيتك وربنا يوفقك
|
اقتباس:
اما راي انا فأنصحك بأخذ اجازة عارضة تحاولي خلالها اقناع الزوج بصحة فكرتك بأن التعيين قادم بوعد من الوزير وان هذه الفرصة لن تعوض اذا ذهبت وتركت العمل وتدخلي اصحاب المشورة في اسرته لاقناعه برجوع عن قراره المتسرع .، واذا لم يقتنع فاطيعي زوجك فالاسلام دعا المرأه الي ذلك حتي ينشأ طفلك في جو مستقر والله الموفق |
انا معك يا حج خالد والله لازم يكون فيه معامله احسن من كده
|
اقتباس:
|
اقتباس:
|
مفيش اجازات عارضه ولا مرضي خلال الامتحانات ماذا افعل
|
اقتباس:
انا اوافق علي هذا الراي |
انا قلت اللى يرضيني من ربنا وخلاص وانتي حره بقى
|
عليك بسؤال احد العلماء الافاضل زى امانه الفتوى بيكونوا موجودين فى اى منطقه ازهريه او اى شيخ تثقى فيه واشرحي له الموقف كما هو
وادعى ربنا سبحانه وتعالى ان يهدى لكى زوجك وعليك بطلب المساعده من اهله واهلك ايضا او من اى شخص له تاثير عليه دا فى الاول والاخر عملك وانتى انسانه لكى حقوق وما دام ارتضى العمل من الاول يبقى عليه الانتظار قليلا اقنعيه انك كلها ايام وتتثبتى بفضل الله وتاخدى اجازه انشالله لمدى الحياه اخيرا انتى عارفه زوجك اكتر من اى حد واستخيرى ربنا فيما تفعليه وزى ما الاخوه قالوا ممكن تاخدى اجازه اعتيادى 21 يوم او تبلغى مرضى لحد ما تشوفى حل لكن مينفعش تروحى المدرسه حتى لا يقع الطلاق لانه معلق واتمنى من الله ان تكون نيه زوجك مش الطلاق وتكون التهديد فقط اسال الله ان ييسر لكى الامر |
اقتباس:
لكن بلاش كلمة مجحف اكيانك وشخصيتك لان الرجالة مبتحبش كدة |
انا قصدي كلام المصري صح لكن ربنا ما يجيبب طلاق
|
عندك حق بردو يا رضا الوادي وانا اوافقك الرأي يا ستي حتى لو تاخدي اجازة ويخصموهالك بس اتكلمي مع مدير المدرسة وربنا يسهل
|
ربنا معاكي
|
اقتباس:
|
بصى روحى المدرسة واؤكد لك حتى ولو طلقك رايح ييجى لحد عندك ويرضك والا محكمة الاسرة تخرب بيته
|
اقتباس:
|
على فكرة يا أبلة بدون زعل السؤال ده مش هنا مكانه انتى كنتى بعتيه فى اى منتدى فتاوى مثلا . بدل ما تسمعى تعليقات بايخة من امثلة ( الحزين ) ده . وبعدين فى الاول و الاخر دى حياتك و انتى اكتر واحدة فاهمة جوزك و خدى بالك العند ماينفعش فى المواضيع دى و الزوج مكرم فى الاسلام و طاعته من طاعة الرب
|
اقتباس:
|
اقعدي في البيت واسمعي الكلام انا هعملها من نفسي احنا الدولة مسحت بكرمتنا الارض يارب اهلكهم
يعني ايه تعاقد لمدة 7 سنوات اصبحنا مثل فلسطين والدولة مثل اسرائيل عازين نعرف مصرينا ايه |
اختى اولا طاعة الزوج لابد منها طالما فى غير معصية الله وبالنسبة لموضوع طلاقك منه انتى ممكن تعملى اجازة من بكرة مرضية وبعدين بالعقد لكى اجازة اعتيادية لمدة 15 يوم او ممكن تتصلى بمديرالمدرسة وتفهميه الموضوع وانه يحاول ميحسبش الايام اللى هتتغيبى فيها عن المدرسة وانتى خلال هذه الفترة حاولى ان تقنعى زوجك ان التعيين قادم وبعد التعيين ممكن تاخدى اى اجازة لرعاية طفلك وحاولى باسلوب حسن وباقناع ان تجعلى زوجك يفهم هذا وربنا يوفقك الى ما يحب ويرضى وعسى ان تكرهوا شيئا وهو خير لكم والله اعلم
|
هناك غموض
اقتباس:
بسم الله الرحمن الرحيم يا جماعه الحكم على الامور مش يكون بالشكل ده في اساله كتييييييييييييييييييييير و الموضوع فيه غموض اولا : ما السبب الحقيقى رواء انه قالك تعدى و مش تروحى المدرسة ؟؟ و لو كان الطفل طيب هو فين من اول ما الطفل دا اتولد ؟؟ ثانيا : دى اول مره يقولك زوجك فيها سيبي شغلك ولا المره الكام ؟؟ و اشمعنى فى الوقت ده اختاره لتتركى عملك و حلف بيمين الطلاق ؟ و هل زوجك دايما بيحلف عليك بالطلاق ام دى المره الاولى التى يستخدم فيها يمين الطلاق تحديدا ؟ ثالثا : حضرتك متزوجه من كام سنه ؟ يعنى من قبل اما تشتغلى ولا هو واخدك شغاله ؟ لما تجيبى على هذه الاسئله باذن الله سوف اعطيكى الحل القاطع فى هذه المساله و قبل كل شىء استخيرى الله سبحانه و تعالى |
اقتباس:
انتى حاولى مع جوزك وخلى اى حد ممكن يسمع كلامه يقوله وخدى اعتيادى زى ماالكل قاللك بس لو هو مقتنعش وصمم على رأيه لازم توافقى دى طاعة الزوج من طاعة ربنا بس تقوليله بقى مادام هسيب شغلى يبقى واجب عليك تكفى كل طلباتى انا وابنى كأنى بشتغل واكتر اعمليها بنية طاعة الزوج وطاعة ربنا من ترك شئ لله عوضه الله خير منها لو عملتى كده عشان ربنا هو اكيد هيحلهالك من عنده بأذن الله وربنا معاكى |
سئل النبى صلى الله علية وسلم أى الناس اعظم حقاً على المرأة قال زوجها
فطاعة الزوجة لزوجها واجبة فى غير معصية الله ايتها الأخت الفاضلة اطيعى زوجك فيما يريد هو اعلم بحالة منكى قال الله تعالى وقرن فى بيوتكن |
يأختي بارك الله فيك
الإنسان منا لا يدري أين الخير.....؟ ( وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ ) وفي رأيي عدم شغلك أهون من كونك مطلقة ، وخصوصا في زماننا هذا فارضي بما قسم الله لك واهتمي بأبنك الذي هو الضحية في أي أمر ومع ذلك خدي بالأسباب وحاولي تشوفي حد يخدمك ويحجزك في مستشفى حكومي ( ولو ودي ) وبلغي مرضي وتأكدي أن كل ده محنة وامتحان من الله سبحانه وتعالى وزوجك أكيد في توتر الآن وحاولي تقفي بجانبه ( وأنا متأكد أنه هيرجع عن هذا بعدما يتأكد من تفضيلك له عن أي شئ آخر ) وربنا يكرمه ويسدد ما عليه ( صلي وادعيله ، واحتسبي كل ما تفعلينه عند الله لأن طاعة الزوج واجبة ) وتأكدي أن الحياة الزوجية أرقى من مجرد عمل أو وظيفة ،ولا مجال فيها للعناد قال تعالى ( الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا ) أتمنى أن تكوني من الصالحات وبارك الله فيك |
خدى اجازة عمرة هتبقى شهر وبعدها لو حصل تعيين جوزك مش هيمانع ولة محصلش يبقى مخسرتيش حاجة والله اولادك اهم
|
اقتباس:
|
اقتباس:
على فكرة يااستاذة اميمة اختى راحت عمرى من كام شهر ولقت ان مفيش حاجة اسمها اجازة عمره اصلاااااااااا فى اجازة حج اما عمرة لا بس هى بقى كان حظها حلو وكان اجازة اخر السنة والمدير كان كويس معاها ومحسبش الايام دى اجازة عشان كده كده كنا كلنا مأجزين فى البيت |
قريت ردود غريبة اوووى يعنى ايه تتطلق وعشان ايه عشان 300 جنيه متاسفة فى اللفظ ايه الخيابة دى وايه النصايح دى دى الناس بتتطلق عشان اسباب جوهرية مش حاجات هايفة مثلا مبيصرفش على البيت - بيضربها ويهنها باستمرار - مش عاوز يخلف - بيعمل حاجات بتخالف الدين ولا يمكن السكوت عليها كالزنا------ انما الست تطلب الطلاق عشان العقد المميز طيب ما يروح فى الف داهية وهتساوى ايه لو بقت مطلقة ومتثبتة وعاها طفل هتقوله انا سبت باباك عشان 300 جنيه *** حرام والله يا جماعة الجواز حاجة اكبر من كده بكتير الجواز ده صخرة بتتكسر عليها خلافات ومشاكل كتير عشان العيال السبب الاساسى مش العقد والكلام الفاضى ده امال لو كنتى وزيرة بقا وقالك اقعدى من الشغل كنتى رفعتى عليه قضية حجر فوقى فوقى فوقى جوزك وابنك اهم وممكن ربنا يعوض عليكى باللى احسن من الف عقد وبعدين امسكى العصاية من النص لحد ما الفترة دى تعدى وهى الامتحانات والاجازة ايه وان شاء الله هتبقى كويسة . ربنا يهديكى له ويهديه ليكى. وهو برده اكيد مقلش كده الا لما لقى ابنه متبهدل . اعذريه.
|
يأختي بارك الله فيك
الإنسان منا لا يدري أين الخير.....؟ ( وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ ) وفي رأيي عدم شغلك أهون من كونك مطلقة ، وخصوصا في زماننا هذا فارضي بما قسم الله لك واهتمي بأبنك الذي هو الضحية في أي أمر ومع ذلك خدي بالأسباب وحاولي تشوفي حد يخدمك ويحجزك في مستشفى حكومي ( ولو ودي ) وبلغي مرضي وتأكدي أن كل ده محنة وامتحان من الله سبحانه وتعالى وزوجك أكيد في توتر الآن وحاولي تقفي بجانبه ( وأنا متأكد أنه هيرجع عن هذا بعدما يتأكد من تفضيلك له عن أي شئ آخر ) وربنا يكرمه ويسدد ما عليه ( صلي وادعيله ، واحتسبي كل ما تفعلينه عند الله لأن طاعة الزوج واجبة ) وتأكدي أن الحياة الزوجية أرقى من مجرد عمل أو وظيفة ،ولا مجال فيها للعناد قال تعالى ( الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا ) أتمنى أن تكوني من الصالحات وبارك الله فيك |
اقتباس:
|
اقتباس:
وانا معاكى بجد محدش يعرف قيمة الحاجة الا لما تروح منه المفروض الاخت تشكر ربنا على اللى هى فيه وعلى نعمة الابن اللى ربنا رزقها بيه وتحافظ على بيتها وجوزها عشان خاطر فلذة كبدها اللى هو نور عينيها ربنا يهديها للى فيه الصالح ويبعد عنها اولاد الحرام ويبعد عنها الشيطان ووسوسته |
كل اللى يدخل يقولها اتطلقى ياجماعة فى ايه
محدش حط نفسه او اخته او بنته مكانها بقى الشغل ابقى ولا البيت الهادى دى راحة البال وهديان السر بالدنيا واللى فيها والله يغور الشغل اللى مش بيكفينا مواصلات ده ولا جايب همه اصلا وبكرة ربنا يسألك على ابنك وجوزك الامانة اللى ربنا عطهالك هل هتبقى اد تحملها ولا لا |
اقتباس:
شكرا ياغاليه بارك الله فيكي دا كلام الناس العاقلين |
يا سيدتي أنا مسافر بره و زوجتي في نفس الموقف
بس الواحد لازم يكون عنده رؤية يعني صبر كل اللي فات و جاي لما خلاص هانت و قربت و يحلف لابد من حل آخر غير إنك تسيبي شغلك ما هو حرام برده تسيبي الأيام و السنين اللي اتعذبتيها في سفر و مواصلاات و حرقت دم و في الأخر تسيبي تحقيق حلمك و هو على بعد خطوة هو أناني جدا لأنه لم يراعي شعورك و اعتقد ان أهلك و الناس العاقلين من حواليكم ممكن يجدوا حل للمشكله دي و الله المستعان . |
اسمعى كلام جوزك ونفذى كلامه
كفاية حرقة دمه فى الغربة عليكى وربنا يصلح الحال |
بصي انا رأيي انك تهدي وماتروحيش المدرسة بكرة ولو ليكي عارضة واتشطب عليكي او هتتحولي للتحقيق مش مشكلة وانا مع زوجك من حيث ان الطفل بيتبهدل خصوصا في السن الصغيرة لكن ما كانش لازم توصل الامور لهذا الحد بينكما ولكن انت عندك قضيتين انه حلف بالطلاق دي لازم يتوقف عندها اما القضية التانية انه فعلا مايصحش هو يعيش في بلد وانتى في بلد هذا في الشرع اسمه ايلاء والطفل ده حرام يتبهدل بحجة العمل اما مسألة الرزق والديون دي بيد الله تعالى والرزق مش بس فلوس ومرتب ومعاش لو عاوزك تخدي ابنك وتروحيلو خدي اجازة اعتيادي وسافري ان ماحصلش حاجة يبأى خسارة تخسري بيتك علشان وظيفة مش باقية عليكي وعموما اسالي شيخ عن موضوع الطلاق ده وربنا معاكي انا شخصيا هعمل كده ولو هتكون تضحية فانا ام وزوجة ولا مانع لدي ان اقوم بالتضحية لان وضعي كام وزوجة يتطلب مني هذا واكثر وورقي حاليا متعطل من السفارة فاحمد الله الى ان تنتهي فترة الامتحانات
|
وبعدين تطلقي فين على شان مين ووبعدين مدير الشئون القانونية في منطقة الازهر بقوله احنا لنا تعيين بحكم القانون ولنا اجازة رعاية طفل بحكم القانون قال لي قانون ايه اصلا فيه تعديل للقانون كله في شهر اربعة واللي سمعتوه حاجة واللي جاي حاجة تانية. حللللللللللللللللليني بأة دي لعبة كبيرة ماتستاهلش انك تخسري بيتك علشان ناس انتي اصلا مش في دماغهم
|
معلش
الصبر يا اختى |
يا جماعة اللى ايده فى المية مش زى اللى ايده فى النار
اختى الفاضلة حاولى تقنعيه تانى وتالت ومتيأسيش .. حاولى تفهميه ان القرشين اللى بييجوا اخر الشهر بينفعوا فى تربية ابنك .. على كلامك انه ملوش وظيفة فى الشعودية وبالتالى اكيد مش بيبعت لك مصاريف لابنك .. وحاولى تفهميه تانى انك اكيد عارفة توفقى بين شغلك وتربيتك لابنك بالراحة كدا والله .. الاسلوب البسيط مفيش احسن منه .. وحاولى بردو تفهميه ان مفيش بديل عن الشغل علشان تقدرى تصرفى على ابنك .. لو قدر هو يبعتلك فلوس او حد من اهله يتكفل بالطفل .. خلاص مفيش مشاكل .. غير كدا فهميه بالراحة بس انك محتاجة مرتبك علشان مصاريفك ومصاريف ابنك .. وقوليله شغلك ولا تمدى ايديكى للناس علشان تربى ابنك .. خلى كلامك باسلوب بسيط وقنع علشان يقدر موقفك .. وصدقينى العند ولا الصوت العالى بيحل مشاكل وان شاء الله ربنا يهديه ويقتنع ويرجع عن اللى فى دماغه ... والله المستعان ويارب يهديكم لبعض ويهدى سركم .. وياريت الناس كلها تدعى لها |
| جميع الأوقات بتوقيت GMT +2. الساعة الآن 11:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.