من يريد ان يكون عملاق فى حاصل الاذابه يتابع معى
 

تنقسم مسائل حاصل الاذابه الى ثلاث اقسام رئيسيه هى
1- يعطيك فى المسئله درجة الذوبانيه بالمول / لتر او بالجرام / لتر ويطلب منك حساب حاصل الاذابه Ksp
2- يعطيك فى المسئله Ksp ويطلب منك درجة الذوبانيه بالمول / لتر او بالجرام / لتر
3- يعطيك فى المسئله تركيز احد الايونات ويطلب منك حساب حاصل الاذابه Ksp او درجة الذوبانيه سواء بالمول / لتر او بالجرام / لتر
----------------------------------------------------------------------------------------------------------
كل يوم ان شاء الله نشرح جزئيه منهم لاننى لااستطيع شرح الثلاث حالات مره واحده
اولا حساب Ksp بمعلومية درجة الذوبانيه بالمول / لتر او بالجرام / لتر
ركز اذا اعطاك فى المسئله درجة الذوبانيه بالمول / لتر يبقى كده تمام ولكن اذا اعطاك فى المسئله درجة الذوبانيه بالجرام / لتر يبقى مينفعش تستخدمها فى المسئله بالجرام / لتر يعنى لاذم تحولها من جرام / لتر الى مول / لتر
طب اذاى
مثال - ملح كلوريد الخارصين Zn Cl2 درجة ذوبانيته 1.5 × 10 اس سالب 3 جرام / لتر فكم تكون بالمول / لتر
الحل بالقانون التالى

درجة الذوبانيه بالجرام / لتر
________________________ = درجة الذوبانيه بالمول / لتر
كتلة المول من الملح

ياريت تحفظ القانون ده كويس لانه هو اللى بيحول درجة الذوبانيه من جرام / لتر الى مول / لتر والعكس

درجة الذوبانيه بالجرام / لتر
_____________________= درجة الذوبانيه بالمول/ لتر
كتلة المول من الملح

1.5 × 10 اس سالب 3
______________________= 109.9 × 10 اس سالب 7 مول / لتر
136.4 كتله المو ل من الملح

ياريت يا جماعه عدم الاستعجال ان شاء الله كل يوم هكتب شوية شرح بس ياريت تفهموهم وتحفظوهم كويس وتطبقوهم مره اخرى بالاله الحاسبه وبعد اسبوع ان شاءالله هتكون عملاق فى مسائل حاصل الاذابه
نلتقى غدا باذن الله
مستر عبد الناصر صديق

بارك الله فيك

مشكوووور استاذى
وجزاك الله كل خير

هنا تلتقى الاحبه
حساب حاصل الاذابه بمعلومية درجة الذوبانيه سواء بالمول / لتر او بالجرام / لتر
مثال - ملح كلوريد الخارصين Zn Cl2 درجة ذوبانيته 1.5 × 10 اس سالب 3 جرام / لتر احسب قيمة حاصل الاذابه له
الحل يتم الحل بطريقتين مختلفتين ياريت تركز فى الطريقتين لانهما سوف يعطيان نفس النتيجه
اولا ركز معى فى تعريف حاصل الاذابه \ هو حاصل ضرب تركيز ايونات الملح الشحيح الذوبان فى الماء اكمل التعريف
يعنى لازم تحسب تركز الايونات اولا حتى تستطيع حساب حاصل الاذابه
طب ازاى نحسب تركيز كل ايون على حده طبعا من القانون التالى
تركيز الايونات = عدد مولات الايونات فى المعادله الموزونه × درجة الذوبانيه بالمول / لتر (مش بالجرام / لتر )
طريقة الحل الاولى

حساب حاصل الاذابه عن طريق حساب تركيز الايونات اولا واليك المثال التالى
مثال - ملح كلوريد الخارصين Zn Cl2 درجة ذوبانيته 1.5 × 10 اس سالب 3 جرام / لتر فاحسب قيمة حاصل الاذابه
الحل
حول درجة الذوبانيه من جرام لكل لتر الى مول / لتر

درجة الذوبانيه بالجرام / لتر
_____________________= درجة الذوبانيه بالمول/ لتر
كتلة المول من الملح

1.5 × 10 اس سالب 3
______________________= 1099 × 10 اس سالب 7 مول / لتر
136.4 كتله المو ل من الملح
اكتب معادلة تفكك الملح الى ايوناته متزنه اولا
Zn Cl2 ---------------------------Zn+2 +2CL معلش الكلور فى النواتج حامل شحنه سالبه يعنى ايونات سالبه
لو ركزت فى المعادله سوف تجد ان عدد مولات ايونات الخارصين فى المعادله يساوى 1 مول وعدد مولات ايونات الكلور فى المعادله يساوى 2 مول


تركيز ايونات الخارصين = عدد مولات ايونات الخارصين فى المعادله الموزونه × درجة الذوبانيه بالمول / لتر
-------------------------= 1 × 1099 × 10 اس سالب 7 = 1099 × 10 اس سالب 7 مولر


تركيز ايونات الكلور =عدد مولات ايونات الكلور فى المعادله الموزونه × درجة الذوبانيه بالمول / لتر
---------------------=2 ×1099 × 10 اس سالب 7 = 2.19941 × 10 اس سالب 4 مولر

Ksp= طبق قانون فعل الكتله وامشى على العجين متخربطهوش يعنى ارفع على هيئة اس فوق تركيز الايون

Ksp = [Zn] [CL]2 ركز Zn موجب 2 وCL سالب 1 بس لوحه المفاتيح عندى مش مساعدانى علشان اكتبهم

يعنى حاصل الاذابه =تركيز ايون الخارصين مضروب فى مربع تركيز ايون الكلور
KSP=
(1099 × 10 اس سالب 7 ) ×( 2.19941 × 10 اس سالب 4 ) 2 خلى بالك تركيز ايون الكلور تربيع
اللى فاهم معى يكمل الحل ويحسب قيمه حاصل الاذابه ويكتبلى هيطلع كام
غدا نلتقى مع طريقة الحل الثانيه
غدا تلتقى الاحبه
مستر عبد النا صر صديق

ممتاز جداً
أستاذ / عبد الناصر جعله الله فى ميزان حسناتك

شكرا استاذ شفيق انت اللى استاذنا واستاذ الاساتذه

شكرا مستر سيد عثمان انت اللى استاذنا واستاذ الاساتذه
بارك الله فيك

شكرا انت فعلا عملاق

السلام عليكم
دى المدرسين ولا بلاش
دا الكلام الصح
شكرا لك يا استاذنا
كمل
ربنا يكرمك

شكرا مستر محمد طنطاوى وشكرا لكم جميعا
مستر عبد النا صر صديق

سلمت وسلمت يداك وعقلك يا مستر
بارك الله فيكم ، وخالص الدعوات

بارك الله فيك

ياه بعد ما كتبت كم هائل ضاع مع الريح
الحمد لله نكتبه تانى بكره ان شاء الله

مستر عبد الناصر

بسم الله الرحمن الرحيم
هنا تلتقى الاحبه
لكم عندى سلام من فؤادى كماء المزن يسقى كل وادى سلام فاح فى الافاق مسكا
طريقه الحل الثانيه
لحساب حاصل الاذابه KSP بمعلوميه درجة الذوبانيه بالمول / لتر او بالجرام / لتر
فى المره السابقه تم شرح كيفيه حساب حاصل الاذابه عن طريق حساب تركيز الايونات
وفى هذه المره سوف يتم شرح كيفيه حساب حاصل الاذابه KSP بمعلوميه درجة الذوبانيه بالمول / لتر او بالجرام / لتر
-----------------------------------واليك المثال التالى --------------------------------
اذا كانت درجة ذوبانية ملح كبريتيد البزموت BI2S3 هو 8.5× 10 اس سالب 8 فاحسب حاصل الاذابه للملح
---------------------------------------- الحل --------------------------------------
اكتب معادلة تحويل الملح الى ايوناته
Bi 2 S3---------------------------2Bi+3 +3S-2
ركز فى عدد مولات الايونات فى المعادله الموزونه
عدد مولات الايونات فى المعادله الموزونه هى( 2 مول ايون بزموت و 3 مول ايون كبريتيد )
اكتب معادلة حساب حاصل الاذابه كالاتى
Ksp = [2Bi+3 ]2 . [3S-2]3

(2×درجة الذوبانيه بالمول / لتر )2 ×(3×درجة الذوبانيه بالمول / لتر )3 = Ksp
(2×8.5× 10 اس سالب 8 )2 ×(3× 8.5× 10 اس سالب 8 )3 = Ksp
Ksp=4.79 ×10 اس سالب 39
------------------------------------------------------
هذه الطريقه مشتقه من الطريقه الاولى وهى طريقة حساب تركيز الايونات
تركيز ايونات البزموت =عدد مولات ايونات البزموت فى المعادله الموزونه ×درجة الذوبانيه بالمول / لتر
=(2×درجة الذوبانيه بالمول / لتر ) ←←معادله رقم 1

تركيز ايونات الكبريتيد =عدد مولات ايونات الكبريتيد فى المعادله الموزونه ×درجة الذوبانيه بالمول / لتر
=(3×درجة الذوبانيه بالمول /لتر )←←معادله رقم 2
طبق قانون فعل الكتله كالاتى
Ksp = [Bi+3 ]2 . [S-2]3
Ksp=(تركيز ايونات البزموت )2 ×(تركيز ايونات الكبريتيد )3 ←←معادله رقم 3
عوض عن تركيز ايونات البزموت وايونات الكبريتيد من المعادلتين 1و2 فى المعادله 3
يعنى احذف تركيز ايونات البزموت فى المعادله 3 وضع بدلا منها (2×درجة الذوبانيه بالمول / لتر )
احذف تركيز ايوناتالكبريتيد فى المعادله 3 وضع بدلا منها (3×درجة الذوبانيه بالمول / لتر )

تصبح المعادله3 كالاتى
(2×درجة الذوبانيه بالمول /لتر )2 ×(3×درجة الذوبانيه بالمول /لتر )3 =Ksp
يارب اكون وفقت فى التوضيح
مستر عبد الناصر صديق معلم كيمياء
غدا نلتقى ان شاء الله مع القسم الثانى من مسائل حاصل الاذابه

بارك الله فيك
عرض رائع

جزاك الله خير على المجهود الرائع والشرح الجميل
بس فى حاجة مش فهماها
ليه بنجيب تركيز الايونات بالقانون ده
او بمعنى اصح ازاى جبنا القانون ده

هنكمل باذن الله

بسم الله الرحمن الرحيم
اللهم لا تصيبنى بالغرور اذا نجحت ولا بالياس اذا اخفقت ولكن علمنى ان الاخفاق هو المرحله التى تسبق النجاح
هنا تلتقى الاحبه
مع القسم الثانى من مسائل حاصل الاذابه
2- يعطيك فى المسئله Ksp ويطلب منك درجة الذوبانيه بالمو ل/ لتر او بالجرام / لتر
--------------------------------------------------------------
مثال
اذا كان حاصل الاذابه لملح فوسفات الكالسيوم الصخرى Ca3(PO4)2 يساوى 2×10 اس سالب 29 احسب درجة الذوبانيه المول /لتر و بالجرام / لتر
--------------------------------------------------------الحل
فى هذا النوع من المسائل نفرض ان درجة الذوبانيه بالمول / لتر هى ( س )
نكتب معادله تفكك الملح لايوناته Ca3(PO4)2
Ca3(PO4)2------------3Ca+2 +2 PO4-2
(2×درجة الذوبانيه بالمول / لتر )2 ×(3×درجة الذوبانيه بالمول / لتر )3 = Ksp
(2×س)2 ×(3×س)3 = Ksp
4س2×27 س3 = Ksp
108 س5= Ksp
108 ÷Ksp=س5
الجذر الخامس ل( 108 ÷Ksp )= س
س= الجذ ر الخامس ل(2×10 اس سالب 29 ÷ 108)

اوجد قيمة س بالاله الحاسبه وهى درجة الذوبانيه بالمول / لتر
احسب كتلة المول من Ca3(PO4)2
درجة الذوبانيه بالجرام / لتر = درجة الذوبانيه بالمول / لتر × كتلة المول
غدا نلتقى ان شا ء الله
مستر عبد الناصر صديق

أستاذي عبد الناصر هم خمس انواع
اوعد حضرتك اني انزلهم بطريقة اساهل ان شاء الله

شكرااااااااااااااااااااااااااااااااااااااااااااااا اااااااااااااا

إلى الأستاذ / عبد الناصر

1 - احسب درجة الذوبانية لأيون الفلوريد إذا كان حاصل إذابة فلوريد الكالسيوم 3.6 × 10 أس -11 .

2 - احسب تركيز أيون الفلوريد إذا كان حاصل إذابة فلوريد الكالسيوم 3.6 × 10 أس -11 .

أستاذى العزيز يا ريد تحل المسئلة دى ضرورى وأكون شاكر ليك جدااااااااااااااااا
أضيف 0.05 لتر من محلول حمض هيدروكلوريك إلى محلول نترات الفضة وفصل الراسب الناتج كتلتة 2.87 جم ، احسب حجم محلول الصودا الكاوية 0.5 مول/لتر التى تتعادل مع 1.5 لتر من هذا الحمض علماً بأن : Ag = 108 , Cl = 35.5 , H = 1