للأسف
 

وصل اليوم فاكس من الوزارة إلى مديرية التربية والتعليم ببنها بأن من ينتهي عقده(السنة الثالثة) يجدد العقد تلقائيا ولا أعلم مدة التجديد
ربنا يخيب ظني واكون غلط بس شكل الوزير دا مش هيثبت حد
ودا كلام من أحد الموظفين المقربين من وكيل الوزارة
ربنا يخيب ظني كمان مرة ويكون الكلام دا مش صحيح ونثبت كلنا لكن أنا من زعلي قولت أكتب الموضوع يمكن يكون الكلام دا مش صح
انا عقدي هينتهي الشهر دا وكل أوراقي مستوفاة
ويا ريت بلاش مشاحنات في الردود

لا تعليق
الصمت أفضل

حسبنا الله ونعم الوكيل

يا جماعه انا قرات خبر اعجبنى ان سا ئقى الكارو عاملين اضراب لمنعهم من السير فى الشوارع الرئيسيه ................... فما نحن فاعلين؟ مع الفارق فى التشبيه ................ الى متى نصبر الى ان يمل الصبر منا لنا الله يا اخوانى ..... حسبى الله ونعم الوكيل فى كل من تسبب فى تاخير التثبيتتتتتتت

فعلا حسبنا الله ونعم الوكيل في كل ظالم ربنا ينتقم منهم ويعمل في أولادهم أشد ما بيعملوا فينا

انا حزين جدا

يارب يكون خبرك غير صحيح أو ارفع المنشور لو تكرمت

اللهم اهلك الظالمين بالظالمين واخرجنا من بينهم سالمين غانمين حسبنا الله ونعم الوكيل

يا جماعه انا بقالى فتره مكتبتش اى تعليقى على امل اننا نسمع خبر التعيين ولكن هذا الخبر خلانى اجيب من الاخر ونفذ الصبر العالم دول ولاد....................... واحنا لو فضلنا كده هنموت من الانتظار من قبل ما يوصلنا العيين اصلا ده اذا كان فيه اصلا تعيين . دول لو فيه شويه ضمير كانوا عرفونا ايه مصيرنا وكان وقتها الواحد ليه حريه الاختيار اما الاستمرار او لا . ولكن واضح ان احمد زكى افندى جاى مخصوص علشان يتعبنا نفسيا ويوصلنا لدرجه من التوتر الله الوحيد هو اللى اعلم بينا وفعلا الناس ده ام عايزه تتطفشنا او عايزنا نموت من الانتظار وحرقت الاعصاب وحسبى الله ونعم الوكيل فيك يا زكى يا بدر وتشوف الذل فى نفسك والمراره اللى انت مورهالنا . وشكرا

والله أنا كتبت الموضوع من زعلي من اول ما عرفت ولو معايا المنشور كنت رفعتة ومتأخرتش لكن دا كلام موظف شغال في المديرية كنت سألتة عن وضعي بعد الشهر دا ورد عليا بكدا النهاردة الصبح وانا امتحنت الكادر 20-11 وتربوي وقدم افادة الicdlمن شهر2

اولا : شكرا لصاحب الموضوع على جهده
ولكن :
ان الله كره لكم قيل وقال وكثرة السؤال ...!!!
بمعنى الاخبارالتي تحتمل الشك وتقتل فينا الامل بلالالالاش منهااحسن...
وان كانو المسؤلين هيمكرو بينا فبجد اطمنو. عارفين ليه؟:
(ويمكرون ويمكر الله والله خير الماكرين)

يعنى حضرتك عايزنا نفضل نايمين فى الخط لحد مانموت من القلق والتوتر ونفضل نضحك على بعض بالكلام الاهبل اللى بنجيبه من الجرايد اللى هى اصلا فقدت كل المصداقيه . ارحمونا بقى كفايه الحكومه سيبوا كل واحد يفضفض ويقول اللى فى نفسه بدل ما يحصله حاجه ويموت.

الشكر لله ياأستاذي والله إني احبك في الله ردودك حلوة
لكن أنا بتمنى فعلا بكون كلامي غلط وانا معاك في كلامك
وربنا على كل ظالم

لاتحزن ياغالي

فما أخطأك لم يكن ليصيبك وما أصابك لم يكن ليخطئك

حسبنا الله ونعم الوكيل

والله ياأخي بفكر آخد قرار جريئ أني معنتش أدخل هنا أنا زعلان عليكم جدا

ومعنتش باأثق في أحد إذا كانت تعاملات مسئولين مصر كده

نثق في مين ونصدق مين

استاذي الفاضل لو كان الكلام والتصريحات بتاع الجرايد والوزير كلام أهبل فهل الكلام اللي بتسمعوة من الموظفين والادارات هوة دة الكلام الموزون ... انته بتقيس بمقياسين ودة مينفعش..
طالما الموضوع اصبح كله كلام xكلام (وفضفضفه زي ما بتقول) يبقى نستني لغاية شهر3 واللي يعرف يعمل حاجة يبقى يعملها.
وبعدين معلش فضفض براحتك بس لاتقنط ولا تيأس وبلا ش تشائم لانه لما الامل وحسن الظن بالله مش عجبينك فهل التشائم واليأس هوة اللي عاجبك !!
متزعلش من كلامي وربنا يكرمنا جميعا ،،،،

مش عارف اقول ايه بس ف اوضاع متناقضة بتحصل من محافظة لمحافظة و كل اكاديمية برأى و بنظام شغل يعنى مثلا الادارة عندنا بعتت فاكس للوزارة و المديرية تسالهم عن وضعنا حيث ان عقودنا هتنتهى بعد حوالى شهرين 15/3/2011 بعد السنة التالتة وحدش رد عليهم و بعدها انا اتصلت باكاديمية بنى سويف من يومين كده اسال عن الجديد قالوا بالنسبة لنا مفيش جديد مش بس كده ده كمان الموظف المتحرم سألنى هو انت علمى ولا ادبى فضلت اضحك بعد المكالمة و النهارده جه منهم فاكس بيقول التالى
مديرية التربية والتعليم بالمنيا
ادارة الاحصاء و الحاسب الالى
يرجى التنبيه على السادة الذين لم يدخلوا اختبارات كادر نوفمبر 2009 سرعة احضار الاتى
صورة طبق الاصل من المؤهل الدراسى
صورة طبق الاصل من الدبلومة التربوية
صورة طبق الاصل من الرقم القومى
صورة طبق الاصل من الرخصة الدولية
كود المعلم
مادة التخصص
على ان يقوم مدير كل مدرسة بعمل كشف ورقى و نسخة اخرى الكيترونية من بيانات المتعاقدين بمدرسته بالشكل الاتى
م - الادارة - الاسم رباعى -الرقم القومى - كود المعلم - مادة التخصص - الموقف من التربوى - الموقف من الرخصة الدولية
المنشور وصل النهارده وكان اخر معاد النهارده عشان مندوب الاحصاء بالادارة هيقدم الورق ده بكره الجمعه للاكاديمية
اللى انا استغربت له وسط الكلام ده
هو الوزارة وضحت وضعنا او حتى طمنتنا بحاجة عشان تدور ع غيرنا و تقل راحتهم
هى الاكاديمية بتشتغل الجمعه( ع حد علمى انها مقفوله جمعة و سبت )

لسة ما وصلش عندنا فى الشرقية

فى الأزهر جارى تجديد العقود فعلا

والله يا جماعة انا حسة ان الوزارة بتسكتنا كل فترة كده بأخبار مؤكدة ان احنا هنتعين من غير تحديد مواعيد رسمية وده عشان تضمن ان احنا منعملش حاجة اولا
وثانيا الحكومة بتاعتنا عارفة تمام المعرفة ان احنا لو عرفنا ان مفيش امل فى التعيين معظمنا ان لم يكن جميعنا هنسيب الشغل
عشان كده بتدينا منومات وللأسف احنا بناخدها وعارفين ان هى مسكنات موضعية
ده شغل وتخطيط على كبير واحنا مش حاسين بحاجة ومسلمين ومستسلمين
حسبنا اللى ونعم الوكيل هما مش عارفين ان فى مننا اللى سايب بيته من اول الدراسة عشان الشغل على امل التعيين
الله ينتقم منهم هو المنتقم الجبار

اّمال اللي هببناه من اكتر من سنة دة يبقى اسمه ايه؟
مش احنا نجحنا فى اختبارات الكادر ... لاحول ولاقوة الا بالله !!!!

اعتقد الفاكسات اللي وصلت دي وصلت بخصوص القلق اللي عاملاه الناس اللي هاينتهي عقدها ولازم طبعا الوزارة تبعت فاكسات تجديد الى ان يتم التثبيت وهذا لا يعني عدم وجود تثبيت وانما لابد ان يبقونا على راس العمل الى ان يجد جديد وليس في ايديهم الا ان يتم تجديد العقد وكونو ان شاء الله متفائلين هذا والله اعلم والله ولي التوفيق
واللهم قرب البعيد يا رب

اخيرا واحد متفائل .. الحمد لله
 

الله يبارك لك يا شيخ ، محتاج حد متفائل فى المنتدى ده يطمنى اني مش وحدي اللي متفائل، بدل نبرة التشائم اللي كترت في المنتدى اليومين دول !!!!!!!

ولله دول بيلعبو بالمدرسين

وهم ساكتين ليه مش بيثبتوا بيجددوا ليه لما هو فى تثبيت

انا اسف انى خرجت عن شعورى ومتزعلش منى غصبن عنى بس الواحد خلاص قرب يتجنن من 2002 واحنا فى الدوامه ده وناس من قبلنا كتير والواحد بقى متوتر حتى على زوجته واولاده فى البيت مبقاش عارف يتحكم فى اعصابه من الظلم الرهيب اللى احنا متعرضين ليه وفعلا الناس ده عمرها ما هتحس بينا واحد اتولد لقى ابوه وزير الداخليه هيحس بابو 300ج ازاى حسبى الله ونعم الوكيل

أحبك الله الذي احببتني من اجله
وربنا يكرمنا جميعا ،،،

مبقتش فاهمه حاااااااجه خالص

ايه ده هو استاذ على اتنرفز ولا ايه تفاااااااااااااءل يااستاذ حضرتك طول الوقت بتدينا جرعة تفاؤل ايه اللي حصل زي ما قلت احسن الظن بالله

استاذه ام رهف للاسف اللى بيحصل لنا يخلى اى حد يخرج عن شعوره 90% مننا حياته متوقفه على التعيين

والله انا اولكم ربنا هو العالم

اسف يا جماعه، بس كل مااستبشر خير ألاقي حاجة طلعت كدة تضايق...
النفس تبكي على الدنيا وقد علمت ..ان السلامة فيها ترك مافيها
لا دار للمرء بعد الموت يسكنها.. الا التي كان قبل الموت يبنيها
فان بناها بحير طاب مسكنها..وان بناها بشر خاب بانيهـــــا

حسبى الله ونعم الوكيل قادر على كل شئ
هما فاكرينا اية ؟
كل بنى ادم عندو طاقة ولو خلصت مش هيلاقو حد يعلم عيالهم منهم لله

صحيح والله
بلد مفيهاش رجاله عند كلمتهم
تبقى ايه
بلد نس............................................

غريب جداجداجداجداجداجداجداجداجداجداجداجدا ان يكون تفكير اصحاب العربات الكارو اكثر ايجابية من المتعلمين الجامعيين
ارجوكوا فكروا لمدة خمس ثواني
مين محتاج لمين؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وانتوا تلاقوا الحل !!!!!!!!!!!!!!!!!!!!!!!!!!!!
ولو غلب حماركوا يبقي تعالوا نحسبها عددكوا كام و الوزارة هتعمل ايه لو محدش راح اول الترم الثاني ممكن تغطي العدد الهائل ده في كام يوم
واللهواللهواللهواللهواللهواللهواللهواللهواللهوالله
مش هيبقي امام الوزارة غير تحقيق العدل وبعدين احنا في (...........) الواحد ممكن ياخد اي شئ مش حقه بمنتهي السهولة وبدون الخضوع الي اي قانون يبقي مش عارفين تعملوا حاجة و الحق معاكوا!!!!!!!!!!!!!!!!!!!!!!!!!!!!
علي فكرة انا لسة بنظام الاجر وبحاول الحصول علي حقي بس حاسة اني بأدن في مالطة برضة اصحاب المشكلة اللي انا فيها مسنتين الفرج بس من غير ما واحد يتحرك
لازم الوزارة تحس اننا لينا صوت مش خرص وخليكوا فكرين احنا اللي بنصنع الطاغية
علشان نحس اننا احياء مش اموات
اتحركوااتحركوااتحركوااتحركوااتحركوااتحركوااتحركواا تحركوااتحركوااتحركوااتحركوااتحركوااتحركوااتحركواات حركوااتحركوااتحركوااتحركوااتحركوااتحركوااتحركوااتح ركوااتحركوااتحركوااتحركوااتحركوااتحركوااتحركوااتحر كوااتحركوااتحركوااتحركوااتحركوااتحركوااتحركوااتحرك وااتحركوااتحركوااتحركوااتحركوااتحركوااتحركوااتحركو ااتحركوااتحركوااتحركوااتحركوااتحركوااتحركوااتحركوا اتحركوااتحركوااتحركوااتحركوااتحركوااتحركوااتحركواا تحركوااتحركوااتحركوااتحركوا

معاك حق المرة دى ما لم يحدد مدة التجديد بسنة كما تحدد في التجديد السابق و ده معناه ان هذا التجديد لحين صدور قرار التعيين

لا اعرف انا ليه اليوم دموعي قريبة كل مااقرا اي مشاركة من اي نوع ابكي ثم جاءت مشاركتك هذه فاتت على الاخضر واليابس جزيت خيرا

والله يا مستر هشام دي أكتر حاجة حسستني بالألم
بنربي أجبال بما يرضي الله ونعامل هذه المعاملة السيئة من المدرسة والحكومة

يابا احنا ملوك الكلام
انتهى
انا جالى المراره من الناس دى
زى المعلم الكبير
اففففففففففففففففففففففففف
حسبى ربى ونعم الوكيل

والله على أد ما اتنرفزت من الخبر اللى يفورالدم ده بس قرأت الابيات اللى حضرتك كتبتها وعجبتنى جدآ*بارك الله فيك*وأراح الله قلوبنا جميعآ

ربنا يبارك فيكي استاذة ام رهف..
ويـــــارب يفرحنا كلنــــــــــا.،،،

اعتقد ان الكلام ده ينطبق على الناس اللى خلاص عقدها انتهى فى شهر 1 ولسه مش امتحنو الكادر وامتحانهم فى شهر 3 زى ماحصل معانا زمان فى تجديد السنة التالتة .......... بس فيه حاجة انتو مش واخدين بالكم منها العقد شريعة المتعاقدين واحنا عقدنا سنتين قابلة للتجديد لسنة تالتة يبقا السنة الرابعة دى جات منين ؟؟؟؟؟؟؟؟

نحن لا نستاهل التثبيت فرطنا في حقوقنا

هل المتعاقدين في بنها انهو السنة الثالثة من التعاقد

متعاقدي ادارة بنها السنة الثانية هتنتهي في شهر 2 أما اداراة القناطر والخانكة وقليوب هينهو السنة الثالثة في شهر1 والله أعلم

مفيس تعيين انا قولت من زمان عملولي حظر وادي كلامي اتحقق