|
بجد مش عارفة اقول ايه مصر كلـــــــــــــــها شعارات
السلام عليكم ورحمة الله عاملين ايه وحشتونى خالص والله انا زهقانة وقرفانة وعايزة اتكلم معاكو شوية عندى احساس غريب او ممكن يكون مش غريب على المصريين وهو انى نفسى اموت نفسى بجد والله مش بهزر كل اما ابص حوليا مش لاقية حاجة كويسة خالص اقول يابت اهدى بكرة تروق وتحلى يابت بكرة الناس تتغير وبردو مفيش حد ولا حاجة يتتغير حياتنا كلها بقت قرف وكلها عبارة عن شعارات وشعارات وشعارات لما حصل فتنة بين المسلمين والمسيحيين اتكلمنا شويا وسكتناقولنا شعارات كتيرة جدا ومحدش عمل حاجة ولا اتعلمنا واللى حصل فى تونس ومن غير مانفتح الموضوع بردوا اتكلمنا وقلنا شعارات ومعملناش حاجة ولا اتعلمنا من اللى حصل واللى حصل وبيحصل كل يوم فى فلسطين كلنا تجاهلناه واذا افتكرنا بردوا بنقول شعارات وبردا اتظلمنا وبننظلم وهانتظلم كل يوم برة البلد وجواها وبردو بنقول شعارات ومابنعملش حاجة اروح الجامعة الاقى الظلم والقرف والكوسة والمحسوبية كله شغال الله اكبر اروح السكن الاقى قرف وقلة ادب من بنات اهلها معرفوش يربوها اللى عاملة علاقة مع واحد واللى بتكلمه فى التيليفون واللى بتطلع بلبس ديق لابسة من غير هدوم يعنى وقرف وحاجات تانية زبالة لا وبينصحونى اعمل زيهم والمواصلات الله على المواصلات علشان اروح او اجى من مكان فى قواعد لازم التزم بيها وهى استحمل قلة الادب والسفالة وعدم الضمير والوقاحة وحاجات كتير طبعا انتو عارفينها وحاجات كتير لا داعى من زكرها فى حياتى حاجات شخصية يعنى طيب فى وسط كل ده اعيش ليه انا اسفة على الاطالة بس حاسة انى ممكن اتفجر لو ما اتكلمتش وده مجرد جزء صغير من اللى جوايا وفى الاخر بردوا مصرية وافتخر |
طيب وحضرتك مستغربة ليه ما هو ده الواقع اللى موجود فى مصر
الان مفيش حاجة غير اننا نغير احنا بادينا يا اما نفضل زى ما احنا كده شعارات وبس حتى الاخلاق انعدمت مفيش اى حاجة مبشرة وبلاش كلام كتير علشان انا الموضوع احبطنى اكتر بصراحة شكرا على الموضوع |
اقتباس:
كل ما ذكرتيه صحيح ومتفق معكي فيه تماماً . لكن كيف يجتمع الزهق مما يحدث في مصر ( من المصريين ) وتمني الموت وفي الأخر تفتخرين بأنكي مصرية ( ومصر بردوا عبارة عن المصريين المقيمين فيها ) !! |
اقتباس:
ما انا عارفة انو ده الواقع بس كنت ساكتة وحاطة فى نفسى بس خلاص انا مقدرتش استحمل اكتر من كده قولت افضفض معاكو وعارفة ان مفيش حد هايدينى امل شكرا على المرور نورتنى |
اقتباس:
اصل انا مصرية وبحبها ويتجرى فى دمى وبجد مش شعارات وحاولت اكرهها ومش قادرة اكرهها بحبها وبموت فيها اصل اللى يحب مصر عمره مايعرف يكرهها بحبها ومش عارفة اعمل غير كده مصرية وافتخر وميرسى جدا على المرور بجد انا فرحت لما حضرتك دخلت الموضوع نورتنى والله |
اقتباس:
توقعاتك لثورة 25 يناير 1 - فوز الشعب 2 - فوز الريس 3 - تعادل الفريقين |
اقتباس:
أنا لم أقصد أن تكرهي مصر الأرض , فأنا أعشق تراب مصر , ولكن كل الأوضاع في مصر أنا كاره لها تماماً مثل غالبية الشعب المصري . ولكني كمصري لا أستطيع أن أفتخر بمصريتي في ظل تلك الأوضاع المتردية ( لا أفتخر ولا أنسلخ منها أيضاً ) كل ما في الأمر أن أي بلد تقاس بما يفعله وينجزه أهلها , وعلي قدر الانجازات يكون الافتخار . |
اقتباس:
اعتقد انو مش هايبقى فى ثورة اصلا وربنا يستر وحضرتك تتوقع ايه |
اقتباس:
وانا لم اقصد مصر الارض فقد بل مصر الشعب ايضا ومش لاقية تفسير |
اقتباس:
قمع الشعب وسقوط كثير من الضحايا ( إذا ما تم تنفيذ ما يتم ترديده ) |
اقتباس:
ضروري يكون عندك تفسير ( كيف تفتخرين بشعب مصر الحالي ؟) لا أريد أن أعلق علي هذا الأمر كثيراً حتي لا يحدث مثلما حدث في السابق ولأنك كما ذكرتي ( زهقانة وقرفانة ) ولا أريد أن أزيد مما تشعرين به . |
اقتباس:
بس انا بتمنا العكس |
اقتباس:
ربنا يستر ربنا يسر وماتسمعوش خبر انتحارى قريب |
اقتباس:
ربنا يستر ويمكن تحصل حاجة كويسة |
اقتباس:
لسه لما هتتخرجي هتشوفي مشكله البطاله ولو ربنا كرمك واشتغلتي يبقي بتلعبي في 400 جنيه بصي للمشاريع الخاصه لمهنتك معامل تحاليل صيدليات عيادات الخ عايزه الالف وامكانيات عشان تعرفي تفتحيها هتجبيها منيين وانتي لسه في بدايه حياتك مشكله العنوسه وتاخر سن الجواز طبعا مشكله الشغل هتتاتي بعدها الجواز لان لو بتشتغل هتبقي معاك فلوس اينعم هتاخد 400 جنيه بس فيه امل انك بعد 30 سنه تتجوز مشكله التلوث والامراض هو فيه حد دلوقتي بيشرب من ميه الحنفيه حلليها كده هتلاقي زياده نسبه الكلور والحديد عالي وزياده املاح كتيره وبكتريا واختلاط ميه المجاري بميه الشرب ده كله بيجب سرطانات وامراض كتيره الاكل كله مهرمن وفيه مبيدات وري الاراض بميه مجاري ومصر لسه داخله ع مشكله ميه ده كله سرطانت وامراض كتيره جدا اعلي نسبه نقل للامراض والفيروسات موجوده في مصر الكدب والنفاق واستخدام شعارات ليس لها وجود مثل الشفافيه ومن اجلك انت وحاجات كتيره كله كلام وبس 45 في الميه من المصريين تحت خط الفقر يكفي اني اقلك ان لما تونس عملو الثوره كان متوسط دخل الفرد 3 الالف دولار في الشهر 12 مليون مصري ملهمشي سكن وعايشين في المقابر ده غير الفساد للي في المؤسسات والوسايط والرشاوي ده غير قله ادب الشرطه وارهاب الناس في اقسام الشرطه ده غير سؤ مستوي التعليم ده غير ان عندك ان مصر غير مطبق فيها الشريعه الاسلاميه وده بيؤدي لوجود قوانيين من بره ويكفي ان اقلك ان عندنا حاله طلاق كل تلات دقايق في مصر ودي احصائيه كانت في 2010 وع فكره اغلب الاحصائيات اللي موجوده دي احصائيات من الحكومه اما الحقيقه فهي اضعاف الارقام دي |
امبارح بعض المجلات والمواقع العلميه الاجنبيه نزلت خبر ان الدنيمارك هي اكتر معدل سرطان في العالم وان الدنيمارك هي عاصمه السرطان وده رابط من احد المواقع
http://www.telegraph.co.uk/health/he...the-world.html انا بعتلهم وقلتلهم شوفو مصر لو اتعملت احصائيه حقيقه عن السرطانات الموجوده وقارنواها باي معدل بره انما المشكله عندنا ان عندنا نسب غير صحيحه ومش بتعبر عن الحقايق وتضليل للناس وده عشان الحكومه تتطلع نفسها تمام وان كل حاجه تمام مش بعيد مثلا منطقه فيها ميه مختلطه بميه الصرف الصحي يجي يقيس المناعه ويعملهم تحاليل فيقوم يزور النتايج ويطلعهم زي للي بيشربو ميه وده كله مثلا عشان يقلل من اهميه اختلاط ميه الصرف الصحي بالميه ده مش بعيد تخلي باحثيين يعملو بحث مثلا عن تاثير ميه الصرف الصحي علي المناعه ومش بعيد تطلعه ان المناعه زادت بعد شرب مياه الصرف الصحي ههههههههههههههه نسيت اقول حاجه فيه حالات انفلونزا خنازير كتير في المستشفيات ليه متكتمين عليها ليه طب سيبك من دي ليه انفلونزا الطيور مشيت من كل البلاد واستوطنت في مصر احنا في مصر فيرس سي يمكن اكبر دوله عندها اصابه بفيرس سي وعندنا اصابه بالتيفود وبره مفيش الكلام ده اقسم بالله الناس بتضحك علينا في كل العالم كان فيه منح نازله من جامعات اوربا بعض الجامعات وبعض زمايلي قدمو فيها و زمايلي كانو عايزين يشتغلو الابحاث بتاعتهم عن فيرس سي والتيفود الناس بتوع اوربا قعدو يضحكو عليهم لان الحاجات دي اساسا ملهاش وجود وموجوده عندنا وبس واشترطو ع زمايلي عايزين تعملو ابحاث يبقي ابحاث تفيد اوربا ومصر بس في المقام الاول اوربا يعني ماينفعشي تجيب امراض من مصر مش عندهم هناك المهم الحاله في مصر للاسف قاتمه شويه ولكن لو كل واحد عمل للي عليه في البلد دي هنبقي احسن بلد |
بجد كنت داخلة أشوف الشعارات
فإذا أجدها حقائق و ما خفى كان أعظم و لكن فليكن هناك تفاؤل و أمل وغدا نصحو على فجر جديد لا ننظر للخلف و بأيدينا نغيير أنفسنا و لنبدأ بها و من واحد لعشرة لمئة و ألف مليون مصر تتغير بس بالأمل و الانتحار تفكير خاطئ و عقيم و ليس فيه النجاة بل هو عذاب فى الدنيا و الاخرة أنتم شباب الأمة الواعد و الصاعد بها فى كل مجال لكم دعوة أمل و رجاء أن ينقشع الظلم و الفساد و تأتى أيام جميلة نتذكر فيها أيام العذاب خالص الود |
فعلا معاكى حق
السلام عليكم
عندما نذهب لاى مكان نبقى هنفرقع ليييييييييييييييييييييييييييه لان العلماء لما اختلفوا فى الحجاب قالوا اما ان النقاب فرض او سنه او فضل طيب بس ايه صفات الحجاب ان لا يشف ولا يصف ماتحته ولا يكون ذو الوان زاهيه ده كلام ربنا والنبى عليه الصلاه والسلام يعنى الى عاوزه اعرفه قالوا النقاب لا طيب ليه بقى المناظر ديه اللى فى الشارع البنت حاطه على راسها قماشه صغيره ووشها كله الوان ولبسها مقزز ضيق وملون جدا والجيبه قصيره ولابسه طرحه ليه اعرف نفسى حد يقولى هاولع فى الشارع كله ولا اولع فى اللى صمموا اللبس ده لبناتنا يلا كلنا عارفين الصح والغلط واحنا اللى بنستعبط |
اقتباس:
انا عاوز بدل ما تولع فى نفسك تولع فى واحدة لابسة كده:stickjo4::stickjo4::stickjo4: |
اقتباس:
:o:o لا حول و لا قوة الا بالله ... استهدي بالله و شيلى الافكار دي من دماغك.. |
كلنا هنا صرنا محللين وخبراء
وفى كل العلوم فلاسفةوعلماء الإيجابية والبطولة( ملعونه مصر ) !!!! السلبية والتخاذل (تحيامصر ) !!!! وعجبى شكرا على الموضوع |
اقتباس:
أستاذ ضياء الصباح هل يعتبر النقد من وجهم نظر حضرتكم خطأ يحب البعد عنه ؟ هل من يعبر عن رأيه وعن مشاعره هم العلماء والفلاسفة والمحللين فقط ؟ هل يحق لى ان أعبر عن ما يخص بلادى بإعتبار مصريتى ؟ أم لا ؟ ثم أين هى مواطن الإيجابية تلك التى يتجاهلها الكثير من الإعضاء ؟؟ اذكر لى بعضا منها لو سمحت ؟ شكرا لحضرتك |
اقتباس:
احنا مش عايشين فى المدينة الفاضلة بس انا نفسى اعرف ليه مش عاجبك اى حاجة |
اقتباس:
فالأستاذ ضياء الصباح هو عزيز علينا جميعا والجدية فى النقاش هذى ... هى بغرض البحث عن الحقيقة والتعبير عن الشخصية الفكرية لا اكثر فالرجل لم يقل ما يعيبه او يضير أحدا وله ولك خالص إحترامى وتحياتى لكن لا داعى لهذا الأسلوب |
اقتباس:
هكذا أكدت على الأخوة فى الله أن ترد عنى غيبتى جزاك الله خيرا ولكن لأنى سئمت الحوار بهذه الطريقة مع بعض الأعضاء الذين يكرهون أن يستمعوا للرأى المخالف لفكرهم وتوجهاتهم والتى وضحت مليا لشخصى بأن بعضهم ليس منا فأنا رحمة بنفسى قبل أى شىء سأنسحب من بينكم بما بقى من كرامتى حتى لاينشغل البعض بإرسال هذا الفكر المتخلف والذى لايدخل بهذه العضوية إلا لتوجيه الإهانات لشخصى دون اتخاذ أى موقف ضده وكأن هناك رضا كامل على مايفعله وليعلم الجميع لولا معارضتى للكثير ماقال كل عضو وعبر عما بداخله وما نشطت موضوعات كثيرة ولولا الاختلاف فى الحوار والأفكار والعلم بصورة المختلفة ماكانت هناك حياة وياليت قومى يعلممون !!!!!!!!!! شكرا أخى الكريم والسلام عليكم ورحمة الله وبركاته |
اقتباس:
عفوا نسيت التوقيع رضـــــــــــا عطيـــــــــــــــــــــــــه |
اقتباس:
ما انت تقول الاسباب اللى بتبنى عليها رايك ووجهة نظرك وفى الاخر دى حرية ليك |
اقتباس:
يا عم صلى على النبى انت جى تحبطنى اكتر انا عارفة كله ده بس اعمل ايه مفيش فى ايديا حاجة شكرا ليك على جرعة الاحباط دى نورت الموضوع |
اقتباس:
عندك حق والله لو كل واحد عمل اللى عليه البلد هاتنضف |
اقتباس:
امل واجيب الامل منين وكل حاجة حوليا سودة أنتم شباب الأمة الواعد و الصاعد بها فى كل مجال ما اعتقدش ان صاعد بها ده نازل ربنا يستر من بكرة شكرا على المرور نورتى التوبيك |
اقتباس:
عندك حق احنا اللى بنستعبط ولعى فيا انا واخلصى وخلصينى مرسى لمرورك |
اقتباس:
هى زوبعة وهاتعدى ان شاء الله ربنا يستر مرسى لمرورك نورت الموضوع |
اقتباس:
يا استاذى الفاضل عمر مصر ما كانت ملعونة وعمرى ما قولت ولا هاقول كدة بس حبيت افضفض معاكو شوية ومش لازم علشان نعبر عن رأينا نكون فلاسفة او علماء شكرا لمرورك وتحيا مصر |
اقتباس:
شكرا لحضرتك استاذ هانى نورت الموضوع |
اقتباس:
يا استاذ رضا والله حضرتك لما بتدخل موضوع ليا بفرح جدا والله مش مجاملة واقسم بالله وحضرتك رأيك على راسنا كلنا واذا كان حضرتك مش بتقول حاجة غلط وانت مقتنع بكلامك مفيش حد يقدر يستفزك |
اسمحولي اتدخل في الحوار السلبي الجميل ده
مصرية و بحب بلدي لما بتعملي موضوع في القسم العام بعرف ان في حاجة كان لازم ولابد انها تتقال في الوقت ده اما اللي اتقال حتي الان فهو اسوأ من المشكلة نفسها انتي بتقولي انك محبطة و مخنوقة و مصر فيها كذا و كذا و ماشاء الله الاعضاء قاموا بالواجب و اجهزوا عليكي بالكامل طيب ايه الفايدة لما اقول في كذا و في كذا و كذا؟؟ في مصر محدش بيشتغل نيابةً عن حد يعني انا مش هروح لحكومة اقولها انا عايز تغيير إن الله لا يغير مافي قوم حتي يغيروا ما في انفسهم انا مش هستني اما حد يعملي حاجة لا احنا شباب كتير عندنا قدرة اننا نغير نفسنا لو اتجمعنا و نظمنا نفسنا هنقدر نغير حاجات كتير و دا اللي احنا في خضمه دلوقت و الخنقة دي ممكن تتحول لحماس بس إذا لقيتي مين يوجهها في طريقها الصح والله المعين |
اقتباس:
والله انت الوحيد اللى لحد دلوقتى فهمتنى عارف انا ممكن اعمل حاجات كتير بس العقبة اللى قدامى هى انى بنت ومن الريف كمان يعنى اى حاجة غلط وعيب |
اقتباس:
معلش انا مش فاهمة معنى الكلام ده |
اقتباس:
شكرا على المساندة كعادتك |
اقتباس:
بجد مش فاهمة حاجة؟؟؟ |
اقتباس:
ماتشغليش بالك يامصرية دا مجرد حوار عائلى بين والد طيب وإبن متعب حبتين |
اقتباس:
انا كدة فهمت ربنايصلح الحال |
| جميع الأوقات بتوقيت GMT +2. الساعة الآن 03:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.