|
أنا أسف ياريس
أنا أسف ياريس لانى غلط فيك أنا أسف ياريس لانى جبت اللوم عليك أنا أسف ياريس بدل ما اغير نفسى جيت و شتمت فيك أنا أسف يا حامى ال80 مليون أنا وراك و جنبك منين ماتكون أنا بتأس يا اسد العروبة يا نصير العرب و يارجل السلام ورجل الحرب أنا أسف ياريس لانى شب وعايز أعيش لكن بتأسف علشان انتا أبويا وكبير وغير ربنا و انتا ماليش أنا من زعلى منك اتكلمت و فضفضت بس بعترف أنى اتخطيت حدودى و فيك غلط سامحنى ياريس أنا زى أبنك عشت فى حماك وعمرى ما عرفتك سامحنى ياريس ...أنا أسف http://www.facebook.com/pages/ana-as...0703981?v=wall |
اقولها بعلو صوتي حسبي الله ونعم الوكيل (ولا تحسبن الله غافلا عما يعمل الظالمون . . انما يؤخرهم ليوم تشخص فيه الأبصار . . ) الناس جرالها ايه خلاص النهاية قربت النهاية قربت ايها المنافـ. . . . مش عاوز اوسخ لساني بس سيادته ملوش مكاااان بيننا وانا مش اسف يا ريس وليحدث ما يحدث سيادتك |
الوطن باقي ................. و الاشخاص زائلون
الاشخاص زائلون !!! |
اذا كنت انا كما تدعى فانت رأس النفاق
ياكبر منافق اللى ميخافش على مصر يبقى منافق |
اقتباس:
ماشي كلامك وحسبي الله ونعم الوكيل لكن يجب علينا أحترام الكبار مهما كانوا ايه |
اقتباس:
الله يكرمك يا فندم هي دي الايام اللي كنت بسمع عنها الايام اللي بقى الشعب باكمله فيها منافق والمرتزقة والمنتفعين ابطال شعبيين خايفين على مصر احب اقوللك ان اللي خايفيين ع مصر مرابطين في ميدان التحرير الان لكم الله يا اهل التحرير روح شوف رئيسك بيعمل فيهم ايه روح شوف شرطتك الجبانة اللي بتعتدي دلوقتي ع متظاهرين عزل حسبي الله ونعم الوكيل |
مصر فوق كل شيء المهم هو الاستقرار والامن
وخطاب الرئيس امس مس قلوب الشعب المصرى والدليل المظاهرات المويدة للرئيس مبارك المهم مصر الامن والامان |
اقتباس:
هل الامن والامان في تعذيب العزل في ميدان التحرير الان وانا بكتب كلماتي دي سامعهم بيقولو ايه ؟؟؟؟ بيقولو مش عايزينو مش عايزينو البلطجي مش عايزينو يسقط يسقط حسني مبارك اسمع كويس انزل شوف بنفسك يا فندم انا مش كداب |
اقتباس:
انت اللي بتتكلم وتقول خايف علي مصر هههههههه يا راجل يا طيب بتقول انزل وشوف انا باقول لك انا كنت في ميدان التحرير يوم الثلاثاء وشفت ارهاب الشرطة في معاملتها لنا وهي اللي بدأت ولاكن كان يوجد بيننا هناك اشخاص كثيرين جاءت لنا وكانت بتوزع علينا طعام وشراب ونقود لكي نبقي ولا نتحرك من مكاننا فلمن كل هذا ولمصلحة من هذا الخراب |
يوجد الآن مظاهرات المؤيدة للرئيس وكذلك المعارضة
المهم رأى الغاليبة والمهم نحافظ على مصر |
اااااااله يا بلد
هل خرست الالسنة اين الناس مالي ارى مشاهدت ولا ردووود يا جماعة كفاية جبن بقااااا |
اسف على ايه
مش هو ده هو ونظامه اللى سارقين وناهبين البلد وضيعوووووا الشعب ونزلين مرتزقة يؤيدوه ويشتبكوا مع الاخرين فى ميدان التحرير |
اقتباس:
انا كنت في ميدان التحرير يومين ورجعت عشان امي عشان احمي بيتي بس سبت هناك عمي هو هناك دلوقتي ربنا يحميه ويحمي كل الناس هناك |
أهم ضربوا بعض علي الفاضي
|
أنا آسف ياريس
احنا اللي لازم نتغير |
السلام عليكم و رحمة الله و بركاته بسم الله الرحمن الرحيم أرجو أن يعبر كل فرد عن رأيه دون التعرض للآخرين . قال رسول الله صلى الله عليه وسلم: " من كان يؤمن بالله واليوم الآخر فليقل خيرًا أو ليصمت ومن كان يؤمن بالله واليوم الآخر فليكرم جاره ومن كان يؤمن بالله واليوم الآخر فليكرم ضيفه" . لماذا لا نقبل الاختلاف مع الآخر ؟! لماذا أصور لنفسي أن من لا يتفق معي في الرأي منافق أو جاهل أو ......؟ أرجو أن نرتقي بحوارنا ، و أعتذر ؛ لأني تدخلت في الحوار . |
ربنا معاه ومع كل الناس اللي هناك وبتأيد الاستقرار
|
متأسف اذا كنت قليت ادبي
بس مش قادر امسك نفسي انا تعبت خلاص الله يلعن ابو المتكالبين عالحكم والسلطة |
بداية : عيب اننا نتلفظ بألفاظ على شخص هو رئيسنا اولا رمز لينا ثانيا وكبير ده ثالثا وماعتقدش اننا متربين اننا مش نحترم كبيرنا ! وانا مش هقول كلام عاطفي واسف ياريس وبنحبك والكلام ده لان خلاص ماعدش ينفع زمانه وعهده ولى وانتهى لكن دلوقتي المسألة مسألة بلد وشعب مش شخص هيرحل وخلاص البلد هتنهار لو مبارك سابها دلوقتي وانتو شوفتو بعنيكم ايه ال حصلنا فالكم يوم ال الامن راح فيهم مش بنام الليل .. ولولا الشباب كنا روحنا فيها فبلاش الكلام المتطرف سواء بالتأييد او الرفض احنا فموقف صعب عاوز ضبط نفس وتخلي على مصالح شخصية وماحدش يتصور ان فيه حد من الناس ال طالعة على الموجة دي عاوز يخدم مصر كله نفسي نفسي .. فنفكر فمصر قبل مانفكر فحاجة تانية ولي رجاء بلاش الالفاظ ال مش تنفع تخرج منا احنا الشباب الواعي ال عملنا العمل العظيم ده .. |
اقتباس:
ما ترحمونا بقا |
اقتباس:
صدق رسول الله صلي الله عليه وسلم :039uw8: |
اقتباس:
لأ لأ محدش قال لك روح موت نفسك لكن عندما نعبر عن رأينا بسلام لا احد يموت |
اقتباس:
واللي بيعمله الرئيس يخلي الواحد يفقد عقله هو احنا ايه؟؟؟؟؟ عشان يقعد يقتل فينا ويضربنا بقنابل وبعصيان كهرباء هو مش احنا بني ادمين ولا لا؟ الراجل ده لازم يرحل لازم |
اقتباس:
مبارك راحل يا نقاء راحل يا نقاء يا خسارة يا دكتورة |
اللي خلانا صابرين 30 سنة مش هايخلينا نصبر كام شهر
|
اقتباس:
لو رحل يبقى مصر ............ فأنا لا ارى اي شخص يقدر على تجاوز الازمة وربنا يستر .. فميدان التحرير يشهد مايشبه المعركة ولا ادري متى ينتهي هذا الوضع ! ولم أفهم المقصود بكلمة خسارة ! |
لا يضر البحر امسي زاخرا ان رمي فيه غلام بحجر |
اقتباس:
ومن وجه مئات البلطجية الآن إلى ميدان التحرير لقتال المعتصمين؟ رغم أنى لست مع المعتصمين بعد خطاب الرئيس مبارك و لكن همجية النظام و أزلامه اللذين مازالوا أصحاب قوة حتى الآن و ربنا يستر. |
اقتباس:
هرشح نفسى مرة تانية |
ع فكرة في ناس بتتكلم دلوقتي وخلاص عاوز الحل دلوقتي وخلاص
انما مش هتعرف الي هيحصل لمصر بعد رحيل مبارك انا مش معاه ولا ضده انا بحب مصر واكيد كله بيحب مصر لو احنا فعلا بنحب مصر مش هنخربها وكمان لو مبارك مشي دلوقتي والله والله مصر هتولع كلها يعني استحملناه 30 سنة مش قادرين نستحمله 6 شهور بس لحد اما يشوفوا رئيس تاني ونقدر نوقف مصر تاني ع رجليها حرام عليكم يا جماعة الي بيحصل في مصر ده والله والشباب الي في التحرير دلوقتي ع ما اظن مش ليهم لزمة لوقتي خلاص 6 شهور وهيمشي ولو مش عمل غير كده من حقهم يقوموا تاني وكمان احنا ايش ضمنا الي جاي بعده هيبقي عامل ازاي الي معرفه احسن من الي مش نعرفه ارجوكم يا جماعة اهدوا وحافظوا ع مصر |
اقتباس:
ويجب ان نتكاتف ونكون يدا واحدة حتي نكون في صدد هذا العدوان علي الشعب كله بكافة طوائفة |
إن حسني مبارك الذي يتحدث إليكم اليوم يعتز بما قضاه من سنين طويلة في خدمة مصر وشعبها. إن هذا الوطن العزيز هو وطني مثلما هو وطن كل مصري ومصرية، فيه عشت وحاربت من أجله ودافعت عن أرضه وسيادته ومصالحه وعلى أرضه أموت، وسيحكم التاريخ علي وعلى غيري بما لنا أو علينا.
إن الوطن باق والأشخاص زائلون، ومصر العريقة هي الخالدة أبدا تنتقل رايتها وأمانت...ها بين سواعد أبنائها، وعلينا أن نضمن تحقيق ذلك بعزة ورفعة وكرامة جيلا بعد جيل |
نجح مبارك
والناس بتضرب فى بعض ربنا ينتقم منه |
اللهم أحفظ شعب مصر العظيم والله انا في السعودية معكم قلبا وقالبا
ومانريدة منكم ان لا يرحل هذا الرجل العظيم بهذ ا الاسلوب والله نحب شعب مصر وكذلك نقدر مبارك صقر العرب والعروبة . محارب الصهاينة . اللهم احفظ شعب مصر العظيم . |
اقتباس:
الناس بتقول نعم لمبارك؟!! وهذا لا يعني انهم عايزينة لفترة رئاسية جديدة ولكن الشعب المصري كلة محتاجة الان وحتي انتهاء هذة الفترة فقط وحتي يأتي رئيس أخر بعدة |
اقتباس:
دول ناس بلطجيه مدفوعلهم فلوش عشان يعملوا مظاهره لتأييد مبارك والدليل انهم عالم غير متحضره راحوا ميدان التحرير عشان يهاجموا المتظاهرين اللي هناك يبقي هما ايه؟؟ متظاهرين شرفاء؟ ولا بلطجيه مرتزقه؟ |
اقتباس:
اقتباس:
اللي بيضربوا بعض دول المتعصبين مثال(انت زملكاوي واكيد رحت الاستاد قبل كدة وشفت الجماهير الاهلاوية المتعصبة والزملكوية المتعصبة ايضا هم كذالك اللي في التحرير) |
انا غير مؤيد لهذه الالفاظ وهذه العبارات التى تقولونها عاى هذا الرجل لو تعلمون ماذا فعل لنا لما قلتم هذا صحيح انه اخطا فى امور كثيرة ولكنه والدنا وهو حامينا مما هو حولنا فلا يجب انه نلقبة بهذا الشتائم مهما كان فهناك من يتربص بنا من بعيد
|
اقتباس:
في مثال شعبي بيقول خليك ورا الكداب حتي باب الدار وهو لو رشح نفسه مرة أخري سوف نقوم بمظاهرة أخري وواكيد هو عارف كده كويس اوي ملاحظة بدون خراب |
يا سلام ؟؟؟
ومين بقي اللي بدأ؟ مين اللي عاوز يعمل مشاكل؟ البلطجيه اللي بيأيدوا حسني مبارك في مصلحة مين الكلام ده في مصلحة حسني مبارك يبقي الناس دول مدفوعلهم فلوس وباينه اوي |
لا دى كلمة مفيش رجوع فيها
|
اقتباس:
بالعكس هيزيد في جبروته وهيقتل في الناس او هيخربها وبعدين يسيبها وبعدين لازم ياخد جزاءه علي اللي عمله في المتظاهرين لازم يتعاقب |
انتى بتتكلمى باى طريقة طب انا واحد بدافع عنه دلوقتى بعد اختلاف موقفى بعد خطاب امس يبقى انا قابض فلوس منه
|
اقتباس:
وبعدها هيزور الانتخابات لابنه كعادته عادي يعني |
خلاص اللعبة انتهت
|
اقتباس:
كنت هتروح ميدان التحرير عشان تتخانق وتضرب الناس اللي بيطالبوا برحيل مبارك؟؟؟؟؟؟؟؟؟ |
ابنه لايمكن يدخل
|
فين الجيش المحايد
اللى سايب البلطجية تضرب فى الناس |
انا من اول يوم كنت مع الشباب متحمس جدا للوضع لكن بعد خطاب امبارح وشفت كل شىء بيتحقق وبيدعيهم انه يموت فى ارض مصر يا جماعة حرام عليكوا الراجل بيتعذب من جواه
|
اقتباس:
احمد شفيق امبارح كان بيقول مينفعش تقولوا لحد ميرشحش نفسه لو مش عايزينه متنتخبهوش ومين اصلا انتخب مبارك المره اللي فاتت؟؟ |
| جميع الأوقات بتوقيت GMT +2. الساعة الآن 06:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.