|
الريس عنده حق
الريس في التغيرات تمام اوي وفي خطابه امبارح انه مش هيترشح وانه هيكمل المدة اللي ليه بس ويسلم السلطة للي يجي بعده تمام اوي اوي كمان عشان الاستقرار بس لازم لازم لازم يفتح تحقيق شامل في اللي حصل ويعاقب كل اللي موت شباب مصر انا معاكم لازم يكون فيه استقرار |
استقرار فقط اشخاص لالالالا نكمل الفترة دي من اجل الاستقرار واللي في القلب نسيبه مدفون استقرار مصر اهم دلوقتي استقرار استقرار |
ناس هتقولي انت غيرتي رأيك طبعا لالا اللي كنت بشوفه وبسمعه كان بيستفزني جدا والرعب اللي عشناها بس فعلا فعلا فعلا الفترة دي عايزة استقرار ولاستقرار مع بقاء الريس الكام شهر دول وبرده نسيب اللي في القلب مدفون اهم حاجة دلوقتي الاستقرار الاستقرار فقط فقط |
لأ يا مس حضرتك غيرتي رايك فعلا لانك وجدتي الاغلبية عكسك لاننا ننظر لبعيد أوي ومدي التدهور اللي ممكن يحصل لمصر من جراء التنافس علي السلطة
وكمان فيه حاجة رئيس الحزب اللي حضرتك تبعه بعد خطاب الرئيس المؤثر جدا طلع علي قناة العربية وقال هذا لايكفي ورئيس الحزب ده انسان لا يوجد في قلبه رحمه ومش تسأليني عرفت انك تبع حزب ايه ازاي لاني والله العظيم اعرف 100% بس انتي انسانه قلبك طيب جدا ومصرية وقلبك حنين |
ياريت تراجعي نفسك
|
اقتباس:
اقسم بالله انا ما اتبع اي حزب ومش محتاجة اني احلف ومش مهتمة انك تصدق لانك مش تفرق معايا اصلا ولو سألتني يعني احزاب وايه هي اقولك معرفش وشكرا علي الهجوم الضاري بالنسبة اتغير رأيي انا قولت انا مع الاستقرار في المرحلة دي كلنا بنتجمع علي مبدأ الاستقرار زي ماقال الريس وكلمة اخيرا هجومك عليا زادي اوي واحزاب ايه اللي بتقولك انك عارف اني تبعها اذا كان اساسا انا معرفش يعني ايه احزاب ممكن بقي تريحني وتسكت |
بلاش تعمل نفسك ناصح زياده عن اللزوم اوكيه ياريت ترجع زي ما كونت استاذ محمد الطيب ذو الخلق الكريم لانك فجأة بقيت تهاجم اي كلمة اقولها من غير سبب |
طبعا الاستقرار الاستقرارا اولا
وبعد كده تيجى اى حاجه وبعدين بصراحة كده انا بحب حسنى مبارك مش معنى ده انى اقبل كل تصرفاته ولازم يخرج بشكل مشرف يليق بتاريخه الطويل فى مصر واللى عمله ليها |
كداب
تعين مليون مصري محصلشي القضاء على الفساد محصلشي زيادة الرواتب محصلشي تعيين المتعاقدين محصلشي فوقو بقه دا اللي بيحصل فينا حلال |
بلاش الكلام ده دلوقتي اصل يطلعللك واحد يحلف انه عارف انت تبع حزب ايه
|
خلاص يا جماعه ماعدش الكلام ينفع الريس لازم يحل مجلس الشعب ويترك الرئاسة
كل الوعود الكلامية مش هتتصدق مين فينا اهبل عشان يصدق كلام ارحمنا بقه ياريس |
اقتباس:
ياريت توفر نصيحتك لنفسك مش انت اللي تنصحني وبلاش تدخل نفسك في كل حاجة مش انت اللي هتعلمني حب مصر وازاي احب بلدي واضح موقفك مني من زمان بجد بجد بجد حسبي الله ونعم الوكيل وبرده انا مع الاستقرار وستقرار مصر اهم دلوقتي من الكلام والرد عليك |
الاستقرار الاستقرار الاستقرار الاستقرار الاستقرار الاستقرار الفترة دي ع الاقل |
اقتباس:
ياريت بقي تصوم 3 ايام كفارة اليمين الللي حلفته ده اكيد العصفورة هي اللي قالتلك انا تبع ايه بس بجد يعني ايه احزاب واضح انك تعرف اكتر مني |
اللهم احفظ مصرنا الحبيبه
اللهم احفظ مصرنا الحبيبه اللهم احفظ مصرنا الحبيبه اللهم احفظ مصرنا الحبيبه |
اقتباس:
يارب احنا مش عايزين اكتر من كده انا كنت حاسة بخوف الاسبوع اللي فات ده دلوقتي احنا عايزين استقرار |
كل من له رأى معاكس لراى احد يتهمه انه مندس ومن انصار حزب معين للدرجه دى اعين البعض عمياء لا ترى الا الضد من ليس معك فهو ضددك
لماذا تحكم على الناس بمجرد انهم قالو راى اخر لماذا تعتقد دائما من ليس معك فهو ضددك يعنى والشخص لا بد ان يكون منتمى لحزب معين علشان نتكلم مينفعش نحب مصر من غير اى انتماء لاى لحزب ف ان هذا الحب هو الحب الفطرى للوطن واقول ثانيا اللهم احفظ وطننا الغالى |
فعلا المهم اليومين دول الاستقرار وان كان على اللى فات ربنا هو اللى هيحاسب الجميع والكل لازم يحاسب نفسه قبل ما يحاسب الغير
حفظ الله مصر وحماها من كل سوء |
اقتباس:
ايوه كفاية بقي مظاهرات حرصا علي مصلحة البلد الريس قال هيكمل الشهور دي حفاظا علي الاستقرار وانا شايفة ان اللي مولع الحكاية هي الاحزاب لانهم اصحاب مصلحة |
الرجوع للحق فضيلة
احييك ياأستاذة على تغيير موقفك وهذا ما حاولت أن أوضحه لك في مشاركتك السابقة وردي عليك في هذا المنتدى الكريم ولا أعتقد أن في عدولك عن موقفك ما يشينك أو يكون اتهاما لك كما حاول أحد الأخوة أن يظهر ذلك بالعكس من وجهة نظري هذا العدول دليل صادق على نفسك الطيبة وشعورك الوطني الصادق وإحساسك المرهف وفهمك لما يحيط مصرنا من أخطار فالعدول لمصلحة الوطن قمة الروعة والوطنية ودليل الذكاء والحكمة
|
بعد اذن حضرتك يا مس انا متغريتش حضرتك اللي اتغيرتي
انا حلفت ومش هصوم لانك فعلا تبع حزب المعارضة وهو حزب جديد موجود الآن في الشارع المصري وهو معارضة اي قرار يصدر عن الريس او اي مسئول بدون اي تفكير ورئيسك في الحزب هو واحد اول مرة اسمع عنه اسمه محمد سعد وطلع فعلا في قناة العربية بعد خطاب الريس بدقائق وعارض بردوا وفيه حاجة لو الرئيس قال هيتنحي عن الرئاسة بردوا هتعارضوا اسف لو فيه لفظ ميعجبش حضرتك |
اقتباس:
برده بتقولي احزاب وبرده بتتكلم عني انت سايب مصر كلها ومفيش غيري علي العموم انا هريحك انا تبع حزب( خليني في حالي ) |
اقتباس:
ربنا بس يعدي اليومين دول علي خير ربنا يستر انا مش مطمنة حاسة اللي جاي صعب |
يااحبابي حضراتكم هتهاجموا بعض هنا كمان ليه ؟ كفاية اللى احنا فيه
يااااااااريت كل واحد لديه رأي يحترم عليه وميهاجمش حد دى حرية كل واحد في رأيه وبدل ما بتمسكوا لبعض على الواحده كدا ادعوا ربنا يسترها ويعديها على خييير قولوا يااااااارب واعرفوا ان اي حد منكم هيتوجهلوا اي اتهام بحزب او اى شيء هينكر ده تماما وياريت تقدروا الموقف ده مش وقت عتاب او هجوم او الغلط في حد ماتنسوش انكم في الاول والاخر ولااااد مصر واخوة مهما حدث وان شاء الله هتعدى على خير والمطلوب هيتحقق سواء كله ام بعضه ليس كل مايرغب المرء يدركه مالايؤخذكله لايترك كله اللهم احمي مصر آآآآآآآآآآآآآآآآآآآآميييييييييييييييييين |
هو الفرد اللي يضحي ولا الجماعة هو واحد بس يمشي ولا مئات الالاف الضمير مات والخوف ساد البشر السلطة حلوة اكيد بس احترام التاريخ احلى
|
يا جماعة الرجل ماشى ماشى والبلدفى الست شهور دول تعتبر فى مرحلة تغيير فاللى مش عجبه الحاكم يقدم نفسه ويقول برنامجة اللى هيصلح من شأن البلد وبعدين فيه انتخابات للرئاسه واصبحت متاحة للجميع بعد تعديل الدستور فوالله ان رجع فى كلامة وده مستحيل طبعا ودخل الانتخابات روح وعلم عليه غلط وانتخب اللى انت شايفه يصلح للبلد وبلاش من الشعارات الهدامة واساليب العنف والغطرسة دية خلينا واقعيين وكفاية غلط فى بعضينا واتهام بعضنا بالعملاء والخائنين والمعارضين والكلام الفارغ ده ونفوق شوية دية مصر يا جماعة كفاية لحد كده حرام
وكلها شهور معدودة ونشوف مين اللى هيقدم نفسه ومين اللى هينفع البلد ويزيل الغمة اللى نزلت عليها دية مش كده ولا ايييييييييييييييييه |
قووووووووووووووووووووووووووووووووووووووووووووووووو وووووووول يااااااااااااااااااااااااااااااااااااااااااااااااا ااااااااااااااااااااااارب
|
اللي عاوزه ربنا هيكون
|
اللهم احفظ مصرنا الحبيبه من كل سوء
|
انا مع مستر علوان فى الرأى
|
كمان شويه الاقى حد يطلع يقول انتى تبع حزب وبتاع
الناس ال بتتكلم ومتعصبه فى رايها من مبادئها ال مش معانا يبقى علينا ليه بس الكلام دا يا جماعه احنا حبنا لمصر حب فطرى كحب الام الواحد يخاف ان تصيبها اى مكروة واخيرا سمعت زى كل ما حضراتكم سمعتم ان امريكا بدات تتدخل وتقول ان الشباب المصرى صوته مسموع لدينا فا هو عدونا بدا يتدخل ويطبطب علينا عايزين ايه اكتر من كنا مش نحافظ على بيتنا اكتر من كدا وما هى الا شهور معدوده وربنا مش هيرضى باى سوء لمصر والله خير حافظا |
اقتباس:
كلام حضرتك عين العقل انا سمعت الخبراء والمللين السياسين بيقولوا ان اللي حصل واللي هيحصل هيأثر علي مصر لمده 20 سنة |
انا وان كان اللي بيحصل بستفزني والمناظر والعربيات اللي داست في الناسل والقنابل المسيلة للدموع
بس برده عايزة استقرار والاستقرار حاليا مع بقاء الريس الفترة دي استر يارب |
|
اللهم ارحم شعب مصر ووفقه للخير وارحم ابناء مصر
|
وفيها ايه لما الانسان يغير موقفه ما دام الى الصواب
ربنا يهدينا جميعاً وعلى العموم الانتخابات فى شهر 11 ان شاء الله ولازم نحترم مصر وما دام ان الريس وافق على كل المطالب ليه كل العند ده الرجاء من الجميع الهدوء وضبط النفس لان انصار الريس والمعارضين ممكن يعمله حرب اهليه وما نعرفش مين على صواب ومين على خطاً |
اقتباس:
اقتباس:
اقتباس:
اقتباس:
السلام عليكم و رحمة الله و بركاته كل رأي جدير بأن يُحترم هناك من يطالب بأن يترك " الرئيس " الحكم الآن ، و آخرون يرون الانتظار ، و آخرون يريدون محاكمته .............إلخ لماذا لا نقبل أن يختلف الآخرون معنا ؟ لماذا من يختلف معي عميل و منافق و...........؟ لكلٍ رأيه و يجب أن نحترم رأي الآخرين ، نحن بشر نفكر و نعطي رأيًا يُؤخذ منه أو يُرد، و يجب أن نأخذ برأي الأغلبية مادام لا يخالف تعاليم الدين، لن أقدم نصائح و كذلك أعتذر إن كان تدخلي في الحوار غير مقبول و لكني أذكركم و نفسي بقول الرسول - صلى الله عليه و سلم - : " من كان يؤمن بالله واليوم الآخر فليقل خيرًا أو ليصمت ومن كان يؤمن بالله واليوم الآخر فليكرم جاره ومن كان يؤمن بالله واليوم الآخر فليكرم ضيفه " من الصواب ؟ الأخت " مدرسة الإنجلش " عرضت رأيها و هو رأي يتفق معه الكثيرون و جدير بأن يُحترم و يُناقش ، لماذا يتحول الحوار إلى حرب ؟ أقدر الضغوط التي يتعرض لها الجميع ، و الاختلاف في الرأي لا يفسد للود قضية . أستاذ " محمد" أستاذة " مدرسة الإنجلش " لا شك أنكما تحبان مصر و تعملان على استقرارها ، و لذا أوجه دعوتي لكما و للجميع للوقوف معًا و المشاركة و لو بالدعاء أن يحفظ الله مصر . و في نهاية حديثي أذكركم و نفسي بقول الرسول الكريم - صلى الله عليه و سلم - : " لا يحل لمسلم أن يهجر أخاه فوق ثلاث فمن هجر فوق ثلاث فمات دخل النار " و أن خير المتخاصمين من يبدأ بالسلام . |
الاستاز احمد ابو زيد
كلام حكيم من عضو عاقل شكرا للك |
المشكلة الكبيرة ان مصر شعبها عاطفى اكتر من اللازم ومش بيهون عليه العشرة
وانه لعب علر الوتر دا ودا اللى جايبنا ورا كتيييييييييييييييييييييير يارب انصر شباب الميدان |
استقرار استقرار استقرار كفاية مظاهرات بقي مفيش امن ولا امان |
طبعا يا جماعة مدرسة الإنجلش محتاجة جدا للأستقرار علشان ........................................
أكيد هتعرفوا بنفسكم.................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .............تكمل شجرة المعلم المساعد هههههههههههههههههههههههههههههههههههههههههههههههههه ههههههههه أستقرار ............أستقرار منذ متى عرفنا الأمان الكل بيخاف يتكلم والكل كان بيخاف يطالب بحقوقه ومعظم الشعب يعيش تحت خط الفقر ولم يكن صادقا منذ 30 عاما هيصدق فى أشهر والله العظيم هيصفى كل اللى قام بمظاهرات وهينتقم منهم بل والحزب الوطنى سوف يزداد فحشا وظلما |
اقتباس:
متتكلمش عني ربع كلمة وملكش دعوة بيا اساسا مش انت اللي تتكلم خليك في حالك |
ارجو من الجميع تقدير الموقف الصعب اللي مصر فيه ونحترم اراء بعض وان يكون الحوار من اجل مصلحة الوطن التي اعتقد اننا لانختلف عليها . اقدر مشاعر الجميع لأننا نعيش هذه الظروف معا نحن نريد الاستقرار والاصلاح بالحوار لا بالعنف من اجل مصر الحبيبة . حفظ الله مصر والمصريين
|
اقتباس:
عندك كل الحق |
عنوانك اسمه بيفكرنى باعلان كان بيقول
" الواد كان عنده حق اوعى تقوليلو لاء " كذلك الريس كان عنده حق اوعى تقولة لاء |
| جميع الأوقات بتوقيت GMT +2. الساعة الآن 07:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.