|
هل توافق على رحيل مبارك .. الآن .. مع سبتمبر ...
بسم الله الرحمن الرحيم السلام عليكم ورحمة الله وبركاته هل توافق على رحيل مبارك الآن ؟ أم مع شهر سبتمبر القادم ؟ |
وعليكـم السلام ورحمة الله وبركـاتة..
أوافق حتى نهـــاية المدة المحددة ليـة((شهر سبتمبر)) لكـن الأن وفـي هـذة الظروف بالـــتاكيد ((لا)).. بالأضـافة لأن جميع القوى السياسة و المعارضة المتواجدة الأن على الساحة المصرية لا تصلح لقيادة مصر وعلينا الإنتظار إلى ظهور قوى جديدة تنظر للأمور بطريقة أخرى. وشكــرا جزيـلا لحضرتـك.. |
اكيد طبعا اوافق مع نهاية المدة المحددة اخر شهر سنتمبر الجاى ان شاء الله ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،
|
الهدف من تمديد الوقت هو إعادة الموقف إلى نقطة الصفر ..
وكل الشباب اللى كان بيخطط ليوم 25 هيتم الإنتقام منهم فى هذه الفترة :stickjo4: مع الأسف تم إعتقال 35 شخص بالأمس .. ربنا يستر علينا .. كله بيلعب على كله :049gc0: |
اوافق على رحيله بعد قضاء المده المحدده لولايته
ولو لم ياتى احسن منه لا اوافق على رحيله بتاتا |
أوافق علي رحيل السيد الرئيس ي نهاية مدته وأوافق علي رحيل من يجلس في ميدان التحرير الأن
|
لنهاية المده لية؟؟؟؟؟؟؟؟
علشان يستنوا فترة لغايه ما الامور تستقر ونعرف نفكر نختار مين ولا مين وكمان دلوقتي الحماس واخدنا واي واحد هيدخل وسطينا ويوافقنا على افكارنا هنأيدة |
ثورة بالصدفة طبعا لا يليق باسم مصر وشعب مصر أن يخرج زعيمها وقائدها بهذا الشكل المهين مهما كانت مساوئهوأن تكون هناك فترة آمنة لإنتقال السلطة وبدون خسائر في الأرواح والممتلكات واقتصاد دولة سندفع ثمنه وزيادة على ذلك الانقسام بين افراد الشعب الواحد بين مؤيد ومعارض ونترك له الفرصة لمحاسة من نهبوا البلد على أعيننا ويكون هو العصا التى نضرب بها على أيديهم وهناك من نهب أملاك الدولة من أراض وشركات خصخصت لنمارقة واتفاقيات ظالمة كل ذلك هو الأجدر على انهائه وبالشكل الذي يرضينا وشجاعة هذا الرجل تمنعه من أن يترك البلد في وسط الهلاك والدمار لتصبح السلطة حق ومطلب ومطمع لكل من هب ودب وللعلم ومن باعوا أصواتهم في انتخابات مجلس الشعب على أتم الاستعداد أن يبيعوها في انتخابات الرئاسة ومعذرة عن التسمية لأنها صدفة حقا لأصحاب المصالح والأجندات وهم كثيرون في الداخل والخارج فهي صدفة لم يتوقعوها ولم يحلموا بها وهم نيام ولذلك أبو أن يستيقظوا لك الله يا مصر ولنجعل شعارنا جميعا بلادي بلادى بلادي لك حبى وفؤاديوللعلم أنا لست منتميا لأي حزب ولكن مصري وبحب مصر |
اقتباس:
|
انا مع نهاية المدة لانى انا من رايى ان الرئيس لو فضل هيعمل اقصى ما فى وسعه لاصلاح البلد لكى يثبت انه انسان كويس ويوم ما يمشى الناس هتتكلم على اللى عمله وبدل ما يقولوا ارحل هيقولوا استنى اما بانسبة للمعتقلات بيتهيالى انه هيخاف يعتقل احد لانه شايف العين كلها عليه فى الداخل والخارج ارجو اللى فى ميدان التحرير يعقلوا
|
الاحداث ال حصلت يوم 25 /1 حتى الان لها فوائد عظيمة على الشعب المصرى منها
التأكيد بعدم ترشح رئيس الجمهورية مره اخرى ولا ولده تعديل الدستور بالشكل الذى يفتح الفرصه للجميع فى حق الترشح الشريف لرياسة الجمهورية تغيير وزارة رجال الاعمال ومحاسبة البعض عزل احمد عز لما له من سمعة سيئة وفساد القيام بحوار وطنى فى جميع القضايا ظهور الشعب المصرى فى مصر والعالم على انه شعب يستطيع ان يقول لا كل هذا القضايا واكثر يكون للشباب الذين تظاهروا وضحوا بالدماء الغالية من اجل الوطن فهم وطنيون ومخلصون اكثر من اى احداً اخر وكل هذه الاصلاحات مطلوبة من كل الفئات والشخصيات العامة فى مصر اما عن عزل الرئيس بطريقة مهينة او الانتقام منه فلا والف لا فليس شعب مصر من يفعل هذا ابداً حتى لو كان كله عيوب نصبر السبع شهور الباقيين عاش شعب مصر الاصيل |
أوافق علي رحيل السيد الرئيس ي نهاية مدته وأوافق علي رحيل من يجلس في ميدان التحرير الأن
|
طبعا بقاءه لنهاية مدته
حتى يرحل بكل كرامه احنا عمرنا ماكنا بنهين حد واول ما نتشطر نهين رئيسنا صعبة اوى ربنا يهدى الشباب |
اوافق او لااوافق المهم هو عايز ايه
كلامنا ليس له تاثير وربنا يستر فى الايام الجايه |
فين حق الـــــــــــــ 300 شهيد
هل تذكر أحد منا مدي فجاعة هذا الرقم هل فكر أحد اليوم أن يصلي عليهم صلاة الغائب من سيواسي أسرهم ؟؟؟ |
بصراحه ان حاسس انى اشاهد مباراه بين فريقين
الفريق الاول: الحزب الوطنى والاعلام المصرى المؤيد تماما للرئيس مبارك والفريق التانى: فريق الشباب المتظاهرين فى القاهره والمحافظات التانيه والذى يتكلم بلسان حاله القنوات الفضائيه زى الجزيره والحره والمستقله ولندن والحره وغيرهم خطه الفريق الأول: 1- استخدام الاعلام فى اعطاء صوره عن المتظاهرين انهم اعداء الوطن وخونه وبينهم جماعات مندسه واسرائيلين وانهم مش عاوزين استقرار مصر وطبعا ده هيخلى الناس تكره المتظاهرين ولو ماتوا كلهم يبقى هم اللى يستاهلوا انهم بيعملوا الشغب ده واعتقد ان التلفزيون المحلى فعلا نجح فى كده 2- قفل البنوك وتضييق الحياه على الناس لحد الناس ماتزهق من المتظاهرين وده اكيد هيحصل 3- المراهنه على عنصر الوقت هيسيبوهم فى الميدان لحد مايزهقوا ولن يستجيبوا لمطالبهم الاساسيه 4- تخويف الغرب من جماعه الاخوان المحظوره انها ممكن تمسك السلطه لو الرئيس ترك الحكم ولذلك كل السياسين الموالين للحكومه بيضغطوا على الحته دى ويقولوك ان الثوره دى بيحركها الاخوان اللى الاعلام مخوف كل الناس منهم تقوم الدول الاخرى تقف ضد مطالب المتظاهرين 4- عمل مظاهرات مضاده لمظاهرات الشباب 5- بث الاشاعات فى وسط المتظاهرين وعمل حرب نفسيه عليهم 6- بث الفرقه بين صفوف المعارضه والمعروف ان فرق تسد 7- نشر ناشطين على الانترنت يقنعون الشباب بتأييد مبارك واتهام المعارضين بالخيانه وذلك منتشر فى المنتديات حاليا وانا اعتقد ان الحزب الوطنى خطته نجحت تماما خطه الفريق التانى: 1- التجمهر باعداد كبيره فى الميادين العامه وده بيجذب انتباه العالم الغربى 2- استخدام القنوات الفضائيه العالميه فى توصيل مطالبهم للعالم 3- المصريين الموجودين فى الخارج ينظموا مسيرات فى جميع انحاء العالم تضامنا مع المتظاهرين المعارضين فى الداخل ((ده تحليلى للموقف ده واعتقد ان الفريق الاول هيكسب والنظام سيظل باقى )) |
اقتباس:
مع الشكر لجميع من شارك بالموضوع ... ولكن استوقفني هذا الرأي اقتباس:
فكلامنا لا تأثير له مع الرئيس - ولا زال - دستورياً ... وعرفياً ... - رئيس ولكن كلامنا في هذا الموضوع ورأينا له تأثير على بعضنا البعض عبر برأيك ... وارفع صوتك ... وقل ما في نفسك شباب 25 يناير أيقظوا فينا الكثير ... ولكن للأسف اكتشفنا أن الوعي السياسي - للكثير منا - لا نملكه كلنا مصريون من أيد "الآن" ... يخاف على أخيه في التحرير فلا نضمن إن رحلوا عن الميدان ماذا سيكون مصيرهم بكل صدق ... الكل خائف عليهم .... ولا يوجد لهم ضمان من حزب حاكم واستحكم واستبد في البلد ومن أيد "في سبتمبر" ... يخاف على أخيه العامل باليومية ... وأخيه المتضرر من بقاء شبابنا في الميدان فلا نضمن كم الخسائر التي تنتظرنا نخاف جميعاً ... من كلا الخيارين ولا نملك إلا الدعاء لله أن يحفظ لنا بلدنا ... ويرد كيد من أرادها بسوء في نحره ... ويجعل تدبيره في تدميره لكل من شارك بالموضوع ... واختار الرأي الذي يراه لكل مصري يخاف على بلدنا تحياتي لكم لأنكم شاركتموني التفكير بصوت... وأسأل الكريم أن يحفظكم دمتم بخير |
اقتباس:
أنا معاك في كل كلمه قولتها |
اقتباس:
مع احترامي لكما إلا أنني أتحفظ على كلمة "ثورة بالصدفة" فهي ليست بالصدفة بل بتخطيط رباني فلو اجتمع الجميع على التخطيط لها لما كانت ستنجح في ظل الأمن المركزي وأمن الدولة الذي كان يتابع أي مظاهرة أو تجمع أو احتشاد لكن لولا أن الله أراد لنا ولها الخير لما حققت أهدافها نسأل الله أن يكملها على خير إلى الآن ... الآن ... لا أستطيع استيعاب أن هناك تغييراً حدث بالفعل هل صحيح انتهى عهد التزوير انتهى عهد الرشاوي انتهى عهد الخوف والسكوت لا زلت أشك والله المستعان |
مع شهر سبتمر طبعا
|
اقتباس:
سؤال واحد م ممكن من شهرين مبارك يموت موته ربانية مش ممكن ينوت بعد شهر اوشهرين هل تنهار مصر |
اقتباس:
كلامك مظبوط 100 % و دى ذى دى |
طبعــــــــــا لا يليق بكرامه المصرى انه يهين رئيسه بالصوره دى
توجيه اى اهانه للرئيس هى اهانه فى حق الشعب بالكامل مش معنى كلامى ده انى من مؤيدى مبارك ولا اقبل انى اكون من معارضيه اللى متاكده منه اى من انصار البلد ده الشعب ثار وحقق اللى كل الاحزاب ع مدى 30 سنه مش قدرت تحققه وبقينا دلوقتى بنتكلم عن امور مش كنا نقدر نتكلم عنها قبل كده والرئيس استجاب لمطالب كتير هل يعقل انه بعد ما طلع ع الشاشات الامريكيه والعربيه وقال كل ده انه يخلف وعده تانى ؟؟؟؟؟ دلوقتى الشعب بقى عنده اراده اقوى ويقدر يقول لا ويقدر يقول نعم ورحيل مبارك مش هو لبحل دلوقتى ,,,,,,,,,,,,,,,,,,,, |
مع الانتظار
ربنا خلق الأرض فى ستة أيام ارحموا عزيز قوم ذل ولو غدر أو خلف وعده تقوم الثورة من تانى مصر عمرها ما حتنتهى |
ﺃﺭﻯ ﺃﻥ ﻳﻈﻞ ﺍﻟﺮﺋﻴﺲ
ﻣﺒﺎﺭﻙ ﻓﻲ ﺍﻟﺴﻠﻄﺔ ﻟﺤﻴﻦ ﺇﺟﺮﺍﺀ ﺍﻟﺘﻌﺪﻳﻼﺕ ﺍﻟﻤﻄﻠﻮﺑﺔ ﻟﻠﻤﺎﺩﺗﻴﻦ 76 ، 77 ﻓﻲ ﻇﻞ ﺍﻟﺸﺮﻋﻴﺔ ﺍﻟﺪﺳﺘﻮﺭﻳﺔ ﻋﻠﻰ ﺃﻥ ﻳﺘﻢ ﺫﻟﻚ ﻓﻲ ﺃﺳﺮﻉ ﻭﻗﺖ ﻣﻤﻜﻦ ﻭ ﺑﻌﺪ ﺫﻟﻚ ﻳﻘﺪﻡ ﺍﺳﺘﻘﺎﻟﺘﻪ ﺣﻘﻨﺎ ﻟﻠﺪﻣﺎﺀ ﻭ ﻧﻘﻞ ﺍﻟﺴﻠﻄﺔ ﺇﻟﻰ ﻧﺎﺋﺐ ﺍﻟﺮﺋﻴﺲ ﻋﻤﺮ ﺳﻠﻴﻤﺎﻥ ﻟﺤﻴﻦ ﺇﺟﺮﺍﺀ ﺍﻹﻧﺘﺨﺎﺑﺎﺕ ﺍﻟﺮﺋﺎﺳﻴﺔ . |
اوفق على رحيله الان
|
الشعب المصرى أصيل وعاقل ومفكر ومثقف ولسنا همجيين يبقى مبارك حتى نهاية ولايته أو حتى يستتب التغير على يديه مبارك اليوم يعى أن التاريخ يسجل أدق التصرفات |
لا اوافق يجب استقرار البلد وكدا نهاية المدة نعم للاستقرار
|
الاشخاص اللى عايزة الرحيل الان ده غباء مع احترامى ليهم
ازاى يمشى الان هى سنة عشان تخلعوها ده الرئيس وكمان اللى عايز الرئيس يمشى الان ده مش فاهم حاجة لان البلد هتتقلب اكتر وكمان ناس كتير عنيها على السلطة مش عارفة حاجة عن الحكم وهى اللى بتحرض الشعب وكمان الرئيس هيمشى بعد انتهاء المدة وكمان الرسالة وصلت هما لسه قاعدين فى الميدان ليه ؟؟؟ دول عايزين تخريب مش اصلاح |
اوافق حتى نهاية المدة
|
حتى نهاية المدة أفضل
|
noooooooooooooooooooooooooooooooooooo
|
يا ريت بلاش ننسي 2 مليون واقفين في ميدان التحرير حد يضيف اصواتهم عشان يبقي في عدل في التصويت
غير الالوف اللي في شوارع المدن الاخري |
مع شهر سبتمبر القادم
لانه لو رحل الآن ستنتشر الفوضى فى الدولة وتصبح مدخلا للأعداء والدخلاء |
فليبقى لكن فليعطى ضمانات
ازمة الثقة هى المشكلة الأن |
:slap1qk6: بارك الله فى عملك اوافق على عدم ترشح الريئيس بعد قضاء المده المحدده لولايتهوليس رحيله فهذا اللفظ غير لائق لرئيس مصر العظيمة
معلهش رسالة بخصوص بلدنا مصر مصر اتحرقت حرام بالله عليكم ا اقرؤوا رسالتى دى رسالة النبى لكل الناس النبى قا ل من بات أمنا فى سربه معافا فى بدنه عنده قوت يومه فكأنما حيزت لــــــه الدنيا وكفاية ان النبى نهى عن الخروج عى الحاكم والشيخ بن القيم قال لان اعيش 40 عام تحت حاكم ظالم خير لى من ليلة بدون حاكم ولو تنحى الحين سوف تتسارع القوى على الحكم وتحدث الفوضى يــــــــــــــــــــــــــــــــــــــــــــــا شـــــــــــــــــــــــــــــــــــــباب مصـــــــــــــــــــــــــــــــــــــــــر محدش يضحك عليكم بوجبة كنتاكي البيوت خربيت لا تسمعوا للمغرضين لانهم ليس لهم الا مصلحتهم هل انت مصرى ؟ مصر فوق الجميع قولو لا حول ولا قوة الا بالله |
المشكلة عندي مش في خروج مبارك الان او فيما بعد المهم عندي ان اي رئيس اونظام حكم ياتي يعمل علي تغيير الاوضاع اللي كل الناس ببتعاني منها,زي البطالة ,الاسعار,ووضع نظام شفاف للانتخابات ,وان يكون هناك ضمانات تضمن لكل مواطن حقه في اختيار من يمثله سواء في البرلمان او المجالس المحلية او حتى على مستوي رئاسة الجمهورية وان لا تحدث تزويرات في اي شئ يريدة الشعب ,يعني عايزيين صياغة جديدة لكل حاجة تضمن احتام جميع الحقوق لالكل الاطراف,مش عايزيين مجرد تغيير اشخاص بيتهيالى مش هنقى سعداء لو زال نظام مبارك واتى نظام اخر اكثر استبدادا,والسؤال هنا ..ماهي الضمانات التى تضمن لنا كشعب حقوقنا ايا كان الحاكم من الوطني او الاخوان او يساري او لبرالي او علماني او ايا يكن مش عايزيين نكون كشعب مجرد وسيلة لاشخاص معينة حتى يصلوا الى سدة الحكم
|
لااااااااااااااااااااااااا لاااااااااااااااااااااااااااا لاااااااااااااااااااااااااا
دلوقتى يا جماعه حرام انا اخدت الاجازه ولا حسيت بطعمها حرررررررررررررررام بقى يرحل وملوش دعوه بالى هيحصل بعد كده ده الراجل بقا جدوووووووووو عنده 80 سنه كفايه بقى يفكر فى اخرته شويه |
يسقط الطاغية الآن
|
10 مليون متظاهر فى كل محافظات مصر وكل واحد فيهم يمثل اسرته عبروا عن رأيهم وقالوا للسيد الرئيس اترك السلطه وانت معزز مكرم
|
اقتباس:
الله ينور عليكى يا ستاذه |
السلام عليكم ورحمة الله وبركاته الآن وقد أوشك عدد مشاهدات الموضوع على النصف ألف مشاهدة وبعد العديد من الآراء التي أبدى كل واحد رأيه وبعد التصويت كانت النتائج (63) صوت منهم (20) صوت بنسبة (31.75%) يقولون "الآن" و (43) صوت بنسبة (68.25%) يقولون "مع سبتمبر أغلبية الآراء التي تمثل لجنة عن منتدى مصري يرون أنه من الأفضل أن يظل الرئيس في الحكم وهي أغلبية وجدتها في منتديات كثيرة ومواقع أخرى هناك من يرون أن عدد المتظاهرين في الميدان يجب أن يضاف لنتائج هذا الاسنفتاء.... ولكن بالمثل : لماذا لا نضيف عدد المؤيدين للاستقرار في المظاهرات المختلفة بمصر هناك من يرون أن من بينهم هم بلطجية وعدد من أنصار الحزب أطلقوها لتنادي باستقرار النظام ... ولكن لا ننكر أن هناك فيهم من هم مثلنا على المنتدى ينظرون للمصلحة العامة ولا ننسى أن هناك منا من يرون من ينظرون أيضاً بنفس النظرة أن ضمن ثورة شباب 25 يناير من ينتمون لأحزاب تنظر لمصلحتها أيضاً أخوتنا الكرام بعد مضي فترة على المظاهرات لم تقم المظاهرات خلالها بالتحرك إلى القصر الرئاسي يوم جمعة الغضب أو يوم الخلاص والرحيل أو يوم الثلاثاء الأول من فبراير وبعد اتضاح أن السيد الرئيس المبارك المتمسك برئاسته رغم رؤيته لشعبه يقولون له ارحل يا مبارك ... ويا جمال قول لأبوك .. شعب مصر بيكرهوك لكنه لا زال يردد ... أخاصمك آه ... أسيبك لا وبعد أن نادى الشباب حكم الأب باطل.. حكم الأم باطل.. حكم الابن باطل وهو يرد حكمي باق باق فالمظاهرات هي تعطيل الآن للمصالح الحكومية الخاصة والعامة من وجهة نظر استفتاء لجنة من بوابة الثانوية العامة المصرية تحياتي لكم |
انا مع رحيل مبارك هو اصلا هيقعد فى الحكم يعمل ايه بعد الظلم والفساد والبطالة اللى عملها فى البلد يااااارب يمشى ونرتاح بقى من كل القرف اللى احنا فية والناس اللى بتقول يقعد بتقول يقعد ليه وعلى اساس ايه
|
من يفكر بعقله يختار نهاية المدة
ومن يفكر بقلبه يختار الان نحن من يختار الأن ام نهاية المدة ليس من يختار تلا التي تقول now now نحن مصرين ايقول عنا التاريخ خضعنا امطالب نحن الشعب نحن اعلم بمصلحة بلدنا كل العيون الداخلية والخارجية علينا فلنحفظ بلدنا |
اقتباس:
احنا عايزين استقراروأمان وياريت المتظاهرين يروحوا المطالب خلاص اتحقق جزء كبير منها هما عايزين ايه تاني ويتركوا فرصة للتغيير والاصلاح ولو محصلش التغيير يبقوا يتظاهروا تاني وعيب كده اللي بنعمله والعالم عمال يتفرج علينا وبينصحنا احنا دولة الحضارة هما مالهم ومالنا يا جماعة لازم نفكر بعقلنا شوية ليه الدول الثانية عايزه يرحل الان والتخريب اللي بيحصل كله في وقت واحد أكيد فيه حاجة لعدم الاستقرار هما بيعملوا سيناريو العراق تاني ولا ايه هما طمعنين في مصر ممكن قوي بعد الرحيل وده أكيد حيخربوا تاني ويعملوا عملية عدم أمن واستقرار ويجيئوا زي معملوا في العراق عشان يضبطوا الأمن ويخربوا مصر زي ما عملوا بالعراق القوة العربية اللى كانت مخوفاهم ومصر بلد قوية وفي موقع ممتاز وبتتحكم بقناة السويس وطبعا مش عاجب الكثير ياجماعة حافظوا على مصر وخافوا عليها بلاش التخريب |
انا ايضا اويد بقاءه حتى المدة (شهر سبتمبر)
واحنا نفسنا نعد انفسنا للتعامل بحرية وديمقراطية نحن حتى الان لانحترم راى بعض يجب علينا ان نساير هذة الثورة التى فتحت لنا باقة امل جديد ولكن هل تعلموا وانا هتكلم كمعلمة اننا الان لازم نغير من اسلوب تعاملنا مع تلاميذنا هل احد فكر باننا دخلنا عصر الجميع عرف فيه حقوقه وجاء الدور لمعرفة الحقوق التى علينا النظام كله فاسد ومخطى اللى يقول انه خارج الحلقة كيف اقولك هل كنت امين بنسبة 100 % مع تلاميذك هل اديت واجبك على اكمل وجه هل تعاملت مع طلاب دون تفرقة يا اخوانى الاصلاح لازم يبتدى مننا نحن ومن انفسنا ودة دورنا الان لازم نجلس مع انفسنا ونحاسب نفسنا حتى ندخل عالم الدولة الديمقراطية الحرة |
المشاركه الاصليه
الاستاذ /محمد ضبعون كلامك ذى الفل بلغه اولاد البلد الكلام الحلو من كفرالشيخ مركز بيلا نعم لحسنى مبارك نعم لمصر لا للتخريب نعم الامن والامان مش عارف الناس عاوزه ايه خراب ام استقرار نعم لمصر نعم لمبارك من غير مصلحه شخصيه ولانفاق لوكتبت الكلام ده قبل 1/1/2011 يكون نفاق نحن فىحاجه ماسه لحسنى مبارك اليوم قبل غدا كفايه تدمير فى البلد الناس اللى فى ميدان التحرير ياريتحد يقولى معظهم بيشتغل ام لا هل يستطيع كل واحد يعمل يحصل مثلا فى اليوم خمسين جنيها كان عرف قيمت القرش واحترم الشرعيه لاللدكتور محمد البراعى ونعم لمصر وحسنى مبارك والله انا بتكلم من القلب التوقيع موجه بالتربيه والتعليم حاصل على كليه التربيه دبلوم مهنى فى التربيه دبلوم خاص فى الصحه النفسيه وطرق تدريس الغلوم بعثه تعليميه فى انجلترا |
اري يبقي في مكانه حتي شهر سبتمبر ... يجب ان نفكر في مصر ولا نفكر في اشخاص .. وهنا السؤال ما هو المفيد لمصر
**ترك الرئيس الآن الحكم وترك البلد في فوضي وصراع ونعيش سنيين حتي نتفق علي رئيس اخر ومخرج دستوري والكل الآن في صراع علي الكرسي ونسينا حدودنا يا سادة مع حماس التي احتلت رفح المصرية ربنا يستر علي حدودنا مع اسرائيل وسودان البشير **ام الانتظار لشهر سبتمبر وخلال هذه المدة يعدل بعض مواد الدستور وننظر في طعون مجلس الشعب ويتم ترشيح من يرغب لرائسة الجمهورية وتتم انتخابات ديقراطية تحت اشراف قضائي ومراقبة دولية **ننظر لمصلحة البلد التي تحترق ام كل منا ينظر لمصلحته فقط البلد تحترق يا سادة امامنا تحدي نكون بلد يعيش في سلام ونحكم العقل والمصلحة العامة ام تتحول مصر الي صومال جديدة |
انا احبه كتييييرر
|
ياشباب افيقوا من التدخل الشيعى من اجل ضياع مصر
|
| جميع الأوقات بتوقيت GMT +2. الساعة الآن 08:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.