|
بيت الحب يا بيتنا
السلام عليكم ورحمة الله وبركاته انا قرأت موضوع عجبنى جدا فى موقع وحبيت انقله ليكوا هو هيكون عباره عن حلقات:) وأخيرا حصلت (حسناء) على أجازة !! .. لمدة ستة أشهر كاملة لم تجد الوقت الكافي لأخذ أجازة من العمل .. لكن الان .. الاجازة الرسمية السنوية .. قد هلت ضاحكة .. ومعها ستهل الفرحة على بيت حسناء .. وستجد الوقت الكافي لتملأ البيت رومانسية وحبا لـ(أحمد) .. كم اشتاقت له .. اه يا أحمد ..متى تعود من سفرك لترى حبيبتك حسناء كما كنت تتمنى أن تراها منذ زمن .. جميلة .. رقيقة .. وتحبك !! .. دخلت غرفتها منهكة .. ألقت بنفسها على الفراش في تعب استعدادا لتغط في نوم عميق .. لكن .. حانت منها التفاتة لكتاب ضخم موضوع على احدى أرفف غرفتها .. قامت الى الكتاب وأمسكته .. كم عدد طبقات الغبار التي تعلوه يا ترى .. وكم من الوقت تناست هي هذا الكتاب .. في الواقع لم يكن الكتاب الا ألبوما احتشدت به صورا كثيرة لاتدري الرابط بينها .. أخذت حسناء الكتاب ودست نفسها تحت الغطاء .. ثم فتحته .. وابتسمت في مرارة.. كانت الصفحة العشوائية التي فتحتها في الألبوم تضم صورة كبيرة لها .. تجلس في حديقة جميلة .. وبجانبها شاب وسيم للغاية .. وقد طوق وسطها بيديه حتى بديا كأجمل عصفوين اطلعا على هذه الدنيا .. تأملت حسناء نفسها في الصورة .. لقد كانت سعيدة .. تلك الابتسامة الجذلة التي تتراقص على شفتيها .. وتلك النظرة الحالمة الواعدة الى شابها الوسيم .. وتلك العينين الللامعتين .. كانت سعيدة .. أم لم تكن ..؟؟ أغمضت عينيها في تعب .. وشريط ذكرياتها يتراجع للوراء كثيرا .. حتى يصل الى زمن هذه الصورة العتيقة .. http://img72.imageshack.us/img72/6440/33eu2.gif - بحبك يا حسناء .. تطرق رأسها في خجل .. - بموت فيكي .. يحمر خدها .. وتصفر أذناها .. لكن الهمس الحالم يستمر جوارها .. - كل يوم قبل ما أنام .. بتخيلك في فستان فزدقي .. تضحك .. - اشمعنى فزدقي يعني ؟؟ - معرفش .. بس بتخيلك كدة .. وبعدين أنام وصورتك مش مفارقة خيالي .. وبعدين بحلم بيكي .. عارفة ده معناه ايه ؟؟ تتطلع اليه في لهفة .. عيناه تلمعان وهو ينظر اليها .. ويده في خصرها .. - معناه ايه ؟؟ - معناه اني بفكر فيكي 24 ساعة من ال 24 ساعة بتاعة اليوم .. عارفة ده معناه ايه ؟؟ تتطلع اليه من جديد .. كم هو ماكر رائع .. - معناه ايه ؟؟ - معناه ان أنا السمكة وانتي المية بتاعتي .. معناه اني مقدرش أعيش من غيرك.. تطرق من جديد .. انها سعيدة .. سعيدة .. تمتد يده الى شعرها الناعم .. - وانتي يا حسناء .. بتحبيني ؟؟ ويزداد احمرار وجهها .. ويعلو صفير أذنيها .. لكن عينيه تجعلانها تقول بلا شعور بالزمان أو المكان : - بحبك .. يا (حسام) !! |
وااااااااااااو .. حلو .. ولو اني مش فاهم حاجة من المقدمة خالص .. سؤال بس .. يعني ايه صفير اذنها .. هي ودانها بتصفر .. دي موهبة ؟؟؟؟
تسلم ايدك .. هو ليه تكملة .. صح ؟؟!!! سؤال كمان معلش .. طولي بالك .. هو ازاي حبيبها كان فوق اسمه احمد .. وتحت بقى اسمه حسام .. هو بيغيره تبع الموضة .. ولا ده دلعه ههههههه سلاااااااام |
مستنين نشوف بائى القصة
شكل حسام دا الحب الاولى بس بداية حلوة |
السلوب حلو
ومقدمه حلوه ومشوقه ننتظر البقيه |
بيتهيألى إن الموضوع كده خلص وإن هى إفتكرت واحد من اللى هى حبتهم وده معناه الواضح من الكتاب الكبير ده إنها كل يوم مع واحد كل صفحه فيها نفس الصوره ونفس الكلام |
اقتباس:
اقتباس:
ميرسى لذوقك يا جميل اقتباس:
ثانكس على مرورك منور الموضوع كله اقتباس:
يا عينى على الفطنه .... اولا الموضوع لسه مش خلص وثانيا هى مش كل يوم مع واحد ولا حاجه ثالثا تابع معانا وانت هتعرف كل حاجه وميرسى ليكوا كلكوا على مروركم اللى زى العسل ده |
الحلقه 2
- قصدي أقول أنا بحبك أوي أوي يا حسام .. هكذا حادثت حسناء نفسها وهي في طريقها الى البيت .. عندما سألها قررت أن تهتف بذلك في وجهه الوسيم .. لكن الكلمات لم تخرج الا ناقصة .. بطيئة .. وخجلى .. وكم يحب هو خجلها .. وصلت الى بيتها .. وقد نبت في صدرها بذرات توتر عديدة .. طالعها وجه أمها القلق .. - كنتي فين يا حسناء .. قالت بسرعة كي لا تلفت انتباه أمها الى توترها : - في الكلية .. هاكون فين يعني يا ماما .. - والمحاضرات طولت أوي كدة ليه النهاردة ؟؟ - عشان الدكاترة بتوعنا رخمين!! لحظة صمت وقع لها قلب حسناء .. أتراها لاحظت توترها .. ثم .. - طيب يا حبيبتي .. روحي غيري يلا عبال ما أجهزلك الأكل .. - حاضر يا ماما .. دخلت الى غرفتها وما ان أغلقت الباب حتى تنفست الصعداء .. - أووف .. ربنا ستر .. شعرت بضيق شديد يجتاح صدرها .. وبغصة في حلقها .. لكن سرعان ما انقضى ذلك الضيق حينما طاف وجه حسام في خيالها .. وابتسمت عندما تذكرته يهمس لها اليوم في الحديقة .. يهمس .. دائما يهمس .. ودائما يخفق قلبها لهذا الهمس .. وقفت أمام المرآة تتأمل حسنها .. تذكرت لحظة أن مد يده يمسح على شعرها وهو يسألها ان كانت تحبه .. لا شعوريا ..رفعت يدها ومسحت على شعرها في ذات موضع يده .. أحست بملمس يده على شعرها .. فخفق قلبها من جديد .. وابتسمت في سعادة .. http://img72.imageshack.us/img72/6440/33eu2.gif بعد يومين كان موعد لقائهما .. في كليتها هذه المرة .. وما ان تقابلا حتى أسرع هاتفا: - وحشتيني يا حسناء .. كادت تقول له ان اشتياقها له فاق حدود الطبيعة .. الا ان الكلمات لم تخرج من فمها .. وانما استعاضت عنها باطراق رأسها خفرا .. - اليوم اللي مش بشوفك فيه ببقى مش على بعضي يا حسناء .. امتى أقدر أشوفك كل يوم براحتي ؟؟ وافقت تلك الجملة حديثا في داخلها يقلقها.. الا انها لم تنطق .. لكن حسام أحس بها إذ أبعدت عينيها عن عينه .. وضغطت على حقيبتها في توتر .. كانت حيرى .. قرأ ذلك على وجهها .. - مالك يا حسناء .. - مفيش يا حسام .. - انتي عاوزة تقوليلي حاجة .. صح ؟؟ دققت النظر اليه .. كيف علم .. - هتخبي علي يا حسناء ؟؟ - مافيش يا حسام .. هو بس .. سكتت قليلا تبحث عن كلمات مناسبة .. - أنا بس امبارح لما كدبت على ماما .. حسيت اني مخنوقه أوي .. وكل مرة أدخل فيها بيتي بعد ما أكون قابلتك بكون مرعوبة لحسن يكون حد شافني معاك .. قصدي يعني ان .. أسكتها باشارة من يده .. لقد فهم ما ترمي اليه .. - يا حسناء أنا مش ساكت والله .. أنا بحاول أحوش من الشغلانة المهببة اللي بشتغلها .. و بدور على شغل كويس عشان أعرف أكون نفسي وأتقدملك ..بس أعمل ايه في حال البلد المايل ده .. - اه أكيد يا حسام .. أنا مصدقاك من غير ماتحلف .. لكن عينيها كانتا حيرى .. مما دله على وجود كلمات أخرى لم تفصح عنها .. في الحقيقة كانت هي حائرة لدرجة أنها لم تكن تعلم بماذا تخبره .. كيف يمكن أن تقول مافي نفسها دون أن يفهمها خطأ .. بعد قليل همست .. - أنا واثقة فيك يا حسام .. ومش محتاجة دليل يثبتلي انك بتحبني بجد ..بس .. انعقد حاجباه وهو يستمع اليها .. ياالهي فيم تفكر ..؟؟ وكأنها تنفض عن ذهنها وساوس شيطان هزت رأسها في قوة ..وقالت وقد عادت البسمة الى وجهها .. - انت بتحبني يا حسام مش كدة ..؟؟ - لو فيه كلمة تعبر عن الحب أكتر من الحب كنت قلتها .. - وده يكفيني .. قالتها واتسعت ابتسامتها .. وتأبطأت ذراعه في حب وسارت معه .. أما هو .. فكان في عالم آخر يفكر .. |
وسابته في حيرته يفكر ويفكر .. يااااه .. شكلها هتعذبه في التفكير :D
اقتباس:
شكرا ع التنقيط ده :D .. مستنيين الباقي .. بس طريقة الكتابة مش غريبة عليا :confused: |
تخيل
العفو يا جميل بس معلش سؤال رفيع يعنى ايه سوسنه؟ |
بيب الحب يا بيتنا على بابك جزمتنا
|
مش كل يوم جزء صغير كدا
كدا حرام كتروا شوية عشان خاطرى |
السلام عليكم
جميل جداااا منتظرا التكمله ويارب المزيد |
اقتباس:
رائع انا من رأيى تفكرى فى حكاية التأليف:p:D اقتباس:
واحنا عندنا كام قمر يعنى اقتباس:
وميرسى على مرورك |
الحلقه 3
رنين الهاتف المحمول يتعالى .. أمسكت حسناء الهاتف في ضجر .. لقد أيقظها من أجمل نومة وقطع عليها حلمها .. لكنها ما ان رأت اسم المتصل حتى قفزت جالسة على السرير وأسرعت بالرد .. - ازيك يا حسناء .. - أنا كويسة يا حسام .. - لازم أشوفك بكرة يا حسناء .. ضحكت في دلال .. - ده انت لسه شايفني النهاردة الصبح .. لحقت وحشتك كدة ؟؟.. لكن صوته كان جادا.. حازما .. - لازم أشوفك يا حسناء .. ضروري جدا .. - فيه ايه يا حسام ؟؟ - هتعرفي لما نتقابل .. فكرت قليلا .. - طيب أنا بكرة هزور صاحبتي على المغرب كدة عشان هي ولدت .. ممكن أعدي على الجنينة وانا راجعة .. - حلو أوي .. - بس مش هينفع أتأخر يا حسام .. - أوعدك اني مش هأخرك .. أغلقت معه وهي حائرة .. مابه حبيبها .. كان حازما .. مقتضبا .. جامدا .. وهو لم يكن هكذا معها يوماً .. ما الذي يحدث ياترى ..؟؟ تمنت أن تكمل نومها .. لكن القلق الذي اعترى قلبها جعل النوم أمرا مستحيلا .. فقامت يائسة .. http://img72.imageshack.us/img72/6440/33eu2.gif التاسعة مساءً .. في الحديقة .. تقف حسناء تنتظر حسام .. كان القمر بدرا في تلك الليلة .. و ثمة نسمة هواء باردة تسري في الجو .. ارتجفت حين لمحته قادما من بعيد .. ممشوق القوام .. عريض المنكبين .. وسيم .. أنيق يسير في تؤدة وقد وضع يده في جيب بنطاله .. والبدر يسطع خلفه .. ونسمة الهواء الباردة تحرك شعرها الطويل الناعم يمنة ويسرة .. وتكتفي بهز خصلات شعره الأمامية لتزيده وسامة .. فلم ينقص الأمر الا موسيقى حالمة تنبعث في الخلفية حتى يصبح المشهد مثاليا .. ما ان اقترب حتى عاودها قلق البارحة .. كان وجهه متوترا بحق .. يا الهي ماذا يحدث ؟؟ - فيه ايه يا حسام قلقتني .. - اقعدي يا حسناء .. وأشار لها على كرسي في الحديقة .. لم تعر الأمر اهتماما .. - ايه الحكاية بس يا حســ... - اقعدي يا حسناء! كان متوترا لا تستقر عيناه على شئ محدد .. جلست في صمت .. وانتظرت ماسيقول .. لدهشتها لم يجلس بجانبها .. وانما ظل واقفاً.. حتى وقفته كانت متوترة .. رأته يضع يده في جيبه ويخرج شيئا لم تتبينه .. ثم فجأة ودون سابق انذار .. ركع على ركبتيه .. ركع كما يركع الأجانب عندما يطلبون يد حبيباتهم .. حسناء رأت هذا المشهد كثيرا في الأفلام الأجنبية .. وهامت به حباً.. لكنها لم تتخيل أن يحدث لها هي في يوم من الأيام .. ارتفع حاجباها في دهشة .. ثم انفجرت ضاحكة.. - ايه يا حسام .. اوعي تكون هتعمل زي الأجانب المخابيل دول .. الواحد فيهم بيطلب ايد حبيبته من حبيبته نفسها .. وبيقدملها خاتــــ..... لم تتم كلماتها وقد صارت دهشتها على أوجها حين رأت بين يديه علبة بها خاتم أنيق .. كان خاتما رخيصا .. لايتعدى ثمنه الثلاث جنيهات .. لكنه كان رقيقا للغاية لامعاً.. لم تفهم حسناء ماذا يريد بالضبط .. مستحيل أن يطلب يدها من نفسها .. لن يفعل .. وهي لن تقبل .. هو يعلم أنها لن تقبل .. وأين ذهب والدها اذن .. أخيرا .. خرجت الكلمات من حلقه .. بطيئة .. هامسة .. - امبارح لما اتقابلنا في الكلية .. حسيت انك بدأتي تحسي بشك في حبي ليكي وصدق مشاعري ناحيتك .. كان يتكلم بصعوبة .. مشاعره على أوجها .. - كان لازم أثبتلك بأي طريقة اني بحبك يا حسناء .. بحبك بجد وعمري ما هفكر ألعب بيكي أبداً .. أنا حسيت انك محتاجة دليل .. دليل مادي يثبتلك كلامي .. وأخرج الخاتم من علبته .. - الخاتم ده هيبقى عهد .. ميثاق على جديتي معاكي .. وجدية علاقتنا .. وببطأ .. أمسك يديها المرتعشتين .. - كل ماتيجي تشكي في أي حاجة تخصنا يا حسناء .. بصي على الخاتم ده .. وافتكري كلامي .. افتكري منظري ده وأنا قاعد على ركبتي .. وتأكدي .. اني في يوم من الأيام هجيبلك خاتم دهب حقيقي .. مكتوب عليه اسمي .. ثم - أمام عينيها المشدوهتين - ألبسها الخاتم .. http://img72.imageshack.us/img72/6440/33eu2.gif دخلت بيتها ملهوفة.. انطلقت على غرفتها مسرعة .. أغلقت الباب في احكام .. ثم هرعت على خزانتها .. وأخرجت كراستها وقلمها الرصاص .. وشرعت ترسم المشهد كاملاً .. ترسم حسام وهو راكع على ركبتيه يقدم لها الخاتم .. ترسم القمر المكتمل والذي يضفي خلفية رائعة الجمال على المشهد .. ترسم شعرها الذي تطايرت خصلاته في رقة مع نسمات الهواء العليلة .. ترسم الشجر الأخضر .. وقد تمايلت أغصانه ..تسترق السمع والنظر الى المشهد الخالد .. ألقت نظرة على الخاتم في يدها.. و نظرة أخرى على الصورة .. ثم كتبت تحتها ( لحظة أن أنصت الكون الى همسه ) |
اللــــــــــــــــــه
اى الرومانسية دى بس؟ كملى يا ستى كملى |
اى خدمه يا اصاله
انتى تأمرى بس |
الاول وقبل ما نكمل القصه عايزه اسألكوا كام سؤال كده اه مانتوا مش تقرأوا بس كده:) لازم تشتغلوا تفتكروا حسام كان بيفكر فى ايه؟؟ لو انت مكانه هتفكر كده؟؟؟؟؟ طب ليه؟؟؟؟ طب لو انتى مكان حسناء تعملى ايه؟؟؟ لما تجاوبوا بقى على الاسئله اقولكوا الحلقه اللى بعد كده:D |
حسام وبتنجانه اسم هيهز العالم
حسام ايه انا عمري ما شوفت واحد اسمه حسام شعره نعام ملقتيش غير الاسم دا انا حاسس ان القصه دي واقعيه بشك كدا في حاجه كملي كملي |
هو ليه محطوط في القسم دا علشان فيه احاديث ولا علشان الموضوع دا فيه قران ولا ايه يعني ايه المناسبه انه يطحط هنا
|
بتشك في حاجة .. ايه .. بتشك ان خطيبتك خانتك وانها حسناء بس باسم مستعار !!!!!!!!
واقعية مين يا عم عمار .. مش ناوي ترحمني شوية ههههههه بالنسبة بأه يا جيجو .. course SAWSANA is course which enable the person to be SOOOSA .. hahahaha كملي وماتقفيش كتير .. عايز اعرف بس في الاخر مين احمد ده ههههههه |
اللي خلاك تحط النكت في العام والاسنان في العام والانجليزي بردو في العام هو اللي يخلي ده يبقى هنا .. عادي يعني يا عمار يمشي هنا .. بس ممكن كان يبقى في الركن الأدبي !!!!
كملي يا جيجو وماتدقيش على عمار .. اصله ماطعمش وهو صغير هههههه بهزر يا عمور |
ايوه عارف بس انا حطيت حاجه مفيده يعني معرفش كنت احطها فيييييييييييين بس مكنش اصدي يعني وبعدين مواضيعي مش حسام وبتنجانه
يلا مش مهم بس هو موضوع مستفز شوفوا انتوا بتتكلموا عن ان مصافحه اليد حرااااااااام وهنا عمالين تقولوا مسكها من شعرها ولبسها مش عارف ايه مش هي دي تعتبر اجنبيه يلا انا مبعرفش اجامل ومش مهم بس انا شايف الموضوع ينع في منتدي الحبيبه بس وانا اسف لو ردي دا زعل حد بس هي دي الحقيقه |
اقتباس:
انت تشك اذا انت دبوس!!!!!!! يا ريت بس تقولنا انت بتشك ف ايه او مش لازم كل واحد حر اقتباس:
بيتهيألى مكنش فى داعى يعنى انك تقول كده:mad: مزدتش حاجه بس يمكن قللت كتيييييييير اوى:mad: اقتباس:
منكم نستفيد يا بلال هتعرف هو مين بس الاول تجاوب على الاسئله دى اقتباس:
اقتباس:
والله يا استاذ عمار لو كنت غلطت عشان حطيته هنا فبيتهيألى ان الموضوع مش مستاهل اللى انت عامله ده وع العموم منور بردك |
تفتكروا حسام كان بيفكر فى ايه؟؟
كان بيفكر ان يا هل(خلى بالك من يا هل دى) حسناء شاكه فى حبى ليها لو انت مكانه هتفكر كده؟؟؟؟؟ طب ليه؟؟؟؟ اكيد هفكر كده عشان حسيت بكده من طريقة حسناء فى الكلام طب لو انتى مكان حسناء تعملى ايه؟؟؟ مش عرفه ممريتش بكده قبل كده بس هناخده بالويم هو انا اكيد هاقوله حسام انا مش هقدر اكدب على ماما كتير فا حتى اتقدملى ونقرى الفتحه على الديق من غير ما حد يعرف ولما ان شاء الله تكون نفسك تقدملى رسمى ويبقى الموضوع علنى |
والله انا مكنتش اقصد خالص ياجيجو
بس انا اقصد ان الموضوع مثير شويا يعني ايه يحط ايده علي شعرها والكلام دا من المفروض انه حرام شرعا يعني يلا يلا مش مهم ملي كملي ولا يهمك |
ولا يهمك يا عمار
بس بيتهيألى انى قولت فى الاول ان القصه مش واقعيه وكمان مش انا اللى مألفاها وع العموم منور وحصل خير |
اى الذل دا ماتكمليا يا جيهاد طلعتى عنيا
|
مع انكوا مش جاوبتوا على الاسئله بس عشان خاطر ايمى "الوحيده اللى عبرتنى" اى خدمه يا ايمى رُحلها .. قُللها غنيلها أحلى كلام يتقال ولا في الأحلام وان دي أجمل لياليك وليالي عمرها أغلقت حسناء عينيها والصوت المتهدج يخترق أذنها ليصل الى قلبها مباشرة .. كانت تجلس على سريرها .. في الظلام الدامس ..تستمع الى الموسيقى الحالمة .. هذا المطرب .. يقصدها حتما .. يعلم بيوم الحديقة .. انه يعنيها هي دون سواها .. أغمضت عينيها مرة أخرى للحظة .. ثم فتحتهما ونظرت الى يدها اليمنى .. رغم الظالم الحالك .. استطاعت أن ترى خاتم حسام في النور الخافت الذي ينبعث من المسجلة .. في الواقع .. تخيلته حسناء يلمع من تلقاء نفسه .. يلمع حتى يضيئ الحجرة كلها بنوره البراق .. قلها من وسط ألوف اخترتها من غير خوف ولا لحظة اتردد قلبك في القرب لقلبها وينساب الصوت عبر أذنيها الى قلبها .. تضع يدها حيث يفترض انه قلبها هناك .. تشعر به ينبض .. ينبض .. وينبض .. http://img72.imageshack.us/img72/6440/33eu2.gif كان صوت لهاثها عالٍ حين وصلت الى حيث لقائهما الجديد .. أمام النيل هذه المرة .. لقد تأخرت دقيقتين .. وكم تشعر بالحسرة على هاتين الدقيقتين .. أخذت الطريق ركضا حتى وصلت الى هنا وهي تلهث في تعب .. لكنها لمحته .. يقف فوق الكوبري يتأمل النيل المظلم في عمق .. وقفت حسناء تتأمله هو بعض الوقت .. كم كانت نظرته للنيل حزينة .. كم كانت حائرة .. كانت عيناه تحملان شجون .. وأي شجون .. أحست حسناء بالدموع تتجمع في مقلتيها دون أن تسقط .. كان منظره مهيبا بحق .. في بطأ .. تقدمت منه ووضعت يدها على كتفه .. التفت اليها .. تلاقت عيناهما للحظة .. ثم مالبث أن أبعد هو عينيه وأرجعهما للنيل الصامت .. كم هو غامض هذا الفتى .. وكم خلب لبها بغموضه .. - اللي واخد عقلك ... قالتها في مرح وهي تغمز له باسمة .. نظر لها مجددا وابتسم .. حتى ابتسامته كانت مليئة بالشجون .. - اللي واخد عقلي ماله يا حسناء ؟ - يتهناله .. في حب قالتها .. وشعرت بقلبها ينبض كما الأمس .. التفت لها بكامل جسده أخيرا .. أمسك يدها وضغط عليهما .. لكنه سرعان ماأفلتها وهو يعود بزاوية جسده للنيل مجددا .. - مالك يا حسام ؟؟ |
جيجو قصة حلوووووووووة اوى زيك يا عسل
مستنين الباقى متتاخريش وحاولى تكترى الجزء شوية عااااااايزين كتير كتير علشان انا بردو نفسى اعرف احمد مين دة اللى بقى حسام ؟؟ هجاو ب بقى تفتكروا حسام كان بيفكر فى ايه؟؟ اكيد كان يفكر فى حسناء هل هى مصدقاة ولا لأ وهتكمل معاه ولا لو انت مكانه هتفكر كده؟؟؟؟؟ طب ليه؟؟؟؟ اكييييييييد طبعا من طريقة حسناء فى الكلام وفى ان ضميرها بيعذبها من انى بتخبى على مامتها طب لو انتى مكان حسناء تعملى ايه؟؟؟ لو مكانها طبعا عمرى ما هعمل كدة يعنى الاموووور تكون فى النووووور يعنى الدنيا كلها تكون عارفة دة مين علشان ضميرى مش يعذبنى زيها كدة ساااااااااااااااد انجل كل اللى انت بتقوله انة اللى بيعملة دة حرام وانها اجنبية دة كويس والقصة معمولة لكدة للمناقشة يعنى انت لاحظت موقف معين وعلقت علية وكل واحد هيلاحظ حاجة هيعلق عليها علشان كلنا نستفيد حاجة تانية بقى القصة هنا مكانها كويس لسبب هو انها من خلال قرأـى ليها لمحت انها بتخاطب الفتيات (والعلمك مش الفتيات بس)يعنى كنوع من العظة والنصح ليهم وممكن تننقل بردو للقسم الادبى بس هنا بردو حلو مش وحش يعنى مش قسم(المحبيين ) زى ما قلت يا سادانجل |
دودى...... كيفك قمرى؟
ميرسى لذوقك ولردك ع الاسئله واللى انتى قولتيه هو اللى كان بدى اوضحه ثانكـــــــــــــــس |
يالذل يالذل يالذل
كملى يابنتى تعبتينى |
اما نشوف اخرتها :confused:
حلوة تسلمي .. كملي بس طولي شوية .. معلش هناخد من وقتك حبة اكتر في الكتابة :p بالنسبة للأسئلة بأه مش هاعرف اجاوب عليها عشان انا مش باحب اعيش الدور :cool::p |
هههههههههههههههههههههه
يابنتي لو اللي كتب القصه دي يوسف شاهين كانت خلصت يارب |
باقى الحلقه 4
يلا هيصوا باقى الحلقه الرابعه:p:D نظر لها من جديد .. لحظة صمت مرت .. كانت كافية لأن يدق قلب حسناء مئات الدقات .. - أنا بحبك يا حسناء .. لم يشرق وجه حسناء سعادة كما كان يفعل كلما قال لها حسام هذه الجملة .. بل قطبت جبينها في قلق .. ذلك أن لهجة حسام كانت توحي بالحيرة .. بالتوتر .. كأنه يريد أن يقنع ذاته بالجملة ونفسه تأبى عليه .. - بجد يا حسام .. بتحبني بجد ؟؟ توقعت أن يقسم لها ككل مرة .. الا أنه هذه المرة ظل صامتاً ينظر اليها .. لم يكن يعرف الاجابة .. يا الهي .. انه ليس متأكدا من حبه لي .. - ايه اللي حصلك يا حسام ؟؟ قالتها حسناء في عصبية وانفعال .. ماذا حدث له بعد لقاء الحديقة رائع الجمال .. - مفيش يا حسناء .. هو بس .. صمت وكأنه لا يريد أن يكمل جملته .. -أصل امبارح وأنا في الأتوبيس .. كان فيه اتنين قاعدين ورايا .. كانوا .. بيتكلموا بصوت عالي .. وابتلع ريقه بصوت مسموع .. - وبعدين يعني .. - كانوا بيقولوا .. بيقولوا .. - بيقولوا ايه يا حسام ركز .. - كانوا بيتكلموا في الدين .. بدت تلك الكلمة لحسناء خاوية من أي معنى .. دين ؟؟ ما معنى هذا ؟؟ مادخلنا نحن أصلا ؟؟ - كانوا بيقولوا ايه يعني ؟؟.. - واحد كان بيكلم التاني عن اسم من أسماء ربنا .. ( الرقيب ) .. كان بيقوله ..ان انت ممكن .. تخبي ألف سر عن أهلك .. أصحابك .. قرايبك .. لكن انت .. انت .. |
باقى الحلقه 4
معلش يا جماعه انا حاولت انزل الحلقه على بعض بس فى شوية مشاكل كده على العموم هو لسه فى جزء كمان ف هالحلقه:D انت ايه يا حسام ؟؟ - انت مكشوف .. - مكشوف ؟؟ واتسعت عيناها .. بدا لها وقع الكلمة رهيبا .. - اه يا حسناء .. انت مكشوف على ربنا .. صمتت حسناء .. لم تدر ماتقول .. ربما كانت تحاول فهم ما يريد أن يصل اليه .. لكن عقلها ظل عاجزا عن الاستيعاب .. لكن حسام لم يمهلها الوقت لتستوعب ..بل أكمل ما سمعه .. - قاله كمان .. تخيل لو فيه كاميرات مراقبة نازلة من السما بتراقب كل تحركاتك .. كنت هتتصرف ازاي .. حاولت حسناء أن تتخيل المشهد ..الا انهالم تستطع .. ولم تفهم ما يرمي حسام اليه من كلماته تلك.. وحسام يكمل بلا توقف .. - قاله ان في الجنة احنا لينا حور عين .. الحور العين دول نساء .. بس مش أي نساء يا حسناء.. بدأت الحماسة تغزو صوته .. - قاله ان واحدة منهم لو بينت ضفرها للدنيا .. كل حتة في العالم هيدخلها نور ضفرها .. ضفرها بس يا حسناء .. تخيلي .. وقاله ان الحور العين عنيهم بتبقى واسعة .. وجلدهم بيبقى شفااااف أوي وناعم .. وقاله كمان .. ان الراجل أول مايدخل الجنة بيلاقي عند راسه وعند رجله اتنين من الحور العين عمالين يغنوله ..ليه هو وحده .. وقاله ان الراجل لما يقابل مراته من الحور العين يلاقي مكتوب على نحرها أنت حبي وأنا حبك .. وقاله ان فيه في الجنة واحدة من الحور العين لولا ان ربنا كتب على أهل الجنة انهم مايموتوش .. كانوا ماتوا من روعة جمالها.. سكت قليلا ونظر الى حسناء يرى ردة فعلها .. كانت حسناء تغلي |
تغلي غيرة على تلك التي سلبت حسام منها .. غيرتها غطت عليها أن تفهم كلمات حسام .. أن تحسها حتى .. لم يعلم حسام بم تفكر حسناء .. فقط كان وجهها حائرا .. التفت الى النيل الساكن وهمس في أسى .. - وكل ده .. كل ده بيبقى للراجل اللي .... حاول أن يكمل .. لكنه توقف .. وضع رأسه على حافة الكوبري في ضيق .. انه حائر .. لا يعلم ماذا يفعل .. وحسناء مازالت تنظر له حائرة .. بعد فترة صمت ..رفع حسام بصره اليها .. كانت عيناها مغرورقتان بالدموع .. وقع قلبه .. انه يحبها حقا .. ولا يستطيع أن لايراها .. مهما حاول أن يقنع نفسه بالعكس .. - مالك يا حبيبتي .. - أنا بحبك يا حسام .. أجفل ونظر اليها متعمقا .. - وانت بتحبني أكتر .. أطرق الى الأرض قليلا .. ثم رفع رأسه وعلى وجهه ابتسامة مشرقة .. - طبعا بحبك يا حسناء .. وهفضل أحبك لآخر لحظة في عمري .. ثم طوق عنقها بذراعه وسارا .. أمسكت حسناء يده اللي تطوقها وشدت عليها في قوة .. وابتسمت له مشجعة .. رد عليها بابتسامه رقيقة .. وانطلقا مبتعدين .. لكنه قبل أن يبتعد .. لم ينس أن يلقي نظرة شجون كاملة .. على النيل الأزرق الحالم .. وده كان اخر جزء فى الحلقه الرابعه ويا ريت اسمع ارائكوا اوك ومن المره الجايه ان شاء الله هنبدأ جزء جديد:D |
اه ياقلبي هتموتيني من الشلل هما كام حلقه انا حاسس انه 60 حلقه والفيلم دا بطوله هاني سلامه ولا ايه
|
اقتباس:
ما تهدي شوية ع البنت يا عمار :mad::mad::mad: خليك كووووووول :cool::cool::cool: :D:D حلوة القصة والله يا جيجو .. كملي يلا احنا مستنيين :):rolleyes: |
ههههههههههههههههههههههههههههههههههههههههههههههه لا لا جيجو كات دي قمر هي مش بتزعلش مني
مكلس دعوه ها ها ها ههههههه متزعلش انا بهزر |
اقتباس:
لا بعد الشر عليك ولما انت تموت مين اللى هيغلس علينا:p ومتقلقش هما مش هيوصلوا ل60 حلقه:p:D اقتباس:
قوله يا بلال :( سامع خليك كووووووووووول :cool: وميرسى لذوقك يا جميل:) اقتباس:
خلاص متزعلوش انتوا الاتنين:D وميرسى لذوقك هاكان وانتظرونا قريبا فى الحلقه اللى بعد كده حصرى وعصرى فقط على منتدى ثانويه:D:D |
ماشي بس ياريت يا جهاد تحطيها مره واحده متزهقيناش علشان مغلسش عليكوا ههههها
ماشي وانا متشوق لمعرفه الباقي وياريت يبقي مره واحده ميبقاش علي اجزاء هو المخرج قالك متقوليش حاجه عن الفيلم اصدي القصه ولا هي قريبا في الاسواق ولا ايه زلتونا |
طب مايتجوزوا ويريحونا؟
|
قصه شيقه جدا يا جوجو
تصدقى القصه دى تشبه قصه واحد صاحبى بس الأخ دا كان التعارف والحب عن طريق النت صاحبنا دا بقت حياته كلها نت يصحى من النوم على الجهاز وينام وهو ماسك الماوس فى إيده منتظر حبيبه قلبه لكن هى بتديله كل زنبه وأختها لدرجه انه فكر انها بتتسلى به صاحبنا دا بينتظر يوم اللقاء بفارغ الصبر ولكنه ينتظرة شرعيا بمعنى أن يتقدم لخطبتها بس الكتكوته اللى بيحبها لسه صغنونه صاحبنا دا قريب أوى هيبقى مجنون ........ زى مجنون ليلى بالضبط المهم سيرى يا بنتى فى الطريق وكملى القصه بقى عايزين نعرف الباقى بسرعه نحن جميعا شغوفين لهذا |
يارب تسمعينا وتحطيها مره واحده وانا بصي هشتري المنتدي دا ها وهخليه علي مذاجكم
|
اقتباس:
ما قولنا قريبا حصرى وعصرى فقط على ثانويه:p:D اقتباس:
:(:( ولما هما يتجوزا انا هحكى ايه اقتباس:
والله يا مسيو انت اللى دايما رافع من روحى المعنويه:D تصدق صاحبك ده صعب عليا اوى بس هو صاحبك برده؟؟؟ بس عشان خاطرك نمشيها صاحبك:D اقتباس:
ههههههههههههه لما تشتريه ابقى اكملك القصه اى خدعه:p:D |
مستنيين الحصرك ونفسنا في عصرك :p:D
|
الله الله بقى رأيى إتحزف
اوكى شكرا بس بردوا متابع القصه سيرى يا جوجو مشتاقين للنهايه |
اقتباس:
متقلقش قريبا جدا ان شاء الله :D اقتباس:
اتحزف؟؟؟؟:oلا اتحزف ولا حاجه رأى حضرتك موجود وانا رديت عليه وع العموم منور بمرورك يا مسيو :D |
تصدقى صاحبى
!!!!!!!!!!!!!!!!!!!!! هههههههههههه |
يا جيجوووووووو كملى القصة بقى كل دة حرام عليكى
|
| جميع الأوقات بتوقيت GMT +2. الساعة الآن 10:35 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.