|
شارك في الحملة الازهرية بمطالبة شيخ الازهر بالتثبيت
بسم الله الرحمن الرحيم
الحمد لله رب العالمين ندعوا السادة المعلمين المساعدين بالازهر الشريف الى المشاركة في الحملة الازهرية بمطالبة شيخ الازهر الشريف بالتثبيت إجراءات الحملة الازهرية 1- ارسال الفاكسات الجماعية الى مشيخة الازهر الشريف 2- مشاركة كافة معاهد الجمهورية في الحملة الازهرية 3- على الحاضر ان يبلغ الغائب وخصوصا ان هناك الكثير من زملائنا الاعزاء ليس لديه شبكة المعلومات الدولية 4- مطالبة شيخ الازهر لوزير المالية بتوفير الدرجات الخالية لتثبيت المعلمين المساعدين بالازهر 5- مطالبة شيخ الازهر الشريف وزير المالية المصري بتوفير المرحلة الثانية من كادر المعلمين بأثر رجعي 6- مشاركة كافة المعلمين المساعدين بالازهر في الحملة الازهرية بارسال الفاكسات الجماعية وعلى كافة الجمهورية مثلما فعلنا بالامس القريب بمطالبة الازهر بعودة مرتباتنا كما هي ومساواتنا بالتربية والتعليم والحمد لله سوف يتم زيادة المرتبات من شهر مارس ان شاء الله لا يضيع حق وراءه مطالب وشكراااااااااااااااااااااااااا فاكسات مشيخة الازهر الشريف 0225903974 مكتب شيخ الازهر شخصيا 022583064 0225907268 مكتب شيخ الازهر لخدمة المواطنين |
خش ياعم فايز
ايوة كده ولعها |
يا خوانا لازم تعرفو حاجة مهمة دلوقتى الفاكسات ماعدتش بتجيب نتيجة لأن كتير من الفاكسات بتوصل لكن لا يتم توصيلها لشيخ الأزهر موضوع التثبيت موضوع شائك واصبح ليس من السهل ان يبت فيه الا اذا حدثت معجزة من عند ربنا واصدرت الحكومة قرارا بذلك وهذا لن يحدث فى ظل الوضع الراهن الا اذا توجه المعلمون المساعدون من مختلف المحافظات الى مقر وزارة التربية والتعليم و مشيخة الأزهر وتظاهروا هناك وطالبوا بذلك حينئذ سوف يبت فى امرهم فورا الموضوع عايز ضجه كبيرة وفورا فى الوقت الحالى وهو وقت تنفيذ المطالب ولا انتو رأيكوا ايه
|
يخوانا فى95 الف متعاقد اتثبتو فى وزارة الزراعه فى يوم وليله يعنى اتثبيت سهل مش محتاج اى حاجه
هواحنا ملناش صوت ولا ايه ولا ايه بيحصل فى البلد دى كفياكم خوف وسكوت هنفضل كده لغاية امتى |
لازم اضراب امام المشيخة
|
قرات منذ دقائق على الشريط الاخبارى للقناة الاولى المصرية انه تم تثبيت 95 الف من العمالة المؤقته بوزارة الزراعة.........................اذن لازم نتحرك يعنى احنا المعلمين اقل من موظفى الزراعة؟؟؟
|
لازم يا جماعه نجمع بعضنا يوم 10-2 ونروح المشيخه احنا 10 متعاقدين فى معهدنا ومستعدين جميعا نروح المشيخه وفيه كمان 8 متعاقدين فى معهد جنبنا وكامتهم وهما مستعدين
لازم يا جماعه ننسق مع بعضنا وبسرعه ارجو الرد |
انا معاكم وهعرف زميلي دي فرصة
بس محتاجين تنسيق وتجميع عدد كبير |
اقتباس:
|
ياشبا ممكن نعمل اعتصام منرحش المعهد اول يوم فى الدراسة
لازم يعملونا كرامه شويه حرام بقى كدا كفاية هنعد نستنى لامتى |
أنا مستعد للتجميع ونشر الخبر وعمل قيادات فى جميع المحافظات
والوقوف أمام المشيخة كفاية هوان يار جال الأزهر خلى شيخ الأزهر يحس بينا كفاية بجد حرام |
الرجال والشباب بتوع التحرير بجد أحق منا بحقوقهم
كام مرة نقول نعتصم عن العمل ونقف قدام المشيخة واحنا متضررين فى رزقنا شوفوا الشباب عمل أيه وأحنا محلك سر هما أحق منا |
اقتباس:
عند حضرتك حق يا مسيو ايهاب لازم يكون في وقفه . وزاره التصالات ثبتت جميع العماله المؤقته اليوم |
شوفوا كمان لما العاملين فى القطاع اعتصموا عمل ايه شيخ الأزهر واحنا بقالنا سنين نبعت بفاكسات على الخصم الجائر فى مرتبانا ولا أحد يسمع
يا جماعة افهموا بقا حراااااااااااااام عليكم شوفوا الخبر ده كتب محمد زين العابدين وأحمد جمعة: التقي أمس الإمام الأكبر أحمد الطيب بوفد من ممثلي العاملين بقطاعات الأزهر لمناقشة طلباتهم وشكاواهم حول الحوافز والمكافآت. وافق الإمام علي صرف الحوافز لجميع العاملين مع زيادتها بالتساوي إلي 240% بدلا من 180% مع صرف شهر كجهود غير عادية شهريا بدلا من كل ثلاثة شهور. كان مئات من العاملين بمجمع البحوث وقطاع المعاهد قد اعتصموا بمجمع البحوث الإسلامية مطالبين بتحسين أجورهم وزيادة بدلاتهم المالية وإعادة الحوافز التي كانوا يتميزون بها عن بقية العاملين فقام الإمام بتوزيعها علي كل العاملين بعد توليه المسئولية. هدد المعتصمون بالذهاب إلي ميدان التحرير وطالبوا برحيل رئيس القطاع إبراهيم عبد العال ورفعوا اللافتات التي تطالب برحيله مطالبين شيخ الأزهر بالتدخل الفوري لرفع الظلم الواقع عليهم من رئيس القطاع. http://www.algomhuria.net.eg/algomhu...e/detail09.asp |
انا معاكم وهعرف زميلي دي فرصة
بس محتاجين تنسيق وتجميع عدد كبير |
موعدنا الغد امام مشيخه الازهر
|
لازم حد يوصل صوتنا
ياجماعة لازم يكلم ا/ عمر أديب مثلا ويطلع على الشاشه ويوصل صوتنا ياجما عة دى أخر فرصة |
ياحماعة براج التوك شو كلها بتفتح الاتصالات مباشر
ندخل ونبلغ وكذلك موقع اليوم السابع |
اقتباس:
اقتباس:
للأسف لسه متعشمين خير فى البلد دى فيه حقيقة فرضها الشباب على الأرض ولازم نصدقها ان النظام لا يستجيب الا بالقوة والضغوط والاعتصامات أما موضوع الفاكسات والاستغاثات فهم يا جماعة صمت أذانهم وكفت ابصارهم عن الحق فحسبنا الله ونعم الوكيل لابد من التحرك سريعا |
اية ياعم اللى يتقولو دة عيب لا يضيع حق وراءمطالب دا اناتنا قمة الاحباط
اية ياعم اللى يتقولو دة عيب لا يضيع حق وراءمطالب دا اناتنا قمة الاحباط
اقتباس:
|
الناس هتروح امتى عرفونا بسرعه علشان نروح لازم مشكلتنا تتحل الايام دى
|
والله ولا هنعمل حاجه احنا كمعلمين هنفضل مهمشين والخوف دايما مالينا
وفى الاخرؤ مش هناخد من بعض الا كلااااااااااااااااااااااااااااااااااااام وكفايه بقى الناس عملت اضراب تالت يوم الدراسه روحت لاقيت 17واحد فى المشيخه واتحولنا تحقيق واتخصم مننا وفى الاخر كلنا بنتكلم كلام فى كلااااااااااااااااااااام |
بسم الله الرحمن الرحيم
الحمد لله رب العالمين اما بعد..., لقد قرر جميع المتعاقدين على مستوى معاهد الجمهورية عمل اضراب عن العمل وذلك للمطالبة بالتثبيت وذلك مع بداية الفصل الدراسي الثانى . افيدونا ايها الاخوة هل هذا الخبر صحيح؟ |
وزارة الزراعه ثبتت العماله المؤقته وكذلك الاتصالات وكذلك الاثار
متي الازهر ولا ده مش من ضمن الدوله |
من اليوم انتباه تجميع للناس الكل يبدأ يجمع احنا المفروض نقسم نفسنا
أنا اسمى إيهاب عبد الخالق وهبدأ فى تجميع من قسم بلبيس التعليمى محافظة الشرقية مين معايا |
الدراسة اتاجلت أسبوع يبقى لازم نلم نفسنا الأسبوع ده بسرعة يا جماعة الكل يتحرك
أنا هبدأ والكل لازم يبدأ بلاش الكل يتكل على التانى |
اقتباس:
لأ برافو عليك هو دا اللى عرفت تكتبوا انا شايف ان اسلوبك لا يليق بمعلم فى الأزهر انت بتقول انى فى قمة الأحباط لماذا ؟انت لم تقرأ الكلام كله هو انا كتبت حاجه غير اللى حاصل انت بقالك كام سنه متعاقد انت مش حاسس بنفسك ولا ايه وبعدين انا كل اللى انا قلته انه علينا كلنا ان نذهب للتظاهر امام المشيخة لأن الفاكسات ماعدتش بتجيب نتيجة ايه الخطأ فى كده خلى اسلوبك أحسن من كده وبعدين كل الزملاء المحترمين بيطالبوا بكده هو انت مش منهم ولا ايه؟ وصلت ولا لسه |
نعمل اضراب احسن فى الدراسه
او الافضل اضراب فى الامتحانات 0فتكون ضربه رجاله بجد وبالتالى حيكون التعيين فى يوم وليله مرتباتنا لا تواكب الغلاء فى السوق والاسعار اين العدل فى المرتبات الحكومه تقول:وزاره مستهلكه ووزاره منتجه هذا كلام معقول 00 |
يا جماعه كفاية كلام لازم نتحرك ، الناس اللى اتثبتت دى مقعدتش على الشات و اتكلمت زينا ، لازم ننزل الشارع و نقول مطلبنا و اكيد شيخ الازهر هيستجيب لينا فى ظل ضعف موقف الحكومة اليومين دول . دى فرصة قبل ما تضيع .
|
بصراحة المعلمين المساعدين سلبيين مفيش حد بيتحرك وعايزين الناس تطالب لهم بحقوقهم كيف هذا ؟؟؟؟؟!!!!!!!!!!!!!
لابد من مظاهرة كبيرة أمام مشيخة الأزهر ووزارة التربية والتعليم لأنه لن يأخد حقه إلا من له صوت عال ومسموع ليس بالفاكسات بل التظاهرات |
انا قرأت كل الى كتبتوه واتمنى انكم تروحو بجد المشيخةوتقبلو شيخ الأزهر وتعتصموا عشان انتم متأخرين اوى فى المطالبة بحقوقكم وزارة الزراعة عينت العمالة المؤقتة وكمان وزراة الاتصالات واليوم 10/2/2011 فى جريدة الجمهورية تعين فى وزراة البترول وانت لسه محلك سر يا جماعة فوقو واصحو من الغيبوبة الى انتم فيها امتحنتم كادر ونجحتم حد سأل فيكم تى فى التصريحات فى الجرائد عن التثبيت بيتكلاموا على مدرسين التربية والتعليم ويس مدرسين الأزهر ليه محدش سأل نفسه تعرفوا ليه مع احترامى ليكم ؟ جميع مدرسين الأزهر وكذلك مشايخ الأزهر الى تحت شيخ الأزهر كلهم
( جـــــبنـــــــــــــــــــــاء ) بيخافو ا يتكلموا وانا هنتظر امام شاشات التليفزيون اشوف اعتصام المدرسين المتعاقدين بالأزهر وسلمولى على الشيخ لو فكرتم تروحو |
التجمع ان شاء الله امام الوزارة الساعة 11 قبل الظهر
|
من مصوغات التعيين 1-IcDl
2-تربوي 3-مظاهرة حاشدة وحيحصل لنا ايه اكتر من اللي حصل واللي بيحصل لازم نصحي ونفوق بدل ما نموووووووووووت في البلد دي بدون صووت (كفااااااااااااااااااااااية حراااااااااااااام والله حرااااااااااااااااااااااااااام) |
انا معاكم انا من زمان نفسى اعمل اعتصام و الله عشان احنا اتبهدلنا كتير جدا جدا جدا جدا جدا جدا جدا جدا جدا جدا و بالفعل انا بدات اجمع ناس و هانعتصم امام منطقة البحيره الازهريه اول يوم فى الدراسه ان شاء الله و الله الموفق
|
ياجماعة الاعتصام لازم يكون سريعا جدا
ومش امام المناطق امام المشيخة انا اقترح حشد الزملاء يوم الاحد القادم امام المشيخة |
انا رحت النهارده الخميس المشيخه الساعه 10 صباحا وفضلت هناك ساعه للاسف محدش جه خالص ولما سألت موظف الامن قال لى بالحرف الواحد انه كان هنا مجموعه امبارح وشيخ الازهر فى اجتماع الان لمخاطبه مجلس الوزراء لتثبيت المتعاقدين
|
انا كمان فوت امبارح على مشيخة الازهر الشريف
ملقيتش ولا واحد لقيت شويه عربيات مرسيدس اخر موديل واقفه عند الباب وخلاص يا ريت نتحرك شويه يا جماعه الايام دي وعلى فكره انا من المحلة مش من القاهرة |
اجدد الدعوة
يوم الاحد لازم اعتصام نعرف موقفنا بالظبط خصزصا بعد تصريحات هانى هلال فى اليوم السابع وتصريحات وزير المالية عاوزين نعرف موقفنا فى الازهر بالظبط |
يعنى مجدش راح للاسف كان نفسى حد يخيب ظنى السيئ فيكم الى راح المشيخة يا اساتذه لا يتعدى 10 اشخاص ومشوا
وزير المالية اصدر قرار بتعيين العمالة المؤقتة التى مر عليها ثلاث سنوات طبعا عرفنا الخبر ده قديم ووفقاً لهذا القرر اصدر مــــدير مكتب وزير التربية والتعليم د/ رضا ابو سريع قرارا يطالب فيه المالية بتعيين 43 الف معلم مؤقت بالتربية والتعليم والخبر ده فى جريدة الجمهورية عدد الجمعة 11/2/2011 ومحدش من الأزهر سؤاء عامل او مدرس او مدير منطقة او رئيس القطاع او وكيل الأزهر او مدير مكتب الشيخ او المتحدث باسم شيخ الأزهر او شيخ الأزهر نفسه قال اى تصريح و طالب بتعيين المعلمين المؤقتين بالأزهر الشريف واترككم فى رعاية الله وامنه وحفظ الله الأزهر بكم ومن اجلكم وحفظ الله مشايخنا الأزهريين وحفظ الله مصر وشعبها ورئيسها سيادة الرئيس( محمد حسنى مبارك ) والسلام عليكم ورحمة الله وبركاته |
يا اخوانى من المعلمين المعلمين الشرفاء يجب ان نجتمع امام مشيخة الازهر لكى تصل اصواتنا الى فضيلة الامام شيخ الازهر د/ احمد الطيب لاننا لن يسمعنا احد هنا بل لابد من المواجهة فنحن نطالب بحقوقنا بدلا من ان نندم على ضياع الفرصة من بين ايدينا
|
اقترح عليكم اخوانى من المعلمين المتعاقدين القيام بزيارة الى مشيخة الازهر على وجة السرعة لكى نطال بحقوقنا كما تحققت لمدرسى التريية والتعليم فانى ادعوكم للذهاب الى مشيخة الازهر يوم الاحد القادم 13/2 انا محمد صبحى من المنصورة
|
خلاص االهوجه خلصت والرئيس سيبنا ومشى والقوات المسلحة مسكت البلد يعنى اى تجمهر تانى بعد مطالب الشعب ما تحققت يعتبر اخلال بأمن البلد وفى هذه الحالة هتتحاكم محاكمة عسكرية وفى لهوجة الى فاتت الى سبق اكل النبأ زى ما بيقولو وكل سنة وانتم طيبيبن يعنى استنوا الايام شوف هتعمل فينا ايه حيث تاتى الرياح بما لا تشتهى السفن
والله الموفق |
شكرا جزيلا لكل من شارك فى هذا العمل الرائع
ولكنى لى مجموعة من الملاحظات 1- يا جماعة بلاش نقف لبعض على الكلمة احنا هنا غايتنا وحدة والعملية ليست مشادة كلامية ولا حاجة من هذا القبيل فالرجاء ان نكتب الكلام الطيب او فلنصمت 2- لازم نكون عارفين ان شيخ الازهر رجل كريم جدا جدا ولكن ينقص منا ان نعلمه بما نريد ولن يتحقق ذلك الا من خلال توجهنا جميعا الى المشيخة يد واحدة بطلب واحد احنا عايزين التثبيت 3- يجب تحديد موعد سريع جدا لذلك ياجماعة هو دا الوقت المنسب ( اياكم تضيعوا الفرصة ... اسرعوا ) 4- طلب خاص للاستاذ ايهاب مشرفنا الكريم انقل الموضوع فى اكبر عدد من الصفحات وحدد يوم لذلك وخصوصا قبل بدا الدراسة على فكرة انا لست متعاقدا ولكنى معكم خطوة بخطوة والله الموفق |
ان شاء الله يتم التثبيت كما اصدر وزير المالية الجديد بأن كل من امضى ثلاث سنوات سوف يتم تثبيته فورا وهذا القرار اصدره الوزير قبل تخلى الرئيس مبارك بيوم ولا يوجد فرق بين متعاقد من الازهر وغيره لان القرار عام للجميع وهذه القرارات التي صدرت عن المسؤلين سوف تنفذ في ظل قيادة القوات المسلحة للبلاد بأذن الله وانني ادعو الله لكم بالتثبيت رغم انني زميل لكم معين من عام 93
|
اعتصام كبير لمتعاقدى الأزهر الشريف
السلام عليكم ورحمه الله اخوانى الاعزاء ادخل و شارك كفايه خوف عاوزين مشركات من كل أنحاء مصر يوم الأربعاء القادم 16-2-2011 أمام مشيخة الازهر الشريف بجميع المحافظات الساعة العاشرة صباح http://www.facebook.com/group.php?gid=384735435013#!/group.php?gid=384735435013 |
السلام عليكم ورحمة الله وبركاتة
كفانا كلام جاء وقت الفعل ولكن لابد من التنسيق مع المحافظات حتى يكون فى التزام بالتظاهر والمطالبة بالحقوق وعلى كل مدرس اخبار مدرسين التعاقد التابعين لمنطقتة الازهرية على ان يكون هناك مسؤل عن كل محافظة يقوم بجمع المتظاهرين |
بإذن الله التثبيت جاى
|
اقتباس:
اقتباس:
ياريت مش تشترك اكيد انته مش بترضى ربنا فى شغلك ولا يهمك مرتبك وعايش حياة وردية فبلاش تشتارك وتجيب لنا احباط شارك فى أى نقاش غير موضوع الاعتصام ومش عايزين رأيك فى موضوع الاعتصام لو سمحت |
انا جايب يوم الأربعاء بس طريق المشيخة بالضبط والساعة كام التجمع لو سمحتوا
ياريت ننسق مع بعض واكبر عدد ينزل لو سمحتوا كفاية مهانة وذل |
|
| جميع الأوقات بتوقيت GMT +2. الساعة الآن 07:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.