مراسلة رئيس الوزراء
 

لقد قمت بمراسلة رئيس الوزراء وهذ نص رسالت لمن يريد ان يزيد عليها شيئا فلابد ان نبعثها جميعا ليهتم بقضيتنا وهذا هو الايميل ( pm*cabinet.gov.eg) وياريت تبعت من الياهو او الهوت ميل لان الاوت لوك ما بيوصلش( ع فكرة النجمة اللى فى العنوان يعن علامة آت)
ارسل لسيادتكم بلسان وقلب اكثر من 70 الف معلم مساعد فى كافة المحافظات وبكافة التخصصات فنحن ومنذ ما يزيد عن 6 سنوات وبعضنا اكثر من ذلك حياتنا على كف عفريت من تلك العقود التى ممكن فسخها فى اى وقت وبدون ابداء اى اسباب كما يرد فى بند من بنود التعاقد ولقد تخطينا كافة المراحل التى حددتها وزارة التربية والتعليم من مؤهل تربوى وتقدير عام ورخصة الكمبيوتر واخيرا اختبار الكادر وبنجاح وشفنا الويل لتقديم اوراقنا فى افرع الاكاديمية بمختلف المحافظات ومع كل هذا سيدى لم نحصل على التعيين لحد الان فلماذا ومن السبب فى التاخير كل هذه السنوات ولمصلحة من تضيع سنوات عمرنا ونحن فى قلق وتوتر ولم نحصل على ابسط حقوقنا فخريجي التربية ليس لهم اى مجال عمل سوى التدريس ، فانا اتحدث الى سيادتكم لما توسمته من معاليكم منذ اول مرة ظهرت فيها على برنامج الحياة اليوم وتيقنت انكم سوف تعطون كل ذى حق حقه وانا اتحدث بلسان كل المعلمين المتعاقدين فهل من جواب من سيادتكم وهل سنجد قريبا خبر تعين ينشلنا مما نحن فية من حزن وتشاؤم وضياع ابسط حقنا
ومتى سوف نحصل على المرحلة الثانية من الكادر التى كان من المفترض الحصول عليها منذ نجحنا فى الكادر منذسنه تقريبا

نرجو الرد والاهتمام
ولسيادتكم جزيل الشكر

وده كمان موقع رئاسة الوزراء يا ريت نبعت الرسالة عليه ايضا
http://www.complaints.cabinet.gov.eg

انا هابعت وياريت نعمل فعلا اعتصام ونرفع لافتات كبيرة عليها "معلمون معتصون حتي التثبيت"

ياجماعة

البنات يبعتوا كلهم والأولاد أيضاً


وأنا برتب مع الولاد فيه ناس رايحة بكرة ان شاء الله ترفع لافتات أمام الوزارة

ان شاء الله بكره نبشركم والولاد لايخذلونا

والله لو أنا بمصر لرحت لوحدي

محدش يكسل وكلكم أبعتوا

ويسر الله لكم الخير آمين

هبعت النهارده

أمانه عليكم


كل من يدخل هنا يبعت تحركوا قبل فوات الأوان

http://www.facebook.com/group.php?gid=198350450045
وهذا هو رابط الجروب الرسمى لمعلمين مصر على الفيس بوك ادعوك للأنضمام

معلش ياجماعة بتهيقلى الوزراء مش فاضيين يقعدوا على النت ويتابعوا الايميلات مفيش غير المظاهرات اللى بتجيب نتيجة

اللهم انصرنا بنصرك

معلش ياجماعة بتهيقلى الوزراء مش فاضيين يقعدوا على النت ويتابعوا الايميلات مفيش غير المظاهرات اللى بتجيب نتيجة

ربنا ييسر الامور يارب

معا الى الاعتصام

بالمستندات.. 92 قيادة أمنية حصلت على مكافآت من خزانة وزارة التعليم لحماية أحمد زكى بدر من مظاهرات موظفى الوزارة

http://youm7.com/News.asp?NewsID=349148&

فهمتموا الباشا كان بيرشى الامن من ميزانية الوزارة

انا انشاء الله معاكم

الحل فى المظاهرات لحد ما ناخد حقنا
انضموا صفحة صرخة معلم مساعد على الفيس بوك

طيب واللى شغالين بالمكافاة الشاملة

بسم الله الرحمن الرحيم

إخواني الاعزاء
اليكم بفاكسات رئاسة الوزراء وقلب رئاسة الوزراء حتى يهتموا بنا ويضعونا في الاعتبار

2027356449
2027958016

27958048 الامانة العامة لرئاسة الوزراء

الأعتصام صدقونى
غدا
الساعة العاشرة صباحا
الصحافة عارفة
والتليفزيون

رسالة الي سيادة رئيس الوزراء
 

هذا نص الرساله التي ارستلها علي الايميل التالي

السلام عليكم سيادة رئيس الوزراء/
انا ****من محافظة قنا
أناشد سيادتكم باسم الأب والأخ والمسئول أن تنظر سيادتكم في تعييناتنا المتأخرة منذ شهر فبراير 2010م أي منذ ظهور نتيجة اختبار كادر المعلم الذي دخلنها في 20/11/2009م
الموضوع /
انا متعاقد منذ 12/11/2005 تعاقد بـ 173 جنية مصري ثم تم التعاقد معنا بتاريخ 1/4/2008 تعاقد مميز بمبلغ 356جنية مصري(لايصرف لنا بدل نقدي ) وهي لاتكفي حتي احتياجاتنا الاساسية وبالمناسبة انا متزوج ومعي اسرة

بعض بنود العقد :
1-تقدم الطرف الثاني المذكور عالية بطلب لتعيينه في وظيفة (معلم مساعد ) بمقتضي أحكام القانون رقم 155 لسنة 2007م بتعديل بعض أحكام قانون 139 لسنة 1981م وكذلك أحكام قانون رقم 47 لسنة 1978م بشأن نظام العاملين المدنيين بالدولة .

6-يلتزم الطرف الثاني بالحصول علي شهادة بالتأهيل التربوي اللازم والحصول علي شهادة الصلاحية لمزاولة التعليم بالمرحلة التعليمية التي يتقدم لها بالأكاديمية المهنية للمعلمين خلال سنتين من تاريخ إبرام هذا العقد ويجوز لوزير التربية والتعليم تجديدها لمدة سنة أخري فإذا لم يحصل علي الشهادة خلالها انتهي عقدة تلقائيا دون حاجة لأي إجراء

7-مدة العقد سنتين تبدءا من 1/4/2008 يجوز تجديدها لمدة سنة أخري طبقا لما جاءه البند السابق
ونحن مايقرب من 43 الف معلم مساعد علي مستوي الجمهورية اجتزنا كل هذه الشروط بالاضافة الي رخصة icdl ودورات اللغة الانجليزية وبالرغم من هذا لم ينص علية العقد ولكن نحن اجتزناهم من باب تطوير الذات ولخدمة العملية التعليمية وتلاميذ هذة الامة ومستقبلها .
لذا نرجوا من سيادتكم باسمي وباسم كل المعلمين المساعدين بالدولة ان تعهد سيادتكم بالنظر والبت النهائي والفوري في موضوعنا حيث ان ظروفنا المعيشية والنفسية لاتحتمل اكثر من ذلك .


ولسيادتكم دوام الصحة والعافية والشكر الجزيل

يعنى يا جماعة هو المعلم المساعد بس الى انتم بتنادوا بتثبيتة وباقى العقود ملهاش حظ كدة فى كل حاجة ارجو المناداة لجميع العقود بالتربية والتعليم

انا كمان بعت وربنا معانا بس مش يمكن يكون رئيس الوزراءرح مع الرئيس

تفيد بايه ياندم ياندم وتعمل ايه ياعذاب طااااااااااااااااااااااااااااااااااااااااالت ليالي الالم واتفرقوا

طيب هو فى حد رد عند اى حد

رفع هذا الشعار فقط واعلانه يجبر المسئولين على اتخاذ خطوات ايجابية فورا خلال هذا الاسبوع

تم الارساااااااااااااااااااال ( نفس الرساله ) مع عنوان برجاء النظر لمعاناتنا

أنا بعت الرسالة يارب تعمل نتيجة

وانا مع الراى دة

انا نفسى اعمل حاجة بس موش عارفة :
انا بافكر فى شكوى جماعية
دا احنا كمان موش عارفين نعمل اية فى محو امية عشرة اشخاص
وكيفية التخلص من التعنت والذل من هيئة محو الامية كمان
حسبى اللة ونعم الوكيل

طب انتو رايحين الاعتصام
طيب والى موش من المدينة وبيسكن فى قرية وكمان من السيدات
حد يقولى اعمل اية ويكون فى حدود استطاعتى؟

وانا معاكم

ان غدا لناظره قريييييييييييييييييب
معادنا بكره
الساعه عشرة
امام الوزاره

اولا انا حاسة ان حرام يتثبت بس اللى مر عليه 3سنوات فقط فى عدد كبير جدا كمل سنتين ومش كمل ال3سنين واحنا اخدنا دبلومة وicdl وتعبنا وقرفنا وعلى فكرة فى عمالة مؤقته فى مجالات تانية ثبتوهم الايام اللى فاتوا بعد سنه واحدة من العمل.