|
مفاجأة ... مبارك الأغنى في العالم !
اقتباس:
ويقول الخبر أن مبارك غير مصنف في قائمة الأغنى على مستوى العالم ولكن صحيفة الجارديان البريطانية قدرت ثروة أسرة مبارك بما يراوح 40-70 مليار دولار والذي ربما يتعدى ثروة رجل الأعمال المكيسكي الأغنى في العالم وثروته 54 مليار ثم بل جتس لمقارب له حيث تقدر ثروته 53 مليار ويتحدث في بقية الخبر عن تاريخ مبارك وكيف له أن حصل على مثل هذ الثروة ولكن ما اردت التحدث عنه هنا ان ثروة مبارك هي من خيرات مصر فهو لم يمتلك اكبر شركة برمجيات في العالم ولا يمتلك اكبر اسواق السيارات وإنه فقط من خيرات البلد نعم مصر لديها من الثروات التي ان استغلت فإنها ستفوق جميع الاستثمارات الخارجية مهما كانت المهم إنه احنا نكتشفها ونستغلها لصالح البلاد ونبطل كلمة وانا مالي ... يعني مصر اديتني حاجة ... انا مخدتش حقي من النهاردة مفيش حكومة انت الحكومة انت اللى حتصنع مصر وحتصنع التاريخ كله انت مصري وسيكون لك الفخر في كل العالم بأنك مصري :022yb4: اعتذر لنقلي الخبر بشكل مباشر ووضع الموضوع بصورة تلقائية فلم أرتب كلماتي ولم احدد ما سأكتب عنه أيضاً ولكنني لم أعد أعرف ماذا سأكتب فالاحلام عادت لتطل من الجديد والظلام بدأ يختفي من اذهان الجميع امبارح كنت في الشارع عرفت انه الريس تنحى من الناس اللى طلعت تزغرط في البكونة والرصاص اللى اتضرب في الهوا :d والشارع كان في حالة من الفرحة اللى لا يمكن تصورها ومع ذلك كان في شباب محترم جداً وقف ينظم المرور في ظل هذه الزحمة وغياب المرور مصر تشهد ثورة لا مثيل لها في التاريخ كله وليس تاريخ مصر ثورة الضباط الاحرار كانت منظمة ومن قادة وليست من الشعب والثورة الفرنسية كانت دموية وتخريبية اما ثورة 25 يناير كانت ثورة مثالية بجد الواحد نفسه يعيط كتيير ويقول كتير بس خلاص من النهاردة انت مصري :022yb4: بخلاف كل اختلافاتنا في طريقة التغيير وطريقة الاصلاح الا اننا كلنا متفقين على الغاية النهائية وهي الصلاح لمصر من النهاردة انت مصري :022yb4: |
أنا نفسي اعرف حاجة هو الريس بيأخذ كام يعني ؟هههه
وبعدين يعني برود يابانزر مش شايف ان 70 مليار دولار في 30 سنة قليل أوووووووووي من سرقة ونهب .... كنت فاكرة هيجيب أكثر ......... يلا بجد انا حاسة ان ان شاء الله هنكون اكثر ايجابية .... وبلدنا هتكون أحسن وفي نفس الوقت مرعوبة من المستقبل بس كل اللي حصل علم العالم كله يعني ايه المصريين بيسكتوا يسكتوا ولما يفرجوا مش بيخلوا ........ والغريب كمان اللي شجع النت والحاجات دي ...... هو أحمد نظيف .............وهو بردو كان السلاح ضده تعرف عيب الريس ان كل قرارته كان متأخرة أوووي انا بجد سعيدة اننا هنبدأ مصر جديدة مش فيها خوف ولا رعب مصر قوية ان شاء الله....... ويارب الفرح يدوم علينا دايما |
كل صحيفة هتطلع تقولها رقم
ومين يزود |
ارفع قامتك أخى فأنت مصرى ... قل كلمتك أخى فأنت ثورى ... تذوق طعم الحرية فأنت فدائى ... حافظ على بلدك فأنت حضارى... |
كلة من خيرات مصر وكلة من الناس الغلابة الى جوعهم
واحب اقولة مع المركب الى تودى ..... وداهية لا ترجعك حمدلله على السلامة يا باشمهندس والله وحشتنا لكن انا مش متوعد على النيو لوك الجديد دة فين الاخضر:d |
اقتباس:
|
اقتباس:
ملحوظه توقيعك فيه نداء لجمال مبارك الاترى معى انه لاداع لهذا النداء الان؟ |
[quote=تسابيح النجوم;3099767]أنا نفسي اعرف حاجة هو الريس بيأخذ كام يعني ؟هههه
مرتبه لا يتعدى 20 ألف جنيه :o |
من النهاردة انا مصرى وابن مصر
|
يااااااااااه أخيرا محمد بيه ظهر:o منور أنتا المنتدى اتانى وسايب منتدى الثانويه ناقص نور بانزر :d على فكرا أنا أنا معاكم هناك :stickjo4: بس كويس ان حسنى دى ثروته فى ثلاثين سنه مش عارفه ليه حاسه انها اكتر يلا بكرا نشوف بس أنا سمعت ان الأرجوز أحمد عزوو معاه ثروه قدر دى ياترى المعلومه دى وصلالى صح ولا؟! حد يفدنى بقى |
ايه المفاجاة فى كده 30 سنة بيسرق
خيرات البلد |
انظر امامك ولا تنظر خلفك
فلنبدأ عصر جديد |
احنا ليه يا مصريين بنبص ورانا :mad:
وزعلانين ليه من ان مبارك اخد كم مليار ما ده الطبيعى واعتبروها دى مكافأة نهاية الخدمة ماهو كتر خيره خدم البلد 30 سنة واحنا علينا اننا منزعلش عادى جدا احنا ممكن نعمل اكتر منهم ونخلى البلد احسن بعزيمتنا وارادتنا واتمنى زى ماعملنا ثورة كبيرة والتاريخ والعالم كله هيشهد بيها نعمل كمان ثورة داخلية ثورة داخل نفوسنا ونخليها احسن ونخاف على بعضنا ومنخونش بعضنا واهم حاجة طبعا نحترم اراء بعض ونحاول دايما اننا نكون ايد واحدة وبكده مصر مش هتكون احسن دولة فى الشرق الاوسط دى هتكون احسن دولة فى العالم كله |
اقتباس:
رائع هذا التعليق |
اول حاجه ان مبارك مرتبه مابين 500-10000 جاب منين 70 مليار دولار (وعلم علي دولار) وبعدين الناس بتقول ان احنا ازاي فقراء ده احنا ريسنا الاغني في العالم واحني فقراء ((صلاه النبي احسن))
|
الاستخبارات الأمريكية: ثروة مبارك وعائلته تتراوح بين مليار و 5 مليارات دولار
نقلت شبكة ABC الإخبارية الأمريكية عن مصادر في الاستخبارات الأمريكية قولها أن ثروة الرئيس السابق حسني مبارك وعائلته تتراوح بين مليار و 5 مليارات دولار وليس كما أشيع في الآونة الأخيرة في تقارير لوسائل الإعلام قالت أن أموال عائلة مبارك في البنوك الأجنبية تترواح بين 40 و 70 مليار دولار.
ونقلت الشبكة عن مسؤولة أمريكية بارزة قولها أنها لا تعرف من أين جاءت وسائل الإعلام بمثل هذه الارقام. وذكرت الشبكة أن الحكومة الأمريكية خصصت 335 مليون دولار لمساعدة مصر في شراء 9 طائرات فاخرة انضمت إلى أسطول الطائرات الرئاسية. http://www.boswtol.com/politics/news...ruary/12/27260 |
اقتباس:
وانا ضد التوريث |
استخبارات أمريكا: ثروة مبارك 5 مليارات
السبت, 12 فبراير 2011 14:54 http://www.alwafd.org/images/news2/awkq11.jpg واشنطن – أ ش أ: ذكرت مصادر استخباراتية أمريكية اليوم السبت إن ثروة الرئيس المصري السابق حسني مبارك وعائلته تتراوح بين مليار و5 مليارات دولار . ونقلت شبكة "أي بي سي" الإخبارية الأمريكية عن مسئولة بارزة في الاستخبارات الأمريكية قولها "لا نعرف من أين جاءت وسائل الإعلام بتقارير أن أموال عائلة مبارك في البنوك الأجنبية تتراوح بين 40 و 70 مليار دولار". وذكرت الشبكة أن الحكومة الأمريكية خصصت 335 مليون دولار لمساعدة مصر في شراء 9 طائرات فاخرة انضمت الى أسطول الطائرات الرئاسية. وكانت السلطات السويسرية قد أعلنت أمس الجمعة أنها جمدت الأرصدة المحتملة لمبارك وزوجته ونجليه وعدد من أقاربهم وأعضاء حاشيته، بينهم رجل الأعمال أحمد عز أمين التنظيم السابق بالحزب الوطني الذي كان يكاد يسيطر على صناعة الصلب. الرابط:http://www.alwafd.org/index.php?opti...ticle&id=15807 فى تضارب كبير فى الاراء وان شاء الله التحقيقات هتحاسب كل مقصر |
اقتباس:
على فكرة انا سبت هنا وهناك من زمان اصلاً :d ربنا يخليلنا الفيس بقى اقتباس:
الكلام ده لو تريقة فأنا معاك في كل ربع كلمة قلتها لكن لو قاصد كلماتك فانا مش عارف ارد اقول ايه :d اقتباس:
ثانياً وبالنسبالي انا عالاقل مبقتش فارقة 5 مليار من 50 مليار مادام الرقم دخل في المليار فهو مازال اغنى رئيس حالياً بردو :d يمكن الرقم التاني كان حيدخله موسوعة جينيس ___________________ شكراً لكل الناس للى ردو في الموضوع ولم يسعني الوقت للرد على الجميع ولكنني قرأتها جميعها |
| جميع الأوقات بتوقيت GMT +2. الساعة الآن 07:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.