|
شهر مكافاة
بسم الله الرحمن الرحيم اخوانى واخواتى تحيه طيبه تم اليوم الاحد 13/2/2011 ارسال كشوف باسماء مدرسى المدرسة الى الادارة التعليمية لصرف شهر مكافاة ولما سألنا لية قالوا ان وزير التعليم العالى صرف شهر لكل المدرسين (بيسجدنا) بمناسبة المولد النبوى الشريف طيب سألنا هل فية تعيين زى باقى الوزارات قالوا (لالالالالالالالالالالالالالالالالا) طب لية (علشان سياتك ينطبق عليك قانون الكادر)وهو سنتان ثم امتحان ثم سنة ثم تعيين طب واللى قالوا وزير المالية (تثبيت كل العاملين بالدولة الذين مضى على عقدهم 3 سنوات طبق للقانون) دة مش للمدرسين لان يحكمهم قانون الكادر طب وزير المالية قال والمدرسين يبقى قصدة اية لما قال كدة (قصدة المعلم المساعد الذى امتحن الكادر)اللى هو اساسأ دة حقة(وان سياتك ام تعمل لمدة 3 سنوات متواصلة علشان كنت بتتفصل ثم عقد جديد )(دى ناس فاهمة بتعمل اية )وانك لو كنت بقالك 3 سنين روح ارفع قضية تطالب فيها بالتتعين وانتا هتكسبها علشان موجودة فى قانون العمل(يعنى دة حقة ) يعنى مفيش حاجة جديدة او مميزة قالها انا محافظة القاهرة بعقد مؤقت بعمل من 2006 حتى الان ولما رحت المدرية علشان العقد المميز سألت (لية مجاليش عقد مميز )الرد كان (حضرتك المرحلة القادمة بعد تثبيت اللى امتحنوا) علشان مفيش ميزانية الكلام دة كان الوزارة القديمة طب الوزارة الجديد (سياتك هيتجدد العقد بتاعك لمدة 3 سنوات سنة بسنة ثم تتعيين ) يعنى اية يعنى 2013 ان شاء الله هتثبت انا واللى زى طب دة مش حرام انا وزميلى اللى احنا الاثنين دخلنا المدرسة معا بعض هو يجيلة معلم مساعد وانا لا طب مش حرام هو ياخد اكتر منى بقالة 3 سنين طب مش حرام هو يتثبت وانا افضل 2 تانى علشان اتثبت طب مش حرام لما انشاء اللة اتثبت يبقى هو اعلى منى فى الدرجة المالية انا يا جماعة نفسيتى مدمرة بقالى 3 سنين بسبب العقد المميز ولسة 2 تانى علشان اتعيين دة اسمة اية ....................... وكل ما اشوف زميلى اشوف نظرة ( العطف و الشفقة) فى عنيهم بسبب الموضوع دة الكلام دة مش عليا انا بس انا بتكلم عن لسان زميلى اللى معايا فى المدرسة واكيد حضراتكم معانا فى الكلام دة انا فكرت انى ابعت جواب الى الادارة التعليمية (احنا العقود المؤقتة ) لن نعمل مع بداية العام الدراسى الثانى والادارة تكلم المدرية براحتها ياريت نعمل كدة كلنا وكمان نتصل بمركز اخبار مصر 25756056 / 25757874 نبلغهم ان احنا (المدرسين المؤقتين لن نعمل حتى نعرف ما هو مصيرنا) ولله الامر من قبل ومن بعد / حسبى الله ونعم الوكيل / اللهم اجعل من كل هم فرج ومن كل ضيق مخرج امين |
معاً لإلغاء الكادر
لابد ان نتكاتف من اجل إلغاء الكادر حتى يتم تثبيتنا جميعاً احنا مش اقل من وزارة النقل اللى عينت المؤقتين بعد سنة واحدة ولا وزارة البترول اللى عينت المؤقتين بعد سنتين احنا عايزين حقنا نتعين |
اقتباس:
على فكرة مشكلة حضرتك حصلت معايا بس انا : 1- اسمى نزل مع المميز اول ما نزل وبعدين فجاة ملقتهوش الادارة شالته 2- روحت الادارة (اول المميز ما نزل ) وسالت اسمى اتشال ليه طالما انا كنت من اول 150 عقد مؤقت اتعمل فى محافظتى... قالوا لى اصل الموجه العام قال متستحقش عشان خريجة جديدة وبتعمل ماجستير ومش هتبقى فاضية طيب نديه لواحد قديم 3- قدمت طلب لمدير الادارة 4- روحت مديرية التربية والتعليم وقدمت تظلم وشرحت الوضع 5- قدمت طلب لوكيل الوزارة وفعلا دخلتله واتكلمت معاه قالى يا اميمة مفيش حاجة ايه يعنى عقد ما انتى هتاخدى فى الدفعة اللى جاية خلصى بس الماجستير بتاعك 6- طلبت الوزارة فى مصر بالخط الساخن قالت تابعى 7- فاكس الحمد لله الموضوع اتلحق من الاول والحق مضعش |
انا نفس القصه بتاعتك بالظببببببط و برضه من 2006 و برضه العقد المميز من 2009
و الله انا مش عاارفه اعملا يه الطم ع اللي احنا فيه بس خدى ورم بقالي كتير بلطم و رب الكعبه انا زهققققققققت |
نفسي حد يرد علي انا دخلت امتحان الكادر بس رسبت في الانجليزي ( علي فكرة انا تخصص رياض اطفال) ونجحت في الباقي كلة
هل لي تعيين و لا |
انا بقى تعاقد 2005 بالمكافأه الشاملة فضلت2006 و2007 لحد 2008 اجدد العقد كل سنة وفى2008 مضيت عقد ستين ومدخلتش امتحان الكادر عشان التربوى واخدت التربوى فى 2010 والرخصة الدولية والعقد بتاعى المفروض خلصان من شهر عشرة 2010 سالت يا جماعه ايه وضعنا قالوا العقد اتجدد تانى لوحده كدة والمفروض انى مستنية امتحن الكادر وطبعا كاتمه وساكته عشان الزملاء اللى امتحنوا الكادر ومتعقدين بعد منى بسنتين وتلت سنين لسه متعينوش بس قسما بالله العظيم ما هسكت تانى اكتر من كدة انا تعبت واتخنقت حرام عليكوا والله انا طفحت الدم وكل اللى اخدته صرفته على التربوى والرخصة الدولية وعايزة اسافر لجوزى وابنى عايز أبوه وأبو عايزنا اعمل ايه يا عالم دا مش حالى لوحدى دا حال ناس كتير
أنا مش عايزة زيادات عايزة الاجازات واحفظ الوظيفة حرام اى حد ظروفه زى ظروفى بالنسبة للتعين يقولى ناوين تعملوا ايه وانا معاكوا |
اقتباس:
|
اقتباس:
يا ربنا...... ايه يا حبيبتى اللى كتباه ده ان شاء الله الازمة هتعدى ولازم الثقة بالله وبعدين يلا خليه يعرف قيمتكم شوية . لا تظن بالله ظن السوء اكيد التاخير ده لخير ان شاء الله مش شر ابدا |
انهاردة كانت مظاهرة امام منطقة الاسكندرية الازهرية
للمطالبة بالتثبيت وقررنا بمطالبة جميع المدرسين المساعدين (المكافاة الشاملة) يوم الخميس امام منطقة الاسكندرية الازهرية الساعة 10 صباحا |
اقتباس:
أسأل الله العلي العظيم أن يجعل لكي مخرجاً فهي كربة شديدة أليمة أسرة مشتته ليس لها غير الله وهتفرج بإذن الله فهذه حسبة برما ولكن (( ومن يتوكل على الله فهو حسبه إن الله بالغ أمره قد جعل الله لكل شيئاً قدراً )) |
انا نفسي اقول حاجه احنا ليه ما بنعملش اعتصام و نطلب بحقنا ذي كل القطاعات؟؟؟؟.... كل القطاعات الي بياخذ فيها 1500 جنيه بيعتصم و يطالب بتحسين جره.. و احنا مابنطالبش بحقن ليه مش عارف!!!!
عايزين تعيين و رع الحافز الي 100% |
يارب الصبر يارب افرجها من عندك
|
شوفى ابن الاكرمين كاتب ليكى ايه :
كربة شديدة أليمة أسرة مشتته .... والله كانها حالة اسقاط |
فلما ضاقت واستحكمت حلقاتها انفرجت وكنت أظن أنها لا تفرج
|
اقتباس:
|
ثلاث يعز الصبر عند حلولهـا *ويذهل عنها عقل كل لبيب
خروج اضطرار من بلاد يحبها * وفرقة إخـوان وفقد حبيب أنا حاسس بما كتبتوا فتقريباً أعيش نفس المشكلة وأن اختلفت الظروف لنا الله اللهم فرج هم المهمومين من المسلمين ونفث كرب المكروبين اللهم آمين |
اقتباس:
إنما تسكت فى الأول.. ياله الحمد لله(كل شئ عنده بمقدار) |
اقتباس:
|
الشهر المكافأة ده مش جديد الازهر خدوه عندنا فى البحيرة زى كل مناسبة يعنى واحنا لاء ولو مااخدنهوش برضو مش هنتكلم عشان ده العادى
انما اللى فعلا مش عادى لغاية دلوقتى الغموض الكبير فى كلام وزير المالية واحنا هنتثبت تبع ايه بالظبط قانون الكادر اللى احنا شغالين عليه ولاوظيفة عامة لازم نلاقى اجابة السؤال ده عشان نعرف راسنا من رجلنا وربنا يوفق الجميع |
انتوا عار فين مشكلة سكوتنا ايه ان خريجى كلية التربية للأسف كتير اوى اوى كان مفيش كلية غيرها وكمان خريجها مبيشتغلشي غير فى التعليم يعنى لو اضربنا على العمل وقلنا مش رايحين غيرنا كتير واقفين مستنين ياخدوا مكانا دا بالنسبة لوجهة نظرى وعلى قد تفكيرى ياريت لو حد عنده رأي تانى يقول
انا بقول نصبر كمان شوية اهو نقدر اللى البلد فيه دلوقتى واكيد ان شاء الله تفرج |
مرة اخري اقول...........
الثبيت وغير ة من اصلاحات مرتبط بنجاح الثورة الامر اصبح معقد والجيش للاسف ........؟ ياشباب النظام الحالي نظام مبارك ....الي الان الثورة = 0 |
اقتباس:
اسف هذا رايكي ولكن يجب ان يكون لنا موقف انا ليسانس تربية دفعة ( 2000) تعاقد بمرتبي لا يكفي عيش حاف الاساسي احسن مني ليه لانه تعيين وانا تعاقد احنا مش احسن من شهداء الثورة |
على فكرة يا جماعة انا مش فى الازهر انا فى مدرسة حكومى عادى اللى مش عادى اننا ينصرف لينا شهر مكافاة وناس زمايلنا قالوا هتتصرف بكرة دة كلام بجد
|
هل في احد صرف شهر المكافأة
|
علي جميع المعلمين المطالبه بحق المعلم المساعد في التعيين والتثبيت من دخل الامتحان الكادر ومن لم يدخل الكادر من قضي ثلاث سنوات اواقل من ذلك حتي لوقضي شهر واحد بالاجر فهو له حق لانه مصري ويجب تعيينه وتثبيته لانه انسان ويريد ان يحي حياه كريمه
|
هو الشهر ده فين ؟
مجالناش حاجه |
نداء الى المتعاقدين بمحافظة القاهره والمحافظات القريبه منها للتظاهر امام الوزاره للمطالبه بالتثبيت
|
توكلنا على الله موعدنا الاربعاء أمام وزارة التربية والتعليم الساعة 10 صباحاً صفحتنا على الفيس بوك معلمون معتصمون http://img10.imageshack.us/img10/9341/finishj.jpg 16 فباير يوم كرامة المعلم المصرى ............ |
هل صرفت الشهر المكافأة يا استاذmarsho
|
كان عندنا النهاردة اجتماع لجنة عمومية يعنى المدير قال الكلمتين اللى متعود يقولهم كل اجتماع فى اى ظرف بيطرق على المدرسة المهم انا سألت السكرتير النهاردة عن شهر المكافأة رد عليا مش لو ضمنا نقبض الشهر ده تبقى تدورى على المكافأت يا جماعة انا ليا زميلة مدرسة فرنساوى متعينة من 99 مرتبها 560 جنيه وبتقولى احمدى ربنا على مرتبك (380جنيه) لانها كانت بتاخد 134 جنيه فى بداية تعيينها وفضلت كدة لحد مبدأ الكادر من حوالى 3 سنين تفتكرو احنا كدة طماعيين ؟؟؟
|
لا احنا كدة بنطالب بحقنا فى العيشة والكرامة
زمان كان كيلو اللحمه ب15 جنيه سنة 99 دلوقتى ب65 جنيه وغيره وغيره وغيره زمان كنا بننزل السوق بتاع الخضار والفاكهة فى 99 بردو نجيب كل حاجه بعشرة جنيه لما كانت الحاجه الكيلو ونص بجنيه والكيلو بنص جنيه دلوقتى ال100 جنيه ما بتجبشي حاجة ويا سلام بنزقطط ونفرح ان كيلو الطماطم باربعه جنيه بس الخ الخ الخ |
اقتباس:
اقسم بالله واحاسب على هذا القسم يوم القيامة وقد سئلت السكرتيرة اليوم وقالت بالحرف(رحت اجيب الشيك قالوا هينزل فى الفيزا) علشان احنا بنصرف بالفيزا المرتبات |
ياجماعة حد صرف الشهر المكافاة دا......ناس كتير قالوا انها كانت اشاعة.......
|
عندنا في الفيوم لاحس ولاخبر وكأنها فقاعة واختفت يأخي كدابين كدب الحكومة دي الكدب في دمهم
|
السلام عليكم
احنا شغلين بعقد عادى ومش عارف مصرنا ايه من الليلة دى بالظبط الواحد مبقاش عارف حجة خالص |
الازهر عندنا فى البحيرة صرفه كالعادة يعنى مفيش جديد
اما التربية والتعليم التعليمات جاى لهم اخيرا ب20 يوم فقط ومش للمدرسين اصحاب الكوادر انما للاداريين والعمال وامناء المعامل وفنيى التطوير واى حد مش بياخد كادر |
إن شاء الله ستفرج بعد هذه الثورة
|
| جميع الأوقات بتوقيت GMT +2. الساعة الآن 05:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.