|
أتت نشرة بأسماء المتعاقدين للتثبيت
بسم الله الرحمن الرحيم أعضاء المنتدي الكرام أنا أخوكم الأستاذ أحمد (معلم مساعد بمحافظة 6 أكتوبر) وده أول موضوع لى ولعله خير إن شاء الله ذهبت إلى المدرسة اليوم فعلمت أن هناك نشرة تهيب بالإدارة التعليمة سرعة إرسال أسماء المعلمين المساعدين الذين مر عليهم 3 سنوات للتثبيت خلال الفترة القادمة وأنا كتبت اسمي في إفادة من المدرسة ووديناها الإدارة وهناك قابلت الموجة العام للغة العربية وقالى خبر أسعدني أكثر وهو أن النشرة ليس بها شرط الكادر ولا شهادة الأي سي دي إل (رغم إني امتحنت الكادر ونجحت وخد شهادة الأي سي دي إل والسبع موديولات) ولكن فرحت لأصدقائي كما قال لى أن التثبيت على المرحلة التي نعمل بها وليس على التعاقد لإني متعاقد ابتدائي وانتدبت إعدادي فالتثبيت إن شاء الله على المرحلة الإعدادية. وندعو من الله أن يصلح حالنا ويفرج كربنا أخوكم الأستاذ أحمد الأسطورة |
اقتباس:
لو الخبر صحيح يبقى تستاهل تبقى اسطورة |
انا نفسي اقول حاجه احنا ليه ما بنعملش اعتصام و نطلب بحقنا ذي كل القطاعات؟؟؟؟.... كل القطاعات الي بياخذ فيها 1500 جنيه بيعتصم و يطالب بتحسين جره.. و احنا مابنطالبش بحقن ليه مش عارف!!!!
عايزين تعيين و رفع الحافز الي 100% |
اقتباس:
يسمع من بقك ربنا ومتشكرررررررررررررررررررررررررررررررر جدا |
إلى الأخت العزيزة الأستاذة أميمة طه أشكرك على هذا التقدير الذي أخجل تواضعي
وأود ان أقول لحضرتك إن ده فعلاً اللى حصل إنهارده وأنا كتبت اسمي في الإفادة وودينها الإدارة وفي موقف أخر قد حدث إن في زميل لى كان ابتدائي وانتدب إعدادي ولكن في نفس المدرسة اللي كان فيها لأنها تعليم أساسي (يعني ابتدائي وإعدادي ) فالموجة ماعملوش نشرة فلما عرف إن التعيين على المرحلة التي نعمل بها طلب من الموجة حل فالموجه قال له سوف أقوم بعمل نشرة بالانتداب لإثبات حقك في التعيين على المرحلة الإعدادية |
مشكورررررررررررررررررررررررررررررررررررررررررررررر ررجدا لو الخبر صحيح انا من بورسعيد ولم ياتي اي شيء رغم تواجدي في الادارة انا وباقي زملائي للأستفسار عن هذا الموضوع
|
أشكرك أستاذ محمد أحمد ناصف
وندعو من الله التوفيق للجميع وأن تستمر الأمور على خير حتي نأخذ حقنا والله ولى التوفيق |
ربنا يقرب البعيد ويلحق يوصل البحيرة بعد مايعدى على كل المحافظات
|
الأستاذة جارة الوادي إن شاء الله التعين يوصل للبحيرة وبإذن الله سوف تكلل مجهوداتنا بالتعيين إن شاء الله
|
بس التثبيت على المرحلة حيبقى فيه بعض الظلم لان ناس كتير المقررين ظلموها وخلوها تشتغل فى مرحلة غير المثبتة فى العقد
|
عاوزين نشوف النشره علشان نطمن
|
ربنا يكرمك يارب يارب يكون خير وبضم صوتى لصوت اميمة لو حصل فعلا يبقى انت اسطورة ووش السعد كله على المنتدى
|
وبلاش يا جماعه حوار عايزين النشرة ودى مسكنات وانت عميل ومش مصري دا خلونا نتفائل ومشكور يا اسطورة وننقى النفوس ونفتح حوار بينا ونقول يااااااااااااااارب افرجها
|
ممكن يا استاذ احمد تصورلنا االنشرة دى وتحطها على المنتدى
|
هو مش انتقاص من قدر احد ولا هو تفضيل مرحلة على مرحلة بس احنا عقودنا اعدادى واشتغلنا فى المدارس الابتدائية وشفنا التسيب والاهمال والفساد على اصوله فبالتالى ده سايب انطباع وحش عندنا لذلك لو حناخد حقنا يبقى ناخدو كامل مش قطاعى وكل واحد يبقى فى مرحلتو اللى تعاقد عليها وربنا ينتقم من المقررين الظلمة
|
مشكور على الخبر
وبكده يمكن يكون فيه أمل للتثبيت ان شاء الله |
في اي ادارة حضرتك انا في ادارة الحوامدية 6 اكتوبر و مفيش حاجة
|
[اخي أحمد
انا في مدرسة في إدارة أوسيم ولم تاتي لنا نشرة مثل ذلك حضرتك ادارة ايه عصام الطواب |
طبعا احنا متشكرين جداً على الخبر الجميل دا ويارب يكون فعلا حقيقى ميكنش ميكنات وورق رايح وورق جاى وياريت لو حضرتك تنزل النشرة هنا مع خاص تحياتى |
ألف شكر على مرور الجميع على موضوعي
ويارب يتم الموضوع على خير إن شاء الله |
اقتباس:
|
اقتباس:
|
اقتباس:
|
أنا بس نفسى افهم 3 سنين بالعقد يعنى ايه يعنى انا تعاقد 1/10/2008 ودخلت امتحنت ونجحت وعقدى حيخلص 30/9/2011 كده مليش تعيين ولا ليا دلوقتى؟
|
اقتباس:
واطمنوا إحنا كتبنا الأسماء في المدرسة وودينها الإدارة إن شاء الله خير يا جماعة |
اقتباس:
جعل الله هذا العمل في ميزان حسناتك وجزاك الله كل خير بكل خطوة تخطوها الكل هيدعيلك فهاهو طوق النجاة من هذا المنعرج الصعب |
اقتباس:
اخي العزيز أستاذ محمد السوبركي لو كان على الحق يبقي كل واحد يتعين على المؤهل بتاعه فمثلاً:أنا مؤهل ليسانس آداب وتربية جامعة عين شمس عام بتقدير جيد جدًا مرتفع ولما جت العقود كانت ابتدائي وقالوا لنا هنعملكم انتداب بعد كده على المرحلة الإعدادية عشان مؤهلاتكم ولكن بعد طول عذاب وتحايل على طوب الأرض ربنا وفقنا السنة دي وانتدبنا للمرحلة الإعدادية ولكن أقول في النهاية يارب كل واحد إن شاء الله ياخذ حقه وكل اللى يعمل ربنا خير وأسف على الإطالة أخوك أحمد |
اقتباس:
فعندما يدعو الإنسان العاصي يحجب الملائكة الدعاء في المرة الأولى ثم يدعو ثانية فيجب الملائكة الدعاءفيحجب الملائكة الدعاء في المرة الثانية وفي المرة الثالثة يبعد الله الملائكة فيسمع دعاء عبده (وهو اعلم بذلك) فيقول للملائكة أتحجبون دعاء عبدي عني لبيك عبدي لبيك عبدي . فيارب أزل همنا وفرج كربنا |
اقتباس:
|
اقتباس:
وعلى العموم في الإدارة عند استاذ عبد الله رئيس شئون العاملين ولو حضرتك تعرف مدرسة الثانوي التجاري اللى خلف الإدارة برضه جاتلهم النهاردة إشارة وأرسلوا أسماء المتعاقدين الذين مروا عليهم 3 سنوات فإن شاء الله خير وبكره إن شاء الله إحنا هنكون في الإدارة عند أستاذ عبد الله او في التوجيه في مدرسة عثمان خلف جامع البهواشي لحل بعض المشاكل في مرحلة التعيين ممكن نتقابل هناك (وانا تحت امر حضرتك) |
يسمع من بقك ربنا
|
اقتباس:
|
اقتباس:
وده رابط الفيديو http://www.youtube.com/watch?v=AOCG3CbZU9U |
قدري حسين
أعلن قدري حسين محافظ حلوان،أنه تسلم تعليمات مكتوبة من رئيس مجلس الوزراء بتثبيت جميع المعلمين المؤقتين بالإدارات التعليمية بحلوان، وبناءً على ذلك تم إعداد الكشوف اللازمة لتثبيتهم بدون شروط، وسيتم إخطار جميع الإدارات التعليمية بالمحافظة بالقرارات النهائية قبل الخميس المقبل. يأتي ذلك بعد تهديد المؤقتين بعمل إضراب عام بدءًا من الأحد إذا لم يتم اتخاذ إجراءات تعيينهم. أكد المحافظ عقب اجتماعه مع عدد من المعلمين أنه لم يتم تحديد المدة الزمنية التى سيتم اتخاذ الإجراءات اللازمة لتثبيتهم، وأكد لهم أنه بعد الانتهاء من الكشوف سيتم إخطار جميع المدرسين بالمده الزمنية التى سيتم تثبيتهم فيها، حضر الاجتماع خالد بهى الدين نقيب المعلمين بحلوان. كان نحو 3 آلاف معلم اعتصموا صباح اليوم أمام مديرية التربية والتعليم بحلوان للمطالبة بتثبيت المؤقتين منهم، ومساواتهم بكافة هيئات الدولة والوزارات، ورفع الرواتب وإلغاء القرار 155 الذى يجبر المعلمين على الدخول فى اختبارات الكادر، وتقديم الأوراق فى الأكاديمية المهنية للمعلمين والحصول على مؤهل تربوى رغم حصول الكثير منهم على المؤهل التربوى ،ودورات كمبيوتر. وأكدوا أنهم لم يستطيعوا الدخول فى اختبارات الكادر لكى يتمكنوا من التعيين ، وتم تهديد كافة المؤقتين اليوم بجميع المدارس بأنه سيتم خصم 3 أيام من رواتبهم إذا توجهوا إلى مديرية التربية والتعليم والوقوف أمامها، أو عمل اعتصام بها. وحضر نقيب معلمى التبين ومايو إلى مقر المديرية لمحاولة حل أزمتهم إلا أنهم لم يقتنعوا بكلامه. http://gate.ahram.org.eg/News/39612.aspx |
السلام عليكم
انا ادارة قليوب التعليمية ووصلت فعلا اشارة بالكلام دة ولكن للترقية الى وظيفة معلم بدلا من معلم مساعد وكان مضمونها ان يتم ارسال كشف بأسماء المعلمين المساعدين الذين اكملوا الثلاث سنوات واستوفوا الشروط التربوى والرخصة الدولية للكمبيوتر ، ومن لم يستوفى هذه الشروط فسيتم فسخ عقدة تلقائيا انا مضيت عليها |
اقتباس:
فنحن فى ادارة واحدة |
مش هنروح المدرس من أول يوم في الترم الثاني حتى التعيين
|
ياريت يا شباب اخ يقول الخبر كامل
فية نشرة اتت للتثبيت مطلوب تربوي الرخصة الدولية ثلاث سنوات ..............ام هذة المتطلبات لم تطلب داخل النشرة يارت اخ يجاوب بما راة لا بما سمعة |
يا احمد يا قلانة
انا محمد فاروق انت مش واخد بالك من ابو الفاروق النشرة دى وصلت النهاردة بس مش مذكور فيها تثبيت كل اللى فيها يرقى كل من امضى ثلاث واستوفى الشروط الى وظيفة معلم اما من امضى ثلاث سنوات ولم يستوفى الشروط فسوف يتم الغاء التعاقد معة تلقائيا |
اقتباس:
يا باشا عرفتك انا شكيت فى الاول لما قلت ادارة قليوب والاسم ابو الفاروق بس لما تابعتك فى المنتدى أتأكدت فاكر موضوع لم يتم التعيين .. لكنى سعيد ههههههههههههه تسلم يا مان .. اشوفك على خير بإذن الله بس أعتقد يا محمد ان النشرة دى قديمة .. دى على ما وصلتكم شكلها اتحللت |
السلام عليكم
هذه اول مشاركة لى بالرغم من متابعتى لهذا المنتدى من فترة و من خلال قراءة اخبار حضراتكم فى الفترة السابقة استطيع ان اقول لكم ان خبر التثبيت الذى اعلنة الاستاذ احمد ليس صادق مع احترامى للاستاذ احمد و لكن كون انة يظهر فى ادارة دون اخرى او محافظة دون اخرى فهذا معناه انة كذب و اشعة غرضها التهدئة حتى وان كانت من الادارة و الدليل على ذلك عندما اعلن وزير الزراعة تعيين 95 الف متعاقد الخبر انتشر فى جميع انحاء الجمهورية و منها سوهاج و احد زملائى يعمل فى الزراعة استلم جواب التعيين لا اعرف لماذا الصمت الرهيب من المعلمين المساعدين فبالرغم من قيام عمال و موظفين فى وزارات اخرى بالاعتصام تطالب بالتثبيت و رفع الاجور مع انهم مرتباتهم اعلى مننا لماذا هذا الصمت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ |
اصل النشرة قبل ما تجلنا عدت الاول على المعتصمين فى ميدان التحرير وقعوا عليها بالعلم كلهم
هههههههههههههههههه بس النشرة فعلا جاية مش بتعيين لكن بترقية من معلم مساعد لملعم واللى مش مستوفى يروح ههههههههه زى التجنيد كدة اللى عندة اللتساق يروح ووحيد امة وابوة يروح |
قابلنا د/ هانى هلال وقال التثبيت لمن نجح فى امتحان الكادر
والله هذا ماحصل |
(الله المستعان) وميكنش اللي بيحصل مماطلة في الوقت لحد ماتتشكل الحكومة الجديدة
يارب أزل همنا وفرج كربنا |
يعنى بعد دة كلة مش عارفين الاسماء اللى مر عليهم 3 سنين والله و 43 الف اللى بيعلنوا عنهم من السنة اللى فاتت يكونوا مين حركة غريبة,http://www.thanwya.com/vb/life/icons/icon113.gif
|
ياجماعه كفايانا هبل بقى كفايه انا رايح يوم الاربعاء مع المعتصمين اللى هيروحوا ويا نيجى مثبتين يا ميتين ارحمونا ضربوا الاعور على عينه احنا مش اقل من اللى تعينوا احنا بقالنا 8 سنين متعاقدين وفى ناس من قبلى بسنين وفين كلام كلب الوزاره ابو سريع اللى قال ان التعيين الاسبوع اللى جاى كل النشرات اللى بتوصل المدارس مسكنات وسخه اتعودنا عليها والدليل انها مختلف من كل محافظه لتانيه مش بس كده ده مختلفه من اداره للتانيه انا اسف على الانفال بس حررررررررررررررررررام .
نحن لانملك الغاء قانون الكادر الان فعلى الاقل نطالب بالتثبيت ولو للناس اللى استوفوا علشان نقدر نفهم الليله هتمشى ازاى ولاخر مره ياجماعه افهموا كلام هانى هلال اكد كلامى من قبل ان وزير الماليه لم يقصدنا نحن فى التعيين لان كل اللى اشتغل حتى بالمكافاه الشامله كان بيفصل لو يوم واحد فبكده لاينطبق عليها القانون الثلاث سنوات بالاضافه الى ان المعلم المساعد معظمهم متعاقد فى تاريخ 1\7\2008 يعنى لو على كلام البيه يبقى مش هتعين غير محافظات الاقصر وماشابههم اللى عقدهم انتهى خلال ايام السنه الثالثه ودول عددهم قليل جدا ياجمه ارجوكم فقوا ولو لمره واحده الناس ده مش بتيجى غير بلوى الدراع وشكرا |
الف مبروووووووووووووك للجميع
|
الاخ الفاضل صاحب هذا الخبر
إدارة أوسيم اخر إدارة فى النيا كلها يجلها نشرات من ها |
الواحد مش عارف يقول ايه احنابسمع الكدبه ونصدقها
احنا فى إدارة أوسيم من أول ما ربنا خلقنا وما جاش منها خبر كويس ابد فلا تزعل منى يااخى احنا نعرف الادارة اكثر ( دا عشرت 16سنه ) ياما جت نشرات وصدقناها |
يارب سهل وعدي الأيام علي خير ويكون صحيح
|
| جميع الأوقات بتوقيت GMT +2. الساعة الآن 04:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.