|
ملخص لمكالمة الدكتور هانى هلال على الحياه الان
1- سيتم تثبيت كل من امضى 3 سنوات
2- لا يستطيع الغاء الكادر او الدبلوم لانه قانون 3- قرار التثبيت قرار وزير المالية وكان جرىء فى ذلك وقد حسبها قبل ان يقرر 4- من لم يستوفى الثلاث سنوات سيكملهم وبعد ذلك يتم تثبيته 5- هناك منح للمتفوقين فى الدبلوم 6- مازالت هناك مشاكل لم تحل بعد مثل الباب الاول من الدرجة المالية هو الاحق بالتعيين وليس الثانية او الثالثة او الرابعة اتمنى من الله ان يوفق الجميع |
يبقى محدش هثبت دلوقتى لاننا اتعاقدنا سنة 2008 مفيش فايدة بردة بيضحكوا علينا احنا مفروض بعد ما نجحنا فى الكادر واستوفنا جميع الشروط اننا نتعين
|
والل حرام بجد المفروض اللى امتحن يتعين واللى امضى 3 سنوات بردو يتعين ............
|
يعنى ايه منح للمتفوقين فى الدبلوم دبلوم التربية العام يعنى ولاالدبلوم الفنى ده معلش اصل ماشفتش المكالمة
|
اقتباس:
هذا هو قانون الوظيفة العامة وقرار وزير التنمية الادارية لسنة 1998 وصدرت قراراخر لوزير التنمية الادراية الذى تلاة وقام بالغاء هذا القرار المدعو احمد درويش 2- بالفعل لا يستطيع اولا لانة لا يوجد مجلس شعب يقوم بالتصديق على الالغاء وثانيا لانة ليس وزيرا للتربية والتعليم ولكن الاهم ان هذا كلام متناقض مع القانون ايضا 3- قرار التثبيت قرار وزير المالية وكان جرىء فى ذلك وهذا صحيح لان وزارة المالية هى التى تقرر الدرجات المالية الخاوية وتقوم بتسكينها بنائا على الميزانية الموجودة فى الخزنة 4- وهذا كما ذكرت فى النقطة الاولى قانون كان يعمل بية ولكنة اللغى منذ تولى احمد درويش وزارة التنمية الادارية 5- هناك منح للمتفوقين فى الدبلومة ( لما تبقى تعيينا الاول ابقى اتكلم على منح ) 6- مازالت هناك مشاكل لم تحل كلام فاضى لان القانون بيقول يعين من امضى ثلاث سنوات متصلة فى العمل فى الجهاز الادارى للدولة عند وجود اى دفعة تعيينات ويكون لة الاولية عن غيرة ويكون العقد على الباب اول اجور ( 3 مواسم ) وليس ( موسمين ) كما هو الحال فى عقودنا من الاخر كلام كلة متناقض جدا جدا جدا وهو لمجرد تهدئة الوضع العام للشباب كيف يقول من امضى ثلاث سنوات يتم تعيينة فورا وقانون الكادر ينص على انة من امضى عام فى وظيفة معلم مساعد استوفى الشروط يتم ترقيتة وتعيينة على درجة معلم او سنتين واستوفى الشروط الكلام اللى بيقولة دة مش على المعلمين المساعدين دة ينطبق على اللى متعاقدين فى الوزارات الاخرى وعدى عليها 3 سنوات او اكتر ولا يوجد لديهم قانون للكادر زى المعلمين المساعدين |
احلى حاجة منح المتفوقين
|
اقتباس:
جزاك الله كل خير أخي الفاضل كدا الأمور واضحة وان شاء الله خير بسي أسأل الفاهمين سؤال اللي تعينه من يوم 1/7/2008م بالعقد المميز وكان شغال قبل كده بالعقد 105 جنيه من 2005 موقفه أيه ؟؟؟؟؟ |
والاي سي دي ال
ايه موقعها |
اقتباس:
المعنى واضح جداً ومش محتاج توضيح يعني اللي معاه دبلومات أو بيحضر للماجستير أو معاه ماجستير أو دكتوراه بسي خوفي لا هاني هلال يخلع قبل الأسبوع |
اقتباس:
اى شغل سواء بالحصة او بالعقد العادى قبل 2008 يعتبر فى حكم اللاشىء رااااااااااح ذهب مع الريح |
اقتباس:
ازيك ياأبو الفاروق وحشني جداً جداً اللي تعينه بالعقد المميز من 1/7/2008م موقفه أيه دا كل الناس في التاريخ ده وضح لو سمحت |
أنا شغال بالعقد المميز من سنة 2005
|
برضةكلام فاضى ولا يخص المعلم المساعد لانه يتبع قانون اسمه الكادر ولا لغوا هذا القانون ومين اللى لغاه يجماعة مينفعشى الكلام ده عيزين استفسار عن المعلم المساعد اللى يتبع القانون ده كلام عايم لا يودى ولا يجيب الناس لازم يكون لها موقف ايجابى عن كدة ونروح لحد فاهم يجوبلنا عن استفسارتنا
|
اقتباس:
ان شاء الله أنته متعين متعين بسي 2005 مكنشي طلع فيها العقد المميز على حد علمي |
الحمد لله يا ابن الاكرمين علك تكون بخير
الكلام واضح اى عقود كانت قبل عام 2008 تعتبر ملغاة بالعقد الجديد اللى مضيتة فى 2008 اى ما قبل 2008 لا يعتبر من الثلاث سنوات هذا بنائا على كلام الاخ هانى هلال كلام هانى هلال بالاخص لموضوع الثلاث سنوات لا ينطبق علينا نحن كمعلمين مساعدين لان احنا لينا قانون خاص بينا يسمى بالمخفى قانون الكادر واللى بينص على انك بعد سنتين ترقى لمعلم وتتثبت اما 3 سنوات فدة يخص اللى متعاقدين فى وزارات تانية مثل الزراعة المالية الاتصالات ... الخ وامضو ثلاث سنوات او اكثر متعاقدين على الباب الاول اجور ( 3 مواسم ) احنا عقودنا على الباب الاول ( 2 موسم ) وبعد السنتين طبقا لقانون الكادر نترقى ونتعين يعنى من الاخر على كلامة انت لسة فاضلك4 شهور على التعيين علشان تكون كملت 3 سنوات |
رقم 6 يعني ايه مش فاهماه
|
اقتباس:
والله دة اللى عمال افهمهم فى من الصبح نحن نتبع قانون الكادر وخرجنا من قانون العمل الخاص بأى وزارة اخرى |
يا جماعه لو انطبق علينا قانون التثبيت بعد 3 سنوات يبقى مش شرط العقد المميز
لو انطبق علينا قانون الكادر يبقى اللى امتحن بس اللى يتثبت هم هيطبقوا علينا القانونين ولا ايه عشان ياخرونا كمان وكمان وده لو حصل يبقى ظلم . |
شكرات على الردود
1- جارة الوادى : منح للمتفوقين فى الدبلوم التربوى لانهم قالوا له مش قادين على تكاليفها مش زى ما انت فاهم يا ابن الاكرمين 2-ابو الفاروق: كلامك محترم جدا وينم عن فهم عميق للامور واتفق معك فى معظمها 3-رضا الوادى : مجابش سيتها وشكله مش عارفها وشكلها كدة لازق فينا القانون 155 ومش هيتغير 4- مدرسة الانجليش : دانتى حتى منى الشاذلى ام الفهم يعنى النتعاقدين ليهم ابواب اجور كتير وعشان نبقي معينين ونتثبت لاوم نكون على باب اول زى المثبتين بالضبط عشان تبقى ساهلة ماليا وانا علمت ان شيخ الازهر وضع كل المتعاقدين فى الازهر على الباب الاول اما التربية والتعليم فاظن ان هناك من يكون على الباب الاول وهناك لا مثل موظفى هيئة الابنية التعليمية على العموم مش عارفين الوزير هيدبرها ولا هيكنسلنا ده والله اعلم وشكله بردو يا جماعه مش مذاكر كويس وحتى هو قالها بنفسه شكرا لكم وبالتوفيق للجميع |
اقتباس:
|
ياجماعة انا اسفة جدا يظهر علي درجة الفهم عندي متاخرة شوية والله ماانا فاهمة حاجة من الكلام ده كل اللي انا فاهماه انهم بيماطلو ويلفو ويدورو علشان حتى لو عينو حد يكون اقل عدد ممكن وبعدين حضرتك متاكد من موضوع الازهر اللي اصبح المتعاقدين فيه على الباب الاول ده
|
اقتباس:
الكلام ده سمعته من رئيس الشئون القانونية بمنطقو سوهاج فى دورة تدريبية كانوا عاملينها لمدرسي الانجليزى وجه وعطا محاضرة وقال فيها انى شيخ الازهر اللى فات رحمه الله وضعكم فى باب اول اجور....ان شاء الله متاكد |
ياجماعه كفايانا هبل بقى كفايه انا رايح يوم الاربعاء مع المعتصمين اللى هيروحوا ويا نيجى مثبتين يا ميتين ارحمونا ضربوا الاعور على عينه احنا مش اقل من اللى تعينوا احنا بقالنا 8 سنين متعاقدين وفى ناس من قبلى بسنين وفين كلام كلب الوزاره ابو سريع اللى قال ان التعيين الاسبوع اللى جاى كل النشرات اللى بتوصل المدارس مسكنات وسخه اتعودنا عليها والدليل انها مختلف من كل محافظه لتانيه مش بس كده ده مختلفه من اداره للتانيه انا اسف على الانفعال بس حررررررررررررررررررام .
نحن لانملك الغاء قانون الكادر الان فعلى الاقل نطالب بالتثبيت ولو للناس اللى استوفوا علشان نقدر نفهم الليله هتمشى ازاى ولاخر مره ياجماعه افهموا كلام هانى هلال اكد كلامى من قبل ان وزير الماليه لم يقصدنا نحن فى التعيين لان كل اللى اشتغل حتى بالمكافاه الشامله كان بيفصل لو يوم واحد فبكده لاينطبق عليها القانون الثلاث سنوات بالاضافه الى ان المعلم المساعد معظمهم متعاقد فى تاريخ 1\7\2008 يعنى لو على كلام البيه يبقى مش هتعين غير محافظات الاقصر وماشابههم اللى عقدهم انتهى خلال ايام السنه الثالثه ودول عددهم قليل جدا ياجمه ارجوكم فقوا ولو لمره واحده الناس ده مش بتيجى غير بلوى الدراع وشكرا |
المعلم المساعد على الباب الاول فى الاجور
|
كله لف ودوران يعنى الدرجات المالية وقفت على وشنا احنا :022yb4:
|
يا جماعة المدد الى قبل ما ناخد العقد المميز سوف تضاف الى السنوات الثلاث
|
ايه يا خوانا الاحباط ده
يعنى اللى بيقول احنا لينا قانون للكادر رقم 155 لسنة 2007
حتى القانون نفسه كان ثبتنا من بدرى لاننا مستوفيين الشروط احنا حاليا ف 2011 ولم يتم حتى التثبيت طبقا لهذا القانون العجيب والذى جاء بعد جدل طويل ومحاولات عديدة للهروب من تطبيق اكذوبة كادر المعلم اللى ف الاخر رسى على 70 جنيه فقط لا غير بالنسبة للمعلمين المساعدين حتى الآن يعنى انا مش عارف هل القانون ده يصلح او لا يصلح ان شاء الله فيه تشريعات جديدة وان شاء الله هيكون فيه اعادة لهيكلة الاجور ف الدولة لاننا فى قاع المستوى المادى للمجتمع او تحت اعماق بعيدة جدا من مستوى الحياة الكريمة |
يا جماعة بالراحة على نفسكم وهنعف بعد قليل جدا من الايام ايه اللى هيحصل
|
والله حرام عليكم يلا نعملها زى غيرنا نفسى نصدق مرة ده مستقبلنا ومستقبل اولادنا مش عارف انتم عيشين فى كوكب تانى ولا ايه خليكم لحد ميطلع قرار يحيلنا جميعا على المعاش ونبقى اول الضحايا اتفقو على يوم ونروح كلنا والى ميروحش يتاخد ضده موقف
|
والله شكلنا هناخد خازوق في الآخر
|
هههههههههههههههههههه هو احنا لسة هناخد خازوق
|
حرام عليكم كل القطاعات حتي البنوك عملو مظاهرات...ايه الخوف و السلبية دي؟؟؟حرام عليكم فوقو باه....دكاترت الجامعة عملو اتصام...مكسوفين و خايفين من ابه
عايزين رفع المرتب و التعيين و الحوافز 100% اعتصام امام الوزارة يوم 16|2 |
ان شاء الله
|
طيب يا زعيم و اللي يكمل ثلاث سنين في شهر 10/2011 ينتظر الي العام المالي 2011/2012 ام يثبت في شهر 10
|
ياناس كل المكافاه الشامله باب اول اجور ارحموا الناس
|
هانى هلال ضرب عصفورين بحجر وقال باب اول اجور وثانى وثالث عشان نفضل نلف حولين بعض اسبوعين ثلاثة ونقول يعنى اية الكلام دة وهل احنا باب اول ولا ثانى لحد ما ييجى وزير للتربية والتعليم يشيل الليلة هانى هلال نفسة مش فاهم حاجة ولا يصلح وزير للتعليم العالى ده عاوز جماعة بتوع ذكر وموالد يلف معاهم ويظيط فى الظيطة . بس والله العيب علينا كمعلمين مش عارفين ناخد حقنا الموضوع محتاج اضراب عن العمل اول يوم دراسى والموضوع طبعا هيتقلب راى عام كل ولى امر يتكلم والموضوع يتحل . يا شباب مصر انتم مشيتوا رأس الافعى يعنى شدوا حيلكم شوية دى حاجات بسيطة . والله الموفق والمستعان
|
يا جماعة أنا شغال عقد مميز باب أول أجور من سنة 2005 ثم تم عمل معلم مساعد 2008ولعلمكم تاريخ تعييني في الادارة متسجل من 2005
|
| جميع الأوقات بتوقيت GMT +2. الساعة الآن 06:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.