|
ثورة المدرسين
فين المدرسين من هذه الثورة
مرتب زي الزفت كادر ظالم المدرسين اكسل فئة واللي بيحصل فيهم حلال الشرطة اللي قتلت الشعب خادوا في ساعات حوافز 100% اتحركوا حرام عليكم |
يا عزيزي كما يقول المثل أنت تؤذن في مالطة أو باللغة الدارجة أنت تحاول إيقاظ أموات
تلاقيهم مشغولين في كام حصة يا مؤمن أنا عامل استظلاع رأي منذ ثلاثة أيام عن المستقبل السياسي للمعلم ولم يجب على الإستطلاع سوى 23 عضو سلبييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييييييه |
انت بتنفخ فى قربه مخرومه......!!!!!
دا انا شفت مدرس من مدرسة غمرا الاعدادية مع البلطجية اللى اقتحموا المحلات فى اول يوم انسحبت فيه قوات الامن والشرطة ...........زز ما معنى ذلك .............؟ ومين يفسر ان القدوة للاجيال القادمة هو اللى يبقى مع البلطجبة اللى بيخربوا..... ما هى الظروف التى ادت الى ذلك؟؟؟؟ |
ثورة المدرسين
حاول معي وعندك حق
|
ربنا معاكم
يارب أعنا على الفساد والظالمين |
اهم حاجة النقابة دورو على نقيب محترم وانتخابات لينا حره تتطالب بحقنا
|
يا جماعة مش وقت الانهزامية والسلبية ده وقت الوقفة الجماعية اتحركوا ولو مجموعة صغيرة الكل هينضم لكم |
الله اكبر ولله الحمد
يلا يا معلمي مصر قولوا ارائكم في اصلاح التعليم في مصر يلا نحقق اللي كان حلم مستحيل يلا نبني بلدنا ونعمرها في صفحه علي ..facebook بعنوان teachers need change |
هام وعاجل لكل معلم
هذه هي الحقوق التي سنطالب بها الاربعاء امام النقابة العامة (الوقفة الثانية) 1زيادة الحد الادنى لاجر المعلم الى 2500جنيه اسوة بكل المهن الاخرى 2اختيار وزير التعليم من المتخصصين وليس من المتجسسين او المخبرين او الاطباء او المهنسين 3تثبيت المعلمين المتعاقدين 4الرعاية الصحية المجانيةوليس التأمين الصحي العقيم 5اسقاط مجالس النقابات الحرامية 6كرامة المعلم في معاملة اولياء الامور ومنع لجان المتابعة الفاشلة وعودة اللجان الفنية 7اصدار طابع المعلم 5جنيه يلصق على كل مكاتبات الوزارة ويدخل في المساهمة في رفع المعاناة عن المعلم متوقع ان يدر على المعلم 100مليون جنيه سنويا 8الغاء تدريب المعلم اثناء الدراسة وجعله في العطل 9زيادة اعانة الوفاة من300جنيه الى3000جنيه 10انشاء صندوق التكافل الاجتماعي ويمول من حصيلة طابع المعلم 11الاشراف القضائي على انتخابات النقابات والاعلان عنها في الصحف 12اصدار كتيب المعلم ليعرف كل معلم حقوقه الانتخابيةو النقابية 13 زيادة مكافاة الامتحانات الى 300يوم بدون حد ادنى 14الغاء موافقة امن الدولة على استمارة تعيين المعلم وترشيحه للنقابة شارك معنا لغد افضل للمعلم طرق المشاركة 1اتصل باكبر عددمن المعلمين للحضور يوم الاربعاء امام النقابة العامة 2صور المطالب ووزعها على الزملاء 3انشر المطالب على كل مواقع الانترنت المتاحة لك 4احضر للنقابة يوم الاربعاء القادم فهو يوم ميلاد المعلم اتصل /صور/ انشر/ احضر الوقفة السابقة كان العدد قليل نحتاج لدعمك معلمو مصر الشرفاء |
المعلمون فى غيبوبة
|
ان شاء الله نتقابل هناك لاصلاح حال المعلم ةالتعليم
|
وهل هذا هو الوقت المناسب أيها المعلم
فيجب أن نكون نحن الآن وفى هذا الوقت بالذات يجب ان نكون قدوة للناس لقد قال الله فى كتابه العزيز انما يخشي الله من عباده العلماء فنحن والحمد لله نقبض مرتب كويس نسبيا ودائما يجب على المعلم ان ينظر الى من هم اقل منه فانا مدرس على الدرجة الثانية مدرس مجالات وانما يجب فى هذا الوقت العصيب ان نقف على ارض صلبة اولا ولو كان هناك من يستحق هذه الثورة فهم العمال فى مدارسنا واظنكم تعلمون مدى التعب الذي يحل بهم من كنس الفصول وخلافه والمرتب بسيط |
فنحن والحمد لله قبضنا الكادر وماذا فعل
هل كل المدرسون يقومون بعملهم على اكمل وجه فنحن كنا طلبه ونعرف قيمة المعلم حتى اننا لم ناخذ درسا هل مع الكادر الدروس الخصوصية وانا ىسف ان كان ردى فيه بعض الغلظة |
هل منع الكادر الدروس الخصوصية
فنحن بالمدارس الثانوية نحاول بكل الطرق أن لايحضر الطلاب وبعضنا يقوم باعطاؤهم موعد للدرس الخصوصى فى نفس وقت المدرسة ولكن أين الضمير فصدقنى ان اولياء الامور يعطون أولادهم فلوس الدروس الخصوصية ويقولون حار ونار فى جتة المدرس |
ولو اني ضد اي وقفات لمطالب خاصة بجزء معين من الناس دلوقتي .. بس ياريت بس اي وقفة احتجاجية ماتضرش مصالح الناس سواء بقطع الشوارع او باي شكل .. وياريت تكون وقفات مش مسيرات .. وتكون عند اماكن مهمة ان شالله وزارة التربية والتعليم مادام هاتطالبو بحقكم بشكل سلمي ...
دلوقتي الهدف من اي وقفات ومظاهرات هو توصيل رسالة للقيادات وللناس بايه اللي محتاج يتغير في البلد ... مش اكتر .. لان الاعتراض والتغيير تم خلاص .. ودلوقتي في مرحلة البناء ... فياريت ناخد بالنا من دا عشان ف الاخر البلد تعمر مش تخرب :) |
الوقفه الإحتجاجيه لمعلمى مصر الشرفاء :
تقوم حركة ( المعلمون الأحرار ) بالتعاون مع حركة ( معلمون بلا نقابه ) بتنظيم وقفه إحتجاجيه سلميه أمام مديريات التربيه و التعليم فى جميع محافظات مصر و ذلك يوم الخميس القادم 17/2/2011 الساعه التاسعه صباحا" ... تقوم الوقفه الإحتجاجيه بتجميع مطالب المعلمين و تو صيلها بطريقه سلميه إلى المسئولين و التأكيد على ضرؤرة تنفيذ مطالبنا المشروعه و نحث الساده المعلمين الأفاضل على نشر و توعية زملائهم و أصدقائهم و أقاربهم من المعلمين الشرفاء على أن ينضموا للوقفه الإحتجاجيه فى جميع محافظات مصر ... و ذلك لإظهار روح التعاون و التأكيد على أن هذه المطالب هى للقاعده العريضه من الساده المعلمين و ليست من فئه قليله منهم ... ( و كلما زاد العدد زاد التأثير الإيجابى للوقفه ) ... مع العلم أنه قد تمت دعوة الساده الصحفيين من جريدة الدستور و الشروق و المصرى اليوم و الميدان و تمت دعوة قناة أون تى فى لتصوير الوقفه الإحتجاجيه فى الأسكندريه . و سيتم ترتيب كل شئ فى اليومين الحاليين .. و سيتم إعلامكم بكل ما هو جديد . و ننتظر تعليقاتكم |
معكم علي الدرب ان شاء الله
|
ربنا معانا ويمكن يعملوها
|
اللى عاوز يعمل وقفة بيعملها على طول انتوا لسه حتحكوا الناس بتتجمع وتطلع على طووووووووووووووووووول
والله خايه من وقفة بكرة دى لحسن يارب سلم وتتجمعواا |
يد الله مع الجماعة
|
الله اكبر ولله الحمد
بسم الله الر حمن الرحيم ( انما يخشي الله من عباده العلماء ) معنا للإصلاح معنا ضد الفساد ويد الله مع الجماعة هياهيا نكون قدوة للأجيال |
بسم الله الرحمن الرحيم السلام عليكم ورحمة الله وبركاته اللهم صل على سيدنا محمد وعلى آله وصحبه أجمعين اولا كما تتمنون ان يكون راتب المعلم اعلى راتب فانا ايضا ارغب بذلك لانى مدرس مثلكم لكن ايها الاخوه قبل البحث عن راتب ومعاش الافضل التفكير بمصلحه مصر فهى قبل كل شئ وما حدث من ثوره اعادت الكرامه لنا يفوق كل مال الدنيا فهل مال الدنيا يساوى كرامتنا وحريتنا لذلك فضلا ايها الاخوه النظر لما هو اسمى وليس ما هو ادنى النظر لمصلحه مصر وليس لمصلحه شخصيه فليس هذا هو الوقت المناسب للمصالح الفئويه فلنغلب الصالح العام على الخاص |
بحبك يا مصر
انا مدرس مثلك يا أخي وكنت مع الثورة ومن مشجعي الثورة والانقلاب ضد الظلم والظالمين ولكن أنا أفكر الآن في شئ أخر أكبر من أي شئ أخر وهو مصر بلدنا والمستقبل
يا أخي العزيز لو انصلح حال البلد أكيد حينصلح حالك ده مجرد رأي وتأكد يا أخي ان قبل كل شئ أني أحبك في الله |
اقتباس:
الله ينور عليك ويوصل كلامك للجميع وبارك الله فيك |
النقابة لازم تتغير وننتخب نقيب يجيب لنا حقوقنا بيتخصم مننا شهريا 7% من المرتب ومن المكافأة ورغم ذلك اللى بيطلع معاش بياخد 30 ألف بينما عامل فى الكهرباء بياخد 150 ألف لماذا هل مهمته كانت أهم من مهمة تعليم الأجيال طيب حتى نتساوى حاجة تغيظ مين يجيب لنا حقوقنا غيرنا لكن بكل ذوق واحترام لظروف البلد
|
وما موقف مدرسي الأزهر من هذا ؟ هل سيقفون مثلكم أم لا ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!
لأن حالهم قد يكون أسوأمنكم على الأقل |
يا جماعة الطلبات كلنا نتمناها
ولكن حالة البلد مش ناقصة |
كلنا نطلع يوم 17\2 للمطالبه باسقاط رموز الفساد فى التعليم والمطالبه بالحقوق الضائعة معاكم ان شاء الله
|
يعنى نترك الفساد فى تعيين مديرى الادارات ووكلاء الوزارة التابعين للنظام الفاشل
|
اقتباس:
أحسنتم قولاً ,, بارك الله فيكم جزيتم خيراً ,, يداً بيد لنرتقي جميعاً اجعلوا شعاركم "" لننطلق إلي العلا نأتي دووماً أولاً "" وربنا معاكم مدرسينا ومدرساتنا الكرام جزيتم خيراً .. |
نذيد ليه محنه كده كوسين
انت عوزين اية اكتر من كده المرتبات اقل حاجة 300 جنية كتتيييييييييييييييييييييييييييييير اوي مبعرفش اخلصه في ايه ولا ايه يوم 10 بيكون لسه في بعض القروششششششششششششششششششششش هههههههههههههههههههههههههههههههههههههههههههههههههه هههههههههههههههههههههههههههههههههههههههههههه |
اقتباس:
:frown: لا . لازم نقاوم الفساد والظلم نظام فاشل وفاسد الله يكون في عونكم , وياتي تغييرات جديدة ونظام كويس الله المعين .. |
أيها الأخوة المدرسون يجب أن نقف يدا واحدة ونطالب برفع الراتب (260) جنيهامصريا ونريد التثبيت وأرجو من السادة المدرسين المعينين الوقوف بجانب زملائهم حتى يعم الخير على الجميع فالمتعاقدون يدخلون الفصول ويشرحون يفعلون كل شىء مثل المعينين فأرجو التعاون والله الموفق
|
نعم يجب على كل معلم مخلص لبلده ان يراعى الله فى عمله ويؤديه بإتقان لان الوطن محتاج ذلك هذه الأيام
والتغيير للافضل قادم إن شاء الله فى كل النواحى بعد هذه الثوره المباركة |
اقتباس:
ربنا يبارك لكم, لازم الأخرين ياخذون حقهم , ويكون مرتبهم يكفيهم ليس كل مدرس مثل المدرس الأخر حسب الأسرة! الله يزيدكم مالاً وفيراً ويكفي كل شيء ياارب حفظكم الله يارب .. |
برجاء الصير عام حتى تتحسن احوال البلد ونعرف مين ريسنا وبعدين نطلب مش لازم كل شىء الان واللى صبرنا 30 سنة
يصبرنا سنة أو سنتين |
المطلب الاوحد والرئيس
اعتقد ان المطلب الاوحد يجب ان يكون
انتخاب نقابة حقيقة بمعنى المعلم يريد اسقاط النقابة اسقاط النقابة ووضع ميعاد لانتخاب نقابة جديدة فهذا مهم جدا فالنقابة الحقيقية ستحقق جميع مطالبنا نرى فى الخارج مثلا النقابات هى التى تحدد مواعيد الاضرابات ومطالب الفئة المسئولة عنها وتجتهد فى اصلاح احوالهم من مطالب مالية واجتماعية وادبية عديدة عديدة وتتخذ المواقف التى تشرفنا جميعا فى شتى المجالات هذا اصلاح على المدى الطويل يجب التركيز عليه ولن يكلف الدولة الان ولكن سيعود علينا بالنفع مستقبلنا ان شاء الله انا محتار :confused: انضم للوقفة واطالب بالحقوق المشروعة ولا اسمع كلام القوات المسلحة وبلاش وقفات لان الوضع لا يتحمل وانا زهقت من سماع الكلام وربنا يسترها ويولى من يصلح وان الله لا يصلح عمل المفسدين |
اقتباس:
التعاون و يد الله مع الجماعة .. |
انا مع الطلبات دي بس اهم حاجه فعلا ان كل مجموعه في المحافظه تعرف بعضها في الفتره اللي جايه .مش يروحوا يوقفوا وخلاص ونختار واحد من كل محافظه يبقي منظم لحركه المعلمين .وممكن حسب المديريه وبعدين المحافظه
بعدها نسحب الثقه من نقيب المعلمين . ونختار حد تاني واللي جاي يبقي فاهم لو نام في الخط حيمشي وفي ناس متابعه لانجزاته. بس لازم في الفتره الحاليه نستقر لحد اما الجيش ينظم الوضع وفي نفس الوقت نكون احنا كمان نظمنا صفوفنا |
ويبقي فيه ارقام تليفونات وايميلات للمنظمين معلنه ممكن تكون علي الفيس بوك
|
أرجو أيها الزملاء أن نجتمع في نادي نقابة المعلمين يوم الخميس القادم و يضع كل منا تصوره عن كيفية اصلاح منظومة التعليم كاملة و يتم بحث هذه الأفكار و كتابتها في صورتها النهائية و وضعاه على مكتب الفريق أحمد شفيق رئيس الوزراء أو ارسالها الى المشير طنطاوي و يتزامن ذلك مع عرض هذه الصورة على وسائل الاعلام و بعد ذلك نفكر في وقفات احتجاجية للاتصال 0101804660
|
الهم احفظنا وارحمنا
|
اقتراحى قبل الوقفه يا ريت يكون لنا تقيب يقودنا بحق مش على ورق يكون ليه صوت مسموع مش واحد صوته واجعه
نحن بدون قياده ولذلك حقوقنا مهضومه عايزين نقيب قوى عنده ضمير صوته مسموع يطالب بحقوقنا مين هو نقيب المعلمين ............... معرفش وكتير ميعرفش للاسف وللاسف ليه هو فعلا زى قلته يا ريت من النهارده اللى مش قد المنصب يسيبه فيه كتير غيره يقدرو يتحاورا ويطالبوا ويتفاوضوا اللهم ولى من يصلح |
السلام عليكم ورحمة الله وبركاته
الاخوة الافاضل ارى "وهذا راى شخصي" ان كل مشاكلنا نستطيع حلها اذا تم حل مشكلة واحدة فقط وهي " نقابة المعلمين " فاذا استطعنا النضال والدفع " كل من مكانه ومن مدرسته " في طريق اعادة النقابة المحجور عليها والتحكم في اموالها ممن يخشون الله وايديهم طاهرة فانا اعدكم باننا سنكون احسن فئة في المجتمع تحصل على خدمات افضل حتى من الجيش والقضاة والشرطة فاستغلال اموال النقابة بطريقة صحيحة لمدة ثلاث سنوات فقط من الممكن الا يجعل مدرس واحد في مصر يقيم في شقة مؤجرة ، كذلك نحصل على اعلى مستويات الرعاية الصحية في مستشفيات خاصة بنا ويكون لنا اندية في جميع المحافظات وكذلك شواطىء وشقق كافية للجميع للتصييف وانا اؤكد ذلك لسيادتكم جميعا وعلى استعداد لتولي هذه المسؤلية لله تعالى ومتطوعا ومستعد للمحاسبة المهم هو ان نضع ايدينا على نقابتنا ارجو للجميع التوفيق وارجو ردكم على ذلك اما مسالة الوقفات الاحتجاجية لمطالب فئة معينة فهذا ليس وقتها هذا وقت عمل جاد وتعاون مع الجيش والجميع لرفعة بلدنا الى المقام الذى تستحقه |
يعنى المدرسين كمان ليه ثورة والله لسة كان المستر بيقولنا النهاردة
واحنا كمان لازم نعمل ثورة يعنى جت علينا |
اعتقد الوقفه الاحتجاجيه الاربعاء ام ماذا
|
ياريت ننظم نفسنا اولا فى صفحة على الفيس بوك ونعرف بعض جيدا ونسق مع بعض
اي حاجة نويين عليها وربنا يوفقنا الى ما فيه الخير للجميع |
انا مش موافق خالص على فكرة المظاهرة دلوقتي
لاننا كدة نحاول استغلال ثورة الشباب اسوأ استغلال لمصالحنا الشخصية الفئوية لما كنا بنخطط لثورة 25 يناير كان هدفنا التخلص من الحرامية ولكن دلوقتي بلاش نضغط ع الجيش ولازم نديله فرصة يسلم البلد للسلطة المدنية المنتخبة وبعد كدة كل صاحب يطالب بحقه لكن دلوقتي مين هيسمع كلامنا اذا كان اصلا مافيش وزير تعليم والحكومة كلها برئاسة شفيق هتمشى قريب جدا ياريت بلاش المظاهرة دلوقتي واتمنى تكون رسالتي وصلت لكل مصري بيحب مصر |
أنا معاكم قلبا وقالبا لازم نتحرك فورا انطلقوا بسرعة
|
لازم كل الناس تحترم المعلمين مثل كل دول العالم
|
| جميع الأوقات بتوقيت GMT +2. الساعة الآن 03:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.