|
من مظاهرة اليوم 16/2/2011 امام الوزارة
انهاردة انا رحت المظاهرة عند الوزارة
العدد كان قليل لكن فعال يعنى الشارع اتقفل ومافيش عربية تعدى والصوت عالى ومسموع للكل نزل واحد من الوزارة واكد على ان الوزير اصدر فعلا قرار تعيين 43 الف معلم مساعد اللى هما اجتازوا الشروط وبالنسبة للى لسه ما امتحنش خايعلن الاسبوع القادم عن ميعاد الامتحان ليهم والباقى اللى لسه بالاجر هايدخلوا مكان الى اتثبتوا واللى لسه هايتثبتوا وقال ان مساعد اول الوزير مستعد للخروج للناس او دخول مجموعة ليحادثهم ولكن الناس رافضة الحوار معه نهائيا طبعا الناس كان ليهم مطالب تانية خالص وواضحة وهى التثبيت بدون اى شروط وللكل ورفع المستوى الاجتماعى للمدرسين وحل النقابة ومحاسبة الفاسدين بالوزارة وتحقيق العدالة الاجتماعية حيث ان مساعد الوزير يحصل على مكافأة سنوية تصل الى 100000 جنية وحال المعلم لا يسر عدو ولا حبيب وفى النهاية تم الاتفاق على ان يكون يوم الاحد القادم يوم اخر من التظاهر امام الوزارة ان شاء الله وبدء اعتصام مفتوح وعدم الذهاب للمدارس الا بعد تحقيق كافة المطالب ودى صورة من المظاهرة http://img809.imageshack.us/img809/2120/yossy033.jpg ودى صورة لمنشور كان بيتوزع بالمطالب http://img265.imageshack.us/img265/8798/yossy034.jpg وفيه فيديوهات هانزلها دلوقتى |
تسلموا يا رجاله
|
رجاله و الله
|
ربنا يوفقكم
|
يا جماعة لازم نروع يوم الاحد القادم وكل واحد ياخد معاه بطانية ويعمل حسابه انه هايبات احنا مش هانمشي إلا لما نتعيين كلنا كفاية عبودية أحنا شربنا الذل كفاية إن كل معلم متثبت كان بيعايرنا ويقول دا أنت بعقد لازم نطالب بحقوقنا ولا أحنا أقل من عمال هيئة النقل ولا أقل من رجال الشرطة الى أخدوا حقوقهم لازم نطالب بفصل التعين عن امتحانات الكادر مع المطالبة بزيادة المرتبات
|
اخوانى واخواتى امتحان الكادر وضع للترقى وليس للتعين اسوه بكادر الجامعات
لذلك لا نعلم لماذا الاصرار على ربط التثبيت باجتياز الامتحان لذلك نطالب جميعا بالتثبيت لكل المعلمين ثم اداء الامتحان |
تصريحات احد مسئولى الوزارة حول التثبيت
http://www.youtube.com/watch?v=4YXWDj2iR34 وهو هنا بيوضح ان فيه فرق بين المتعاقدين لدى التربية والتعليم حيث انهم يتبعون القانون 155 والمتعاقدون بالجهاز الادارى الدولة فى اى وزارة او مصلحة حكومية اخرى فهم يتبعون القانون 147 يعنى قرار التثبيت بعد مرور 3 سنوات لا ينطبق علينا ولكن لابد من اجتياز الشروط الخاصة بقانون 155 لكادر المعلم |
يا جماعةأرجووووووووووووووووووكم ندي فرصة للناس شوية
|
اقتباس:
شكراً على المجهود الكبير |
والله العظيم رجالة بس انا نفسى اللى بتعملوه ميخسرش مصر حاجة ويكون دة وقته بجد لانى معايا زميله فى المدرسة زوجها مسافر بقالو سنتين ومش عارف تسافرة لان ملهاش مرافق زوج ولا اجازات طبعا وبكده طبعا هتضطر تسيب الشغل او تستنى سنة كمانمع العلم انها بقالها سبع سنين بتشتغل علشان تتثبت فيا رب المظاهرات دى تجيب نتيجة ليها ولينا لحسن الواحد اتخنق
|
|
يعنى قرار التثبيت بعد مرور 3 سنوات لا ينطبق علينا ولكن لابد من اجتياز الشروط الخاصة بقانون 155 لكادر المعلم
|
أيوه .
|
طيب يا جماعة كلام نهائى انا مش فاهم الى دلوقتى لسه ما اخدش التربوى و icdl هيكون وضعه ايه و هو معلم مساعد هل عقد هيقف و لا هيتجدد لحين الحصول على الشهادات و شكرا
|
دة عنوان مشاركة لى باسم موضوع هام ( للتوضيح ) بتاريخ 10/2/2011</STRONG>
السلام عليكم دة موضوعى اول ما سمعنا عن موضوع الثلاث سنوات ومدى تعرضى للنقد من الزملاء http://www.thanwya.com/vb/showthread.php?t=285209 اخوانى الأعزاء نرجو أن نفرق بين موضوع تثبيت جميع العماله الموقتة فى الحكومه وبين التثبيت فى التربية والتعليم التربية والتعليم بعد صدور قانون الكادر فى مجلس الشعب فلا يطبق علينا قانون الثلاث سنوات بل القانون الى كلنا حفظناه وهو من يجتاز امتحان الصلاحية بعد عام من تعينه بالعقد ومن لا يستطع فا يمد له سنه اخر بعد سنتين من التعاقد يعنى كلهم ثلاث سنوات ولذلك من استطاع النجاح فى شهادة الصلاحية فى التربية والتعليم فاله الحق ومن لسه لم يستطع فا هيتاجل لحين حصوله على شهادة الصلاحيه يعنى بالعربى احنا لا يطبق علينا شرط الثلاث سنوات |
يعنى احنا هنتعين ولا لا انا زهقت منهم لله
|
يا رب نتعين
|
اقتباس:
بيأكد فيها ان الوزير اعتمد فعلا قرار تعيين ال43 الف اللى اجتازوا الشروط وتم ارسالها الى المحافظات http://www.youtube.com/watch?v=4YXWDj2iR34 وان اللى لسه ما امتحنوش هايتحدد الاسبوع اللى جاى ان شاء الله ميعاد امتحان ليهم "يعنى لازم اللى يتثبت يكون امتحن ونجح ومعاه icdl وتربوى لغير خريجى كلية التربية " ده اللى احنا عارفينه هو بقى نفى حكاية ال 3 سنوات اللى اعلن عنها وزير المالية وذكر انها لا تنطبق علينا ولكن تنطبق على متعاقدى باقى اجهزة الدولة |
تصدقوا والله بجد انا بكالوريوس تجارة واخدت دورات حاسب على حسابى وكمان lcdl ومتخرجة 2003 وبحلف انى بعلم المدرسة الاولى حاجات كتير لدرجة انى بزهق من كتر ما بلاقى الاكبر منى اللى محتاجة مساعدتهم مش موجودين وانتوا بتطلبوا بمنع تسبيتى عشان مش معايا دبلومة تربوى طيب انا مش معايا فلوس اخد تانى دبلومة ولما بجلس مع مدرسين فى التدريب بلقينى احسن منهم بكتير انا مدرسة حاسب آلى وفى اى تدريب بشرح ليهم مع اللى بيكون واقف يبقى بلاش بقى افترى وكل واحد يبص لحاله وبس وبلاش يقول لا بكالوريوس لا
وشكرا ليكم كتير بجد على فكرة مش بشكر فى نفسي بس انا شغالة بمدرسة خاصة 6 سنين 150 جنيه ولما جالى عقد حكومة الموجة مرديتش تخلينى اسيب الخاصة عشان مش اوقع المدرسة على قولها وبعد 3 سنوات رجعت قدمت فى ادارة تانية بعيد عن بيتى وادارتى عشان مش تقف تانى بطريقى ولسه واخدة العقد اخر شهر 9 وكمان لازم اعمل محو امية عشان تجديد العقد انا عندى 32 سنة وانتم بطلبوا انى اخرج طيب اشتغل فين وازاى انا مش عايزة غير ضمان انى اشتغل وبس مفيش حد يقولى خلاص عقدك انتهى بس فوس تانى مش هقدر ادفع بجد |
اقتباس:
انهاردة فى المظاهرة المصغرة امام الوزارة الكل كان بينادى الغاء الشروط والتثبيت للكل واللى انا كاتبه فى ردى اللى فوق على التربوى ده كلام واحد من موظفى الوزارة اللى طلع واتكلم مع المتظاهرين وكل الناس رفضت انها تكلمه او تكلم مستشار اول الوزير فيه أكتر من كده !! وعلى فكرة انا امتحنت ونجحت وكان فيه ناس كتير واقفه معانا برضه امتحنوا ونجحوا لكن لما اللى طلع كلمنا وقال ان اللى نجح اتثبت كل الناس دى ردت عليه بان الامتحان ده المفروض يلغى والناس كلها تتثبت بدون شروط وكل الناس هتفت فى نفس واحد ايد واحدة ايد واحدة -------------------------------------------------------------------------------------------------------------------------- وبدل الكلام لو الكل طلع يوم الاحد اللى جاى ان شاء الله اللى يقدر يوصل الوزارة يروح واللى مايقدرش يبقى عند المديرية بتاعته او الادارة بتاعته الاقرب ليه ويكتب مطالب تكون موحدة على مستوى الجمهورية كلها لو ده حصل ان متأكد ان ان شاء الله هايشيلوا القانون ده خالص ويعملوا كل اللى احنا عايزينه ---------------------------------------------------------------------------------------------------------------------- مع انى برضه شايف لازم المدرس يكون دارس تربوى لكن ممكن حلول اخرى غير الدبلومة المكلفة ---------------------------------------------------------------------------------------------------------------------- |
ربنا معاكم
واحنا معانا الحق وربنا مش هيضيعواااا |
اخى العزيز شكرا على ردك بس شوفت انت الورقة المكتوبة ومتوزعة بيطلبوا فيها الغاء الشروط وفى اخرها رجعوا قالوا لازم ناخد icdl وكمان تربوى
وانا مش عندى مانع انهم يدربونا على اى شئ بس منين اجيب 3000 جنيه عشان اخدها وفى الاخر الحمد لله انا قديرة فى المادة بتعاتى وبنمى نفسي فيها باستمرار يبقى لزومه ايه التربوى |
لقد سمعت الوزير يتحدث في احدى القنوات عن عمل تسهيلات و منح للذين لم يحصلوا على مؤهل تربوي بعد و هذا الوعد بصفته وزير للتعليم العالي .
بالنسبة لمن يطالب بالتعيين بدون شروط كامتحان الكادر و الرخصة الدولية فهذا لا أصل له لأن هناك قانون يتبعه الوزير و لا يستطيع أن يصدر قرار بالتعيين بدون سند قانوني كما أنه لا توجد درجات مالية حاليا على الأقل سوى لل 43 ألف معلم مساعد . إذن مع تحديد موعد جديد قريبا كما جاء أنه سيكون في الأسبوع القادم لامتحان من استوفوا الشروط و لم يؤدوا الامتحان أو من رسب في الامتحان السابق و أن مكان الذين سيتم تثبيتهم ستكون هناك عقود و تسهيلات لمن ينقصه التربوي و الرخصة الدولية أن الأمور قاربت على الانتهاء. ثم بعد أن يتم انعقاد مجلس شعب و انتخابه يتم عرض تعديل لهذا القانون يقضي بسرعة التعيين لمن يستحق و إلغاء مايعرف بالمكافأة بحيث يكون بحد أقصى سنة هي مدة التعاقد فإذا أثبت كفاءة يتم التعيين هكذا تورد الإبل و توضع الأمور في موضعها الصحيح . و إذا أردت أنت تطاع فأمر بما يستطاع |
اقتباس:
لكن معلش هى مطلوبة حضرتك مثلا كويسة لكن فيه غيرك محتاج انه يدرسها فهايبقى لازم تطبق على الكل لكن ليها حلول تانية زى تدريبات عليها للى شغالين فعلا او يتعمل تقييم ليهم من خلال شغلهم واللى محتاج تدريب يدخل التدريب الكلام ده كله ممكن نقوله بس اهم حاجه لازم نبقى ايد واحدة بجد ونطلع يوم الاحد اللى جاى ان شاء الله وباعداد كبيرة |
يا جماعة فية قانون عندنا اسمة الكادر والشروط اللى هو طالبها من تربوى والاى سى دى ال ومياضرشى يتخطاهم
مياضرشى يمتحن ناس ونس لاة لازم هيساوينا |
رجالة والله - يجب عدم ربط التثبيت بالاختبار لآن الاختبار للترقى وليس للتثبيت وربنا يوفقنا يوم الأحد القادم
|
ياتكم خ وووووووووووووووووووووووووو
|
اوك نبقى ايد واحدة وان شاء الله يوم الاحد فى سعد زغلول بس بلاش حكايه اشمعنى دى
اللى كل واحد يقول لازم نتساوى بالشهادات لو على الشهادات كتير واخدها ومش عارف عنها حاجة انا كنت بعلم خرجين حاسب آلى يعنى اللى تخصصهم ومش فهمين لانها شهادة والسلام عكسى انا اللى جريت وراء الشهادة عشان اخدها وطبعا موفقاك على انه يتم تقيمنا على الاقل اخد حقى |
محو الامييييييييييية ؟؟؟؟؟؟؟؟؟؟شرط فى العقد بتاع 2009
ايه الحل |
و الله كل ده بسبب الوزير احمد افندي ابو بدر ربنا ينتقم من كل من تسبب فى تاخير التعيين
|
والله وعملوها الرجالة وربنا يرحم شهدائنا اللى نورو سماء مصر امامنا وامام العالم
|
يا جماعة الدستور بحالة هيتغير يبقي ما نقدرش نغير قانون
|
حلوة قوي موضوع ان مفيش عربية عرفت تعدي دي
برافو عليكوا والله ربنا يبارك وتعطلوا الناس اللي رايحة مصالحها ومش فارقة ما بالحال ده هنعطل البلد كلها ولا يبقى في تعيين ولا تثبيت ولا حتى مرتب أخر الشهر. يا جماعة ندي فرصة ووقت للناس تشتغل ولو ماكانش في نتيجة يبقى نعمل أعتصام أو اضراب يوم وسط الدراسة ويكون حتى مفعوله أقوى لكن دلوقتي الأعتصام مالوش اي لزوم لعدم وجود وزارة وبيعمل شوشرة بالكدب وتعطيل لحال البلد. والله كلامي ده لوجه الله ولصالح وطن انا متعاقد وبقالي سنتين ونص شهر 7 أكمل 3 سنين وحاصل على الكادر وكمان icdl من 2005 بس بخاف على بلدي ومش بحب أسلوب التظاهر الغوغائي وسد الشوارع ومنع السيارات في حاجة اسمها ثقافة التظاهر |
رغم اني ضد المظاهرات لكن سياسة الوزراء في مصر مستفزة
امتحانات الكادر اكبر جريمة ترتكب في حق المعلم صرف كام مليون في اعداها وفي الاخر اي النتاج العلمي اللي عاد علي المدرس .. صفر دا غير ان اصلا ماكانش فية امتحان انا كنت هناك وشوفت بنفسي التهريج اللي كان بيحصل ...................... الكادر = فلوس يعني الدولة هتزعل اللي حصل اني هم بيدورا علي الفلوس فجاءات فكرة الكادر مرتبط بامتحان ....... الموضوع دا يطول شرحة المهم ان موش المقصود من الكادر رفع مستوي المعلم المهني ابدااااااااااا |
| جميع الأوقات بتوقيت GMT +2. الساعة الآن 08:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.